ᐊᐱᕐᓱᑕᖅ ᒪᕆ-ᐁᕝ ᓚᓂᐊ-ᐳᓭᓐ

ᓱᓇᒥᒃ ᐱᓇᓱᒐᖃᕐᕿᑦ: ᐋᓐᓂᐊᓯᐅᕐᑎᒃ, ᓄᓇᓕᐅᑉ ᐋᓐᓂᐊᕕᖓᓂ
ᓇᓂ ᐱᓇᓱᓲᖑᕕᑦ? ᐃᓅᓕᑦᓯᕕᒃ ᐋᓐᓂᐊᕕᖓᓂ, ᒫᓐᓇᐅᑎᓪᓗᒍ ᐅᒥᐅᔭᐅᑉ ᐋᓐᓂᐊᕕᖓᓂ
ᖃᑦᓯᓂᑦ ᐊᕐᕌᒍᕐᓂᑦ ᐋᓐᓂᐊᓯᐅᕐᑎᐅᓕᕐᕿᑦ: 4ᑲᓴᓐᓂᑦ ᐊᕐᕌᒍᕐᓂᑦ ᐅᑭᐅᕐᑕᑐᒥ, 10ᓂᑦ ᐊᕐᕌᒍᕐᓂᑦ ᐋᓐᓂᐊᓯᐅᕐᑎᐅᓱᖓ
 
ᒪᕆ-ᐁᕝ ᓚᓂᐊᓪ-ᐳᓭᓐ ᐊᕐᕌᒍᐃᑦ 10 ᐅᖓᑖᓂ ᐋᓐᓂᐊᓯᐅᕐᑎᐅᓯᒪᓕᕐᑐᖅ. ᓄᓇᕕᒻᒥ ᐋᓐᓂᐊᓯᐅᕐᑎᐅᓱᓂ ᐊᕐᕌᒍᓂᑦ ᓯᑕᒪᓂ. ᐃᑦᔭᕋᑦᓴᓯᐊᖑᖕᖏᓛᖅ, ᐊᐅᑳ? ᑐᓵᓯᕗᒍᑦ ᒪᕆ-ᐁᕝ ᐱᓇᓱᓐᓂᕆᖃᑦᑕᓯᒪᔭᖏᓐᓂᑦ ᐊᑑᑎᓯᒪᔭᖏᓐᓂᓗ

ᒪᕆ-ᐁᕝ ᓚᓂᐊᓪ-ᐳᓭᓐ, ᓱᒐᒥ ᓄᓇᕕᒻᒥ ᐱᓇᓱᒍᒪᓐᓂᕿᑦ?
ᐱᐊᕋᐅᑦᓱᖓ, ᐊᑖᑕᒐᓂᒃ ᐳᕌᕆᐊᕈᓐᓇᓯᒪᒐᒪ ᐊᒥᓱᕕᑦᓱᖓ ᐱᓇᓱᑦᑎᓗᒍ ᕋᑎᓴᓐᒥ, ᓚᑯᕋᓐᑦ, ᐋᓐᓂᐊᓯᐅᕐᑎᕈᒐᒪ, ᑕᒫᓂ ᐋᓐᓂᐊᓯᐅᕐᑎᐅᒍᒪᓯᒪᕗᖓ ᑌᒪᖕᖓᓂᐊᓗᒃ. ᐊᕐᕌᒍᐃᑦ ᓯᑕᒪᐅᒋᐊᕕᒃᑯᑦ ᓄᓇᓕᐅᑉ ᐋᓐᓂᐊᕕᖓᓂ ᐱᓇᓱᑦᓱᖓ ᐋᓐᓂᐊᓯᐅᕐᑎᐅᓱᖓ, ᓄᓇᓕᐊᕈᖓᓂ ᐅᒥᐅᔭᕐᒥ.

ᐋᓐᓂᐊᓯᐅᕐᑎᐅᓱᑎᓗ ᐊᒥᓲᓂᕐᓴᓂᑦ ᐱᒍᓐᓇᑕᖃᕐᓱᑎᑦ, ᓱᓕᔫᖅ?

ᐋᐊ, ᐱᒋᐊᕐᓯᒪᕗᖓ ᐅᑭᐅᕐᑕᑐᒥ ᐳᕕᕐᓂᑐᒥ ᐃᓕᓐᓂᐊᕆᐊᓪᓚᓚᐅᕐᓇᖓ ᐊᒥᓲᓂᕐᓴᓂᑦ ᐱᒍᓐᓇᑕᖃᕈᓐᓇᐅᑎᒥᒃ. ᐊᑐᐃᓐᓇᐅᔪᖅ; ᐃᓕᓐᓂᐊᓂᖅ ᓯᕕᑐᓂᓕᒃ ᑕᕐᕿᓕᒫᑐᐃᓐᓇᒥᒃ. ᐱᐅᔪᕋᑕᖅ ᐃᓕᓐᓂᐊᕆᐊᓪᓛᕈᒪᔪᓄᑦ! (ᑲᔅᓕᓐ 1)  ᐱᓇᓱᓐᓂᖅ ᐊᒥᓲᓂᕐᓴᓂᑦ ᐱᒍᓐᓇᑕᖃᕐᓱᓂ ᐊᑦᔨᐅᖏᓐᓂᓴᐅᔪᖅ ᐊᖏᔪᒥ ᐊᓐᓂᐊᕕᒻᒥᑐᓄᑦ ᐋᓐᓂᐊᓯᐅᕐᑎᒪᕆᒃ ᐅᕙᑦᑎᓄᑦ ᖃᓂᑦᑑᖏᒻᒪᑦ, ᓄᓇᓕᒻᒥ, ᑲᒪᒋᓴᕐᓂᖃᕐᑎᓗᑕ. ᑲᒪᒋᔭᖃᓲᖑᕗᒍᑦ ᐋᓐᓂᐊᓯᐅᕐᑕᕗᓐᓂᑦ, ᐋᓐᓂᐊᓯᐅᑎᑦᓴᖏᓐᓂᑦ  ᐱᒋᐊᕐᑎᓯᑦᓱᑕ ᖃᓄᐃᓗᕈᓯᕐᓂ ᒪᓕᑦᓱᑕ, ᐋᓐᓂᐊᓯᐅᕐᑕᐅᑉ ᖃᓄᐃᓕᖓᓂᖓ ᐃᑉᐱᒋᑦᓱᒍ ᐃᓄᓯᖓ ᒪᓕᑦᓱᑕᓗ ᐱᒍᑦᔨᕕᐅᑉ ᐋᓐᓂᐊᓯᐅᕆᒍᓯᖏᓐᓂᑦ ᒪᓕᒐᖏᓐᓂᑦ. ᑭᓪᓕᓂᑦ ᒥᕐᓱᓃᑦ, ᐅᑦᑑᑎᒋᓗᒍ.
 

ᓱᓇᒥᒃ ᓇᑯᕆᔭᖃᕐᕿᑦ ᐱᓇᓱᖃᑎᑎᓐᓂᑦ?

ᓭᒪᓂᖅ ᐱᓇᓱᖃᑎᒌᑦᓱᑕ - ᐃᓚᒌᑦᑑᔮᕐᑐᒍᑦ - ᐱᓇᓱᖃᑎᒋᑦᓱᑕᓗ. ᑖᒃᑯᐊ ᐱᓇᓱᖃᑎᒋᖕᖏᑯᒃᑭᑦ, ᓯᑕᒪᑲᓇᓐᓂᑦ ᐊᕐᕌᒍᓂᑦ ᑕᒫᓂᒐᔭᕐᓂᖏᑦᑐᖓ. ᓯᕗᓪᓕᒥ, ᐊᕐᕌᒍᓕᒫᑐᐃᓐᓇᒥᒃ ᑕᒫᓂᒋᐊᖃᓯᒪᕗᖓ.  ᐊᒥᓱᓂᑦ ᐅᖁᒣᑦᑐᑲᓪᓚᑎᒎᓱᖑᕗᒍᑦ ᐊᑯᓂᐅᓪᓗᐊᖏᑦᑐᒥ, ᐃᓅᖃᑎᒌᑦᓱᑕ ᓄᓇᓕᐊᕈᕐᒥ. ᐊᒥᓱᑦᓱᑕ ᐳᑦᑕᔪᕐᑎᑐᑦ ᖃᖓᑦᑕᑯᕕᓂᐅᔮᕐᓱᑕ ᐅᑦᑐᕋᑦᓴᒥᒃ ᐆᑦᑐᓱᑕ ᐅᑭᐅᕐᑕᑐᒧᕐᓱᑕ, ᑖᑦᓱᒥᖓᑦᓭᓇᖅ ᑐᕌᒐᖃᕐᓱᑕ: ᐊᑑᑎᓚᐅᕐᓯᒪᖕᖏᑕᕗᓐᓂᑦ ᐊᑑᑎᒐᓱᑦᓱᑕ ᐋᓐᓂᐊᓯᐅᕐᑎᐅᔪᒍᑦ ᖃᐅᔨᒋᐊᕐᓗᒍ ᓄᓇᖁᑎᖓ ᐊᑦᔨᐅᖏᑦᑐᓗ ᐃᓗᕐᕈᓯᖓ. (ᑲᔅᓕᓐ 2)
 

ᐃᓕᓐᓄᑦ, ᓱᓇᐅᕙᑦ ᐃᓱᐊᕈᑎᖏᑦ ᐱᓇᓱᓐᓂᓂ ᐅᑭᐅᕐᑕᑐᒥ?

ᐃᓚᓐᓈᓕᐅᕐᓂᐅᑉ ᐊᓯᖏᓐᓂ ᐱᒍᓐᓇᓯᓯᒪᔪᖓ, ᓇᑯᕐᓴᓂᖅ ᐱᓇᓱᒐᕐᒪ ᖃᖓᐅᓕᕐᐸᑦ ᐱᓇᓱᓐᓂᕆᒋᐊᓕᒃᑲᓂᑦ. ᐃᒻᒥᓂᒃ ᑐᑭᑖᕐᓯᒪᑦᓱᖓ ᐱᓇᓱᐃᓐᓇᓕᒫᓂᐊᖕᖏᓂᕋᓂᑦ, ᐱᓇᓱᓲᖑᕗᖓᑕᒐ ᑕᕐᕿᑕᒫᑦ ᐱᓇᓱᑦᓱᖓ ᐱᓇᓱᖕᖏᑑᓚᐅᕐᑐᒥᑦᓱᖓ (ᓯᑕᒪᓂᑦ ᑕᓪᓕᒪᓄᑦ ᐱᓇᓱᐊᕈᓯᕐᓂᑦ ᐱᓇᓱᑦᓱᖓ ᐊᒻᒪᓗ ᓯᑕᒪᓂᑦ ᑕᓪᓕᒪᓄᑦ ᐱᓇᓱᐊᕈᓯᕐᓂᑦ ᕿᑲᕐᓱᖓ), ᐅᕝᕙᓗᓐᓃᑦ ᐱᖓᓲᔪᕐᑐᓂᑦ ᑕᕐᕿᓂᑦ ᐊᕐᕌᒍᓕᒫᒥ. ᓯᓚᒦᒋᐊᒥᒃ ᐊᓕᐊᒋᔭᖃᕈᕕᑦ ᐅᕙᖓᑎᑐᑦ, ᐊᓃᖏᓐᓇᓕᒫᕈᒥᓇᕐᑐᖅ ᐅᑭᐅᕐᑕᑐᒥ. ᓄᓇᖓ ᐊᖏᔪᒻᒪᕆᒃ ᓄᓇᖁᑎᖓᓗ ᐃᓕᕝᕕᒋᖏᓐᓇᓕᒫᕐᓇᓱᓂ. ᐱᓇᓱᑦᑐᐅᓂᕐᒧᑦ ᐱᕕᑦᓴᓕᒃ ᐱᕕᑦᓴᓕᒻᒪᕆᐅᑦᓱᓂᓗ ᐊᑦᔨᒋᖕᖏᑐᓂᑦ.
 

ᐅᓂᒃᑲᐅᑎᖕᖓ ᐊᑕᐅᓯᕐᒥᒃ ᐊᑑᑎᓯᒪᔦᓂᑦ ᐋᓐᓂᐊᓯᐅᕐᑎᐅᓱᑎᑦ ᐅᑭᐅᕐᑕᑐᒥ.

ᐊᐅᓚᔨᖏᓐᓇᓕᒫᓲᖑᕗᖓ ᐃᓚᖓᑦ ᐋᓐᓂᐊᓯᐅᕐᑕᕋ ᐱᐊᕋᕐᑖᑎᓪᓗᒍ ᓄᓇᓕᐅᑉ ᐋᓐᓂᐊᕕᖓᓂ, ᓄᓇᓕᐊᕈᕐᒥ, ᐃᕐᓂᓱᑦᓰᔨᖃᕐᑎᓇᒍ ᐋᓐᓂᐊᓯᐅᕐᑎᒪᕆᖃᕐᑎᓇᒍᓗᓐᓃᑦ. ᐅᕙᒍᑦ ᑭᓯᐊᓂ, ᓯᑕᒪᐅᑦᓱᑕ ᐋᓐᓂᐊᓯᐅᕐᑎᐅᓱᑕ. ᑌᑲᓂ ᐅᓐᓄᓴᖓᓂ ᐊᑦᓴᓂᖃᓚᐅᕐᓯᒪᔪᖅ. (ᑲᔅᓕᓐ 2). ᑖᒪᒃᑯᐊ ᐊᑦᔨᖃᖕᖏᓗᑐᕐᑐᑦ ᐊᑑᑎᔭᐅᔪᓂᑦ. ᐊᓂᕐᕋᒦᑦᑐᓄᑦ ᐋᓐᓂᐊᓯᐅᕐᑎᐅᓯᒪᒋᕗᖓ ᐃᓚᒌᓂᓗ ᐃᑲᔪᕐᑎᐅᓱᖓ. ᐃᓚᒌᑦ ᐊᓂᕐᕋᖓᓅᕋᒪ, ᓇᑎᕐᒥ ᐃᑦᓯᕙᑦᓱᑎᑦ - ᑌᒫᒃ ᐃᓄᐃᑦ ᓂᕆᓂᐊᕐᑕᒥᓂᑦ ᐊᑐᐃᓐᓇᕈᕐᑎᓲᑦ, ᐃᑦᓯᕙᖃᑎᒌᑦᓱᑎᑦ ᐊᒻᒪᓗᑭᑕᐅᓕᖓᑦᓱᑎᑦ - ᓂᕐᓕᕕᓂᕐᒥᒃ ᐆᑦᓯᑐᕐᓱᑎᑦ ᓂᕐᓕᑕᐅᕋᑖᕐᑐᒥᒃ. ᐅᐱᒍᓱᓯᒪᔪᑦ ᑕᑯᑎᑦᓯᒋᐊᒥᒃ ᐅᕙᓐᓂᑦ!
 

`ᓇᑯᕐᒦᒃ ᓚᓲᑦ ᐃᓄᒃᑎᑐᑦ ;)

ᐱᓇᓱᒉᑦ: ᐃᓅᓱᑦᑐᓂᑦ ᓴᐳᒻᒥᔨᒃ (YCJA)
ᐊᕐᕌᒍᐃᑦ ᐱᓇᓱᓐᓂᕆᓕᕐᑕᑎᑦ: ᐱᖓᓱᐃᑦ ᐊᒻᒪᓗ ᐊᕐᕌᒍᓕᒫᒥ ᕿᑎᕐᖃᖓᓂᓗ ᐅᑭᐅᕐᑕᑐᒥ, ᑕᓪᓕᒪᓂᑦ ᐃᑲᔪᕐᑎᐅᓂᕐᒧᑦ
ᐱᓇᓱᕝᕕᒃ: ᐃᓅᓕᑦᓯᕕᒃ ᐋᓐᓂᐊᕕᒃ


ᒨᑦ-ᐃᒥᓕ ᑐᕈᓓ-ᖑᕗᖓ ᐱᓇᓱᑦᑎᐅᓕᕐᖁᖓ ᓄᓇᕕᒻᒥ ᐊᕐᕌᒍᓂᑦ ᐱᖓᓱᓂᑦ ᕿᑎᕐᖃᖓᓂᓗ ᐳᕕᕐᓂᑐᒥ. ᓄᓇᓕᓕᒫᖏᓐᓂ ᑕᓯᐅᔭᕐᔪᐊᒥ ᐊᕐᕕᑕᕐᓯᒪᑦᓱᖓ ᑖᒃᑯᓇᓂ ᐊᕐᕌᒍᕐᓂᑦ. ᐱᓇᓱᑦᑎᐅᓯᒪᕗᖓ ᐊᕐᕌᒍᕐᓂᒃ ᒪᕐᕉᓂᒃ ᑲᒪᒋᔭᖃᕐᓱᖓ/ᑲᒪᒋᔭᐅᒋᐊᖃᕐᐸᑕ ᐃᓅᓱᑦᑐᐃᑦ ᓴᐳᒻᒥᔨᖏᓐᓄᑦ ᑲᒪᒋᔭᐅᑎᑦᓯᖃᑦᑕᓱᖓ ᐱᓇᓱᒐᕋᓂᒃ ᐊᓯᑦᔩᓚᐅᕐᓇᖓ ᐃᓅᓱᑦᑐᓂᑦ ᐱᒍᑦᔨᔨᐅᓚᐅᕐᓇᖓ ᐃᓅᓱᑦᑐᓂᑦ ᐱᖁᔭᑎᒍᑦ ᐱᓂᕐᓗᑐᕕᓂᕐᓂᑦ ᑲᒪᔨᐅᑦᓱᖓ. ᑌᑲᓂ ᐱᓇᓱᑦᑎᐅᓯᒪᒋᕗᖓ ᐋᓐᓂᐊᓯᐅᕐᑕᐅᒋᐊᓕᓐᓂᑦ ᐊᑕᐅᑦᓯᑯᓕᕐᑎᓯᔨᐅᑦᓱᖓ ᑲᒪᒋᔭᐅᒋᐊᓕᓐᓂᑦ ᐊᒻᒪᓗ ᑲᒪᒋᔭᖃᕐᓱᖓᓗ ᕿᒥᕐᕈᔭᐅᒋᐊᓕᓐᓂᑦ/ᑲᒪᒋᔭᐅᒋᐊᓕᓐᓂᑦ ᐊᒥᓱᓪᓗᐊᖏᑦᑐᓂᑦ ᑕᕐᕿᓂᑦ.
 

ᖃᓄᐃᓕᖓᓲᖑᕙ ᐅᓪᓗᓕᒫᒥᐱᓇᓱᑦᑎᓗᑎᑦ?

ᐊᓯᑦᔨᑲᑦᑕᓂᓕᐹᓘᓲᖅ ᐊᑦᔨᒋᖕᖏᑐᓂᓗ ᐊᑑᑎᔪᖃᕐᓱᓂ ᖃᐅᑕᒫᑦ. ᐃᓅᓱᑦᑐᓂᑦ ᐅᖄᕕᖃᓲᖑᕗᖓ ᐃᑉᐱᒋᑦᓱᒋᑦ ᑲᒪᒋᔭᐅᒍᑎᒋᒋᐊᓕᖏᑦ, ᒪᓕᑦᓯᐊᕋᓗᐊᕐᒪᖔᑕ ᒪᓕᒐᑦᓴᒥᓂᑦ ᐱᓂᕐᓗᕈᑎᕕᓂᖏᓐᓄᓕᖓᔪᓂᑦ, ᓄᓇᓕᒻᒥ ᐱᓇᓱᑦᓯᐊᕋᓗᐊᕐᒪᖔᑕ ᑮᓇᐅᑦᔭᓴᕋᑎᑦ, ᐱᓂᕐᓗᑌᓕᒪᓂᕐᒥᒃ ᐱᓇᓱᑦᑎᒥᒃ ᑲᑎᓯᑦᓯᐊᖃᑦᑕᒪᖔᑕ. ᐊᒥᓱᓂᑦ ᐱᓇᓱᐊᕈᓯᕐᓂᑦ ᐱᖁᔭᓂᑦ ᓱᒃᑯᐃᓂᕕᓂᕐᒧᑦ ᐃᕐᖃᑐᐃᓂᖃᕐᑎᓗᒋᑦ, ᓄᓇᓕᓐᓄᑦ ᐊᕐᕕᑕᓲᖑᕗᖓ ᐱᓇᓱᖃᑎᖃᕐᓱᖓᓗ ᐱᖁᔭᓕᕆᔨᓂᑦ ᑐᑭᑖᕆᔨᓂᓗ ᑲᑎᓯᖃᑦᑕᒥᑦᓱᖓ ᐃᓚᖏᓐᓂᑦ ᐃᓅᓱᑦᑐᓂᓗ. ᑐᑭᓯᑎᑦᓱᒋᑦ ᖃᓄᖅ ᐱᖁᔭᓕᕆᓂᖅ ᐊᑑᑎᓲᖑᒻᒪᖔᑦ. ᐊᓪᓚᒍᑎᖃᕐᓱᖓ ᐃᕐᖃᑐᐃᕕᒻᒥ ᑐᑭᑖᕈᑎᐅᓚᐅᕋᓂ ᐊᓪᓚᑕᐅᒪᒍᑎᖏᓐᓂᑦ ᐃᕐᖃᑐᐃᕕᒻᒧᑦ ᐱᔭᐅᓯᒪᒋᐊᓕᓐᓂᑦ ᐅᓐᓂᑑᑎᓕᐅᕈᑎᓂᑦ ᐃᓅᓱᑦᑐᐃᑦ ᐱᓂᕐᓗᒍᑎᕕᓂᖏᑦ ᓱᓕᓂᕋᕐᑕᐅᐸᑕ ᐱᖁᔭᓂᑦ ᓱᒃᑯᐃᓂᕕᓂᕐᒥᓄᑦ. ᑲᒪᒋᐊᓪᓛᓱᖑᒻᒥᓱᖓᓗ ᑎᒍᔭᐅᒪᕕᒻᒦᑐᓂᑦ ᐃᓅᓱᑦᑐᓂᑦ ᐱᓇᓱᐊᕐᑎᓗᒋᑦ ᐅᑎᕐᐸᓕᐊᓂᑦᓴᒥᓄᑦ ᓄᓇᓕᒻᒥᓄᑦ.

ᐊᓯᖏᓐᓂᑦ ᐱᓇᓱᒐᕐᒪ ᐃᓅᓱᑦᑐᓂᑦ ᑲᒪᒋᔭᖃᕐᓂᓄᑦ, ᐃᑲᔪᕐᓯᓲᖑᒋᕗᖓ ᐱᓇᓱᖃᑎᒃᑲᓂᑦ ᐅᐃᒪᓇᕐᓯᔪᖃᑐᐊᕐᒪᑦ. ᐅᐃᒪᓇᕐᓯᔪᖃᕐᐸᑦ ᐃᑲᔪᕐᑕᐅᒋᐊᓕᓐᓂᑦ ᐃᑲᔪᕐᑎᐅᒥᑦᓱᖓ ᕆᐊᖃᓕᕈᒪ.
 

ᖃᓄᖅ ᐅᖃᕈᑎᒋᒍᓐᓇᑌᑦ ᐊᑑᑎᓲᑎᑦ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓂ ᓄᓇᕕᒻᒥ?

ᑲᒪᒋᔭᐅᔪᖃᓕᕐᒪᑦ ᐊᑦᔨᒋᖕᖏᑐᐃᑦ ᑲᒪᒋᔭᖃᓲᖑᕗᑦ ᐅᐃᒪᓇᕐᓯᓯᒪᔪᓂᑦ. ᐃᑲᔪᕐᓯᓱᑕ ᐃᓚᒌᓂᑦ ᓄᓪᓚᖓᑐᐃᓐᓇᖏᑦᑐᓂᑦ, ᐊᑦᑕᓇᕐᑐᒦᑐᐃᓐᓇᕆᐊᓕᓐᓂᑦ. ᐅᕙᑦᑎᓄᑦ ᓅᑦᑎᓗᒋᑦ, ᐃᑉᐱᓂᐊᕐᓂᖃᕐᓱᓂ ᐊᒥᓱᓂᑦ ᐱᒍᑦᔨᔭᕗᑦ. (KP(1) ᐊᑯᓂᒐᓚᒃ ᓄᓇᓕᒻᒧᑦ ᐃᓅᖃᑎᒌᔭᐅᑦᓯᐊᓕᕐᑎᒐᓱᒋᐊᖃᕐᓇᓲᖅ, ᐃᓅᖃᑎᒋᔭᐅᒍᓐᓇᓯᑦᓯᐊᕋᒥ, ᐱᓇᓱᖃᑎᖃᕈᓐᓇᓯᑦᓱᑕ ᐃᓚᒌᓂᑦ ᐅᖁᒣᑦᑐᑯᕐᑐᓂᑦ ᐱᐊᕃᑦ ᐊᑦᑕᓇᕐᑐᒦᓂᐊᖕᖏᒪᑕ.
 

ᐃᑲᔪᕐᓯᓂᕐᓂᑦ ᐃᑉᐱᒋᔭᖃᕐᕿᑦ?

ᖃᐅᔨᒪᕗᖓ ᐱᑦᓯᐊᕈᓐᓇᕕᓕᒫᕋᓄᑦ ᐱᑦᓯᐊᕋᓱᓐᓂᕋᓂᑦ ᐃᑲᔪᕐᓯᓂᒃᑲᓗ ᑲᒪᒋᔭᖃᕆᐊᓪᓛᓂᒃᑲᓗ ᐃᑲᔪᕐᓯᖁᓇᕐᑐᒐᓗᐊᑦ. ᑐᕌᒐᕋ ᓱᓕᑦᓯᐊᓗᖓ ᐊᑐᐃᓐᓴᐅᓗᖓᓗ ᐱᒍᑦᔨᔭᒃᑲᓄᑦ ᐱᕕᓕᒫᖓᒍᑦ ᓴᐳᑦᔨᓯᐊᕈᓐᓇᕕᓕᒫᕋᓂ ᓴᐳᑦᔨᓗᒋᑦ. ᑐᑭᓯᒪᒐᒪ ᐊᑑᑎᔭᕗᑦ ᐊᑦᔨᒌᖕᖏᑑᒻᒪᑕ, ᓴᐳᑦᔨᒐᓱᓲᒃᑲ ᐱᑦᓯᐊᕈᓐᓇᕕᓕᒫᕋᒍᑦ. ᐃᓕᕝᕕᒋᓪᓗᑐᓲᕆᒻᒥᔭᒃᑲ.
 

ᐃᑲᔪᕐᑎᒌᑦᓯᐊᓲᖑᕕᓰ ᐱᓇᓱᖃᑎᓯᓗ?

ᐅᐃᒪᓇᕐᓯᔪᖃᕐᒪᑦ, ᑕᑯᓲᖑᕗᒍᑦ ᐱᒍᓐᓇᓯᐊᕐᓂᖏᓐᓂᑦ ᐱᓇᓱᖃᑎᒌᑦᑐᐃᑦ; ᐊᑐᓂ ᐱᓇᓱᖃᑎᐅᔪᑦ ᓴᐳᑦᔨᖃᑎᒌᓱᖑᒻᒪᑕ. ᑖᒃᑯᓂᖓᑦᓭᓇᖅ ᐊᑑᑎᒐᑦᑕ ᐱᓇᓱᕝᕕᒥ ᐱᓇᓱᕝᕕᐅᓗ ᓯᓚᑖᓂ, ᐃᑲᔪᕐᑎᒌᒍᓐᓇᓲᖑᕗᒍᑦ  ᐅᖁᒣᑦᑐᑯᕐᑐᖃᓕᕐᒪᑦ. ᐊᑐᓂ ᐊᑕᐅᑦᓯᑰᖕᖏᑑᒐᓗᐊᖅ ᐱᔭᕆᐊᑐᔪᑲᓪᓚᑰᓱᖑᒐᑦᑕ ᐅᖁᒣᓪᓕᐅᓱᑕᓗᓐᓃᑦ, ᐃᑲᔪᕐᓯᔭᐅᒍᓐᓇᓲᖑᒐᑦᑕ ᑕᒫᓂᓐᓂᑯᖏᓐᓄᑦ. ᓄᓇᓕᓐᓂ ᐃᑭᓐᓂᓴᓂᑦ ᐱᓇᓱᑦᑎᓕᓐᓂᑦ, ᖃᓂᑕᖃᕐᓂᓴᐅᓲᖑᕗᒍᑦ ᐱᓇᓱᖃᑎᑦᑎᓂᑦ ᑲᑐᑦᔨᖃᑎᒌᑦᓱᑕᓗ ᓴᐳᑦᔨᖃᑎᒌᓐᓂᑯᑦ.
 

ᓱᓇᓂᑦ ᐃᓕᑦᓯᕕᑦ ᑕᒪᑦᓱᒥᖓ ᐱᓇᓱᒐᕐᒥᒃ?

ᒡᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᒥᒃ ᐃᓕᓐᓂᐊᕆᕐᖃᒥᐅᑦᓱᖓ ᐅᑭᐅᕐᑕᑐᒧᓯᒪᕗᖓ, ᐃᓕᓐᓂᐊᓯᒪᔭᒃᑲᓂᑦ ᑐᑭᓯᒪᕙᓪᓗᑐᐃᓐᓇᖏᓐᓇᓱᖓ. ᐋᕐᕿᒋᐊᕆᐊᖃᕐᓯᒪᕗᖓ ᐱᓇᓱᒍᓯᒐᓂᖅ ᖃᓄᐃᓗᕈᓯᒃᑲᓂᓗ. ᑕᒪᓐᓇ ᐊᑑᑎᓯᒪᔭᕋ ᐃᑲᔪᕐᓯᕗᖅ ᐅᕙᓐᓂᒃ ᐃᓅᓯᕋᓂ ᓄᐃᑕᑎᑦᓯᓱᓂᓗ ᐊᑦᔨᐅᖏᑦᑐᒥᒃ ᖃᓄᐃᓗᕈᓯᕆᓕᕐᑕᕋᓂᒃ.
 

ᐃᓕᓐᓄᓕ, ᓱᓇᐅᕙᑦ ᐱᐅᔪᒍᑎᖏᑦ ᐅᑭᐅᕐᑕᑐᒥ ᐱᓇᓱᑦᓱᓂ?

ᐁᑉᐹᒍᓪᓕ. ᐃᓄᑦᓯᐊᓚᕆᐊᓗᓐᓂᑦ ᑲᑎᓯᖃᑦᑕᓱᖓ ᐃᓗᕐᕈᓯᒥᓗ ᐱᐅᔪᐊᓗᒻᒥᒃ ᖃᐅᔨᑦᓱᖓ, ᐱᓇᓱᑦᑎᐅᓂᕐᒧᑦ ᐃᑲᔪᕐᓯᒍᑎᖏᑦ ᐃᑲᔪᕐᓯᔪᐹᓗᕗᑦ. ᐱᓇᓱᐊᕈᓯᕐᓂᑦ ᕿᑲᕐᓂᕗᓐᓂᑦ ᐊᐅᓪᓚᑲᑦᑕ ᕈᓐᓇᓱᑕ ᑮᓇᐅᑦᔭᓵᖏᓪᓗ ᓈᒻᒪᓱᑎᑦ ᓴᓂᕐᕓᒍᓐᓇᓯᓗᑕ ᐊᓯᖏᓐᓄᑦ ᐊᑑᑎᓗᒋᑦ. (KP(1). ᐅᕙᓐᓄᓕ, ᐱᕕᑦᓴᓯᐊᕌᓗᒃ “ᓄᓇᖁᑎᑦᑕ ᓯᓚᑖᓄᕐᓗᖓᐅᔮᕐᑐᖅ” ᐃᓄᓕᕆᔨᐅᑦᓱᓂ ᑯᐯᒃ ᓄᓇᖁᑎᖓᓃᑦᓱᓂ.
 

ᐅᓂᒃᑳᕈᓐᓇᖀᑦ ᐱᓇᓱᑦᓱᑎᑦ ᐊᑑᑎᓯᒪᔦᓐᓂᒃ.

ᐊᑦᔨᐅᖏᑦᑐᐹᓗᓯᒪᔪᖅ ᒫᑦᔨ 2021, ᐃᕙᒃᑲᑎᓪᓗᒋᑦ ᓄᕐᖃᓂᖃᕐᑎᓗᒋᑦ ᐳᕕᕐᓂᑐᒥ. ᐃᓄᓐᓂᑦ ᐊᒥᓱᓂᑦ ᑲᓲᒪᔪᓂᑦ ᑕᑯᓚᐅᕐᓯᒪᓯᒪᖕᖏᓚᖓ, ᑎᑭᒋᐊᖕᖓᑐᓂᑦ ᑕᑯᓂᐊᕐᑐᓂᑦ, ᐳᕕᕐᓂᑐᒥᐅᑦ ᓯᕗᓕᕐᑎᓗᒋᑦ. ᓄᓇᖓ ᓴᔪᓯᒪᔪᖅ ᐃᓄᐃᑦ ᙯᒐᓪᓛᓱᑎᑦ ᐊᓕᐊᓱᓐᓂᖃᑉᕐᓱᑎᑦ ᓯᕗᓪᓕᖏᓐᓂᑦ ᑎᑭᑦᑐᓂᑦ ᑕᑯᑦᓱᑎᑦ. ᐅᐱᒍᓱᓐᓂᒥᒃ ᐃᓚᒋᔭᐅᓂᕐᒥᓗ ᐃᑉᐱᓂᐊᓯᒪᕗᖓ. ᐃᓚᒋᔭᐅᑦᓱᖓ ᓄᓇᓕᒻᒧᑦ ᐊᑑᑎᓚᐅᕐᓯᒪᖕᖏᑐᒥᒃ ᐊᑑᑎᑦᓱᖓ ᐃᕐᖃᐅᒪᓇᕐᓂᐊᑐᒥᓗ. (KP(1) ᐅᕙᒍᑦ -ᐱᓇᓱᑦᑎᐅᔪᓕᒫᖑᔪᒍᑦ - ᐊᑕᐅᑦᓯᑯᕐᓱᑕ ᑖᕗᖕᖓᓱᑕ ᐱᒍᑦᔨᔭᕗᓐᓂᑦ ᑕᑯᑦᓱᑕ. ᐃᓘᓐᓇᑕ ᐊᓃᖃᑎᒌᑦᑐᐃᓇᐅᑦᓱᑕ ᐊᓕᐊᓱᒍᑎᖃᕐᓱᑕ ᑎᑭᑦᑐᓂᑦ, ᐱᒍᑦᔨᔭᖅ ᐱᒍᑦᔨᔪᖅ ᐊᑐᖕᖏᓱᒋᑦ. ᐊᑦᔨᐅᖏᑦᑐᒥᒃ ᐊᑑᑎᓯᒪᕗᒍᑦ ᐳᐃᒍᓚᐅᕐᓯᒪᓂᐊᖕᖏᑕᕋ!!
 

ᐅᖃᐅᓯᑦᓴᖃᕐᖀᑦ ᐃᓱᓕᒍᑎᑦᓭᓂᒃ?

ᐱᓇᓱᒐᕐᒥᒃ ᐱᓇᓱᒋᐊᓕᐅᓐᓇᑐᐹᓗᒐᓗᐊᕐᑎᓗᒍ, ᐊᑦᔨᐅᖏᑦᑐᒥᒃ ᐊᑑᑎᓂᓕᒃ ᐅᒡᒍᐊᕆᓚᐅᕐᓯᒪᓂᐊᖕᖏᑕᕋ. ᑐᖕᖓᓇᕐᑐᒪᕆᓐᓂᑦ ᐊᓕᐊᓇᕐᑐᓂᑦ ᐃᔪᕐᓇᑐᓂᑦ ᐃᓄᓐᓂᑦ ᑕᑯᓯᒪᓕᕐᖁᖓ, ᐃᓗᕐᕈᓯᖅ ᐃᓱᒪᑦᓴᓯᐅᕈᑎᑖᓚᕿᒍᑎᒐ ᐃᓱᒪᒍᓯᒐᓂᒃ ᐃᓚᓐᓈᓕᐅᕐᒥᓱᖓᓗ. ᐃᒫᓕ, ᐆᒻᒪᑎᒐ ᐃᓚᒋᔭᐅᖏᓐᓇᓂᐊᕐᖁᖅ ᐅᑭᐅᕐᑕᑐᒥ ᓄᓇᖓᓄᑦ ᓄᓇᕕᒻᒧᑦ. ᐊᑯᓂᐅᓪᓗᐊᖏᑦᑐᒥᒃ ᑕᒫᓂᓕᕐᓗᓂ ᐃᑉᐱᓇᕐᓂᐊᑐᑦ ᓇᑯᕐᓴᕈᑎᒋᓗᒋ ᓱᓇᓕᒫᖑᔪᑦ.

 

ᓇᑯᕐᒦᒃ!

ᐊᓯᐊᓄᑦ ᓯᓚᕐᔪᐊᒥ ᓄᓇᒧᑦ ᓅᑦᑎᓱᓂ ᓄᑖᒥᒃ ᐱᓇᓱᒐᕐᑖᓱᓂ ᐃᓅᓯᕐᒥᓗ ᐊᑦᔨᐅᖏᑦᑐᒥᒃ ᐊᑑᑎᑦᓱᓂ ᐊᒥᓱᓄᑦ ᐊᑑᓯᔭᐅᓲᖑᕗᖅ. ᒫᑯᑦ ᕈᐃᔅ ᓄᓇᕕᒻᒧᓚᖓᔪᕆᓯᒪᖕᖏᑐᖅ, ᕿᑐᕐᖓᖏ ᐱᕈᕐᓴᑐᑦ ᑕᒫᓂ ᐱᓇᓱᑦᓱᓂᓗ ᖃᐅᔨᓴᕐᑎᐅᓱᓂ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓂ ᐃᓅᓕᑦᓯᕕᒃ ᐋᓐᓂᐊᕕᖓᓄᑦ. ᐱᓇᓱᑦᑎᐅᓂᕐᓄᑦ ᓱᓇᓂᑦ ᐃᓕᑦᓯᒪᕝᑦ? ᖃᐅᔨᒋᐊᓪᓚᕈᒃ ᐊᐱᕿᕐᓱᑲᑦᑕᓂᕐᒥ.
 

ᒫᑯᑦ ᕈᐱᔅ, ᖃᐅᔨᓴᕐᑎᒃ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓄᑦ ᐃᓅᓕᑦᓯᕕᒃ ᐋᓐᓂᐊᕕᖓᓄᑦ ᐳᕕᕐᓂᑐᒥ, ᐱᓇᓱᒐᕐᓂᒃ ᐅᖃᐅᑎᑎᒍᑦ.

ᐳᕕᕐᓂᑐᒥ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓂ ᐱᓴᓱᑦᑎᐅᓕᕐᖁᖓ ᐊᕐᕌᒍᕐᓂᑦ ᐱᖓᓲᔪᕐᑐᓂᑦ. ᓱᑲᑦᑐᐹᓗᒃ. ᑎᑭᕐᖃᒥᐅᑦᓱᖓ ᑲᓇᑕᒧᑦ, ᐊᒥᓱᐹᓗᓐᓂᑦ ᐱᓇᓱᒐᕐᓂᑦ ᐊᑐᐃᓐᓇᓂᑦ ᑕᑯᖃᑦᑕᓯᒪᓄᖓ ᓄᓇᕕᒻᒦᑐᓂᑦ. ᖃᐅᔨᒪᓯᒪᖕᖏᓚᖓ ᓱᓇᓕᐊᑦᓴᒪᖔᕐᒪ ᓇᒧᖕᖓᓂᐊᕐᒪᖔᕐᒪᓗᓐᓃᑦ. 2015ᖑᑎᓪᓗᒍ ᐱᓇᓱᒐᕐᑖᕋᓱᓯᓚᐅᔪᕗᖓ.
 

ᖃᓄᐃᓕᖓᕙᑦ ᐊᑑᑎᓲᑎᑦ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓂ ᓄᓇᕕᒻᒥ?

ᖃᐅᑕᒫᑦ ᐊᕐᖁᓵᕐᑐᖃᓲᖅ ᐅᖁᒣᑦᑐᓂᑦ. ᐊᓂᒎᑎᒍᓐᓇᓲᖑᕗᒍᑦ ᐃᑲᔪᕐᓯᓂᕐᑎᒍᑦ ᐊᒻᒪᓗ ᐱᐅᔪᓂᑦ ᐃᓱᐃᑦᑐᓂᓗ ᐱᑕᖃᓲᖑᑦᓱᓂ. ᓱᓕᔪᖅ ᓵᖕᖓᓯᓲᖑᓂᑦᑎᓂᑦ ᐃᓄᒻᒥᒃ ᐃᓅᖃᑎᒌᑦᑐᐃᑦᓗ ᐊᓕᐊᓇᖕᖏᑐᕐᑎᒍᕐᑐᓂᑦ ᑭᓯᐊᓂ ᐱᒻᒪᕆᐅᕗᖅ ᐳᐃᒍᕐᑌᓕᓗᑕ ᐃᓚᒌᓂᑦ ᑕᑯᓲᖑᒻᒥᒐᑦᑕ ᐊᓕᐊᓱᑦᑐᓂᑦ ᑕᑯᓐᓇᓲᖑᑦᓱᑕᓗ ᐱᒻᒪᕆᖁᑎᒋᔭᐅᔪᓂᑦ ᐱᓗᐊᕐᑐᒥᓗ ᐃᓗᕐᕈᓯᒥᒃ ᐱᐅᓯᑐᖃᕐᓂᓗ ᐊᑑᑎᔪᓂᑦ. ᐊᒻᒪᓯᒪᑦᓯᐊᓂᖏᑦ ᐃᓚᒌᖑᔪᑦ ᐃᑲᔪᕐᓯᒪᕆᓲᖅ.
 

ᖃᓄᐃᓕᖓᓲᖑᕙᑦ ᐱᓇᓱᓐᓇᐅᑉ ᐅᓪᓗᖓᓂ?

ᑕᒐᓕ, ᐅᓪᓗᐃᑦ ᖃᖓᑐᐃᓐᓇᐅᒐᓗᐊᕐᐸᑦ ᐊᑦᔨᒋᓕᓚᐅᕐᓯᒪᖕᖏᓚᑦ. ᖃᐅᑕᒫᑦ ᓂᕆᐅᓇᖕᖏᑐᓂᑦ ᐱᑕᖃᓲᖑᕗᖅ, ᐊᓯᑦᔨᑲᓪᓚᑐᐃᑦ, ᐅᐃᒪᓇᕐᓯᔪᐃᑦ ᓂᕆᐅᓇᖕᖏᑐᓂᑦ. ᑭᓯᐊᓂᓕ, ᐃᓂᓪᓚᖓᑦᓯᐊᕋᓱᓲᖑᕗᒍᑦ ᐸᕐᓀᑲᐱᓯᒪᒐᓱᐊᕐᓱᑕ, ᑭᓯᐊᓂ ᑕᒫᓂ ᐃᓅᓯᖅ ᓂᕆᐅᓇᖕᖏᑐᓂᑦ ᐱᑕᖃᓲᖑᕗᖅ. ᑕᒪᓐᓇ ᐊᓕᐊᒋᓂᕐᐹᕆᕙᕗᑦ. ᐃᓚᖓᓂ ᐅᓐᓂᓗᒍᓐᓇᕋᓗᐊᕐᓱᑕ, ᐅᐃᒪᓇᕐᓯᔪᖃᕐᓯᒪᖕᖏᐸᑦ ᑫᕙᓪᓚᒍᓯᕐᓂᑦ 24ᓂᑦ ᐅᕙᓐᓄᓕ ᓱᒐᑦᓴᖃᖕᖏᒧᑦ ᐃᕿᐊᓇᕐᓯᓲᖅ (KP(1)
 

ᐃᓅᓰᑦ ᖃᓄᐃᑦᑑᕙ ᐱᓇᓱᕝᕕᐱᑦ ᓯᓚᑖᓂ?

ᐃᒫᒃ, ᐅᕙᓐᓄᓕ, ᐱᐊᕌᕈᖃᕐᖁᖓ ᐱᐊᕋᑦᓴᖃᕐᓱᖓᓗ! ᕿᑲᑐᐃᓐᓇᓂᖃᓪᓗᐊᓲᖑᖕᖏᓚᖓ. ᑭᓯᐊᓂᓕ, ᐅᖃᕆᐊᓪᓚᖁᖓ, ᐱᕕᑦᓴᖃᕆᐊᖃᕐᖁᑎᑦ. ᐃᓅᓯᖅ ᐅᑭᐅᕐᑕᑐᒥ ᐱᓇᓱᓐᓂᑐᐃᓐᓇᐅᖏᓪᓚᖅ, ᐃᓚᖓᓂ ᐱᔭᑦᓴᑑᔮᕐᓇᓲᖑᒐᓗᐊᖅ. ᐱᒻᒪᕆᐅᕗᖅ ᐃᓅᓯᖅ, ᓱᒐᑦᓴᖃᕐᓗᓂ, ᐱᓇᓱᕝᕕᐅᑉ ᓯᓚᑖᓂ. ᐊᕐᕌᒍᐃᑦ ᐱᖓᓲᔪᕐᑐᑦ ᓈᓯᓕᕐᑎᓗᒋᑦ, ᐃᓚᓐᓈᖃᕐᖁᖓ ᐅᑭᐅᕐᑕᑐᒥ ᐃᓚᒋᓕᕐᓱᒋᑦ. ᓂᕆᖃᑎᒌᓕᐅᒥᔮᕐᑕᓲᖑᕗᒍᑦ, ᐊᑐᐃᓐᓇᕈᕐᑎᓯᒪᒐᑕ ᑲᓲᒪᑦᓱᑕ ᐅᓐᓄᓴᒃᑯᑦ. ᑕᒪᓐᓇᐅᒥᔪᖅ, ᐅᑭᐅᕐᑕᑐᒥᐅᖑᒋᐊᒥᒃ ᐱᐅᔪᒍᑎᖓ, ᐱᔭᕆᐊᑐᔫᒐᓂ ᓂᕆᖃᑎᒌᓐᓂᖃᕈᒪᒍᓂ, ᐃᑯᐊᓚᑦᓯᓃᑦ, ᒪᙯᓐᓃᑦ (KP(1) ᐅᐱᕐᖔᒥ ᐊᑦᓴᓂᕐᓂᑦ ᑕᑯᓐᓇᐅᒐᕐᓱᑕ ᓯᑮᕐᓱᑕᓗᓐᓃᑦ ᐅᑭᐅᕈᑕᕆᒥ ᕿᐅᔭᓇᕐᓂᖃᕐᑎᓗᒍ  -50ᒥᑦ!
 

ᑲᐱᕆᐊᓪ ᐊᓕᐊᒋᔭᖃᓯᒪᔪᖅ ᓄᓇᕕᒻᒥ ᐊᑯᓂᓂᑦ. ᑖᓐᓇ ᐃᓄᓕᕆᔨᒃ ᐱᓇᓱᒐᕆᒍᒪᔭᒥᓄᑦ ᑎᑭᓐᓂᕕᓂᖓ ᐃᓅᓯᕆᒍᒪᔭᒥᓄᓗ ᐱᓇᓱᒋᐊᖃᓯᒪᔭᖓ ᐊᓪᓗᕆᐊᕐᑕᓱᓂ. ᖃᐅᔨᓚᖓᕗᒍᑦ ᐊᓕᐊᒋᔭᖏᓐᓂᑦ ᑕᒡᒐᓂ ᐊᐱᕐᓱᓂᕐᒥ.
 

ᑲᐱᕆᐊᓪ, ᐱᐊᕋᓕᕆᔨᐅᓐᓂᖀᑦ ᓄᓇᕕᒻᒥ ᐱᓇᓱᒋᐊᖕᖓᓱᑎᑦ?

ᐋᐊ! ᐅᑭᐅᕐᑕᑐᒧᕆᐊᖕᖓᓯᒪᕗᖓ ᐊᔪᒉᑦᑐᑯᑦ. 2016ᒥ, ᐱᐊᕋᓕᕆᔨᐅᒋᐊᖕᖓᓯᒪᕗᖓ ᐃᓚᒌᓄᑦ; ᐱᐊᕋᐅᑉ ᐊᖓᔪᕐᖄᒋᒃ ᐱᓇᓱᑦᑎᐅᓱᑎᑦ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓄᑦ ᐃᓅᓕᑦᑎᓯᕕᒃ ᐋᓐᓂᐊᕕᖓᓄᑦ. ᑐᓵᖃᑦᑕᓯᒪᔮᒃᑲ ᐱᓇᓱᒐᕐᒥᓂᒃ ᐅᖄᑎᓪᓗᒋᒃ, ᐊᑑᑎᒍᒪᓚᕿᑦᓱᒍ!

ᐱᐊᕋᓕᕆᔨᐅᓯᒪᕗᖓ ᐊᕐᕌᒎᓐᓂᒃ ᒪᕐᕉᓂᒃ ᕿᑎᕐᖃᖓᓂᓗ. ᑌᑲᓂᓗ, ᐅᖓᓯᑦᑐᒥ ᐃᓕᓐᓂᐊᑕᒃᑲᓂ ᐃᓕᓐᓂᐊᕆᕐᐸᓕᐊᕐᓱᖓ. ᐃᓕᑕᕆᔭᐅᒍᑎᖃᓕᕋᒪ, ᓇᓗᓯᒪᕗᖓ ᕿᒣᒋᐊᒥᒃ ᑖᒃᑯᓂᖓ ᐃᓚᒌᓂᑦ ᐱᓇᓱᒐᕋᓂᓗ ᐱᓇᓱᓐᓂᒥᒃ. ᑲᔪᓯᓯᒪᕗᖓ. ᐅᓪᓘᑉ ᕿᑎᕐᖃᖓᓂ ᐱᓇᓱᑦᑎᐅᓯᑦᓱᖓ ᐃᑲᔪᕐᑎᐅᓱᖓ ᐅᑭᐅᕐᑕᑐᒥᓗ ᓅᓚᐅᕐᓯᒪᓇᖓᓱᓕ. ᒫᓐᓇᓕ ᐱᓇᓱᑦᑎᐅᕗᖓ ᐃᑲᔪᕐᓯᔭᐅᒋᐊᓕᓐᓂᑦ ᐃᑲᔪᕐᑎᐅᓱᖓ ᓱᖃᑦᓯᓂᖃᕐᑎᓯᓂᒃᑯᑦ.

ᐊᓕᐊᒋᓪᓗᑐᕐᑖᓗᒐ ᐅᑭᐅᕐᑕᑐᖅ. ᓄᓇᖁᑎᖓ, ᓯᓚᖓ, ᑲᔪᓯᐅᒐᕐᓂᖏᑦ ᐃᓅᓯᐅᑉ, ᐃᓄᖁᑎᖏᑦ, ᐃᓗᕐᕈᓯᖓ, ᐊᓯᖏᓪᓗ. ᑕᒫᓂ ᓅᑦᑎᓚᐅᕐᓯᒪᒍᒪᖕᖏᓚᖓ.
 

ᖃᓄᐃᓘᓲᖑᕙ ᐃᑲᔪᕐᓯᔭᐅᒋᐊᓕᓐᓂᑦ ᐃᑲᔪᕐᑎᐅᓂᖅ ᓱᖃᑦᓯᑎᑦᓯᖃᕐᓂᑯᑦ?

ᐃᑲᔪᕐᑎᐅᓱᖓ ᐃᑲᔪᕐᑕᐅᒋᐊᓕᓐᓂᑦ ᓱᖃᑦᓯᒍᑎᖃᕐᑎᓯᑦᓱᖓ, ᐃᑲᔪᕐᓯᓲᖑᕗᖓ ᐃᑲᔪᕐᑎᓂᑦ ᐃᓕᓐᓂᐊᑎᑦᓯᓱᖓᓗ ᓄᑖᓂᑦ. ᖃᐅᔨᓴᕐᓱᑕ ᐱᐊᕋᐅᑉ ᐃᓚᖏᑦᑕᓗ ᖃᓄᐃᑦᑐᑯᕐᓂᖏᓐᓂᑦ ᐱᐅᓂᕐᐹᓂᑦ ᖃᓄᐃᓗᕈᑎᑦᓴᓯᐅᕐᓱᑕ, ᐃᓗᕐᕈᓯᒧᑦ ᓈᒻᒪᓈᕐᑐᓂᑦ, ᑲᒪᒋᒋᐊᕐᓗᒍ ᐱᐊᕋᐅᑉ ᑭᖕᖑᒪᒋᔭᖏᑦ. ᖃᓄᕐᑐᕈᑎᑦᓴᓯᐅᕐᓱᑕ. ᓴᓇᑐᔫᒋᐊᖃᕐᓇᑐᖅ ᐃᑲᔪᕐᓯᒋᐊᕐᓗᒋᑦ ᐃᑲᔪᕐᓯᒍᑎᑦᓴᖃᑦᓯᐊᖏᑦᑐᑦ ᓄᓇᕕᒻᒥ.

ᖃᐅᑕᒫᑦ ᐱᓇᓱᒋᐊᓕᑦᑕ ᐊᑯᓐᓂᖏᓐᓂᑦ, ᓂᕆᐅᓇᖕᖏᑐᓂᑦ ᐅᐃᒪᓇᕐᑐᓂᓗ ᓄᐃᔪᖃᓲᖅ, ᐅᓪᓘᒃ ᒪᕐᕉᒃ ᐊᑦᔨᒋᓚᐅᕐᓯᒪᖕᖏᑐᑦ ᐅᖁᒣᑦᑐᑕᖃᖏᓐᓇᓱᑎᓗ. ᕿᑦᑌᖓᓐᓇᑐᖅ ᐊᓕᐊᓇᕐᑑᓱᓂᓗ ᐱᓇᓱᒋᐊᖅ.
 

ᖃᓄᐃᓕᖓᓲᖑᕙ ᐅᓪᓗᖅ ᐱᓇᓱᓐᓂᓂ?

ᐅᓇ ᓱᕐᖁᐃᓯᐊᕐᑐᖅ, ᐃᕿᐊᓇᓚᐅᕐᓯᒪᖕᖏᑐᖅ ᓱᒐᑦᓴᖃᖕᖏᑑᒧᑦ! ᐱᓇᓱᓐᓇᒥ ᐅᓪᓗᒥ ᓂᕆᐅᓇᖕᖏᑐᓂᑦ ᐊᑑᑎᔪᖃᓲᖅ, ᑲᑎᖕᖓᓯᓃᑦ ᐱᒍᑦᔨᔭᕗᓐᓂᑦ, ᐊᓪᓚᓂᖅ, ᐃᔪᖃᑎᒌᓐᓃᑦ, ᐃᖕᖏᕿᑕᕐᓃᑦ (ᐋᐊ, ᐃᓚᖓᓂ ᐃᖕᖏᓲᖑᕗᒍᑦ ᓄᓇᒃᑰᔪᕐᓱᑕ ᐱᒍᑦᔨᔭᕗᓐᓂᑦ ᑕᑯᓂᐊᕐᓱᑕ ᐅᕝᕙᓗᓐᓃᑦ ᐊᓯᐊᓄᑦ ᐊᓪᓚᕕᓕᐊᕐᓱᑕ ᑲᑎᖕᖓᒋᐊᕐᑐᓱᑕ J). ᐃᑉᐱᓂᐊᕐᓂᓂᑦ ᐊᓕᐊᓇᕐᑐᓂᑦ ᐱᑕᖃᓲᖑᒋᕗᖅ ᐃᓚᖓᓂᓗ ᐅᖁᒣᑦᑐᑯᕐᓇᑕᖃᕐᒥᓱᓂ. ᖃᓂᑕᑖᓱᖑᕗᒍᑦ ᐱᒍᑦᔨᔭᕗᓐᓂᑦ ᐃᓚᖏᓐᓂᓗ, ᐱᓇᓱᖃᑎᑦᑎᓂᑦ, ᐊᑕᐅᑦᓯᑯᑦ ᐊᓂᒎᑎᓲᖑᕗᒍᑦ ᐅᓪᓗᒥ ᐊᑑᑎᔭᕐᓂᑦ.
 

ᖃᓄᐃᓕᖓᕙᑦ ᐊᑑᑎᓲᑎᑦ ᐱᓇᓱᑦᑎᐅᓱᑎᑦ ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᒍᑦᔨᕕᖓᓂ ᓄᓇᕕᒻᒥ?

ᑲᒪᒋᔭᖃᓲᖑᕗᒍᑦ ᖃᓄᐃᑦᑐᑐᐃᓐᓇᑯᕐᑐᓂᑦ. ᐃᓚᒌᑦ ᐱᓇᓱᖃᑎᕗᑦ ᐊᑲᐅᓇᖕᖏᑐᒃᑰᑐᑦ ᐅᖁᒣᓪᓕᐅᑐᑦ. ᓄᓇᕕᒻᒥ, ᑯᐯᒃ ᓯᑎᒥ ᐅᕝᕙᓗᓐᓃᑦ ᓭᓐᑦ-ᐊᓪᕗᓐᔅᒥ, ᐃᓅᓱᑦᑐᐃᑦ ᓴᐳᒻᒥᔨᖏᑦᑕ ᐱᓇᓱᑦᑐᖏᑦ ᑲᒪᒋᔭᖃᓲᖑᕗᑦ ᓴᐳᒻᒥᓂᕐᒧᑦ ᐱᐊᕋᕐᓂᑦ ᑲᒪᒋᔭᑦᓴᔭᒥᓂᒃ, ᐃᓚᒌᓂᑦ ᐅᖁᒣᑦᑐᑯᕐᑐᓂᕙᓪᓗᒃ. ᑕᒪᓐᓇ ᐊᒥᓱᐃᓂᑦ ᐊᑦᔨᒋᖕᖏᑐᓂᑦ ᐊᑑᑎᓚᕿᒍᑎᐅᒍᓐᓇᓱᑎᑦ. ᐊᒥᓲᓂᕐᓴᑎᒍᑦ, ᖃᐅᔨᒻᒫᑖᕋᒥᒃ ᐃᓕᓐᓂᒃ ᐅᑉᐱᕆᔭᖃᕈᓐᓇᓕᕋᒥᓗ, ᐃᓄᐃᑦ ᐱᓇᓱᖃᑎᕗᑦ ᑐᖕᖓᓇᕐᑑᕗᑦ, ᓱᓕᑦᓯᐊᓱᑎᑦ, ᐃᑉᐱᓂᐊᕐᓂᖏᑦ ᓄᐃᑕᑦᓱᑎᑦ, ᓲᖑᔫᑦᓱᑎᑦ, ᐊᖏᕐᓂᖃᑦᓯᐊᓱᑎᑦ ᑐᖕᖓᓇᕐᑑᓱᑎᑦ, ᐃᔪᕆᐊᒥᓗ ᐊᓕᐊᒋᔭᖃᕐᓱᑎᑦ.

ᖃᓄᐃᑦᑐᖃᓕᕐᒪᑦ ᑕᑯᖃᑦᑕᓱᑕ ᐱᐊᕋᕐᒥᒃ, ᐊᖓᔪᕐᖄᒋᓐᓂᒃ, ᐃᓚᓕᒫᖏᓐᓂ. ᐃᑲᔪᕐᓯᔭᐅᒋᐊᓕᓐᓂᑦ ᐅᐃᒪᓇᕐᑐᖃᓲᖅ ᐱᐊᕋᖅ ᐊᑦᑕᓀᑦᑐᒥᑦᓯᐊᕆᐊᖃᕐᓂᖓᓄᑦ. ᐱᒍᑦᔨᕙᕗᑦ ᖃᓄᐃᑦᑐᑐᐃᓐᓇᓄᑦ ᐁᒋᐊᓕᒻᒥᓄᕐᑎᓗᒋᑦ ᒪᓕᑦᓱᒋᑦ, ᐳᓛᕆᐊᕐᓱᒋᑦ ᐊᓂᕐᕋᖓᓂ ᑕᑯᑦᓱᒋᓗᓐᓃᑦ ᐊᓪᓚᕕᒻᒥ. ᐅᒃᑯᐊᑕᐅᖕᖏᓂᓕᒫᖓᓂ ᑲᒪᒋᔭᐅᓂᖏᑦ!

ᐱᓇᓱᑦᓱᑕ ᑲᒪᒋᔭᖃᓲᖑᒐᑦᑕ ᙯᖁᔭᐅᒪᒐᑕ ᐃᓚᒌᑦ ᐃᓅᓯᕐᒥᓂ ᐊᑑᑎᔭᖏᓐᓄᑦ, ᐃᑉᐱᓂᐊᕐᓂᖃᕐᓱᑎᑦ ᐊᒥᓱᓂᑦ. ᑐᑭᓯᓇᕐᓱᓂᓗ, ᐱᐊᕋᖅ ᐊᖓᔪᕐᖄᒋᓪᓗᓃᒃ ᐃᓚᖏᓪᓗ ᐃᓚᖓᓂᓗ ᐅᒃᑯᐃᖔᑦᓯᐊᓂᖃᕈᓐᓇᓲᑦ  ᐱᓇᓱᖃᑎᐅᓗᑎᑦ ᓇᑯᕐᓴᓱᑎᓗ ᐃᑲᔪᕐᓯᓂᑦᑎᓂᑦ, ᐃᓚᖓᓂᓗ ᓈᒻᒪᓴᖕᖏᑐᑦᓱᑎᑦ ᑯᑦᓴᓱᑦᓱᑎᓗᓐᓃᑦ ᐊᓯᖏᓐᓂᓗ. ᐅᓇ ᖁᓚᕐᓇᖏᑦᑐᓕ, ᖃᓂᑕᕐᑖᓲᖑᕗᑦ ᐃᑲᔪᕐᓯᔭᐅᓂᕐᒥ ᑲᒪᒋᔭᐅᒋᐊᓪᓛᓂᕐᒥᓗ ᐊᑑᑎᑦᓱᑎᑦ. ᐃᓚᖏᑦ ᐃᓚᒌᑦ ᐃᓚᖓᓂ ᑲᕙᕈᓐᓇᖁᑦ ᐅᖃᐅᑎᒐᑦᑎᒋ ᑲᒪᒋᔭᐅᒍᑎᖏᑦ ᐅᒃᑯᐊᑕᐅᓯᓂᖏᓐᓂᑦ.
 

ᐱᓇᓱᓐᓃᑦ ᐱᔭᑦᓴᙯᓐᓇᓕᒫᓲᖑᕙ?

ᐅᖃᕈᓐᓇᖁᖓ ᐊᓯᑦᔨᑕᕐᓂᖓᓂᒃ. ᐃᓚᖏᓐᓂᑦ ᐱᓇᓱᐊᕈᓯᕐᓂᑦ ᓱᒐᑦᓴᖃᓪᓗᐊᓲᖑᖕᖏᑐᖅ ᑫᕙᓪᓚᒍᓯᓂᑦ ᐱᓇᓱᓐᓇᐅᑉ ᐅᖓᑖᓄᓪᓗᐊᖏᑦᓱᑕ ᐊᒻᒪᓗ ᐃᓚᖏᓐᓂᑦ ᐱᔭᑦᓴᓕᐹᓗᑦᓱᓂ.

ᐱᓇᓱᓐᓇᐅᖏᑦᑐᒥ ᒪᙯᓱᖑᕗᒍᑦ ᓄᓇᒥ, ᓂᕆᖃᑎᒌᑦᓱᑕ ᐃᓚᓐᓈᕗᓪᓗ, ᐱᖕᖑᐊᓱᑕ ᐅᓐᓄᓴᒃᑯᑦ, ᐃᑦᓯᕙᖃᑎᒌᑦᓱᑕ ᐃᑯᐊᓚᑦᓯᓱᑕ, ᓯᑕᒪᓕᒻᒥᒃ ᐊᑐᕐᓱᑕ ᓄᓇᓕᐊᕐᓱᑕ ᓯᑭᑐᕐᓱᑕᓗᓐᓃᑦ. ᐅᕙᖓᓕ, ᑕᑯᓂᐊᕆᐊᒥᒃ ᐊᓕᐊᒋᔭᖃᕐᖁᖓ “ᑲᓇᑎᐊᓐ ᑌᕋᖑᓂᕋᕐᑕᒥᒃ,” ᓄᓇᓕᐅᑉ ᓴᓂᖃᐅᑎᖓᓂᒃ. ᑌᑲᓂ ᕿᔪᑦᓯᐅᓲᖑᕗᖓ, ᐃᓂᕐᕋᐅᑎᐅᑉ ᐃᓚᑦᓴᖏᓐᓂᑦ ᐊᓯᖏᓐᓂᓗ ᐃᓪᓕᓇᕐᑐᓂᑦ ᓄᐊᒐᑦᓴᖃᕐᓱᓂ ᖃᓄᐃᖕᖏᓱᑎᑦ ᐃᒋᑦᑕᑯᓂᑦ. (KP(1) ᕿᔪᓐᓂᑦ ᐃᒋᑦᑕᑯᓂᓗᓐᓃᑦ ᐃᓚᑦᓴᖏᓐᓂᓗᓐᓃᑦ, ᐱᓇᓱᓐᓇᐅᖏᑦᑐᒥ ᕿᔪᓐᓂᑦ ᐱᖁᑎᓕᐅᕆᐊᒥᒃ ᐊᓕᐊᒋᔭᖃᕐᖁᖑ ᐅᕝᕙᓗᓐᓃᑦ ᓯᑭᑑᓕᐅᕆᐊᒥᒃ.
 

ᖃᓄᖅ ᐅᖃᐅᓯᑦᓴᖃᕐᕿᑦ ᐱᓇᓱᖃᑎᑎᓐᓄᓕᖓᔪᓂᑦ, ᐃᑲᔪᕐᓯᔭᐅᓂᕆᓲᓐᓂᓗᓐᓃᑦ ᐱᓇᓱᕝᕕᓂ?

ᐃᓄᓐᓂᑦ ᐱᓇᓱᖃᑎᖃᕐᖁᖓ ᓇᓪᓕᒍᓱᑦᓯᐊᑐᓂᑦ! ᓲᖑᓂᖃᕐᓱᑕ ᐱᓇᓱᖃᑎᒌᓐᓂᕗᓐᓂᑦ. ᖃᓂᑕᕆᑦᓱᑕ ᐱᓇᓱᖃᑎᒌᑦᑑᔪᒍᑦ: ᐊᓕᐊᓇᕐᑐᓂᑦ ᐊᑑᑎᓲᖑᔪᒍᑦ, ᐃᓚᖓᓂᓗ ᐊᔪᐃᓐᓇᖃᑎᒌᑦᓱᑕ. ᐱᒍᑦᔨᕕᒻᒥ ᐊᖓᔪᕐᖃᐅᑎᖏᑦ ᓴᐳᑦᔨᔨᐊᓲᖑᕗᑦ; ᐅᑉᐱᕆᔭᖃᕐᓱᑕ ᓲᓱᑦᓴᖃᑎᒌᑦᓱᑕ ᑐᖕᖓᕕᒋᔭᕗᑦ ᐱᓇᓱᑦᑎᐅᖃᑎᒌᓐᓂᕗᓐᓂ.
 

ᐅᓂᒃᑲᐅᑎᖕᖓ ᐊᑑᑎᓯᒪᔭᕐᓂᑦ ᐅᕝᕙᓗᓐᓃᑦ ᐊᑕᐅᓯᕐᒥᒃ ᐊᑑᑎᓯᒪᔦᓂᒃ ᐱᓇᓱᑦᓱᑎᑦ.

ᐊᐅᓚᔨᖏᓐᓇᓕᒫᕐᓂᐊᑕᕋ ᐃᑲᔪᕐᓯᒋᐊᖃᕐᓱᑕ ᐊᒥᓱᒐᓚᓐᓂᑦ ᖃᑕᖕᖑᑎᒌᓂᑦ. ᐊᒥᓱᒐᓚᓐᓂᑦ ᐅᓐᓄᐊᓂᑦ ᐊᓪᓚᕕᒻᒦᒋᐊᖃᓯᒪᒐᑦᑕ ᐱᐊᕃᓪᓗ ᐊᓂᕐᕋᐅᓚᐅᕐᑐᑐᑦᓴᖃᓯᒪᖕᖏᒪᑦ ᑖᒃᑯᓄᖓ. ᐃᓚᖓᑦ ᐱᐊᕋᖅ ᑲᑉᐱᐊᓱᓪᓗᑐᓯᒪᔪᖅ ᒪᓗᒍᓱᑦᓱᓂᓗ, ᑕᑯᓐᓇᕈᓐᓇᓯᒪᖕᖏᑕᕗᓪᓗᓃᑦ ᓂᐊᖁᖓ ᐊᐅᑳᖃᑦᑕᒪᑦ, ᕿᐊᑦᓱᓂ, ᙯᒐᓪᓛᓱᓂ ᐃᔨᕆᐊᕐᑐᖃᑦᑕᓱᓂᓗ. ᖃᓂᓪᓕᑎᕋᓱᒋᐊᒥᒃ ᐱᔭᕆᐊᑐᓂᕐᓴᐅᓯᒪᔪᖅ. ᓂᕆᒍᒪᖕᖏᓱᓂ ᒪᑦᑕᕈᒪᒐᓂᓗᓐᓃᑦ. ᐹᓪᓚᓱᓂ ᐋᓐᓂᓱᓂ. ᖃᓂᓪᓕᒍᓐᓇᓯᒪᖕᖏᑐᒍᑦ ᑲᑉᐱᐊᓱᓗᐊᕐᒪᑦ ᕿᒫᖃᑦᑕᓱᓂᓗ ᐅᕙᑦᑎᓂᑦ. ᐱᖕᖑᐊᖃᑎᖃᓯᑦᓱᖓ ᓇᔭᖓᓂᒃ ᐊᖓᔪᑦᓱᒥᒃ. ᐊᕐᐸᓕᑭᑕᑦᓱᑕ ᐃᒐᓕᕐᒥ ᐳᓛᕐᕕᑯᓗ. ᐃᑉᐱᒋᓯᒪᔭᕋ ᓂᕕᐊᕐᓯᐊᒃ ᐊᑑᑎᔭᒃᑲᓂ ᐃᑦᔪᐊᖃᑦᑕᑎᓪᓗᒍ. ᑭᖑᓂᐊᒍᐊᐱᒃ, ᐱᐊᕋᖅ ᒪᓕᓯᓯᒪᔪᖅ ᓇᔭᒻᒥᓂᒃ, ᐅᕙᓐᓂᒃ ᒪᓕᑦᑐᒥᒃ. ᐱᖕᖑᐊᓱᑕ: ᐊᓂᒎᑎᒋᐊᓕᓐᓂᑦ ᐃᓂᓂᑦ ᓂᕿᑕᑦᓰᓱᖓ. ᐊᓂᒍᕐᓂᑕᒫᕋᓂ, ᐅᖁᒻᒦᖃᑦᑕᓱᖓ. ᑌᑲᓂ ᓇᔭᖓ ᐊᖓᔪᑦᓯᖅ ᐱᐊᕋᕐᓗ ᓂᕆᖃᑦᑕᒥᑦᓱᑎᒃ. ᑖᓐᓇ ᐱᖕᖑᐊᕈᓯᖅ ᐊᑑᑎᓯᒪᔭᕗᑦ ᐊᑯᓂᒐᓚᒃ, ᓯᓂᓐᓇᓯᕋᑕᕐᑎᓗᒍ. ᐃᓱᒪᓚᕿᒍᑎᒋᑦᓱᒍ, ᑲᑉᐱᐊᓱᓐᓂᐅᖃᐅᔪᖅ ᐱᐊᕋᐅᑉ ᐃᔨᒋᓐᓂᒃ, ᐅᑉᐱᕆᔭᖃᕐᑐᓴᐅᖕᖏᑐᖅ, ᐊᒥᓱᕕᑦᓱᓂ ᖁᐊᕐᓵᓂᒃᑰᖃᑦᑕᓂᕐᒧᑦ ᐱᕈᑲᐱᒋᐊᖃᕐᓂᐅᓱᓂᓗ. ᐊᓕᐊᓱᑦᓯᒪᕗᖓ ᐃᓘᓐᓇᑎᑦ ᓂᕆᓐᓂᒪᑕ ᐊᓕᐊᓱᖃᑎᒌᓚᐅᕐᑐᓱᑎᓗ ᐊᑑᑎᔭᕐᒥᑎᒍᒐᓗᐊᕐᓱᑎᑦ. ᐅᓪᓗᒥ, ᐱᖓᓱᐃᑦ ᐊᕐᕌᒍᐃᑦ ᑭᖑᓂᐊᒍᑦ, ᑖᓐᓇ ᐱᐊᕋᖅ ᑲᔪᓯᐅᒐᑦᓯᐊᑐᖅ ᐃᔨᒋᓪᓗ ᖃᐅᒪᑦᓯᐊᓕᕐᒥᓱᑎᒃ. ᐅᕙᓐᓂᒃ ᐋᐃ-ᓚᓐᓂᓲᖅ ᑕᑯᖃᑎᒌᓐᓂᑕᒫᑦᑎᓂ ᐃᕿᑕᐅᓕᐅᒥᔮᕐᑕᓲᖑᑦᓱᖓᓗ! ᐅᓪᓗᒥᒧᑦ ᓂᕆᐅᓇᖕᖏᑐᒥᒃ ᐊᑑᑎᕕᐅᑦᓱᖓ.

ᐃᑉᐱᒋᔭᖃᕐᖀᑦ ᐃᑲᔪᕐᓯᓂᕐᓂᑦ?

ᐅᑉᐱᕆᔭᖃᕐᖁᖓ ᐅᓂᒃᑳᑕᕋ ᖁᓪᓕᖓᓂᑦᑐᖅ ᑭᐅᒍᑎᐅᓂᖓᓂᒃ ᐊᐱᕐᓲᑎᒧᑦJ.

ᐅᑉᐱᕆᔭᖃᓪᓚᕆᒃᑯᖓ ᐃᑲᔪᕐᓯᓂᑦᑐᓂᑦ.

ᐃᓚᖓᓂ ᑎᒥᕗᑦ  ᐃᓗᕗᓪᓗ ᐱᓇᓱᓐᓂᕗᓐᓄᑦ ᑐᓂᓲᕆᕙᕗᑦ ᓂᕆᐅᒋᔭᕗᓐᓄᑦ ᑎᑭᐅᑎᓇᑕ. ᐊᓯᓕᒫᖏᓪᓕ ᐃᑲᔪᕐᓯᓂᕗᑦ ᐃᑲᔪᕐᓯᓱᑎᑦ ᑭᓯᐊᓂ ᖃᐅᔨᒪᓚᐅᕐᓯᒪᓂᐊᖕᖏᑐᒍᑦ.

ᑭᖑᓂᐊᒍᑦ, ᑐᑭᓯᓲᖑᕗᒍᑦ ᐊᓐᓇᐅᒪᑎᑦᓯᒐᓱᖕᖏᓂᑦᑎᓂᑦ ᑭᓇᑐᐃᓐᓇᒥᒃ. ᐱᓇᓱᒐᕗᑦ ᓴᐳᒻᒥᓂᐅᔪᖅ, ᐊᑦᑕᓀᑦᑐᒥᑎᑦᓯᓂᖅ, ᓄᕐᖃᑎᑦᓯᒍᑎᐅᓗᓂ ᐱᐊᕋᐅᑉ ᐊᑑᑎᔭᖏᓐᓂᑦ ᓈᒻᒪᓈᖕᖏᑐᓂᑦ. ᓴᐳᑦᔨᔨᐅᑦᓱᑕ, ᐃᑲᔪᕐᓯᔨᐅᓗᑕ, ᒪᓕᓪᓗᒋᑦ, ᐃᓚᖓᓂ ᐃᓕᓐᓂᐊᑎᓗᒋᑦ, ᑭᓯᐊᓂᓕ ᐱᒻᒪᕆᐊᓗᒻᒥᔪᖅ ᓲᓱᑦᓴᓂᖅ ᐱᒍᑦᔨᔭᕗᑦᑕ ᖃᖓᑐᐃᓐᓇᐅᒐᓗᐊᕐᐸᑦ ᐊᑐᐃᓐᓇᐅᓕᕐᓂᖓᓂᒃ, ᑭᓇᐅᓂᖏᑦ ᐊᖏᕈᑎᒋᓗᒋᑦ ᐊᑑᑎᕈᑕᕆᔭᒥᓄᑦ ᑌᒣᓐᓂᖏᓐᓂᑦ, ᐃᕐᖃᑐᐃᓂᖃᖕᖏᓗᓂ, ᐃᓄᑦᓯᐊᖑᕕᒋᓗᒋᑦ.

ᑕᒐ, ᐊᑦᔨᒋᖕᖏᓂᐅᔪᑦ ᖃᓄᖅ ᓱᕐᕃᓯᒪᕙ, ᖃᓄᓪᓗᐊᑎᒋᒃ? ᐃᒻᒥᓂᒃ ᑐᑭᑖᕈᓐᓇᓂᐊᕐᖁᑦ ᐱᒍᑦᔭᐅᔪᑦ. “ᐃᑲᔪᕐᓯᓂᖅ” ᐊᑑᑎᒍᒪᔭᑦᑎᓂᓪᓗᑯᐊᐱᒃ ᐊᑑᑎᓲᖑᖕᖏᓚᖅ ᐱᓇᓱᑦᑎᐅᒋᐊᖕᖓᓯᓂᑦᑎᓂ. ᑭᓯᐊᓂᓕ ᖃᐅᔨᒪᓂᐊᖕᖏᓚᒍᑦ ᐃᑲᔪᕐᓯᓚᕆᒻᒪᖔᑦᑕ ᐃᓅᓯᖏᓐᓂᑦ ᐱᐊᕃᑦ ᑕᑯᖃᑦᑕᑕᕗᓐᓂᑦ. ᐊᖓᔪᕐᖄᖏᑦ ᐃᓚᖏᓪᓗ ᓱᕐᕃᒪᑕ.
 

ᐃᓕᓐᓄᑦ, ᓱᓇᐅᕙᑦ ᐊᓕᐊᓇᕈᑎᖏᑦ ᐱᓇᓱᑦᑎᐅᓂᕐᒥ ᐅᑭᐅᕐᑕᑐᒥ?

ᐊᒥᓲᕗᑦ. ᐃᓚᖓᑦ ᓱᑲᑦᑐᒥᒃ ᖃᓂᑦᑑᓱᓂᓗ ᓯᓚᒦᒍᓐᓇᖁᒍᑦ, ᐆᒪᔪᖏᑦ ᐱᕈᕐᑐᖏᓗ ᐊᑦᔨᒋᔭᐅᖕᖏᑐᑦ ᑕᑯᓲᑦᑎᓄᑦ. ᐊᓯᐊᓂᒃ ᐊᑦᔨᐅᖏᑦᑐᓯᐊᒥᒃ ᓄᐃᑕᑦᓯᐊᑐᒥᒃ ᐃᓗᕐᕈᓯᒥᒃ. ᐃᓅᓯᐅᑉ ᐃᓂᕐᕋᓂᖓ ᐊᑦᔨᐅᖏᑦᑐᖅ. ᐃᓚᓐᓈᓕᐅᕐᓱᓂᑦ ᓄᓂᑦ, ᑭᖑᓂᐊᒍᑦ ᐅᑭᐅᕐᑕᑐᒥ ᐃᓚᑖᕆᑦᓱᒋᑦ. ᖃᐅᔨᒪᒍᓯᕐᓂᑦ ᐃᓕᑦᓯᖃᑎᒌᓐᓂᖅ, ᐱᒻᒪᕆᖁᑎᕗᓐᓂᑦ ᐅᑉᐱᕈᓯᕗᓐᓂᓗ. ᐅᑭᐅᒃᑯᑦ ᐱᐅᓯᕆᒐᒥᐅᒃ, ᐊᐳᑎᓕᐹᓗᑦᓱᓂ, ᐅᐱᕐᖔᑯᑦ ᓯᕿᓂᖅ ᓄᐃᑕᑯᑖᓱᖑᑦᓱᓂ ᑖᕐᓯᓗᐊᓚᐅᕐᓯᒪᒐᓂ, ᓄᐃᑕᑦᓯᐊᑐᑦ ᐱᐅᓯᖏᑦ ᓱᓕᑦᓯᐊᓱᑎᓗ ᐃᓄᐃᑦ ᑕᒫᓂ, ᐱᔭᕆᐊᑐᔫᖕᖏᓂᖏᑦ ᓱᓇᒐᓓᑦ, ᐃᓄᑦᑕᖏᓐᓂᑦ ᑕᑯᖃᑎᒌᓐᓃᑦ ᓄᐃᑕᓪᓚᕆᖏᓐᓇᑐᖅ. ᑕᒫᓂ, ᐱᐊᕋᐅᔮᓯᒪᕗᒍᑦ, ᐃᓄᐃᑦ ᑎᒍᒥᐊᒐᕐᓂᑦ ᐅᖄᓚᐅᑎᖃᖕᖏᑐᑦ, ᐅᖄᖃᑎᒌᑦᓱᑎᑦ ᑕᑯᓐᓇᐅᑎᑦᓱᑎᑦ. ᐅᖄᓚᕐᖄᓱᖑᖕᖏᑐᑦ ᐳᓛᕆᐊᓯᒐᒥᒃ ᐃᓚᓐᓈᓂᒃ. ᐁᒐᕕᑦ ᐃᑎᕐᓱᑎᑦ, ᑌᒫᒃ ᐱᔭᕆᐊᑭᑦᑐᖅ.
 

ᓈᒻᒪᓇᕐᖀᑦ ᐱᓇᓱᒐᕆᒍᒪᓯᒪᔦᓂᒃ?

ᓈᒻᒪᓴᕐᓂᖅ ᒥᑭᓗᐊᕐᑐᖅ. ᐅᕙᖓᓕ ᐊᓯᐊᓂᒃ ᓄᓇᖃᕆᐊᒥᒃ ᐃᓱᒪᖕᖏᓚᖓ ᑕᒫᓂᑭᓯᐊᓂ.

ᓇᑯᕐᒦᒃ!

Albert Roy, ejoying the scenery of Torngat Mountains National Park, on a few days off work.

 

“Working in Kuujjuaq gave me the chance to broaden my field of practice.”

 
Albert Roy has been pharmacist at the Ungava Tulattavik Health Centre for more than four years. Based at the hospital in Kuujjuaq, the largest village of Nunavik, Mr. Roy is among a handful of pharmacists who have helped ensure that the local population receives appropriate pharmaceutical services. Quite the job, you might say! We met with this amateur of wide open spaces and adventure to learn more about his practice in Nunavik, and here we share our conversation with you.

Mr. Roy, you’ve been working with the UTHC pharmacy for some years now. What originally led you to take on the job?

I had already been doing replacements in several regions of the province when I arrived in Nunavik for the first time in March 2017. I’ve always had a taste for adventure and I was looking for a new professional challenge. I was interested in many sectors, including management and hospital pharmacies, but I decided not to pursue my studies toward a master’s in advanced pharmacotherapy. Working in Kuujjuaq gave me the chance to broaden my field of practice.
 

How would you describe your work environment?

We’re a small team, but the clinical practice is very stimulating, as the medical teams rely on us enormously. The environment can be unpredictable, so you need a good capacity to adapt and be flexible.
 

What can you say about pharmacy work in Nunavik compared to a similar position elsewhere in Québec?

The environment is unique: besides practising in a remote region with limited resources, you need to be able to ensure services both at the community pharmacy and at the hospital. But the proximity with other professionals really facilitates the work. What really makes the place authentic is the population. We have much to learn from the Inuit. They’re a very endearing people! The culture and the language can be barriers, but you adapt.
 

Tell us a story from your practice.

There are many, but a number of times I’ve been required to travel to the other Ungava communities to optimize pharmaceutical care. I was in Wakeham Bay for observation, where a patient was intubated. As the villages do not have a permanent pharmacist, I found myself actively participating in the intubation, checking doses and preparing medications. Resourcefulness is essential in an environment like ours!
 

What challenge or challenges are you proud of having dealt with successfully? What northern experience or experiences have improved your own practice?

In 2018, I became acting head pharmacist while my colleagues were on parental leave. With my limited experience, managing a full department with an unstable team was, for me, a huge task. Finding myself outside my comfort zone, I was forced to develop a solid capacity for problem solving. It was an extreme learning situation, in terms of both project management and human-resources management.
 

What are the main advantages of practising in Nunavik?

Nunavik is a little known region, but it’s one of the most beautiful in Québec. Living here daily is a privilege. The four months of vacation and the enhanced salary are also considerable advantages, but it’s especially the quality of life that’s unmatched.
 

Over the years, have you led the life you’d hoped for?

Beyond my expectations! Work led me here, but it’s life outside the pharmacy which has kept me here all these years. Besides unimaginable outdoor expeditions, it’s the people I’ve met who have marked me the most. I have a second family, because the friendships I’ve developed are so lasting.
 

What would you say to the pharmacist who might take your place?

Don’t hesitate, take the leap. For an extraordinary experience in the North, you have to jump right in. There is much to learn from experiences in the Far North!

 

Thank you Mr. Roy!

ᐊᕐᕌᒍᐃᑦ ᓯᑕᒪᐅᓕᕐᑐᑦ, ᐅᐱᕐᖔᖑᑎᓪᓗᒍ ᐅᓐᓄᓴᒃᑯᑦ ᒪᓐᑐᕆᐊᓪᒥ ᐊᓃᕐᕕᒥᑦᓱᑕ, ᐱᖃᑎᒐᓄᑦ ᐅᖃᐅᑦᔭᐅᓯᒪᕗᖓ ᐱᓇᓱᒐᕐᒥ ᐅᒃᑯᐃᖔᕐᑐᒥᒃ ᓂᕿᑦᓯᐊᑐᒪᒋᐊᖃᕐᓂᒧᑦ ᐱᓇᓱᑦᑎᐅᕐᑐᓂᑦ ᐅᖓᕙᒥ ᑐᓚᑦᑕᕕᒃ ᐋᓐᓂᐊᕕᖓᓂ.

ᓯᕗᓪᓕᒥ ᐊᐱᕆᒋᐊᓪᓚᑐᖓ ᓱᔪᖅ? ᓅᑦᑎᓗᖓ ᐱᓇᓱᓪᓗᖓᓗ ᐅᖓᓯᑦᑐᒥ ᐅᑭᐅᕐᑕᑐᒥ? ᐊᐅᑲ, ᐅᖓᓯᓗᐊᕐᑐᖅ ᐅᕙᓐᓄᑦ, ᐱᖃᑏᑦ.

ᐊᓂᕐᕋᓱᖓ ᐅᓐᓄᓴᖓᓂ, ᖃᐅᔨᒍᒪᓂᑯᒐᓄᑦ, ᐱᓇᓱᒐᕐᒥᒃ ᓂᕕᖓᔪᒥᒃ ᕿᒥᕐᕈᓯᒪᕗᖓ, ᐱᓇᓱᒐᕐᑖᕋᓱᒍᒪᐅᑎᒥᒃ ᑐᓂᔨᕕᐅᒋᐊᖃᕐᕕᖓ ᐊᓂᒍᑎᒌᕐᑐᕕᓂᐅᑎᓪᓗᒍ.

ᐊᑐᐊᕐᓯᓱᖓ ᐊᑐᐊᕐᓯᒋᐊᓪᓛᓱᖓᓗ ᐱᓇᓱᒐᐅᑉ ᖃᓄᐃᑦᑑᓂᖓᓂᒃ ᓱᓇᓂᓗ ᐱᒍᓐᓇᕆᐊᖃᕐᒪᖔᑕ ᐃᑉᐱᒍᓲᒻᒥᓱᖓ ᐱᓇᓱᑦᑎᓯᐅᕐᑎᓗᒋᑦ ᐃᓕᓐᓂᐊᓯᒪᔭᒃᑲᓂ ᐱᒍᓐᓇᑕᒃᑲᓂᓗ. ᐅᓇᒋᐊᓪᓚᓗ, ᐃᑉᐱᒍᓲᒻᒥᓱᖓ ᓯᕗᓪᓕᐸᐅᒐᔭᕐᓂᕋᓂ ᓂᕿᑦᓯᐊᑐᒪᒋᐊᖃᕐᓂᒧᓕᖓᔪᓂᑦ ᐱᓇᓱᑦᑎᐅᓗᖓ ᐋᓐᓂᐊᕕᒻᒥ ᐱᓇᓱᒋᐊᓕᒃᑲᓗ, ᐱᓇᓱᑦᑎᑖᕆᔭᐅᑦᓴᕋᔭᕈᒪ, ᐋᕐᕿᓱᐃᓗᖓ ᖃᓄᐃᑦᑑᒐᔭᕐᓂᖓᓂᒃ ᐱᒍᑦᔨᓂᖅ, ᐃᓗᓕᑕᖃᕋᔭᕐᑐᖅ ᐱᓇᓱᐊᕐᓂᒥᒃ ᓯᕗᕐᖐᒐᓱᓐᓂᒥᓗ. ᑖᓐᓇ, ᖁᓚᖏᓐᓇᕋᓗᐊᕐᓱᖓ ᐅᑦᑐᕋᑦᓴᓯᐊᕌᓗᔪᕆᓯᒪᔭᕋ.

ᐅᖄᖃᑎᖃᕐᓱᖓ ᐱᖃᑎᒐᓂᒃ ᑲᕈᓪᒥᒃ, ᐅᕙᓐᓂᒃ ᐱᓇᓱᒐᕐᑖᕋᓱᒍᒪᓚᖀᓯᒪᔪᖅ ᐃᑲᔪᕐᓱᓂᖓᓗ ᐊᓪᓚᒋᐊᖕᖓᒍᑎᒐᓂᒃ. ᑕᒐ, ᖁᓚᒐᓚᖏᓐᓇᓱᖓ, ᐱᓇᓱᒐᕐᑖᕋᓱᓯᒪᕗᖓ ᐊᓪᓕᑐᖃᒥ ᐅᓐᓄᑯᑦ ᓯᓂᒐᓱᐊᓚᐅᕐᓇᖓ.

ᐊᒻᒪᓗᒋᐊᓪᓚᖅ, ᐱᓇᓱᐊᕈᓰᑦ ᐊᒥᓲᓪᓗᐊᖏᑦᑐᑦ ᐊᓂᒍᕐᑎᓗᒋᑦ, ᐱᓇᓱᑦᑎᑖᕆᔭᐅᓯᒪᕗ. ᐅᖃᕈᓐᓇᖁᖓ, ᐃᓱᒫᓗᓯᒪᕗᖓ ᓂᕆᐅᓇᖓᓗ ᐱᓇᓱᑦᑎᑖᕆᔭᐅᑲᐱᓚᖓᔪᕆᓴᖓᓗ ᓱᑲᑦᑐᒥᒃ. ᐃᒣᖔᓯᒪᔪᖅ, ᐅᖄᓚᕕᐅᓯᒪᕗᖓ ᑰᑦᔪᐊᒥᑦ ᑐᓴᕐᑎᑕᐅᑦᓱᖓ ᓅᑦᑎᓕᕈᒪ ᖃᓄᐃᓘᕆᐊᖃᕐᒪᖔᕐᒪ ᐊᓪᓚᑖᓚᐅᕐᓇᖓᓱᓕ ᐱᓇᓱᑦᑎᑖᕆᔭᕕᓂᐅᓂᕋᓂᒃ ᑌᒫᑕᒐ ᖃᐅᔨᓯᒪᕗᖓ ᐅᖓᓯᑦᑐᒥ ᐅᑭᐅᕐᑕᑐᒥᐅᖑᓚᖓᓕᕐᓂᕋᓂᒃ ᐱᓇᓱᕝᕕᖃᓚᖓᓕᕐᓂᕋᓂᓗ.

ᑕᒐ, ᐅᓪᓗᖓᓂ ᐊᐅᓪᓚᕕᓴᕋᓂ, ᓄᕕᒻᐱᕆ 18, 2013ᒥ, ᒥᕝᕕᒥ ᐱᓇᓱᑦᑎᒃ ᕗᔅ ᐃᐊ-ᑯᓂ ᐅᖃᐅᑦᔨᓚᐅᕐᓯᒪᔪᖅ ᐃᖃᓗᓐᓄᑦ ᒥᑐᐃᓐᓇᕆᐊᖃᕐᓂᑎᓐᓂ ᑯᑦᔪᐊᒨᖕᖏᑐᖅ ᓯᓚᕐᓂᓗᓐᓂᑯᖓᓄᑦ. ᓱᔪᖅ? ᓱᒐᔭᕋᒫ? ᑕᑯᓚᖓᔪᕆᓯᒪᕗᖓ ᓇᓄᕐᒥᒃ ᓯᕗᓪᓕᐹᖓᓂ ᐅᓪᓗᒥ ᐅᑭᐅᕐᑕᑐᒧᕐᓗᖓ. ᑭᓯᐊᓂ, ᐊᐅᑲ. ᐊᕐᕌᒍᐃᑦ ᐱᖓᓱᑦ ᓈᒻᒪᑕ ᑕᑯᓂᐊᓕᕋᒪ, ᐊᒥᓱᓄᑦ ᐊᑑᑎᔭᐅᒍᓐᓇᖏᑦᑐᖅ ᑕᒪᓐᓇ. ᖃᐅᔨᑲᐱᓯᒪᕗᖓ ᐅᖓᓯᑦᑐᒥ ᐅᑭᐅᕐᑕᑐᒥ ᐱᓇᓱᑦᓱᓂ ᕿᓄᐃᑦᑑᒋᐊᖃᕐᓇᕆᐊᖓᓂᒃ ᖁᓚᕆᐊᖃᕋᓂᓗ ᓱᓇᑐᐃᓐᓀᑦ ᓂᕆᐅᓇᖕᖏᑐᐃᑦ ᐊᒥᓲᒻᒪᑕ, ᐱᓗᐊᕐᑐᒥᒃ, ᐊᐅᓪᓚᑲᑦᑕᓱᓂ ᓄᓇᓕᓐᓄᑦ. 

ᐱᓇᓱᑦᑎᐅᓂᕐᒧᑦ ᑕᑯᓐᓈᓱᒍᓕ, ᐱᓇᓱᓕᕋᕕᑦ ᐅᖓᓯᑦᑐᒪᕆᒻᒥ ᐅᑭᐅᕐᑕᑐᒥ, ᐃᓱᒪᒃᑯᑦ ᐅᖁᒣᑦᑐᑯᕈᑎᐅᒍᓐᓇᑐᓂᑦ ᐃᓱᒪᓕᕐᕿᑖᕐᓇᑐᖅ ᐅᑦᑑᑎᒋᓗᒋᑦ ᐃᒻᒥᓂᐊᕐᑐᐃᑦ ᐅᓄᕐᑐᒪᕇᑦ, ᐃᒥᐊᓗᓐᓂᒧᑦ ᐱᓀᓗᑌ, ᐃᓪᓗᐃᓂᐊᕐᓂᖅ ᐊᒻᒪᓗ ᐃᓚᖓᑎᒍᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᓀᓗᑌᑦ, ᐳᕙᓪᓗᓂᖅ ᐅᑦᑑᑎᒋᓗᒍ. ᑭᓯᐊᓂᓕ ᓂᕿᑦᓯᐊᑐᒪᒋᐊᖃᕐᓂᒧᑦ ᐱᓇᓱᑦᑎᐅᓱᖓ, ᐅᖁᒣᑦᑐᑯᕈᑎᐅᔪᑦ ᐊᖏᔪᐊᓘᒻᒥᓱᑎᑦ ᓂᕆᐅᒋᔭᕕᓂᒃᑲᓂᑦ ᐊᖏᓂᕐᓴᐅᓱᑎᐊᓪᓛᑦ. ᐃᓘᓐᓇᒍᑦ ᑕᑯᓐᓇᓗᒋᑦ - ᐋᓐᓂᐊᓯᐅᕆᓂᕐᒧᑦ ᐊᒻᒪᓗ ᓯᕗᕐᖐᒐᓱᓐᓂᒧᑦ, ᐃᓗᓯᕐᓱᓯᐊᕆᐊᖃᕐᓂᒥᒃ ᑐᑭᓯᒪᔭᐅᑎᑦᓯᓂᑦ, ᓂᕿᖃᑦᓯᐊᕆᐊᖃᕐᓂᒧᒐᓴ - ᐃᓄᖁᑎᓕᒫᖏᓐᓄᑦ ᐅᖓᕙᐅᑉ ᓄᓇᖁᑎᖓᓂ ᐃᓂᓪᓚᑎᕐᓯᒪᑦᓯᐊᕆᐊᓕᒃ, ᒪᓕᑦᓯᐊᓗᒋᑦ ᖃᓄᕐᑑᕈᓐᓇᓯᐊᕐᓗᑎᓗ. ᑭᓯᐊᓂ ᐱᒻᒪᕆᐅᓂᕐᐹᖅ ᑐᑭᓯᒋᐊᓕᕗᑦ ᐃᓄᐃᑦ ᐃᓗᕐᕈᓯᖓ ᐅᖁᒣᑦᑐᑰᕈᑎᖏᓪᓗ ᐊᑑᑎᔭᐅᔪᑦ ᐃᓄᖁᑎᖏᓐᓄᑦ ᐊᓃᒎᑎᑎᒐᓱᒋᐊᓕᖏᑦ ᐃᓗᓯᕐᓱᓯᐊᓂᐊᕈᑎᒃ. ᐱᒋᐅᒍᓐᓇᓯᓂᐊᕈᕕᑦ ᑕᒫᓂ, ᑐᑭᓯᒪᒋᐊᖃᕐᖁᑎᑦ ᓄᓇᓕᒻᒥᐅᑦ ᑭᖕᖒᒪᒋᔭᖏᓐᓂᑦ ᓲᓱᑦᓴᓯᐊᖏᓐᓇᓕᒫᕐᓗᓂᓗ. ᐃᓅᓱᑦᑐᐃᑦ ᓄᓇᓕᒻᒥ ᐃᓕᓐᓂᑦ ᒥᔅᑐ ᓯᒧᑎ ᓚᖃᑦᑕᓯᒻᒪᑕ, ᖃᐅᔨᒪᓇᕐᑐᖅ ᓱᖃᑦᓯᒍᑎᑦᓴᓕᐊᕕᓂᑎᑦ ᐃᑲᔪᕐᓯᒋᐊᖏᑦ, ᐃᓱᒫᓗᓐᓂᐅᖃᑦᑕᓯᒪᔪᑦ ᐊᓯᐅᑦᓱᑎᑦ.

ᐅᖓᓯᑦᑐᒪᕆᐅᑦᓱᓂ ᐅᑭᐅᕐᑕᑐᖅ ᐊᖏᔪᕐᔪᐊᖅ, ᑕᑯᒥᓇᕐᑐᒪᕆᐅᑦᓱᓂ ᓄᓇᒃ ᐃᔨᕐᓯᒪᔪᓂᑦ ᓂᕆᐅᓇᖕᖏᑐᓂᑦ ᐱᐅᔪᓂᑦ ᐱᑕᓕᒃ ᐊᒥᓱᑲᓪᓚᓂᓗ ᐱᔭᕆᐊᑭᑦᑐᑐᐃᓐᓇᐅᖏᑦᑐᓂᑦ ᐱᑕᖃᕐᓱᓂ. ᓇᒻᒥᓂᕐᓕ ᑕᑯᒍᓐᓇᓯᔭᕕᓂᕋ ᐱᓇᓱᑦᑎᐅᓂᕋᓄᑦ ᓂᕿᑦᓯᐊᑐᒪᒋᐊᖃᕐᓂᒧᓕᖓᔪᒥᒃ, ᑕᑯᒍᓐᓇᓯᓚᕿᒍᑎᒋᑦᓱᒍ ᐃᓂᖁᓇᕐᓂᖏᓐᓂᑦ ᓄᓀᑦ ᑭᓯᐊᓂᓗ ᖃᐅᔨᒪᔮᕐᑖᓱᖓ ᐊᓕᐊᓇᕐᑐᓂᑦ ᐃᓄᓐᓂᑦ.

ᑌᒫᑕᒐ ᖃᐅᔨᒋᐅᕐᓯᒪᕗᖓ ᐅᖓᓯᑦᑐᒪᕆᒻᒥᒃ ᐅᑭᐅᕐᑕᑐᒥᒃ. ᒫᓐᓇᓕ ᐃᓕᓐᓂᒃ ᓇᒻᒥᓂᖅ ᖃᐅᔨᒋᐊᕐᑐᖁᕙᒋᑦ.

ᐊᓓᖕ ᐁᓴᒃ, ᓂᕿᑦᓯᐊᑐᒪᓂᕐᒥᒃ ᐱᓇᓱᑦᑎᒃ
ᐅᖓᕙᒥ ᑐᓚᑦᑕᕕᒃ ᐋᓐᓂᐊᕕᒃ

ᐃᓱᒪᓕᕆᓂᕐᒧᑦ ᐃᓕᓐᓂᐊᑎᑦᓯᓂᕐᒧ ᐱᓇᓱᑦᑎᒃ ᑐᓚᑦᑕᕕᐅᑉ ᐱᒍᑦᔨᕕᖓᓂ ᐃᓅᓱᑦᑐᐃᑦ ᓴᐳᒻᒥᔭᐅᕕᖓᓂ

ᐱᒋᐊᕐᓂᖓᓂ ᐅᑭᐅᕐᑕᑐᒨᕆᐊᖕᖓᓂᕕᓂᕋᓂ, ᐅᖃᐅᑦᔭᐅᖏᓐᓇᓕᒫᕐᑐᖓ: “ᐱᓇᓱᒃᑭᑦ ᐃᓅᓱᑦᑐᐃᑦ ᓴᐳᒻᒥᔨᖏᓐᓄᑦ ᐅᑭᐅᕐᑕᑐᒥ? ᐱᔭᕆᐊᑭᑦᑐᐊᐱᑐᐃᓐᓇᐅᒍᓇᐅᖕᖏᑐᖅ…” ᐋᐊ, ᐱᓇᓱᐊᕐᑕᕋ ᐊᒥᓱᓂᑦ ᐅᖁᒣᑦᑑᒍᑎᓕᒃ ᐊᒻᒪᓗ ᑕᑯᖃᑦᑕᓱᖓ ᐃᓄᓐᓂᑦ ᓯᕐᓕᕿᔪᓂᑦ, ᑭᓯᐊᓂ ᓇᓗᓇᕐᑐᖅ ᐅᖃᕋᓱᒋᐊᖏᑦ ᐃᑲᔪᕐᓯᔭᐅᓐᓇᑐᐃᑦ ᐊᑑᑎᔭᒃᑲᓂᑦ.

ᐱᓇᓱᖃᑎᒌᓐᓂᖅ ᐃᑲᔪᕐᓯᖃᑎᒌᑦᓱᑎᑦ ᐅᖃᐅᓯᕐᒥ ᐊᑦᔨᐅᖏᑦᑐᒥ ᐃᓗᕐᕈᓯᒥᓗ ᐃᓱᒪᒋᔭᖃᖏᓐᓇᓕᒫᕐᓇᑐᖅ ᖃᓄᐃᓘᕈᓯᐅᔪᐃᑦ ᐃᑲᔪᕐᓯᒍᑎᑦᓴᓯᐊᖑᓂᐊᕐᒪᖔᑕ. ᐊᑑᑎᔭᒃᑲ ᐊᒻᒪᓗ ᐃᒻᒥᓂᕿᒍᓐᓇᓯᓂᕋ ᑕᒫᓂᑦᓱᖓ ᐊᑦᔨᖃᖕᖏᑐᓚᑦ. ᐃᓄᓐᓂᒃ ᑕᑯᒐᒪ ᖃᓄᕐᑑᕈᑎᑦᓴᒥᓂᑦ ᐃᒻᒥᓂ ᓄᐃᑦᓯᔪᓂᑦ ᐅᖁᒣᑦᑐᑰᕈᑎᒥᓄᑦ ᐅᕝᕙᓗᓐᓃᑦ ᐋᕐᕿᒋᐊᕈᑎᑦᓴᒥᓂᑦ ᓄᐃᑦᓯᓱᑎᑦ, ᐊᓕᐊᓱᖃᑦᑕᖁᖓ ᐃᓇᖏᕐᑕᐅᓱᑎᑦ ᐅᖁᒣᑦᑐᑯᕐᓂᐅᖃᑦᑕᑐᐃᑦ.  ᑕᒫᓂ ᐱᓇᓱᓐᓂᖅ ᓂᕆᐅᓇᖕᖏᑐᓂᑦ ᐱᑕᖃᕐᑐᖅ: ᐃᓅᒐᓱᓐᓂᖅ ᖃᖓᑦᑕᔫᑦ ᐃᓂᕐᕋᓂᖏᑦ ᒪᓕᑦᓱᒋᑦ, ᑐᑦᑐᕕᓂᕐᑐᓂᖅ ᑐᑦᑐᑕᐅᕋᑖᕐᑐᒥᒃ ᙯᑕᐅᔪᖅ ᓇᑯᕐᓴᑐᓄᑦ, ᐊᑖᑕᐅᔪᒥᒃ ᑕᑯᒍᓐᓇᖏᓐᓂᖅ ᐃᓚᖏᓐᓂ ᓄᓇᓕᓐᓂ ᕿᓚᓗᒐᕐᓂᐊᓇᐅᒻᒪᑦ ᐊᓯᖏᓪᓗ. ᐱᓇᓱᓐᓂᖅ ᐃᓱᒪᑎᒍᑦ ᐃᓕᓐᓂᐊᑎᑦᓯᓂᑎᒍᑦ ᐃᓗᕐᕈᓯᖃᑎᒌᖕᖏᑐᓂ ᐱᓇᓱᒍᒪᒍᑎᒋᓐᓂᖃᕋ ᐅᑭᐅᕐᑕᑐᒥᐅᖑᓗᖓᓗ; ᐅᓪᓗᒃ ᓄᑖᖅ ᐱᓇᓱᒐᕐᒥᒃ ᓄᑖᒥ ᐊᑑᑎᑎᑦᓯᕗᖅ.

ᐅᑭᐅᕐᑕᑐᖓᓂ ᑯᐯᒃ, ᐱᓇᓱᖃᑎᑎᑦ ᐃᓚᓐᓈᑖᕆᕙᑎᑦ. ᐃᓄᑑᓚᖓᒋᐊᒥᒃ ᓂᕆᐅᒋᓯᒪᔭᕋ ᐊᑑᑎᓯᒪᖕᖏᓚᖅ ᐅᕙᓐᓄᑦ. ᐊᓕᐊᓇᕐᑐᓂᑭᓯᐊᓂ ᐱᑕᖃᕐᓱᓂ ᓄᓇᖓᓂ ᐃᓂᖁᓇᕐᑐᒥᒃ ᑕᑯᓐᓈᓱᓂ, ᐱᓱᓐᓃᑦ ᓄᓇᑐᐃᓐᓇᒥ, ᑕᓪᓗᓕᔭᕐᓂᖅ, ᐃᑯᐊᓚᐅᑉ ᐅᕐᖂᓂᖓ, ᐊᑦᓴᓂᓂᑦ ᑕᑯᓐᓈᓂᖅ ᐃᓚᖓᓂᑦᓴᕋᑕᓗ ᓯᑦᔭᒦᓐᓂᖅ! ᐅᑭᐅᕐᑕᑐᒦᓐᓂᖅ ᐊᑑᑎᒍᓐᓇᑕᕗᓐᓂᒃ ᐃᓅᓯᕐᒥᒃ ᖃᐅᔨᒍᑎᑦᓯᐊᖑᕗᖅ, ᖄᖏᐅᑎᓗᒋᓗ ᐊᒻᒪᓗ, ᑖᒃᑯᓄᖓᑮᑕ, ᐃᒻᒥᓂᒃ ᖃᐅᔨᓕᐅᒥᓂᐊᓕᕋᑦᑕ. ᐃᓄᐃᑦ ᐃᓗᕐᕈᓯᖓᓃᖃᑎᐅᓂᖅ ᐳᐃᒍᕐᓇᖏᒻᒥᔪᖅ: ᐃᓄᓐᓄᑦ ᐃᓚᐅᓂᖅ ᖃᐅᔨᒪᒍᓯᑐᖃᕐᒥᓂᑦ ᐃᓕᓐᓂᐊᑎᑦᓯᔪᓂᑦ ᑎᑭᕐᖃᒥᓄᑦ ᐃᓚᓐᓈᑖᕆᑦᓱᒋᓗ ᑕᒐ ᐊᐅᓪᓚᑐᐃᓐᓇᒪᑕ ᑲᔪᓯᐅᒐᕐᓱᑎᑦ, ᑭᖑᓂᐊᒍᓪᓗ ᑎᑭᑦᑐᓄᑦ ᑌᒫᑦᓭᓈᕐᒥᓱᑎᑦ…

ᐅᕙᓐᓄᓕ, ᓯᓚᖓ ᐅᑭᐅᕐᑕᑐᒥ ᕿᐅᔭᓇᕐᑐᒪᕆᐅᓂᖓ ᓂᐸᕐᑎᑕᐅᓲᖑᕗᑦ ᐃᓂᖁᓇᕐᓂᖓᓄᑦ, ᑭᓯᐊᓂ ᖁᓚᕐᓇᖏᑦᑐᖅ, ᐱᓇᓱᒐᕋᓂᑦ ᐃᓅᓯᕋᓂᓗ ᐊᑑᑎᔭᒃᑲ ᑕᒫᓂᑦᓱᖓ ᐃᑲᔪᕐᓯᒍᑎᐅᓂᕐᐸᐅᕗᑦ ᐃᓅᓯᕋᓂ.

ᒪᕆᓗ ᐱᕆᐊᕐ, ᐃᓱᒪᓕᕆᓂᕐᒧᑦ
ᐃᓱᒪᓕᕆᓂᕐᒧᑦ ᐃᓕᓐᓂᐊᑎᑦᓯᓂᕐᒧ ᐱᓇᓱᑦᑎᒃ ᑐᓚᑦᑕᕕᐅᑉ ᐱᒍᑦᔨᕕᖓᓂ ᐃᓅᓱᑦᑐᐃᑦ ᓴᐳᒻᒥᔭᐅᕕᖓᓂ
 

ᐃᓅᓯᓕᒫᕋᓂ ᐊᑑᑎᓚᐅᕐᓯᒪᖕᖏᑕᕋᓂᒃ ᐱᒋᐊᕐᓯᒪᔪᖅ ᔫᓂ 2016ᖑᑎᓪᓗᒍ ᐋᓐᓂᐊᕕᓕᐊᕐᓯᒪᔪᑦ ᐋᓐᓂᐊᓯᐅᕐᑕᐅᕕᖓᓂ ᐳᕕᕐᓂᑐᒥ. ᐃᓅᓯᕋᓂᒃ ᐱᓇᓱᒐᕋᓂᓪᓗ ᐱᕙᓪᓕᐊᑎᑦᓯᒐᓱᓐᓂᑎᒍᑦ, ᑐᑭᓯᓕᐅᒥᒐᓱᖃᑦᑕᓱᖓ ᓄᓇᕕᐅᑉ ᖃᓄᐃᑦᑐᓚᕆᐅᓂᖓᓂᒃ ᐊᑯᓂᒐᓚᐅᓕᕐᑐᖅ. ᑐᓵᑦᓱᖓ ᐱᖃᑎᒃᑯᒪ ᐅᖄᔭᖏᓐᓂᑦ, ᐊᑐᐊᕐᑕᕕᓂᒃᑲᓂᑦ ᖃᕆᑕᐅᔭᑎᒍᑦ ᐊᓪᓚᓯᒪᔪᓂᑦ ᐊᒻᒪᓗ ᖃᓄᐃᑦᑑᔪᕆᔭᕋᓂ ᐃᓱᒪᑎᒍᑦ ᐅᑭᐅᕐᑕᑐᖓ ᑯᐯᒃᒥ, ᖃᖓᑦᑕᔫᓯᕋᑕᓚᐅᔪᕗᖓ ᐅᖓᓯᑦᑐᒧᑦ ᓄᓇᓕᒻᒧᑦ ᐊᑕᐅᓯᕐᒥᒃ ᐃᓱᒪᒋᔭᑐᐊᖃᕐᓱᖓ: ᐃᓕᓐᓂᐊᓂᕐᒥᒃ!

ᐃᓕᓪᓗᑐᕐᓯᒪᓱᖓᓗ! ᐊᑑᑎᔭᕕᓂᕋ ᐃᓱᕐᕆᒋᔭᕋᓃᒍᓐᓀᑎᑦᓯᒋᐊᖃᓚᐅᔪᖅ ᓯᕗᓪᓕᐹᑦᓯᐊᒥ ᑐᑦᓱᖓ ᓄᓇᐅᑉ ᐃᑭᐊᓂ ᓯᑯᓕᑦᒧᑦ. ᓄᓇᖓᓗ ᐃᓂᖁᓇᕐᑐᔪᐊᒧᑦ, ᐃᓄᐃᑦ ᐊᑦᔨᐅᖏᑦᑑᓂᖏᓐᓄᑦ, ᐊᒻᒪᓗ ᐃᓚᒌᑎᒍᑦ ᓲᖑᔫᓂᖏᑦ ᓄᓇᓕᐅᓗ ᐱᒻᒪᕆᖁᑎᖏᓐᓄᑦ, ᐃᓗᒃᑯᑦ ᐃᑉᐱᒍᓱᓚᐅᔪᖓ ᑕᒪᓐᓇ ᓄᓇᒃ ᐊᑦᔨᖃᖕᖏᑐᖅ ᓱᕐᕃᓗᑕᓚᖓᒋᐊᖓᓂᒃ ᐅᕙᓐᓂᑦ… ᐊᒻᒪᓗ ᐅᓪᓗᒥᒧᑦ ᓱᕐᕃᒪᕗᖅ ᐅᕙᓐᓂᑦ.

ᓄᓇᕕᒃ ᐅᕙᓐᓄᑦ ᓇᒻᒥᓂᖅ ᕿᒥᕐᕈᒋᐊᓪᓚᖏᓐᓇᓂᐅᕗᖅ, ᓇᒻᒥᓂᖅ ᐱᕕᑦᓴᖃᕐᑎᒋᐊᓪᓚᕕᐅᑦᓱᓂ, ᑲᒪᒋᔭᐅᓪᓗᐊᓲᖑᖕᖏᑐᖅ ᓱᑲᑦᑐᓂᑯᖏᓐᓄᑦ ᓱᓇᑐᐃᓐᓀᑦ ᓄᓇᓕᕐᓚᒥ. ᕿᒥᕐᕈᓐᓇᓯᑦᓱᓂ ᑕᑉᐸᐅᖓ, ᐊᑦᓴᓂᕐᓂᑦ, ᓄᕗᔭᓂᑦ… ᓇᒻᒥᓂᖅ ᓇᑯᕐᓴᕈᓐᓇᓯᑦᓱᑎᑦ ᓴᐱᖕᖏᓂᕐᓂᑦ ᐱᓪᓗᑯᖃᑎᐅᓂᕐᓂᓗ ᐱᐅᔪᒥᒃ ᐊᑑᑎᒍᓐᓇᓯᓪᓗᑯᕐᑕᕕᓂᕐᓂᑦ ᐊᑦᔨᖃᖕᖏᑐᒥᒃ.

ᐃᑉᐱᒍᓱᓪᓗᐊᓇᖅ, ᐊᕐᕌᒍᓕᒫᖅ ᓈᑲᓪᓚᒋᕗᖅ, ᐊᕐᕌᒍᕐᒥ ᑲᑎᓯᖃᑦᑕᓱᑎᑦ ᐱᖃᑎᑎᓐᓂᑦ, ᓇᒻᒥᓂᖅ ᐃᓕᓐᓄᓕᖓᔪᓂᑦ ᖃᐅᔨᑦᓱᑎᑦ ᐊᒻᒪᓗ ᐃᓕᕙᓪᓕᐊᖏᓐᓇᓕᒫᕐᓱᑎᑦ. ᓄᓇᕕᒃ ᒪᒥᓴᕐᕕᔫᔮᕐᑐᖅ: ᑕᒪᐅᓇ, ᐊᓕᐊᒋᔭᑎᓐᓂᑦ ᖃᐅᔨᑦᓱᑎᑦ, ᑐᑭᓯᓕᐅᒥᑦᓱᑎᑦ ᐃᓄᒻᒪᕆᒍᓕᐅᒥᑦᓱᑎᓗ. ᐃᓗᓐᓇᖏᑦ ᐊᑑᑎᔭᑎᑦ ᐃᓄᑦᓯᐊᖑᓕᐅᒥᒍᑎᒋᑦᓱᒋᑦ, ᖃᐅᑕᒫᑦ.

ᒫᓐᓇᒧᑦ, ᓄᓇᕕᒃ ᓱᓇᑐᐃᓐᓇᓂᑦ ᖃᐅᔨᖃᑦᑕᖁᖓ ᓄᓇᕕᒻᒥ. ᐊᑦᔨᒌᖕᖏᑑᓂᖏᑦ ᐃᓗᕐᕈᓯᑎᒍᑦ, ᑐᖕᖓᓇᕐᑐᐃᑦ ᓄᓇᓖᑦ, ᑖᕗᖓᓕᒫᖅ ᕿᓚᖓ ᓄᐃᑕᔪᖅ ᐊᒻᒪᓗ ᓇᒻᒥᓂᖅ ᖃᐅᔨᒋᐊᓪᓛᓂᕐᒥᒃ ᐅᕙᓐᓄᑦ ᐃᓚᐅᓕᕐᖁᑦ. ᐊᓕᐊᒋᒍᒃᑯᑦ ᖏᒃᑲᓗᐊᕈᒃᑯ, ᑕᒪᒃᑯᐊ ᐊᑑᑎᔭᒃᑲ ᐅᕙᓐᓂᒃ ᐊᓯᑦᔩᕗᑦ ᐃᓱᖃᖕᖏᑐᒧᑦ.

ᐱᓇᓱᑦᑎᐅᓕᕐᖁᖓ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᖏᓐᓄᑦ, ᐅᐱᓐᓇᖁᖅ ᐱᒍᓐᓇᓂᕐᑖᓯᒪᒐᒪ ᐊᒥᓱᒐᓚᓐᓂᑦ ᐱᓇᓱᒍᓐᓇᓯᓗᖓ ᐱᓇᓱᒍᒪᓯᒪᔭᖃᓂᑦ ᐊᑯᓂᓂᑦ. ᐃᒫᒃ, ᑕᒪᓐᓇ ᐊᑐᑎᔭᐅᔪᖅ ᐊᑦᔨᖃᖕᖏᑐᖅ ᐱᕕᑦᓴᖃᕐᑎᓯᕗᖅ ᑭᓇᑐᐃᓐᓇᒥᒃ ᐊᔪᐃᓐᓇᑐᒥᒃ ᓇᕝᕚᕈᓐᓇᓯᓗᓂ ᓇᒻᒥᓂᖅ “ᓱᓕᔪᒥᒃ ᐅᑭᐅᕐᑕᑐᒥᒃ” ᐅᑭᐅᕐᑕᑐᒥ.

ᓀᓪᓕᑎᕐᓗᒍ, ᑕᒪᓐᓇ ᐅᓐᓂᑑᑎᒋᕙᕋ ᑭᓇᑐᐃᓐᓇᒧᑦ ᐊᑑᑎᒍᓐᓇᑕᒥᓂᑦ ᐅᖓᑖᓄᕈᒪᔪᓄᑦ ᕿᓂᕐᑐᓂᑦ ᐃᓅᓯᕐᒥᓂᒃ ᐱᓇᓱᒐᕐᑎᒍᓗ ᐱᕙᓪᓕᓂᕐᒥᒃ. ᐊᓯᑉᐱᑦ ᐅᖄᔭᖏᑦ ᓈᓚᓪᓗᐊᓇᒋᑦ. ᖃᖓᑦᑕᕆᑦ; ᐊᓕᐊᓇᕐᓂᓴᖃᕆᐊᓪᓚᓗᐊᖕᖏᓚᖅ!

ᓯᒧᖕ ᕆᐅ, ᐋᓐᓂᐊᓯᐅᕆᓂᕐᒧᑦ ᐊᔪᖀᒋᐊᕐᑎᒃ, ᐱᓇᓱᐊᕐᑕᐅᔪᓂᑦ ᐱᐊᕋᕐᓄᑦ, ᐃᓅᓱᑦᑐᓄᑦ ᐃᓚᒌᓄᓗ
ᓄᓇᕕᒃ ᐃᓗᓯᓕᕆᓂᕐᒧᑦ ᑲᑎᒪᔩᑦ
 

ᓇᑯᕐᒦᒃ, ᓄᓇᕕᒻᒥᐅᑦ

ᐱᕚᓪᓗᑑᔮᕐᓱᖓ ᐊᓪᓚᒍᑎᖃᕈᒪᓯᓚᐅᔪᕗᖓ ᓄᓇᕕᒻᒥᒃ. ᑕᒐᑕᒐ, ᑰᑦᔪᐊᒦᑦᑐᖓ ᖃᖓᑦᑕᔫᕐᓂᐊᕕᒻᒥ, ᖃᖓᑦᑕᓴᐅᑎᒋᓚᖓᓕᕐᓱᑕ, ᐊᓪᓚᒍᑎᖃᓯᓚᐅᔪᕗᖓ.

ᐊᓪᓚᒍᓐᓇᓯᐊᖕᖏᑑᔪᕆᑦᓱᖓ ᐅᓂᑦᓯᒪᓲᒍᒐᒪ, ᐃᓅᓯᒃᑯᑦ ᖃᐅᔨᓯᒪᔭᕐᓂᒃ ᖃᐅᔨᑎᑕᐅᒍᑎᒋᓯᒪᔭᕐᓂᓗ, ᐃᓕᑦᓯᔪᒻᒪᕆᐅᓚᐅᕋᒪ ᐱᓇᓱᐊᕈᓯᕐᓂ ᐱᖓᓲᔪᕐᑑᓚᐅᕐᑐᓂ. ᐊᑑᑎᑦᓱᒍ ᐊᓕᐊᓇᕐᑐᒪᕆᐅᓚᐅᕐᒪᑦ.

ᑕᒫᓂ ᓯᓚᕐᔪᐊᓯᓐᓂ ᐊᓕᐊᓇᕐᑐᒪᕆᐊᓗᒃ, ᓯᓚᑐᓂᕐᑕᓕᒻᒪᕆᒃ. ᐅᖃᕐᓴᐅᖏᑦᑐᖅ ᐃᑉᐱᓂᐊᕐᓱᒍ, ᑭᓯᐊᓂ ᑕᒫᓃᑦᓯᒪᔪᓄᑦ ᑐᑭᓯᒪᔭᐅᔪᖅ. ᐅᖃᐅᓯᕐᒧᑦ ᓇᓚᐅᑕᐅᒍᓐᓇᖏᑦᑐᒥᒃ ᐃᑉᐱᓂᐊᕐᓇᑐᕐᑕᓕᒃ.

ᑎᑭᓚᐅᕐᓇᖓ, ᐅᖃᐅᑎᔭᐅᖃᑦᑕᓚᐅᔪᔪᖓ ᖃᓂᖕᖏᑐᒥ ᓄᓇᒦᓐᓂᕋᕐᓯᒪᔪᓄᑦ. ᑭᓯᐊᓂ, ᐅᖃᕐᑕᒥᓂᒃ ᓴᖑᑎᑦᓯᓴᐅᑎᒋᖃᑦᑕᓱᑎᒃ. ᑌᒣᑎᓐᓇᒍᓕ, ᖃᓂᖕᖏᑐᒦᑦᑐᖅ ᑎᑭᑦᓴᐅᑎᒋᕕᐅᒍᓐᓇᖏᑦᑐᒥ. ᐊᕐᖁᑎᖃᖕᖏᑐᖅ ᓄᓇᒃᑰᔫᑯᑖᓄᑦ ᐊᕐᖁᑎᖃᖕᖏᑐᖅ. ᖃᖓᑦᑕᔫᒃᑯᑦ ᑭᓯᐊᓂ ᑎᑭᑕᐅᒍᓐᓇᑐᖅ, ᐅᒥᐊᒃᑯᓗ ᐊᐅᔭᒃᑯᑦ ᐅᐱᕐᖔᑯᑦ ᓯᓚᑦᓯᐊᒍᑐᐊᕐᒪᑦ. ᖃᐅᔨᓕᓚᐅᔪᒻᒥᔪᖓ ᐅᐱᒍᓲᒻᒥᓱᖓᓗ ᑰᑦᔪᐊᒥᒎᖅ ᖃᖓᑦᑕᔫᕐᓂᐊᕕᓕᒃ ᑯᐯᓕᒫᒥ ᐱᖓᔪᒋᔭᐅᑦᓱᓂ ᐊᖏᓂᕐᐸᐅᖃᑕᐅᔪᒥᒃ, ᒪᓐᑐᕆᐊᒦᑦᑐᒧᑦ ᑯᐯᒃ ᓯᑎᒦᑦᑐᒧᓪᓗ ᐱᖓᔪᒋᔭᐅᑦᓱᓂ.  

ᖃᓂᖕᖏᑐᒦᒐᓗᐊᕐᓱᓂ, ᑭᓯᐊᓂ ᓄᓇᒥᓄᑦ, ᐃᒪᕐᒥᓄᑦ, ᐊᓄᕆᒥᓄᓪᓗ ᐱᑐᑦᓯᒪᐅᑎᔪᖅ ᐊᓕᐊᓇᕐᑑᓱᓂ, ᐃᓄᑑᑎᓇᕋᓂ, ᓂᕆᐅᓐᓇᑐᕐᑕᖃᕐᓱᓂ. ᐳᐃᒍᕐᓇᑐᖅ “ᓯᕿᓂᕐᒦᑐᓂᒃ” ᑫᕙᓪᓚᒍᓰᓐᓂ ᒪᕐᕈᑐᐃᓐᓈᓂᒃ ᐱᖓᓱᓂᓪᓘᓃᑦ ᑎᑭᑦᓴᒥᒃ ᖃᖓᑦᑕᔫᒃᑯᑦ, ᐅᖓᓯᒋᔭᐅᓂᖓ ᐃᑉᐱᓇᕋᓂᓘᓐᓃᑦ. ᐅᓪᓗᑐᓯᐅᖃᑦᑕᓕᕐᓱᓂ, ᐊᓪᓚᕿᓯᖃᑦᑕᓱᓂ ᖃᐅᑐᐊᕐᒪᑦ ᐅᓐᓄᕋᑕᕐᓱᒍ, ᑭᓯᐊᓂ ᐅᓪᓗᑕᒫᑦ ᓯᕿᓂᖅ ᐊᓚᒃᑲᐸᑦᓱᓂ.

ᓄᓇᐅᑉ ᐃᓂᖁᓇᕐᓂᖓ ᑐᖕᖓᓯᐊᕐᓇᑐᖅ. ᐊᑦᑕᓀᑦᑐᓯᐊᖅ. ᐃᑉᐱᓂᐊᑦᓯᐊᓇᕐᑐᖅ. ᐊᓄᕐᕋᖃᑦᑕᓱᓂ, ᓴᐅᓂᕐᒧᑦ ᑎᑭᑦᑐᒥᒃ ᐃᑉᐱᓇᕐᑑᓱᓂ. ᐃᒪᖃᕐᓱᓂ ᓇᓂᑐᐃᓐᓇᓯᐊᖅ, ᐃᒪᑦᓯᐊᒥᒃ ᐃᒥᕋᑦᓴᓯᐊᒥᒃ. ᓇᐹᕐᑐᐃᑦ, ᐱᑐᖃᐅᓕᕐᓱᑎᒃ ᓇᐸᖏᓐᓈᑐᑦ. ᑖᕗᖓᓕᒫᖅ ᓄᓇ ᑕᑯᑦᓴᐅᓱᓂ. ᐃᓱᖃᕐᑑᔮᖕᖏᑐᒧᑦ. ᐱᐅᔫᑦᓱᓂ ᐃᓘᓐᓈᒍᑦ.

ᓄᓇᕕᒃ ᐃᓐᓂᐊᕕᑦᓴᓯᐊᕌᓗᒃ, ᐱᕕᑦᓴᖃᓚᐅᕐᖁᖓ ᐱᒋᐅᕐᓴᕆᐊᕐᑐᓱᖓ. ᐅᖓᓯᒋᔭᐅᒐᓗᐊᕐᓱᓂ, ᑭᓯᐊᓂ, ᐊᑯᓂᐅᓂᕐᓴᖅ ᓇᔪᕈᒪᒐᔭᕐᑕᕋ ! ᐅᑎᕈᒪᓕᕇᕐᑐᖓ. ᐱᓇᓱᐊᕆᐊᕐᑐᑕᕋ ᑲᔪᓯᑦᓯᐊᕈᓐᓇᓚᐅᕐᑐᖅ, ᑭᓯᐊᓂ, ᓇᒻᒥᓂᖅ ᐱᕕᑦᓴᖃᕆᐊᓪᓚᕈᒪᔪᖓ. ᓄᓇᕕᒻᒥ ᑕᑯᒐᑦᓴᓕᒫᑦᓯᐊᓂᒃ ᑕᑯᒍᓐᓇᓯᓚᐅᖕᖏᓇᒪ. ᐊᐅᓪᓚᓯᔪᖓ ᐊᐱᕐᓲᑎᑦᓴᑖᕆᐊᓪᓚᑐᐃᓐᓇᓱᖓ, ᑐᑭᓯᒍᒪᓕᐅᒥᑐᐃᓐᓇᓱᖓ ᐃᓕᕐᖁᓯᑐᖃᐅᔪᓂᒃ, ᑕᒪᓐᓇ ᐃᕐᖃᓇᕐᑐᖁᑎᑦᑕ ᐃᓚᒋᒻᒪᐅᒃ ᐳᐃᒍᕋᓱᐊᑐᐃᓐᓇᐸᓕᕐᑕᑕ, ᐱᒻᒪᕆᐅᑎᑦᑌᓕᓕᕐᓱᒍ ᐊᓯᑦᔨᒐᓱᐊᕐᓱᒍᓘᓐᓃᑦ.

ᑯᐯᒃ ᑕᕐᕋᖓ ᐱᓐᓀᓗᑕᓕᐊᓘᓂᕋᕐᑕᐅᓲᖅ, ᐊᔪᕐᓴᑑᓂᕋᕐᑕᐅᓲᖅ, ᐱᓗᑲᐅᑎᓂᕐᑕᖃᕐᓂᕋᕐᑕᐅᓲᖅ, ᐆᓀᑦᑑᓂᕋᕐᑕᐅᓲᖅ ᐅᑭᐅᒍᓕᕐᒪᓗ ᐃᑦᔨᓕᕐᑐᐊᓘᓂᕋᕐᑕᐅᓱᓂ. ᑭᓯᐊᓂᓕ ᐊᓯᐊᒍᑦ ᐅᖃᐅᓯᖃᕐᕕᒋᒍᓐᓇᐸᕋ. ᐱᓇᓱᐊᕈᓯᕐᓂ ᐱᖓᓲᔪᕐᑐᐊᐱᑐᐃᓐᓇᓂ ᑎᑭᓯᒪᓚᐅᔪᔪᖓ, ᑭᓯᐊᓂ ᐃᓅᓯᕋ ᐃᓗᐃᑦᑑᒍᓐᓇᓂᕐᐸᐅᓚᐅᕐᖁᖅ ᓇᓂᑐᐃᓐᓈᓲᒍᒐᓗᐊᕋᒪ. ᐃᓅᓯᕋ ᑕᑯᒋᐊᕈᓐᓇᓯᐊᓚᐅᕋᒃᑯ. ᓯᕗᓂᕆᖃᑦᑕᕈᒪᓯᒪᔭᒃᑲ ᐳᐃᒍᕐᓯᒪᔭᕕᓂᕆᓕᕐᓱᒋᑦ.

ᐃᔪᕐᑐᓂᒃ ᑐᓵᖃᑦᑕᓱᖓ, ᑐᖕᖓᓱᑦᑎᑕᐅᖃᑦᑕᓱᖓ, ᐅᓂᒃᑳᕕᐅᖃᑦᑕᓱᖓ ᐊᓕᐊᓇᕐᑐᓂᒃ ᒪᙯᑦᑐᕕᓂᕐᓄᑦ. ᐅᐃᒻᒪᕕᑦᑐᖃᕐᑎᓇᒍ. ᖃᕆᑕᐅᔭᒃᑯᑦ ᐱᑐᑦᓯᒪᕕᒃ ᑲᔪᓯᓕᒫᕐᑎᓇᒍ, ᓯᓚᒧᑦ ᐊᐅᓚᑕᐅᑦᓱᓂ. “ᓴᒫᕈᐃᑦ” ᑕᑭᓂᓖᑦ 40-ᓂᒃ ᓯᓐᑎᒦᑕᓂᒃ ᖁᐃᓂᔪᑲᓪᓚᐅᓱᑎᒃ, ᐳᐃᑦᔪᕋᖃᑦᑕᑐᐃᓪᓗ ᓯᑯᖃᖏᓐᓈᑐᒥ, ᐆᒪᔪᕕᓂᕐᑐᖃᑦᑕᓱᓂ ᓄᑖᑦᓯᐊᓂᒃ. ᐃᓄᒻᒪᕇᑦ ᓲᓱᒋᔭᐅᑦᓯᐊᑐᑦ ᑲᒃᑲᓛᓪᓗ ᐱᐊᕃᓪᓗ, ᖁᖓᐅᑎᑦᓯᐊᓱᑎᒃ, ᑕᑯᓴᐅᑎᑦᓯᐊᖃᑦᑕᓱᑎᒃ. 

ᐃᓄᐃᑦ ᖃᖓᑦᑕᔫᖏᑦ ᒥᓲᑦ ᒪᓃᑦᑐᒧᑦ ᒥᕝᕕᒧᑦ ᐊᒥᓐᓂᓴᐅᒪᔪᒧᑦ ᐳᓛᕐᕕᒐᓂᑦ ᒥᖃᑦᑕᓱᑎᒃ. ᐃᖃᓘᔭᕆᐅᕐᓴᑎᑕᐅᓚᐅᔪᔪᖓ, ᒪᙯᒋᐅᕐᓴᑎᑕᐅᑦᓱᖓ, ᐃᓅᓯᐅᑉ ᐊᓕᐊᓇᕐᑑᓂᖓᓂᒃ ᖃᐅᔨᑎᑕᐅᑦᓱᖓ. ᖃᖓᑐᐃᓐᓇᖅ ᓂᕆᓇᓱᖃᑦᑕᓱᑕ, ᖁᐊᕐᑐᖃᑦᑕᓱᑕ ᑐᒃᑐᕕᓂᕐᒥᒃ, ᐃᒥᕐᕕᒦᑦᑐᑦ ᑭᖑᕚᕇᑦᑎᑐᑦ ᑰᑦᔪᐊᒥ ᐅᓯᖕᖓᓯᐅᑎᔭᕐᑐᒐᓚᓐᓂᒃ ᑕᑯᖃᑦᑕᓱᖓ.

ᐱᓇᓱᐊᕐᑕᕆᔭᒥᒃ ᐱᔭᕇᕐᑐᖃᕋᒥ ᐊᓕᐊᓇᕐᑑᓱᓂ, ᓱᓇᓱᐊᕈᒥᓇᕐᑑᓱᓂ ᐊᑯᓃᕐᑐᒥᒃ ᐱᓇᓱᐊᓚᖓᓗᒍ. ᐊᕙᑎᐅᑉ ᐊᓯᑦᔨᕙᓪᓕᐊᓂᖓᓂᒃ ᑲᖐᒋᔭᖃᕐᑐᖃᕐᓱᓂ, ᐅᓪᓗᒥᓕ ᐊᓯᑦᔨᓯᒪᓕᕐᒪᑦ ᐊᕙᑎᖓ. ᐅᓪᓗᒥ ᐃᓅᓯᐅᓕᕐᑐᒥᒃ ᐱᕐᖁᓯᑐᖃᐅᓯᒪᔪᒥᓪᓗ ᐃᓅᓯᖃᓕᕐᑎᓗᒋᑦ ᐅᓪᓗᒥ ᐃᓅᔪᑦ. ᐊᐱᕐᓱᕆᐅᕐᓴᓯᐊᖃᑦᑕᕆᐊᖃᕐᓇᓱᓂ. ᓂᕆᐅᓐᓇᖏᑦᑐᓂᓪᓗ ᓂᕆᐅᓪᓗᓃᒋᐊᖃᕐᓇᓱᓂ. ᐱᔭᑦᓴᖃᕐᓇᑐᒻᒪᕆᒃ.     

ᐃᓱᓕᐅᑎᒋᓗᒍ, ᓄᓇᕕᒻᒦᓱᖓ ᓄᓇᐅᑉ ᓭᒪᓇᕐᓂᖓᓂᒃ ᖃᐅᔨᓚᐅᕐᖁᖓ, ᐃᓂᑦᓴᖃᑦᓯᐊᓂᖓᓂᒃ, ᐱᕕᑦᓴᖃᑦᓯᐊᓂᖓᓂᒃ. ᐊᒥᓱᓂᒃ ᓱᓕ ᐅᖃᐅᓯᑦᓴᖃᕐᑐᖓ ᓇᐅᓕᒫᓂᒃ ᖃᓄᐃᖕᖏᓯᐊᖁᔨᑦᓱᖓ ᓲᓱᒋᔭᖃᕋᒪ ᑐᖕᖓᓱᑦᑎᓯᓚᐅᕐᑐᓂᒃ ᐅᓂᒃᑳᖃᑦᑕᓱᑎᓪᓗ ᐱᐅᓯᕆᓯᒪᔭᒥᓂᒃ ᑰᕈᕐᔪᐊᒦᑦᑎᓗᖓ ᒥᕐᖑᐃᓯᕐᕕᒥ, ᓯᓚᕐᔪᐊᒥ ᖃᐅᔨᒪᔭᐅᓪᓗᐊᖏᑦᑑᖃᑕᐅᔪᒥ. ᐅᓪᓗᒥᓕ, ᒥᑭᓪᓕᑎᕐᓱᖓ ᓇᑯᕐᒦᐸᑦᓯ.  

Claudel Petrin-Desrosiers
Étudiante en médecine
 

ᑕᕐᕋᒨᕆᐅᕐᓯᒪᔪᖓ ᐳᕕᕐᓂᑐᓕᐊᕐᓱᖓ ᔪᓓ 14, 2008-ᒥ. ᐊᕐᕌᒎᓐᓂ ᒪᕐᕉᓂ Basse-Côte-Nord-ᒥᐅᒍᑫᓐᓇᓱᖓ, ᐊᓕᐊᒋᔭᕐᓂ, ᑕᕐᕋᓕᐊᕆᐊᓪᓚᕈᒪᓯᒪᔪᖓ, ᐋᓐᓂᐊᕕᐊᐱᒻᒥ ᐱᓇᓱᒋᐊᕐᑐᓗᖓ ᐅᖓᓯᒋᔭᐅᔪᒦᑦᑐᒥ ᓱᖏᐅᑎᑦᓯᐊᕈᒪᑦᓱᖓ ᐃᓄᓐᓂᒃ ᑯᐯᒻᒥ ᐅᑭᐅᕐᑕᑐᒥᐅᓂᒃ.

ᐊᕐᕌᒍᕐᑐᑐᐃᓐᓇᓯᐊᕐᓯᒪᑦᓱᖓ ᐅᓪᓗᒥᒧᑦ ᑕᒫᓃᑉᐳᖓ…ᐅᖓᓕᕐᓯᒪᑦᓱᖓ ᓇᐹᕐᑐᖃᖕᖏᑐᒥᒃ, ᓯᕿᓂᐅᑉ ᓂᐱᑉᐸᓕᐊᓂᖓᓂᒃ, ᐊᑦᓴᓂᕐᓂᒃ…ᐱᓗᐊᕐᑐᖅ, ᑲᒪᔨᐅᒋᐊᖕᖓᖃᑦᑕᕆᐊᖃᕐᓱᖓ ᐱᓇᓱᒐᕆᓲᕐᓃᕙᖓ. ᑌᒣᑦᑎᓇᒋᑦ ᓄᓇᓖᑦ ᐊᓯᖏᑦ ᑕᓯᐅᔭᕐᔪᐊᒦᑦᑐᑦ, ᐳᕕᕐᓂᑐᒥ ᐋᓐᓂᐊᕕᐊᐱᒻᒥ, ᖃᐅᔨᓴᕐᕕᖃᓲᑦ ᒪᑦᑖᑎᑕᐅᕕᖃᕐᓱᑎᓪᓗ. ᑕᒐ ᐅᓐᓄᐊᑯᑦ, ᐋᓐᓂᐊᔪᒥᒃ ᓄᓪᓚᑎᑦᓯᒌᑐᐊᕋᑦᑕ, ᐊᑭᕋᐅᑎᒨᕐᓯᒍᓐᓇᓲᒍᔪᒍᑦ, ᐋᓐᓂᐊᕕᐊᐱᒃ ᐱᑐᑦᓯᒪᒻᒪᑦ ᐋᓐᓂᐊᕕᒻᒧᑦ. ᖁᑉᐹᒍᑦᑕᐅᖅ, ᐅᓐᓄᐊᑯᑦ ᑐᐸᑦᓯᒪᖃᑦᑕᓲᒍᒻᒥᔪᖓ, ᑲᒪᑦᓱᖓ ᓄᑕᕋᕐᓂᒃ ᐅᕝᕙᓘᓐᓃᑦ ᖁᐊᕐᓵᖓᓇᕐᑐᑰᕐᓯᒪᔪᓂᒃ ᑲᒪᑦᓱᖓ ! ᑭᓯᐊᓂ ᐋᓐᓂᐊᕕᐊᐱᒻᒥᑦ ᐊᓂᒐᒪ ᐅᓪᓛᒪᕆᒃᑯᑦ ᐊᑦᓴᓂᖕᖑᐊᕌᓗᓐᓂᒃ ᑕᑯᓲᒍᒻᒥᔪᖓ, ᑕᖃᒪᓂᕕᓂᕋ ᐳᐃᒍᑦᓯᐊᓱᒍ.

ᐃᓕᑦᓯᔪᐊᕐᓯᒪᔪᖓ ᐊᕐᕌᒍᓂ ᐱᖓᓲᔪᕐᑐᓂ ᐱᓇᓱᐊᓕᕐᓱᖓ ᐋᓐᓂᐊᕕᐊᐱᒻᒥ: ᐃᓕᑦᓯᓱᖓ ᐃᕐᖃᑐᐃᒋᐊᖃᖕᖏᓂᕐᒥᒃ, ᐃᓄᐃᑦ ᐃᓕᕐᖁᓯᖓᓂᒃ ᐃᓕᑦᓯᓱᖓ, ᐃᓄᐃᑦ ᐃᓅᒍᓯᖃᕐᒪᑕ ᐅᓪᓗᒥ ᑭᓯᐊᓂ ᐃᓅᓯᕆᓚᖓᔭᒥᓂᒃ ᐅᓪᓗᓯᐅᕈᑎᖃᕐᓱᑎᒃ, ᐅᕙᖓᑎᑑᖕᖏᑐᖅ, ᖃᐅᑉᐸᓕ ᓱᓛᓕᕐᒪᖔᕐᒪ ᐃᓱᒫᓗᒋᔭᖃᓲᒍᑎᓪᓗᖓ ᐱᓇᓱᐊᕈᓯᐅᓛᕐᑐᒥᓪᓘᓃᑦ ᓱᓛᓕᕐᒪᖔᕐᒪ, ᐃᓕᑦᓯᓱᖓ ᐋᓐᓂᐊᕕᐊᐱᒻᒥ ᐋᓐᓂᐊᓯᐅᕐᑎᐅᓂᕋᓂᒃ ᑐᖕᖓᕕᖃᑦᓯᐊᕆᐊᖃᕐᓂᕋᓂᒃ. ᐊᕐᕌᒍᓂ ᐊᓂᒍᕐᑐᓂ, ᐃᓄᓐᓂ ᐱᓇᓱᖃᑎᓐᓃᕙᖓ ᐱᓇᓱᖃᑎᖃᑦᓯᐊᕆᐅᕐᓴᓯᒪᔪᖓ, “ᖃᓪᓗᓈᒍᓗᑐᐃᓐᓇᐅᓇᖓ” ᖃᖓᑐᐃᓐᓇᖅ ᐊᐅᓪᓚᑐᐃᓐᓇᓛᕐᓇᖓ ᑭᓯᐊᓂᓕ, ᑭᐊᕙᓐᒍᑦᓱᖓ ᐋᓐᓂᐊᓯᐅᕐᑎᑐᐃᓐᓇᐅᓱᖓ ᐳᕕᕐᓂᑐᒥ.   

2014-ᒥ, ᐋᓐᓂᐊᕕᒻᒥ ᐱᓚᑦᑐᐃᕕᒻᒥᓗ ᓯᕗᓕᕐᑎᖑᖁᔭᐅᓯᒪᔪᖓ. ᑌᒪ, ᐊᕐᕌᒎᒃ ᒪᕐᕉᒃ ᐅᖓᑖᓄᐊᐱᐅᓕᕐᑐᖅ, ᓈᓚᒍᑎᒐ ᐳᕙᓐᓂᒃ ᐊᑐᕈᓐᓀᖔᕐᓱᒍ ᓇᕿᑦᑕᐅᑎᓕᕆᖔᕐᐸᓕᕐᑐᖓ ! ᑖᑦᓱᒥᖓ ᐱᓇᓱᒐᓕᕐᓱᖓ ᐃᑉᐱᒋᔭᖃᕆᐊᖃᕐᓕᕐᑐᖓ ᐃᓄᐃᑦ “ᖃᓪᓗᓈᓪᓗ” ᐊᑐᕐᑏᑦ ᐱᒍᑦᔭᐅᒍᑎᒋᒋᐊᓕᒥᓂᒃ ᐱᒍᑦᔭᐅᓯᐊᕐᒪᖔᑕ ᐱᓇᓱᒍᓐᓇᓯᐊᕐᑐᓄᑦ. ᐃᑲᔪᕐᑕᐅᓱᖓ ᐱᓚᑦᑐᐃᕕᒻᒥ ᐱᓇᓱᑦᑐᓄᑦ, ᐊᑕᐅᑦᓯᑰᕐᑎᓯᒋᐊᖃᓲᒍᔪᖓ 28-ᓂ ᐱᓇᓱᐊᕈᓯᕐᓂ ᐱᓚᑦᑐᐃᓇᐅᑎᓪᓗᒍ ᐳᕕᕐᓂᑐᒥ. ᐱᐅᓯᖃᑐᐃᓐᓇᓕᕐᑐᒍᑦ ᑕᓪᓕᒪᓂᒃ ᐋᓐᓂᐊᓯᐅᕐᑎᑐᐃᓐᓇᓂᒃ ᐱᓇᓱᑦᑎᓯᑦᓱᑕ, ᒪᕐᕉᓂᓪᓗ ᖁᐱᕐᕈᐃᔦᔨᖃᕐᓱᑕ ᐊᒻᒪᓗ ᐊᑕᐅᓯᕐᒥᒃ ᐊᐅᓚᑦᓯᔨᖃᕐᓱᑕ ᐱᓚᑦᑐᐃᕕᒻᒦᑐᓂᒃ ᐊᐅᓚᑦᓯᔪᒥᒃ.    

ᐳᕕᕐᓂᑐᒥ ᑲᒪᒋᔭᐅᕕᒻᒥ, ᐋᓐᓂᐊᓯᐅᕐᑎᑐᐃᓐᓀᑦ ᐃᓄᐃᓪᓗ ᐱᓇᓱᑦᑏᑦ ᐱᓇᓱᖃᑎᒌᑦᓯᐊᓲᑦ, ᐃᓄᐃᓪᓗ ᐱᓇᓱᑦᑏᑦ ᐃᓄᒃᑎᑐᑦ ᐅᖄᒋᐅᕐᓴᑎᑦᓯᓲᒍᑦᓱᑎᒃ ᐋᓐᓂᐊᓯᐅᕐᑎᑐᐃᓐᓇᑖᕐᖃᒥᑦᑎᓂᒃ; ᐅᖃᕈᓐᓇᑐᖓ, ᐃᓄᒃᑎᑑᕆᐅᕐᓴᕋᓱᐊᕆᐊᒥᒃ ᓇᓗᓇᕐᑐᒪᕆᐅᓲᖅ !

ᐅᖃᕈᓐᓇᑐᖓ ᑕᕐᕋᒦᓐᓂᕋ, ᐅᓪᓗᒥᒧᑦ ᐊᑯᓂᒋᐊᓪᓚᓗ ᑕᕐᕋᒦᒍᒪᑦᓱᖓ ᓱᓕ, ᐊᓯᑦᔨᒍᑎᒋᓯᒪᒐᒃᑯᑦ ᐃᓅᓯᕆᔭᕐᓂᒃ ᐃᓱᐊᕐᓴᓂᕐᓴᐅᓕᕐᓱᖓ. ᑕᕐᕋᒦᑦᓯᒪᓂᖅ ᑕᕐᕋᒦᑦᓯᒪᔪᒧᑦ ᐅᖃᐅᓯᐅᒋᐊᓕᒃ ᑐᓴᕋᑦᓴᓂᑦ ᐱᓯᒪᑎᓐᓇᒍ, ᐊᓕᐊᓇᖕᖏᑑᓂᖓᓂᒃ ᑕᕐᕋᐅᑉ ᑐᓴᕋᑦᓴᓕᕆᔩᑦ ᑐᓴᕋᑦᓴᖃᕙᓪᓗᓲᒍᒻᒪᑕ; ᑕᕐᕋᖅ ᐊᑦᔨᒌᖕᖏᑐᓂᒃ ᐊᑑᑎᒐᑦᓴᓂᒃ ᑕᑯᓂᐊᕐᕕᒋᒍᓐᓇᐯᑦ ᓇᒻᒥᓂᖅ.  


ᑭᐊᕙᓐ ᑐᓛᖕ, ᓯᕗᓕᕐᑎ, ᖁᐱᕐᕈᐃᔦᕕᒻᒥᒃ ᐱᒍᑦᔨᒍᑎᐅᓗᑭᖕᖏᑐᓂᓪᓗ ᐱᒍᑦᔨᕕᒻᒥ
 

ᓄᓇᕕᒻᒥ ᐃᓄᐃᑦ ᐃᓕᕐᖁᓯᖓᓂᒃ ᐅᓂᑳᕈᒪᕗᖓ: ᑲᑕᑦᔭᓂᕐᒥᒃ. ᐱᒍᓐᓇᑕᕐᒪ ᐃᓚᒋᒻᒪᐅᒃ, ᐅᐱᒋᒻᒪᕆᑦᓱᒍᓗ ᐱᕐᖁᓯᑐᖃᐅᑎᓪᓗᒍ ᓄᐃᑕᑎᒍᓐᓇᕋᒃᑯ, ᓯᕗᓕᑦᑕ ᐱᕐᖁᓯᕆᓯᒪᔭᖓ. ᐊᕙᑎᓪᓗ ᓯᑕᒪᐅᔪᖕᖏᒐᕐᑐᓗᓐᓂᒃ ᐅᑭᐅᖃᕐᑐᖓ ᑲᑕᑦᔭᕆᐅᓯᒪᑦᓱᖓ ᐅᑭᐅᖃᕐᓱᖓ ᖁᓕᓪᓗ ᐱᖓᓱᓪᓗᓂᒃ. ᑐᓴᕆᐅᕐᓱᒍ ᐊᓕᐊᒋᕐᕈᐊᓯᒪᔭᕋ ᐃᓄᒻᒪᕆᑦᑎᓄᑦ ᐃᓕᓴᕐᑕᐅᕙᓪᓕᐊᓯᑎᓪᓗᒋᑦ ᑲᒃᑲᓛᑦ ᐃᓚᐅᒻᒥᑎᓪᓗᖓ. ᐃᓄᒻᒪᕆᕗᑦ, ᒥᐊᔨ ᓯᕗᐊᕌᐱᒃ, ᐊᐅᓪᓚᖅ ᑐᓪᓚᐅᒐᖅ, ᓖᓚ ᖃᓕᖑ, ᓘᓯ ᐊᒪᕈᐊᓕᒃ ᐊᒻᒪᓗ ᓂᐊᓕ ᓄᖕᖓᖅ, ᐃᓕᓭᔨᒋᓯᒪᔭᕗᑦ ᐅᓂᒃᑳᑐᐊᕐᑎᒋᑦᓱᒋᓪᓗ ᑲᑕᑦᔭᓂᐅᑉ ᒥᑦᓵᓄᑦ. ᐅᓪᓗᒥ ᑲᑕᑦᔭᓂᖅ ᐊᑐᕐᑕᐅᔪᒻᒪᕆᒃ ᓄᑲᕐᓯᓂᓪᓗ ᐱᒋᐅᕐᓴᑎᑦᓯᒍᑕᐅᕙᑦᓱᓂ.

ᐅᓪᓗᒥ, ᑲᑕᑦᔭᕆᐊᕐᑐᖁᔭᐅᕙᑦᑐᒍᑦ ᓄᓇᓕᒻᒥ ᓱᓇᓱᐊᕐᑎᓯᔪᖃᓕᕐᒪᑦ ᐊᓯᖏᓐᓂᓗ ᓄᓇᓕᓐᓂ. ᖁᕕᐊᓱᕝᕕᒥ, ᐅᑭᐅᒥ ᐱᖕᖑᐊᓂᕐᔪᐊᖃᕐᑎᓗᒍ, ᐊᕐᕌᒎᒃ ᒪᕐᕈᑕᒫᑦ ᐸᕐᓀᕈᑕᐅᓲᒧᑦ ᐱᖕᖑᐊᑎᑦᓯᔨᑦᑎᓄᑦ, ᐅᒃᑯᐃᓯᓂᖃᕐᑐᓄᑦ, ᐊᓐᓀᒍᒪᓲᒍᖕᖏᑐᑦ ᑲᑕᑦᔭᓚᖓᔪᓂᒃ ᐃᓄᐃᑦ. ᐊᕐᕕᑕᓲᒍᒻᒥᔪᑦ ᓯᓚᕐᔪᐊᓕᒫᒧᑦ ᐃᓕᕐᖁᓯᑦᑎᓂᒃ ᑕᑯᓐᓇᑎᑦᓯᒋᐊᕐᑐᑐᑦ; ᑖᓐᓇ ᐃᓱᒪᒋᖕᖑᐊᓲᕋ ᐊᓯᐊᓄᑦ ᓄᓇᕐᔪᐊᒧᑦ ᐁᕋᑕᓛᕈᒪᑦᓱᖓ. ᑲᓇᑕᐅᑉ ᓯᓚᑖᓅᕈᓐᓇᐅᑎᖄᕐᕈᓴᕐᑐᖓ, ᑲᑕᑦᔭᕆᐊᕐᑐᖁᔭᐅᑦᓴᓂᕈᒪ. ᐃᓕᓭᔨᕗᑦ ᐅᓂᒃᑳᓯᒪᔪᑦ ᐹᕆᓯᓕᐊᕐᓂᕕᓂᕐᒥᓂᒃ ᐅᕕᒐᕐᓂᓴᐅᖏᓐᓈᓱᑎᒃ, ᑕᒪᓐᓇᑕᒐ ᑐᓱᒋᓕᕐᓯᒪᔭᕋ. ᑲᒃᑲᓛᒍᑦᓱᑎᒃ ᑲᑕᑦᔭᕆᐅᕐᓯᒪᔪᑦ, ᐃᒡᓗᒥᐅᒍᑦᓱᑎᒃ ᑐᐱᕐᒥᐅᒍᑦᓱᑎᓪᓗ.  

ᐃᓄᐃᑦ ᐆᒪᔪᕐᓯᐅᕕᑦᓴᐅᓂᕐᐸᐅᓕᕐᑐᒧᑦ ᓄᑦᑎᑲᑦᑕᓲᕕᓃᑦ. ᑐᓴᕐᓴᑑᑎᓪᓗᒋᑦ ᓯᓚᒦᑦᑐᑦ ᐆᒪᔪᐃᓪᓗ, ᑲᑕᑦᔭᓂᕐᒥᒃ ᐃᖕᖏᕈᓯᑐᐊᖃᕐᓱᑎᒃ ᑭᓯᔭᓂᓪᓗ ᐊᑦᓴᑕᐅᑎᖃᕐᓱᑎᒃ. ᑕᒐ, ᐃᑦᔭᓯᒐᓱᐊᓲᕕᓃᑦ ᑐᓵᔭᒥᓂᒃ - ᐊᓄᕆᒥᒃ, ᑎᒻᒥᐊᓂᒃ, ᓴᓇᕐᕈᑎᓗᑳᒥᓂᓪᓗ - ᐊᕐᓀᑦ ᑲᑕᑦᔭᓲᕕᓃᑦ, ᓯᓐᓇᓭᒍᑎᒋᑦᓱᒍᓗ ᓄᑕᕋᕐᒥᓂᒃ.

ᐊᕐᓇᕙᓪᓗᐃᑦ ᑲᑕᑦᔭᓲᑦ. ᐊᕐᓈᒃ ᒪᕐᕉᖅ ᓵᖕᖓᐅᑎᑦᓱᑎᒃ, ᐃᓚᖓᒍᑦ  ᑲᑕᑦᔭᖃᑎᒥᑕ ᖃᓂᖓᓂᒃ ᑕᑯᓴᖃᑦᑕᓱᑎᒃ, ᐃᔨᒋᓐᓂᓘᓐᓃᑦ, ᓇᓪᓕᑭᑕᕐᓱᑎᒃ ᑲᑕᑦᔭᑑᒃ. ᑕᑯᓐᓇᑲᓪᓚᐅᑎᓕᕋᒥᒃ ᐃᔪᓯᒋᓐᓇᖃᑦᑕᓱᑎᒃ. ᐱᓕᐅᑦᔨᓲᒍᑦᓱᑎᓪᓗ, ᐃᔪᓯᕐᖄᑐᖅ ᓵᓚᐅᖃᑦᑕᑎᓪᓗᒍ. ᑲᑕᑦᔭᕈᓯᖃᕐᒥᔪᖅ ᕿᒻᒥᒍᓗᐊᐱᒻᒥᒃ, ᕿᒻᒥᒍᓗᐊᐲᓚᖃᑦᑕᓱᑎᒃ ᐊᒥᓱᕕᑦᓱᑎᒃ, ᓂᑦᔮᓗᑦᑖᓱᑎᓪᓘᓃᑦ ᑲᑕᑦᔭᑑᒃ. ᐊᒥᓲᕗᑦ ᑲᑕᑦᔭᕈᓰᑦ ᐆᒪᔪᓂᒃ ᐃᑦᔭᓯᒐᓱᐊᕈᑏᑦ: ᓂᕐᓕᓂᒃ, ᓂᕐᓕᐅᔭᕐᑑᔮᓪᓚᕆᑦᓱᑎᒃ. ᑭᓪᓘᕙᓪᓛᖑᐊᑦᓴᓲᒍᒻᒥᔪᑦ ᕿᔪᒻᒥᒃ; ᐊᓕᐊᒋᔭᐅᓂᕐᐸᐅᓲᖅ ᓈᓚᑦᑐᓄᑦ. ᐃᖕᖏᓗᑦᑕᐅᓯᓂᒃ ᐃᑦᔭᓯᑦᓱᑎᒃ ᑲᑕᑦᔭᓲᒍᒻᒥᔪᑦ.

ᐅᕕᒐᕐᑐᓂᒃ ᑲᑕᑦᔭᕆᐅᕐᓴᖁᔨᒐᓗᐊᕐᑐᒍᑦ ᑕᒪᑐᒥᖓ ᐱᕐᖁᓯᑐᖃᑦᓯᐊᕌᐱᒻᒥᒃ ᑲᔪᓯᑎᑦᓯᓂᐊᕐᒪᑕ. ᐃᓕᕐᖁᓯᕆᒐᑦᑎᒍ ᓯᓚᕐᔪᐊᒥᐅᒍᖃᑎᑦᑎᓂᒃ ᑐᓴᐅᒪᑎᑦᓯᒍᑎᒋᓲᕆᑦᓱᒍ. ᐅᕕᒐᕐᓂᓴᓂᒃ ᑲᑕᑦᔭᕆᐅᕐᓴᑎᑦᓯᖃᑦᑕᕈᒪᕗᖓ ᓂᕕᐊᕐᓯᐊᑦ ᐃᒻᒥᓂᒃ ᐅᐱᒍᓱᓐᓂᖃᖁᑦᓱᒋᑦ ᑲᑕᑦᔭᖃᑦᑕᓗᑎᒃ.
 

ᓖᓴ -ᓗᐃ ᐃᑦᑐᑲᓪᓚᒃ, ᐳᕕᕐᓂᑐᒥᑦ

ᓚᖕᖑᐊᓗᑭᓲᒍᔪᖓ ᐸᑦᑎᑕᐅᑎᓗᒍ ᐊᖏᕈᑎᒋᓯᒪᔭᕋᓂᒃ ᐊᒻᒪᓗ ᓄᐊᕋᓗᐊᕐᓂᒃ ᓴᓐᑎᑲᓛᓯᒧᑦ ᓄᓇᕐᖃᑎᒋᔭᐅᒐᒪ ᖁᕕᐊᓱᕝᕕᐅᓚᐅᕐᑎᓇᒍ ᐱᑖᕆᒍᒪᑦᓱᒋᑦ ᐊᓪᓚᑕᕕᓂᖏᓐᓂᒃ ᐱᑦᓯᐊᓛᕐᓂᕋᕐᓱᒋᒃ. ᐊᓕᐊᒻᒪᕆᓲᒃ ᕿᓚᓈᕐᓂᖏᓐᓂᓗ ᐃᔨᒋᓪᓗ ᑕᑯᑦᓴᐅᓱᑎᒃ ᐅᑉᐱᖃᑕᐅᓯᖏᓐᓇᓲᒍᑦᓱᖓ ᓯᕐᓚᐅᓃᑦ ᐊᓇᕐᕋᖃᕆᐊᒥᒃ ᐅᑭᐅᒥ ᐃᓇᖁᓇᕐᓂᐹᒥ ᒍᓐᓇᕋᔭᕐᑐᕆᑦᓱᖔᓪᓛᑦ ᖏᒃᑲᓗᐊᕐᑎᓗᒍ…ᓴᓐᑎᑲᓛᓯᒥᒃ ᑕᑯᑐᐃᓐᓇᕆᐊᖃᕐᑐᕆᑦᓱᖓ!

ᓄᓇᕕᒻᒦᑐᐃᓐᓇᕆᐊᒥᒃ ᕿᑲᕐᓇᐅᑎᓗᒍ ᐊᓕᐊᓇᕐᓯᕙᓪᓕᐊᑐᐃᓐᓇᑐᖅ ᐃᓄᑐᐃᓐᓇᐅᖏᑦᑐᑦ ᐱᓇᓱᑦᑏᑦ ᑐᑭᑖᕋᓱᐊᓕᕋᒥᒃ ᐊᐅᓪᓚᕈᒪᖕᖏᑑᓕᕐᐸᓕᐊᑐᐃᓐᓇᐸᓕᕐᒪᑕ, ᐊᒻᒪᓗ ᐅᕙᖓᒐᓴᒃ ᐊᐅᓪᓚᕈᒪᓲᒍᒍᓐᓀᑐᖓ, ᐊᕐᕌᒍᓂ ᓯᑕᒪᓂ ᑕᕐᕋᒥ ᖁᕕᐊᓱᕝᕕᓯᐅᕐᓯᒪᓕᕐᓱᖓ. ᓄᓇᓕᓐᓂ ᖁᕕᐊᓱᓐᓇᖅ ᖃᓂᓪᓕᕙᓪᓕᐊᓕᕐᒪᑦ ᐃᑉᐱᓇᓲᒍᒻᒪᑦ ᐊᔪᒉᑦᑐᒪᕆᒻᒥᒃ ᐅᑉᐱᓇᑦᓯᐊᖏᑦᑐᒥᓪᓘᓃᑦ ᑕᑯᓐᓈᓴᐅᑦᓱᓂ. ᐊᒥᓱᑦ ᐱᖕᖑᐊᕈᑎᑦᓭᑦ ᐸᕐᓀᑕᐅᒪᓲᒍᒻᒪᑕ, ᐆᑦᑑᑎᒋᑦᓱᒋᑦ ᓴᓇᖕᖑᐊᑕᕕᓂᕐᓂᒃ ᑕᑯᑦᓴᐅᑎᑦᓯᓂᖃᕐᓱᓂ, ᐃᓕᓴᕐᕕᓂ ᑕᑯᓐᓇᐅᔮᕐᑎᓯᑦᓱᑎᒃ, ᐃᓪᓗᐃᑦ ᖁᕕᐊᓱᕝᕕᓂᐅᓯᕐᑐᓯᒪᒻᒪᕆᑦᓱᑎᒃ, ᐃᓘᓇᑎᓪᓗ ᖁᕕᐊᓱᒻᒪᕆᑦᓱᑎᒃ ᐊᒻᒪᓗ ᐃᑉᐱᓇᕐᓱᑎᒃ ᓄᓇᓖᑦ ᐃᓄᖏᑦ ᓭᒨᑲᑦᑕᓱᑎᒃ ᐊᒻᒪᓗ ᐃᓘᓐᓇᑎᒃ ᖁᕕᐊᓱᕝᕕᒥ ᖁᕕᐊᓱᑦᓯᐊᓚᖓᕗᓰᓚᖃᑦᑕᐅᑎᑦᓱᑎᒃ.

ᖃᐅᔨᒪᔪᐃᓐᓇᐅᒪᑕ, ᖁᕕᐊᓱᕝᕕᓯᐅᕐᓇᑐᖅ ᖃᑯᕐᑕᒥᒃ ᑖᒫᓃᑐᐃᓐᓇᓱᓂ ᖁᕕᐊᓱᕝᕕᐅᑎᓪᓗᒍ ᐊᓯᖃᒐᓛᖕᖏᒪᑦ ᖃᑯᕐᑕᐅᓗᓂ ᑭᓯᐊᓂᐅᒻᒪᑦ! ᐊᕐᕌᒍᑕᒫᑦᓯᐊᖅ ᐊᐳᑎᖃᕐᓂᖓ ᐊᑦᔨᒌᓲᒍᖕᖏᑐᖅ ᑭᓯᐊᓂ ᐊᐳᑎᖃᖏᓐᓇᓲᒍᔪᒍ ᖁᕕᐊᓱᕝᕕᐅᒋᐊᑕᒫᑦ; 25-ᒥ ᐃᑦᓱᐊᕋᑦᑕ ᐃᒐᓛᒃᑯᑦ ᑕᑯᕙᑦᓱᑕ ᖃᓐᓂᐊᐱᓐᓂᒃ, ᓯᓚᕐᔪᐊᒦᑦᑑᔮᖕᖏᑐᖅ ᑑᕐᖏᑕᐅᓯᒪᔫᔮᕐᓱᓂ. ᖃᐅᒪᓂᖓ ᐅᓪᓘᑉ ᓀᑦᑑᒐᓗᐊᖅ, ᒐᓗᐊᕐᒪᑦ ᖃᓄᓕᒫᖅ ᐱᕕᑦᓴᖃᕐᕕᒋᒍᓐᓇᓱᒍ, ᐅᓯᖕᖓᓂᐅᑏᓐᓂᒃ ᖃᕐᓖᓂᒃ ᐊᑐᖏᓐᓈᓱᑕ ᐊᑎᖃᑦᑕᓱᒋᑦ ᖃᕐᓕᑲᔮᑦ ᐅᑭᐅᕐᓯᐅᑏᑦ ᐊᓂᑦᓱᑕᓗ ᒪᐅᔭᕇᒃᑯᓯᔭᕐᓱᑕ ᐱᖕᖑᐊᕆᐊᕐᑐᓱᑕ ᐅᕝᕙᓘᓐᓃᑦ ᖃᒧᑎᑲᓪᓚᖑᐊᕆᐊᕐᑐᓱᑕ. ᓯᕿᓂᖁᑎᒃ ᓄᕐᖃᑑᔮᓲᖅ ᑌᒪ ᐃᓅᓯᕐᒥᒃ ᐱᕕᓕᒫᒃᑯᑦ ᐊᓕᐊᓇᕐᑐᒦᓚᕿᓂᐊᓕᕋᒥ. ᐱᓇᓱᐊᒻᒪᕆᑦᑏᑦ ᐊᓪᓚᕕᓕᐊᕐᐸᒥᔪᑦ, ᐃᑲᐅᕐᓃᑦ ᓂᐯᑐᕐᓇᑐᒦᓐᓇᑎᓪᓗᒋᑦ, ᓱᒃᑫᑑᑦᓱᑎᓪᓗ, ᐊᒥᓱᓂᐊᓪᓛᑦ ᐱᔭᕇᒍᓐᓇᓯᕕᐅᒍᓐᓇᓱᑎᒃ, ᐱᓇᓱᐊᖃᑎᓂᓪᓗ ᐅᖄᕕᖃᖏᓐᓇᓱᑕ ᓂᕆᑦᓱᑕᓗ ᖁᕕᐊᓱᕝᕕᓯᐅᑎᓂᒃ ᐃᓄᖕᖑᐊᓂᒃ ᖃᕐᖁᐊᓗᐊᐱᓐᓂᒃ ᐊᒻᒪᓗ ᑰᒃᑯᑐᕐᓱᑕ.

ᐅᓐᓄᑐᒃᑯᑦ ᐊᒥᓱᑦ ᓄᓇᓕᒥᐅᑦ ᐸᕐᓀᓂᓯᒪᓲᑦ ᐱᖕᖑᐊᑎᑦᓯᐅᑎᒋᓂᐊᕐᑕᒥᓂᒃ ᓄᓇᓕᒥᐅᓕᒫᑦ ᑐᖕᖓᓱᑦᑎᑕᐅᑎᓪᓗᒋᑦ ᐃᓚᐅᖕᖑᐊᕈᓐᓇᓱᑎᒃ. ᐱᖕᖑᐊᕈᑏᑦ ᑐᓴᕐᓴᐅᓚᐅᕐᓯᒪᖕᖏᑐᒐᓭᑦ ᐱᖕᖑᐊᕈᑎᐅᑎᑕᐅᓲᒍᒻᒪᑕ ᐊᓕᐊᓇᕐᑐᐊᓗᐃᑦ ᐃᔪᕿᑕᖕᖑᐊᓇᕐᓱᑎᒃ ᐊᒻᒪᓗ ᑭᖑᓂᖓᒍᑦ ᐳᐃᒍᕐᓴᐅᓂᐊᕈᓐᓀᓱᑎᒃ, ᐃᓘᓐᓇᑎᒃ ᑕᒪᒃᑯᐊ ᐊᑑᑎᑎᑕᐅᓲᑦ ᐃᓚᓐᓈᕇᑦᓯᐊᓇᕐᑎᓯᑦᓱᑎᒃ, ᖁᕕᐊᓱᓐᓇᖅ ᐃᑉᐱᓇᓪᓚᕆᑦᓱᓂ. 

ᐅᖃᕆᐊᖃᕐᒥᔪᖓ ᐊᑦᔨᐅᖏᑦᑐᒥᒃ ᑰᑦᔪᐊᒥ ᐁᑦᑐᑕᐅᓯᒪᓲᒍᒐᑦᑕ: ᐊᕐᕌᒍᑕᒫᕐᓯᐅᑎᒥᒃ ᐅᖁᒻᒥᐊᓄᑦ ᑲᑕᒐᕐᕕᐅᑎᑕᐅᑦᓱᑕ. ᑐᓴᕐᓯᒪᔪᖓ ᑕᕝᕙᓂ ᐊᕐᕌᒍᒥ ᑖᓐᓇ ᑭᖑᓪᓕᐸᐅᓚᖓᓕᕐᑎᓗᒍ ᑭᓯᐊᓂ ᑭᖑᓪᓕᐸᐅᖁᔨᖕᖏᓇᑦᑕ ᓱᓕᖕᖏᑑᑦᓴᓚᐅᕐᐸᑦ ᐊᑭᑐᓇᓕᕐᒥᔪᖅ. ᐅᖁᒻᒥᐊᑦ ᑲᑕᒐᕐᑎᑕᐅᓲᑦ 25-ᒥ ᐅᓪᓛᑯᑦ: ᔮᓂ ᒣ, ᖃᐅᔨᒪᔭᐅᑦᓯᐊᑐᖅ ᐃᓄᒃ ᑎᒻᒥᔫᕐᑎ, ᑎᒻᒥᔫᒥᓂᒃ ᖃᖓᑕᑎᑦᓯᓲᖅ ᓇᕿᑦᑐᐊᐱᐅᑎᓪᓗᒍ (ᑎᒻᒥᔫᕐᑐᑦ ᒪᓕᒐᖃᕐᑎᑕᐅᒍᑎᖏᓐᓄᑦ ᑌᒣᒍᓐᓇᑎᓪᓗᒍ ᐊᖏᕐᑕᐅᓯᒪᑦᓱᓂ) ᓴᓐᑎᑲᓛᓯ ᐸᕐᓚᑎᑦᓯᑎᓪᓗᒍ ᐅᖁᒻᒥᐊᓂᒃ ᐊᒻᒪᓗ ᐱᑖᕆᔪᒥᓇᕐᑐᓂᒃ ᐅᒃᑯᐊᖓᑎᒍᑦ ᑎᒻᒥᔫᑉ ᐸᕐᓚᑐᓄᑦ ᓄᓇᒦᑦᓱᑎᒃ. ᐸᕐᓛᒍᓲᑦ ᒥᑭᔪᕐᓓᑦ ᐅᕝᕙᓘᓐᓃᑦ ᐃᑎᕈᑎᑦᓭᑦ ᖄᑭᕐᑐᓄᑦ. ᐃᑉᐱᓇᓲᖅ ᓄᑭᑖᑦᓯᐊᓇᕐᑐᒪᕆᐅᔮᕐᑐᒥᒃ; ᐸᕐᓚᓕᕋᒥᒃ ᐱᒐᓱᐊᒻᒪᕆᓲᑦ ᑎᒍᓯᒐᓱᐊᒻᒪᕆᑦᓱᑎᒃ ᑌᒪᖕᖓᓗ ᐸᕐᓚᕋᓱᐊᒻᒪᕆᒐᓗᐊᕋᒥᒃ ᐊᓕᐊᓐᓂᒥᒃ ᑭᓯᐊᓂ ᐃᓚᖃᕐᑎᓗᒍ.

ᐃᓚᖏᑦ ᐃᓱᒪᓲᒍᒐᓗᐊᑦ ᐃᓚᒥᓃᖕᖏᑐᐊᐱᐅᑦᓱᑎᒃ ᐃᓚᓐᓈᒥᓂᓗ ᖁᕕᐊᓱᕝᕕᓯᐅᕐᓱᑎᒃ ᑲᕙᕈᓇᐅᔪᕆᑦᓯᓱᑎᒃ ᖁᕕᐊᓱᕝᕕᒥ. ᑐᑭᓯᒪᔪᖓ ᑕᒪᑐᒥᖓ, ᑭᓯᐊᓂ ᑕᕐᕋᒥ ᓇᒻᒥᓂᕐᑖᓇᓲᖅ ᐃᓚᑖᕆᑦᓯᐊᑐᐃᓐᓇᓱᒋᑦ ᐊᒻᒪᓗ ᑖᒃᑯᓇᓂ ᐅᓪᓗᓂ ᐊᑑᑎᑦᓯᐊᓲᒍᖕᖏᑐᓂᒃ ᓱᖃᑦᓯᖃᑎᒋᓲᕆᑦᓱᒋᑦ ᐃᑉᐱᓂᐊᕐᓂᑎᒍᑦ ᐊᓯᖃᕐᑑᔮᖕᖏᑐᒥᒃ ᐱᓐᓇᑐᖅ. ᐊᑦᔨᖃᑦᓯᐊᖏᑦᑐᖅ ᑲᑎᒪᖕᖑᐊᖃᑎᖃᕆᐊᒥᒃ ᐃᓘᓐᓇᖏᓐᓂᒃ ᐃᓄᓐᓂᒃ ᖁᕕᐊᓱᕝᕕᓯᐅᕐᑐᓂᒃ ᑰᑦᔪᐊᒥ, ᐃᓚᓐᓈᕆᑦᓱᒋᑦ ᐅᕝᕙᓘᓐᓃᑦ ᖏᒃᑲᓗᐊᕐᓱᒋᑦ, ᐊᒻᒪᓗ ᓂᕆᖃᑎᒋᑦᓱᒋᑦ ᐃᒐᔭᕕᓂᕐᒥᓂᒃ ᐊᑦᔭᓯᑦᓱᑎᒃ ᐊᓕᐊᓇᒻᒪᕆᓲᒍᒻᒥᔪᖅ. ᖃᐅᔨᒪᑦᓯᐊᓂᖕᖏᑕᕋᓗᐊᕗᑦ ᖃᐅᔨᑦᓯᐊᖑᐊᓲᕗᑦ ᐊᒻᒪᓗ ᐱᐅᓂᕐᐹᒍᒻᒥᔪᖅ, ᐊᕐᖁᑎᒥ ᓄᓇᒃᑰᔫᑦ ᓂᓐᓂᐅᕋᐅᑎᖕᖏᑐᑦ, ᐅᕝᕙᓘᓐᓃᑦ ᐊᕐᖁᑎᒥ ᐃᑯᒪᖃᕋᓂ ᐃᖏᕐᕋᓯᓕᕇᓚᒍᑎᓂᒃ ᓄᕐᖃᓕᕇᓚᒍᑎᓂᒃ! ᖁᕕᐊᓲᓯᐊᒍᒋᐊᒥᒃ ᑖᒃᑯᐊ ᐱᐅᓂᕐᐹᑦ.

ᐃᓘᓐᓇᓯ ᖁᕕᐊᓱᕝᕕᒥ ᖁᕕᐊᓱᑦᓯᐊᓚᖓᕗᓯ! ᐊᓕᐊᓪᓗᓯ ᓇᓃᒐᓗᐊᕈᑦᓯ.
ᑳᓓ ᑕᔅᑐᔅ
ᑐᓴᐅᒪᒍᑎᓕᕆᓂᕐᓂᒃ ᑲᒪᔨ, ᓄᓇᕕᒻᒥ ᐃᓗᓯᓕᕆᓂᕐᓄᑦ ᑲᑎᒪᔩᑦ 

ᐅᐱᕐᖔᒥ ᐊᓪᓚᕖᑦ ᐃᓄᖃᑦᓯᐊᕈᓐᓀᓲᑦ, ᐱᑦᔪᑎᖃᑦᓯᐊᓱᑎᓪᓗ ᓯᓚᑦᓯᐊᕌᐱᐅᓕᕐᒪᑦ, ᐅᐱᕐᖔᒥ ᕿᑲᑫᓐᓇᓇᕐᓯᒪᑦ, ᐱᓇᓱᕝᕖᓗ ᐱᓇᓱᑦᑎᑕᖃᓗᐊᕈᓐᓀᓱᑎᒃ. ᖃᓪᓗᓈᑦ ᓄᓇᖓᓂᑦ ᐱᓯᒪᔪᑦ ᐱᓇᓱᑦᑏᑦ ᐃᓚᒥᓂᒃ ᐃᓐᓂᐊᓯᒪᒋᐊᕐᑐᓲᒍᒻᒪᑕ, ᑕᕐᕿᓂ ᐊᒥᓱᓂ ᑕᑯᓐᓂᖏᑦᑕᒥᓂᒃ, ᐃᓄᐃᓪᓗ ᓄᓇᓕᐊᕋᓯᑦᓱᑎᒃ. ᖁᑉᐹᒍᑦᑕᐅᖅ, ᐱᓇᓱᑦᑏᑦ ᐃᓚᖏᑦ ᖃᓪᓗᓈᑦ ᓄᓇᖓᓂᑦ ᐱᓯᒪᔪᑦ (ᐃᓚᐅᒻᒥᑎᓪᓗᖓ) ᑕᒫᓃᑐᐃᓐᓇᓲᒍᔪᒍᑦ ᐊᓕᐊᓇᕐᑑᒪᑦ ᐅᐱᕐᖔᒍᑫᓐᓇᓂᖓᓂ. ᑕᑯᒐᑦᓴᓕᕐᔪᐊᖅ ᓄᓇᒥ, ᐃᖃᓪᓕᐊᖃᑦᑕᓱᓂ, ᐅᒥᐊᕐᑐᖃᑦᑕᓱᓂ, ᐱᓱᖃᑦᑕᓱᓂᓗ ᐅᖓᓯᑦᑐᒧᑦ, ᓯᕿᓂᕐᒥᒃ ᓂᐱᑦᓰᖃᑦᑕᓱᓂ ᓄᐃᑦᓯᐊᕆᖃᑦᑕᓱᒍᓗ, ᐆᒪᔪᐃᑦ ᐱᕈᕐᑐᐃᓗ ᑕᑯᑦᓴᐅᖃᑦᑕᓱᑎᒃ. ᐅᐱᓐᓇᒥᔪᖅ, ᑰᑦᔪᐊᒥ ᐅᐱᕐᖔᑯᑦ ᐅᓪᓗᑐᓯᓂᕐᓴᐅᖃᑦᑕᓲᒍᒻᒪᑦ ᖃᓪᓗᓈᑦ ᓄᓇᖓᓂᒥᑦ. ᐅᐱᕐᖔᒥ ᐅᓪᓗᑐᓯᐅᖃᑦᑕᓕᑐᐊᕐᒪᑦ, ᓯᕿᓂᖅ ᓂᐱᔪᐃᑦᑐᑲᓴᐅᓲᖅ… ᐅᓪᓗᑐᓯᐅᖃᑦᑕᓱᓂ ! ᐊᓃᕆᐊᒥᒃ ᐊᓕᐊᑦᑐᓄᑦ ᐊᓃᕐᓇᓕᕐᓱᓂ. ᖃᐅᔪᐃᑦᑐᑲᓴᐅᑦᓱᓂ. ᐅᑭᐅᒍᓕᕐᐸᑦ ᑌᒣᓐᓂᐅᔭᖃᑦᑕᓛᖕᖏᒥᒻᒪᑦ, ᐊᓃᕐᕕᓴᐅᖃᑦᑕᓕᕐᑐᖅ.

ᐊᓕᐊᓇᕐᓂᐸᐅᓲᖅ ᓯᕿᓐᓂᑐᐊᐱᐅᑎᓪᓗᒍ 25 degrees -ᒦᑦᑎᓗᒍ ᓯᓚ ᐳᐃᑦᔪᕋᕆᐊᒥᒃ ᑰᒻᒥ ᐱᓇᓱᒌᕐᓇᐅᓕᕐᑎᓗᒍ ᐅᕝᕙᓘᓐᓃᑦ ᐱᓇᓱᐊᕈᓯᐅᑉ ᐃᓱᓕᓂᖓᓂ ᓯᓂᑦᑕᕆᐊᖕᖑᐊᓯᒪᔪᖃᕐᓱᓂ. ᐳᐃᑦᔪᕋᕐᓇᓯᒍᑦᔭᐅᖃᑦᑕᓱᓂ ᓯᑦᔭᒥ. “ᕿᔪᒡᒋᓯᐊᕐᓗᓯ ᐃᑯᐊᓚᑦᓯᒐᑦᓴᒥᒃ ᐅᓐᓄᒍᒥᑕᖃᑎᒌᓐᓂᐊᕋᑦᑕ…”

ᐱᓇᓱᐊᕈᓯᐅᑉ ᐃᓱᓕᓂᖓᓂ ᓱᒐᑦᓭᓘᕐᐱᑦ ? ᓯᓂᑦᑕᕆᐊᖕᖑᐊᑐᑦᓴᐅᕗᑎᑦ ! ᓄᓇᓕᐊᕐᓗᑎᑦ ᓂᐯᑦᑐᓯᐊᒥ ᑐᑉᐱᑐᕐᓗᑎᑦ. ᕿᑦᑐᕆᐊᕐᑕᐅᒌᒃᑯᑏᑦ ᓇᑦᓴᓗᒍ, ᐃᑯᐊᓚᑦᓯᓚᖓᓗᑎᑦ ᑭᑦᑐᕆᐊᖃᕇᒃᑯᑎᒋᓂᐊᕐᑕᓂᒃ ᐊᓄᕆᒍᓐᓀᐸᑦ ᕿᑦᑐᕆᐊᓕᓯᓂᐊᕐᒥᒪᑦ. ᐃᓄᖃᖕᖏᓯᐊᕐᑐᒦᓪᓗᑎᑦ, ᖁᐸᓄᐊᓕᐅᒐᓗᐊᖅ, ᐸᒥᐅᕐᑑᒥᓪᓘᓃᑦ ᑕᑯᑐᐃᓐᓇᕆᐊᕐᓱᑎᑦ, ᐃᖃᓗᑦᑕᕕᓂᕐᓂᒃ ᐅᓂᖔᕐᑐᒥᒃ. ᓯᕿᓂᖅ ᓂᐱᓯᑎᓪᓗᒍ, ᐃᒥᕐᑌᖅ ᓂᐅᕐᓯᕕᒋᐊᐱᓪᓗᒍ… ᑕᒪᓐᓇᑕᒐ ᐃᓅᓯᖅ. 

ᐃᓚᒌᑦᑐᓂᒃ ᐋᓐᓂᐊᓯᐅᕐᓂᓕᕆᓂᒃ ᐅᑭᐅᕐᑕᑐᒥ ᐊᑦᔨᖃᖕᖏᓚᖅ: ᐃᓕᕐᕈᓯᖏᑦᑎᒍᑦ, ᖃᓄᑐᐃᓐᓇᒍᓐᓇᓂᕐᑎᒍᑦ, ᐃᓕᒌᑦᑎᒪᓂᑎᒍᑦ. ᐊᕐᕌᒍᐃᑦ ᖁᓕᓪᓗ ᒪᕐᕈᓗ ᐊᓂᒍᕐᓯᒪᓕᕐᑐᑦ, ᐃᓕᓵᒍᑦᓱᖓᓱᓕ, ᐅᑭᐅᕐᑕᑐᒧᑦ ᑎᑭᓚᐅᕐᓯᒪᔪᖓ ᐊᓐᓂᐊᓯᐅᕐᑎᒪᕆᐅᒋᐅᕐᓴᓱᖓᓱᓕ ᖃᐅᔨᓪᓚᕆᓚᐅᕐᓯᒪᒐᒪ ᐱᑦᓯᐊᑐᓂ ᐋᓐᓂᐊᓯᐅᕐᓂᓕᕆᒍᓯᐅᒍᓐᓇᑐᓂᒃ ᓄᓇᓕᓐᓃᑐᓂᒃ ᑐᖕᖓᓇᕐᑐᓂᒃ ᐱᓇᓱᐊᖃᑎᖃᓕᕐᓂᑯᒐᓄᑦ. ᐋᓐᓂᐊᓯᐅᕐᑎᒪᕆᐅᓂᕋᓂᒃ ᐊᑐᓯᓚᐅᕐᓯᒪᕗᖓ ᑕᒫᓂ ᐊᕐᕌᒍᐃᑦ ᐊᒥᓱᐃᑦ ᐊᓂᒍᕐᓯᒪᓕᕐᑐᑦ ᐅᓪᓗᑕᒫᑦᓯᐊᓗ ᐅᓪᓗᒥᒧᑦ ᐊᓕᐊᒋᔭᒐᖃᓪᓚᕆᑦᑐᖓ ᐱᓇᓱᒐᕋᓂᒃ.

ᖃᖓᑦᑕᔫᒃᑯᑦ ᐅᐃᒪᐅᑦᔭᐅᓃᑦ, ᐅᐃᒪᓇᕐᑐᐃᑦ, ᐋᓐᓂᐊ[ᒨᕐᑕᐅᓃᑦ, ᐋᓐᓂᐊᓯᐅᕆᓃᑦ, ᐊᓂᕐᕋᓅᖁᔭᐅᓃᑦ, ᓴᐳᒻᒥᒪᓃᑦ ᖃᐅᔨᒪᔨᓪᓚᕆᐅᖃᑎᓐᓂᑦ….ᐱᓇᓱᐊᒐᑦᓴᕐᔪᐊᐸᑦᑐᒍᑦ ᓯᕕᑐᔪᑲ9ᓚᓂᒃ, ᓄᓇᕕᐅᑉ ᓇᑎᕐᓇᖓᑎᑐᑦ. ᐱᒻᒪᕆᐅᔪᕆᓐᓇᓱᓂᓗ ᐃᑭᔪᖃᕋᒥ ᒪᕐᕈᓕᒻᒧᑦ ᖃᖓᑦᑕᔫᒧᑦ ᐋᓐᓂᐊᓯᐅᕆᒋᐊᕐᑐᓂᑯᑦᑎᓄᑦ ᓄᓇᓕᐅᑉ ᐊᓯᐊᓃᑦᑐᒥᒃ. ᐊᐅᓚᑦᓯᒋᐊᕐᑐᓱᑕ ᐋᓐᓂᓯᒪᔪᒥᒃ, ᐃᓅᓕᕋᑕᒥᒃ ᐃᓄᑐᖃᕐᓄᑦ ᓄᓇᓕᓐᓃᑐᓄᑦ. ᑕᒪᒃᑯᐊᑕᒐ ᐱᓇᓱᐊᕈᓐᓇᒋᐊᓕᑦᑎᓂᒃ ᐱᒍᓐᓇᓂᕆᒋᐊᓕᑦᑎᓂᓗ ᐱᕕᖃᕐᑎᓯᕙᑦᑐᑦ ᐃᓅᓕᕋᑕᕐᑐᓕᕆᓂᑎᒍᑦ, ᐋᓐᓂᐊᓯᐅᕆᓂᑎᒍᑦ ᑎᒥᓐᓂᒃ, ᐃᓱᒪᓕᕆᓂᑎᒍᑦ, ᑲᒡᒐᓯᒪᔪᓕᕆᓂᑎᒍᑦ, ᐊᕐᓀᑦ ᖃᓄᐃᖕᖏᓯᐊᕐᓂᓕᔭᐅᓂᖏᑎᒍ5 ᐊᓯᖏᓪᓗ. ᐅᓪᓗᑕᒫᑦᓯᐊᖅ ᐱᓂᐊᕐᓂᖃᒍᓯᒋᕙᑦᑕᑲ ᐊᑦᔨᐅᖏᑦᑑᓲᑦ ᐅᑭᐅᕐᑕᑐᒥ; ᐃᓄᕙᑦᔭᖏᑦᑐᒍᑦ ᐊᑦᔨᒌᓕᑦᓯᐊᒪᔪᓂᒃ ᐅᓪᓗᐃᑦ ᐃᑉᐱᒋᑦᓱᒋᑦ. ᖃᐅᔨᒪᓪᓚᕆᑦᑕᑐᐊᕗᑦ ᓱᓇᑐᐃᓐᓇᓯᐊᒥᒃ ᓂᕆᐅᓐᓂᖃᕐᐸᓂᑦᑎᓂᒃ ¡ s9lu5ᓭᓇᖅ, ᓴᐳᒻᒥᒪᕈᓐᓇᐳᖓᑦ ᐊᓂᕐᕋᒥ ᓴᐳᒻᒥᔨᐅᔪᒥᒃ ᐅᖄᓚᐅᑎᒃᑯᑦ ᐱᓪᓗᒍ ᐋᓐᓂᐊᔪᖅ ᑐᖁᒋᐊᕕᓕᕐᑐᐊᓛᑦ ᐊᑐᐃᓐᓇᕿᖕᖏᓂᑯᖓᓄᑦ ᐋᓐᓂᐊᓯᐅᕐᑎᒪᕆᒻᒥᒃ ᓄᓇᓕᖓᓂᒃ ᐋᓐᓂᐊᓯᐅᕆᓗᖓᓗ ᐊᕐᖁᓇᕐᑐᕕᓂᕐᒥᒃ. ᓇᑯᕐᓂᐸᐅᓲᒍᑦᓱᓂᓗ ᐋᓐᓂᐊᓯᐅᕐᑕᕕᓂᖅ ᐅᓐᓄᐊᓕᒫᖅ ᐊᕐᖁᓇᕐᑐᕕᓂᐅᓂᑯᒥᓄᑦ ᐁᔭᐅᓯᐊᑐᐊᕐᒪᑦ ᖃᖓᑦᑕᔫᒧᑦ ᐅᐃᒪᓇᕐᑐᓕᕆᔨᒧᑦ ᑲᒪᒋᔭᐅᓂᐊᓕᕐᓗᓂ ᖃᓪᓗᓈᓃᑦᑐᓄᑦ ᐃᓕᒌᑦᑎᒪᑦᓯᐊᑐᓄᑦ. ᐃᑲᔪᕐᑕᐅᕕᑦᓭᓘᕐᓱᓂ ᓱᓇᑐᐃᓐᓀᓗ ᐱᒍᓐᓇᓱᑎᒃ, ᐃᒻᒥᓂᒃ ᐊᐱᕆᒍᓐᓇᕙᒋᐊᖃᕐᐸᑐᒍᑦ, ᓱᖏᐅᑎᕕᖃᕐᐸᒍᓐᓇᓗᑕ, ᐃᓱᒪᑐᔫᕙᒋᐊᖃᕐᓱᑕᓗ.

ᐊᕐᕌᒍᐃᑦ ᐊᒥᓱᑦ ᐊᓂᒍᕐᓯᒪᓕᕐᑎᓗᒋᑦ, ᐋᓐᓂᐊᓯᐅᖃᑦᑕᓯᒪᔭᒃᑲᓂᒃ ᖃᓂᑕᖃᓕᕐᐳᖓ ᐃᓚᒋᔭᖏᓐᓂᓗ. ᐅᒻᒪᑎᐅᑕᕆᓂᕐᐹᕆᓲᕋ ᐊᐅᓚᓯᒪᔪᕕᓂᐅᑦᓴᓕᕋᒪ ᕿᑲᕆᐊᕐᑐᒪᔪᕕᓂᐅᑦᓱᖓ ᖃᓪᓗᓈᓄᑦ ᐅᑎᕋᒪ ‘ᑐᖕᖓᓱᒋᑦ ᐅᑎᕋᕕᑦ ᐊᓂᕐᕋᓄᑦ, ᐋᓐᓂᐊᓯᐅᕐᑎᒪᕇᒃ‘ ᓚᔭᐅᓂᕆᓲᕋ. ᐃᓅᓯᖏᓐᓄᑦ ᐃᓚᐅᕙᒋᐊᒥᒃ, ᐅᑉᐱᔭᖏᓐᓄᑦ ᐃᓪᓕᕆᔭᖏᓐᓄᓗ ᐃᓄᑐᐃᓐᓀᑦ ᓇᑯᕐᓴᒪᕆᑦᑐᖓ, ᐱᓇᓱᒐᕋᑎᒍᑦ ᑌᒣᓕᓚᕿᓯᒪᒻᒪᑦ. ᐅᑎᓚᐅᔪᔪᖓ ᐊᓂᕐᕋᒐᓄᑦ ᓂᕐᓕᕕᓂᕐᒥ ᐁᑦᑐᑕᐅᒪᓂᐅᓕᕐᓱᖓ¡ ᐊᒻᒪᒪᖃᑎᒌᑦᓯᐊᕙᒍᑦᑕ, ᐱᓇᓱᐊᕐᑕᑎᒍᑦ ᐃᓕᕐᕈᓯᑦᑎᓂᒃ ᐊᒥᕐᖄᖃᑎᒌᑦᓯᐊᕈᓐᓇᑐᕆᔪᖓ.

ᐱᓇᓱᒐᐅᑉ ᐊᓯᐊᒍᑦ, ᓄᓇᕕᒃ ᐊᕙᑎᕆᑦᑐᓯᐊᒻᒪᕆᓕᒃ ᓯᓚᒥᒃ ᓱᖃᑦᓯᕕᑦᓯᐊᖑᑦᓱᓂ. ᖃᒧᑎᑯᑖᓕᔭᕐᓃᑦ, ᖃᔭᕐᑐᓃᑦ, ᐱᓱᓐᓃᑦ, ᐯᓯᑰᕐᓃᑦ ᓄᓇᒥ, ᖁᒻᒧᐊᒪᔪᕐᑎᒍᑦ ᐅᓂᐊᕐᑕᐅᓃᑦ ᖃᒧᑎᑯᑖᓕᔭᕐᓱᑎᒃ, ᑐᐱᕐᓯᒪᒋᐊᕐᑐᓃᑦ, ᐊᓯᖏᓗ. ᓯᓚᖓᓗ ᓄᓇᕕᒻᒥ ᓇᓗᓇᕐᐸᓱᓂ, ᐃᓚᖓᓂ ᐊᓄᕆᕙᕐᔪᐊᒍᓐᓇᒪ ᐱᕐᓯᓲᒻᒪᕆᐅᑦᓱᓂᓗ. ᕿᓚᑦᑕᖏᑦ ᓄᓇᕕᒻᒥ ᐱᐅᔪᒻᒪᕆᐅᒍᓐᓇᑐᖅ ᓲᕐᓗ ᑲᑦᔮᓇᕐᑐᒪᕆᐅᒍᓐᓇᑐᑦ ᓯᕿᓂᖅ ᓂᐱᓕᕐᒪᓗᐊᖕᖑᐊᖅ, ᑕᕐᕿᓗ ᐊᐅᐸᕐᑑᓕᕐᒪᑦ ᐊᐅᔭᐅᓂᖓᓂ ᐊᔭᒍᑕᖏᓗ. ᐊᓱᒎᖅ ᓄᓇᐅᑉ ᐱᖁᑎᖏᑦ ᐊᑭᔭᐅᖕᖏᓚᑦ…

ᔨᐊᓐᕕᐊᕝ ᐊᐅᑭᓕᐊᕐ, ᐃᓚᒌᑦᑐᓂ ᐊᓐᓂᐊᓯᐅᕐᑎᒪᕆᒃ ᐊᖓᔪᕐᑳᖓᓗ ᐋᓐᓂᐊᓯᐅᕐᑎᒪᕇᑦ, ᐃᓅᓕᑦᓯᕕᒃ ᐋᓐᓂᓯᐅᕐᓂᓕᕆᕕᒃ, ᐊᖓᔪᕐᖄᒍᓚᐅᕐᑐᑐᑦ ᓄᓇᕕᒥ, RDGP

ᓄᓇᕕᒻᒥ ᑕᑯᒋᐊᕐᓂᒥᒃ ᓇᓗᓀᒃᑯᑕᓕᓐᓂᒃ, ᑐᑭᓯᒪᒐᑦᓴᓕᒫᓂᒃ ᐊᑐᐊᕐᓯᒍᓐᓇᐳᑎᑦ ᓄᓇᕕᒻᒥ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᕕᓐᓂ ᐱᓇᓱᒐᑦᓴᖃᕐᓂᒨᓕᖓᔪᓂᒃ. ᐱᓇᓱᖃᑎᒌᑦᑐᒍᑦ ᐋᓐᓂᐊᕖᒃ ᒪᕐᕉᒃ ᐊᒻᒪᓗ ᓄᓇᓕᓕᒫᓂ ᑲᑎᒪᔩᑦ (ᓈᒻᒪᖁᐊᖃᕐᑐᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐊᑎᓄᑦ ᑎᒥᐅᔪᒥᒃ);

• ᐅᖓᕙᒥᐅᑦ ᐋᓐᓂᐊᕕᖓ ᑐᓚᑦᑕᕕᒃ ᑰᑦᔪᐊᒦᑦᑐᖅ ᐅᖓᕙᒥᓪᓗ ᐱᒍᑦᔨᐅᑎᓂᒃ ᐊᐅᓚᑦᓯᕕᐅᑦᓱᓂ;
• ᐋᓐᓂᐊᕕᒃ ᐃᓅᓕᑦᓯᕕᒃ ᐳᕕᕐᓂᑐᒦᑦᑐᖅ ᑕᓯᐅᔭᕐᔪᐊᒥ ᐱᒍᑦᔨᐅᑎᓂᒃ ᐊᐅᓚᑦᓯᕕᐅᑦᓱᓂ;
• ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ, ᑰᑦᔪᐊᒦᑦᑐᑦ.

 

ᑕᑉᐱᑯᐊ ᐱᖓᓱᑦ ᐱᓇᓱᕝᕖᑦ ᐱᓇᓱᒐᑦᓴᖁᑎᖃᓕᕋᒥᒃ ᓂᕕᖕᙰᓯᒪᓲᒍᒐᓗᐊᕐᑎᓗᒋᑦ ᓄᓇᕕᒻᒥ ᑕᑯᒋᐊᕐᓂᑯᑦ, ᐊᑐᓂᑦ ᐱᓇᓱᑦᑎᓴᕐᓯᐅᕕᖃᕐᐳᑦ ᐊᑐᓂᓪᓗ ᐱᓇᓱᑦᑎᑖᕋᓱᐊᕈᓯᖃᕐᓱᑎᒃ. ᐱᓇᓱᒐᑦᑖᕋᓱᐊᕐᑐᖅ ᐋᓐᓂᐊᕕᒻᒥᑦᑦ ᐱᓐᓂᖏᒃᑲᓗᐊᕈᓂ ᐁᑉᐸᖓᓂᑦ ᐱᓇᓱᒐᕐᑖᕈᓐᓇᕋᔭᕐᒥᒪᑦ; ᑭᓯᐊᓂ, ᐱᓇᓱᒐᕐᑖᕋᓱᐊᕐᑐᖅ ᑕᒣᓐᓂᑦ ᐋᓐᓂᐊᕖᓐᓂᑦ ᐱᓇᓱᕋᕐᑖᕈᒪᐅᑎᒥᓂᒃ ᑐᓂᓯᒍᓐᓇᒥᒻᒪᑦ. ᐱᓇᓱᕝᕖᑦ ᐃᓕᒃᑰᑎᕐᒪᑕ, ᐱᓇᓱᑦᑎᑖᕋᓱᐊᕈᓯᖏᑦ ᐊᑐᓂᑦ ᒪᓕᑦᑕᐅᒋᐊᖃᕐᒪᑕ ᐳᕐᑐᓂᓕᕇᑦᑐᓂᒃ: ᐊᐱᕐᓱᓃᑦ, ᖃᐅᔨᒋᐊᕐᑐᕕᑦᓭᑦ, ᖃᓄᐃᖕᖏᓯᐊᕆᐊᖃᕐᓂᑯᑦ ᖃᐅᔨᓴᕐᑕᐅᓃᑦ ᐊᓯᖏᓪᓗ.

ᖁᑉᐹᒍᑦᑕᐅᖅ, ᐱᓇᓱᓐᓂᒧᑦ ᒪᓕᒐᖏᑦ ᑖᒃᑯᐊ ᐱᖓᓱᑦ ᐱᓇᓱᕝᕖᑦ ᐊᑦᔨᒌᕙᓪᓗᑐᐃᓐᓀᑦ, ᐋᓐᓂᐊᕕᓐᓂ ᐱᓇᓱᑦᑏᑦ ᑕᕐᕋᒦᓐᓂᒧᑦ ᐱᕙᓪᓕᖁᑎᖏᑦ ᑐᖕᖓᕕᖃᕐᒪᑕ ᐱᓇᓱᑦᑏᑦ ᐊᖏᖃᑎᒌᒍᑎᖏᓐᓂᒃ (CSN, FIIQ) ᐊᒻᒪᓗ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐱᕙᓪᓕᖁᑎᖏᑦ ᑲᕙᒪᒃᑯᑦ ᐱᓇᓱᓐᓂᒧᑦ ᒪᓕᒐᖏᓐᓂᒃ ᑐᖕᖓᕕᖃᕐᑎᓗᒋᑦ ᑲᑐᑦᔨᖃᑎᒌᓐᓂᖃᕈᓐᓇᓱᑎᒃ ᑲᑐᑦᔨᖃᑎᒌᓐᓂᖃᖕᖏᑐᓄᑦ ᐱᓇᓱᑦᑎᓄᑦ. ᑕᕐᕋᒦᓐᓂᒧᑦ ᐱᕙᓪᓕᖁᑏᑦ ᐊᐅᓚᑦᓯᔨᓄᑦ ᐊᑦᔨᑐᐃᓐᓀᑦ ᐱᕙᓪᓕᖁᑎᖏᓐᓄᑦ ᐊᓯᖏᑦᑕ ᐱᓇᓱᑦᑏᑦ.

ᑮᓇᐅᑦᔭᓴᐅᑏᑦ ᐱᒻᒥᑎᓪᓗᒋᑦ, ᐊᓯᖏᑦ ᐱᕙᓪᓕᖁᑎᑦᓭᑦ ᐱᒋᕗᑦ:

• ᐅᖓᓯᒋᔭᐅᔪᒦᓐᓂᒧᑦ ᐊᑭᓕᕐᑕᐅᒍᑏᑦ;
• ᐆᒪᒐᓱᐊᕈᑎᑦᓭᑦ;
• ᐃᓕᒣᓐᓇᑎᑦᓯᒐᓱᐊᕈᑎᑦᓭᑦ ᐊᖏᖃᑎᒌᒍᑎᒃ ᒪᓕᓪᓗᒍ.

 

ᐱᓇᓱᑦᑎᑖᑐᐊᕈᑦᑕ 50 ᑭᓗᒦᑌᑦ ᐅᖓᑖᓅᕐᑐᓂᒃ ᐅᖓᓯᓐᓂᓕᒻᒥᒃ ᐊᓇᕐᕋᓕᒻᒥᒃ, ᐱᕙᓪᓕᖁᑎᖃᕐᑎᓯᒍᓐᓇᒥᔪᒍᑦ:

• ᓯᑕᒪᕕᓪᓗᑎᒃ ᐊᕐᕌᒍᑕᒫᑦ ᐊᓇᕐᕋᑫᓐᓇᕈᓐᓇᓂᕐᒥᒃ (ᐆᒪᑦᓯᒐᓱᐊᕐᐸᑕ, ᐱᖓᓱᕕᓪᓗᑎᒃ ᐊᑐᓂ ᐊᕐᕌᒍᑕᒫᑦ ᐊᓇᕐᕋᑫᓐᓇᖃᑦᑕᕈᓐᓇᑐᑦ);
• ᐃᓪᓗᖃᕐᑎᑕᐅᓗᑎᒃ ᐱᐅᓕᓐᓂᐊᒐᕐᓚᖏᑦ ᐊᑕᔪᓂᒃ (ᐱᓇᓱᑦᑏᑦ ᓯᓂᑦᑕᕕᖓᓃᑫᓐᓇᑐᐃᓐᓇᕆᐊᖃᕋᔭᕐᒥᔪᑦ ᐅᕝᕙᓘᓐᓃᑦ ᐱᓇᓱᑦᑎᐅᖃᑎᒥᓂᒃ ᐃᓪᓗᒥᐅᖃᑎᖃᑫᓐᓇᓗᑎᒃ ᐱᓇᓱᓯᕐᖃᒥᐅᓗᑎᒃ);
• ᐅᑎᕐᑎᓯᕕᐅᓗᑎᒃ ᓄᑦᑎᕈᑎᕕᓂᕐᒥᓂᒃ ᐱᐅᓕᓐᓂᐊᒐᕐᒥᓂᓪᓗ ᓴᓂᕐᕓᓯᒪᓂᕕᓂᕐᒥᓄᑦ (ᐱᐅᓕᓐᓂᐊᒐᕐᒥᓂᒃ ᖃᓪᓗᓈᑦ ᓄᓇᖓᓃᑦᑐᓂᒃ).

 

ᐊᒻᒪᓗ, ᑖᒃᓰᔭᕈᑎᖏᑦ ᐃᑭᓐᓂᓴᐅᑎᑕᐅᖃᑦᑕᓗᑎᒃ ᐱᒍᓐᓇᐅᑎᑖᕐᓯᒪᒍᑎᒃ ᐃᓕᓐᓂᐊᕕᕐᔪᐊᒥᑦ ᐃᓕᓐᓂᐊᕇᕋᑖᕐᓯᒪᔪᑦ ᐅᖓᓯᒋᔭᐅᔪᒧᑦ ᐱᓇᓱᒋᐊᕐᑐᓯᒪᔪᑦ.

 

ᐱᓇᓱᒐᕐᑖᕋᓱᐊᕐᓯᒪᕖᑦ, ᑕᒐ ᓱᓚᖓᓯᕕᑦ ?

ᐱᓇᓱᕋᕐᑖᕈᒪᐅᑏᑦ ᐱᒍᓐᓇᑕᑎᓪᓗ ᐱᓇᓱᕝᕕᒧᑦ ᓈᒻᒪᒋᔭᐅᑉᐸᑕ ᐊᐱᕐᓱᕋᑦᓴᐅᓂᕋᕐᑕᐅᓯᒪᒍᕕᓪᓗ, ᖃᓪᓗᓈᑦ ᓄᓇᖓᓂ ᐊᐱᕐᓱᑕᐅᒐᔭᕐᑐᑎᑦ, ᒪᓐᑐᕆᐊᒥ ᑯᐯᒃ ᓯᑎᒥᓪᓘᓃᑦ.

ᐊᐱᕐᓱᑕᐅᓯᒪᓕᕈᕕᑦ, ᐱᓇᓱᒐᕐᑖᕈᒪᐅᑏᓪᓗ ᓈᒻᒪᒋᔭᐅᑉᐸᑦ, ᐱᓇᓱᑦᑎᑖᕋᓱᐊᕐᓂᖅ ᑕᕐᕿᓕᒫᓪᓗᐊᑎᑕᐅᓲᖅ, ᐱᓇᓱᕝᕕᒋᓯᒪᔭᑎᑦ ᖃᐅᔨᒋᐊᕐᕕᐅᒋᐊᖃᕐᒥᑎᓪᓗᒋᑦ ᐊᒻᒪᓗ ᐋᓐᓂᐊᓯᐅᕐᑎᒪᕆᒻᒧᑦ ᖃᐅᔨᓴᕐᑕᐅᓯᒪᒋᐊᖃᕐᒥᓱᑎᑦ.

ᑭᓯᐊᓂ, ᐊᓯᖏᑦ ᐱᓇᓱᒐᑦᓭᑦ ᑌᒣᒋᐊᖃᓲᒍᒻᒪᑕ, ᐱᓇᓱᒐᑦᓴᖅ ᐃᓐᓄᑕᐅᑦᓴᐅᑎᒋᒋᐊᖃᑐᐃᓐᓇᕆᐊᖃᕐᒪᑦ ᐱᓇᓱᑦᑎᑖᕋᓱᐊᕐᓂᓗ ᖃᒻᒥᐅᓂᕐᓴᒨᓕᖓᑎᑕᐅᓯᑐᐃᓐᓇᕆᐊᖃᕐᓱᓂ. ᓄᓇᕕᒻᒥ, ᐊᑐᐃᓐᓇᐅᒋᐊᖃᕐᓇᓲᒍᒻᒪᑦ ᖃᓄᑐᐃᓐᓇᖅ. ᖃᓄᐃᓕᖓᒐᓗᐊᕐᐸᑦ, ᐱᓇᓱᑦᑐᓕᕆᕕᐅᑉ ᐱᓇᓱᑦᑎᖏᓐᓄᑦ ᑭᖕᖒᒪᒋᔭᕐᓂᒃ ᐅᖄᕕᐅᒐᔭᕐᑐᑎᑦ.

 

ᐊᓪᓗᕆᐊᕐᓯᒪᓕᕋᕕᑦ, ᐱᓇᓱᒐᑦᓴᒥᒃ ᐊᖏᕈᑎᖃᕐᓯᒪᑦᓱᑎᒃ, ᑕᒐ ᖃᓄᐃᓕᓯᒋᕕᑦ…

ᐊbsyozcbs5yxdj5 hqstn5yxdj9l kᑖu4 WNhZ5nu4, ᐱᓇᓱᑦᑎᑖᕆᔭᐅᔪᑦ ᓇᓪᓕᖏᓐᓄᑦ ᐱᖓᓱᓄᑦ ᐱᓇᓱᕝᕕᓄᑦ ᒪᕐᕉᓂ ᐅᓪᓘᓂ ᓱᖏᐅᑎᓴᕐᑕᐅᖃᑦᑕᓛᕐᑐᖅ ᒪᓐᑐᕆᐊᒥ ᓄᓇᕕᒻᒥ ᐱᓇᓱᓯᒋᐊᓚᐅᕋᑎᒃ. ᐃᓄᒻᒧᑦ ᐱᒋᐅᕐᓴᑎᑕᐅᓗᑎᒃ ᐱᓇᓱᑦᑎᓄᓪᓗ ᐱᒋᐅᕐᓴᑎᑦᓯᓕᓂᕐᓄᑦ ᑕᕐᕋᒥ, ᐊᐱᕐᓲᑎᑦᓴᖃᕈᑦᓯ ᑭᐅᒍᓐᓇᕋᔭᕐᑐᓄᑦ.

ᒪᕐᕉᓂ ᐅᓪᓘᓂ ᐱᒋᐅᕐᓴᑎᑦᓯᒍᑎᑦᓭᑦ:

• ᐅᓪᓗᒥ ᓯᕗᓪᓕᐹᒥ ᐃᓄᐃᑦ ᐃᓕᕐᖁᓯᖓᓂᒃ ᓱᖏᐅᑎᓴᕐᑕᐅᓗᓯ ᐃᓄᒃᑎᑑᕐᑐᓂᓪᓗ ᐃᑭᑦᑐᓂᒃ ᐅᖃᕆᐅᕐᓴᑎᑕᐅᓗᓯ ᓄᓇᕕᒻᒧᑦ ᑎᑭᓚᐅᕋᓯ;
• ᐅᓪᓗᒥ ᑐᖓᓕᐊᓂ ᐃᓂᓪᓚᖓᐅᓯᖏᓐᓂᒃ ᐱᒍᑦᔨᐅᑏᑦ ᐱᖓhᓂ ᐱᓇᓱᕝᕕᐅᔪᓂ, ᐊᑐᐃᓐᓇᕈᕐᑎᓂᖅ ᑕᕐᕋᒧᑦ ᐊᐅᓪᓚᓚᐅᕋᓯ ᓀᑦᑐᒥᓪᓗ ᐅᖄᕕᐅᓗᓯ ᐃᓕᕐᖁᓯᕐᒧᑦ ᓱᖏᐅᑎᓴᕆᐊᖃᕐᓂᒥᒃ.

 

ᐊᑌ…ᖃᖓᑕᑦᓯᐊᕆᑦᓯ ! ᓄᓇᕕᒻᒥ ᐅᑕᕐᕿᔭᐅᒐᑦᓯ !
ᑕᕐᕋᒥ ᐱᓇᓱᐊᕈᒪᒐᔭᕈᕕᑦ, ᐱᓇᓱᖃᑎᒌᑦᑐᖁᑎᑦᑎᓄᑦ ᓇᓪᓕᖏᓐᓄᑦ ᐃᓕᒋᑦᓯ.

ᑕᕐᕋᖅ, ᐅᐸᑦᑕᐅᑐᐃᓐᓇᖃᔭᖕᖏᑑᑦᓱᓂ ᓄᓇᒻᒪᕆᐅᔪᖅ ᖃᐅᔨᒪᔭᐅᑦᓯᐊᕋᑕᖕᖏᑐᖅ ᓯᓚᑖᓂᒥᐅᓄᑦ, ᐃᓱᒪᓇᖕᖑᐊᓇᓲᖑᕗᖅ... ᐊᓪᓛᑦ, ᐅᓄᕐᓂᓭᑦ ᐃᓄᐃᑦ (ᐅᕙᖓᓗ, ᐅᓪᓗᕆᐊᒻᒪᕆᓚᐅᕐᓇᖓ ᑎᑭᓚᐅᕐᓇᖓᓗ ᓱᓕ) ᐃᓱᒪᖕᖑᐊᓲᖑᒻᒪᑕ ᑕᒪᓐᓇ ᑕᕐᕋᐅᔪᖅ ᓱᓇᓱᐊᕐᕕᐅᓲᖑᑦᔭᑎᓐᓇᒍ ᐃᓚᖃᕐᑐᒥᒃ ᓄᓇᓕᒫᒥ 55 ᐃᑳᖓᔫᑉ ᑕᕐᕋᖓᓂᒃ. ᑭᓯᐊᓂᓕ ᐅᑭᐅᕐᑕᑑᑉ ᐃᒃᑮᓇᕐᓂᖓᑕ ᐅᖓᑕᓄᕐᑐᖃᕋᒥ, ᓄᓇᔭᖓᑎᒍᓪᓗ ᐊᒻᒪᓗ ᓄᓇᕕᖓᑎᒍᑦ, ᓇᓂᓯᓚᖓᕗᑎᑦ ᓄᓇᒥ ᐱᕕᑦᓴᑕᓕᒻᒥᒃ, ᐊᕙᑎᖃᕐᑐᒥᒃ ᐊᔪᒉᑦᑐᒥᒃ ᐊᒻᒪᓗ ᐃᓄᓐᓂᒃ ᓂᕈᒥᑦᑐᓯᐊᕌᓗᓐᓂᒃ. ᑕᒪᒃᑯᓄᖓ ᑲᔪᖏᕐᓴᑎᑕᐅᕗᖓ ᐅᓪᓗᒥ, ᐱᖓᓱᑲᓴᓐᓂᒃ ᐊᕐᕌᒍᕐᓂᒃ ᐱᓇᓱᐊᕐᓯᒪᓕᕐᒪᑕ ᐅᕕᒃᑲᓂᒃ ᓴᐳᑦᔨᔨᒃᑯᓂᒃ ᓄᓇᕕᒻᒥ.

ᐱᓇᓱᐊᖃᑎᖃᓕᑐᐊᕋᒪ ᐃᓄᐃᑦ ᐱᐊᕋᖏᓐᓂᓗ ᐃᓚᖏᓐᓂᓗ ᐃᓕᑦᓯᕙᓪᓕᐊᓇᓲᖑᕗᖅ ᖃᓄᐃᓕᐅᖃᑎᖃᕐᓱᖓᓗ. ᐅᕙᑦᑎᓄᓪᓕ ᖃᓪᓗᓈᓂᒥᐅᔭᕐᓄᑦ, ᑌᒣᓕᔭᐅᓲᖑᒐᑦᑕ, ᑕᒪᑦᓱᒧᖓ ᐊᕙᑎᒨᕐᐸᓕᐊᕋᓱᐊᕐᑐᖃᓕᕋᒥ ᐃᓱᒪᒃᑯᑦ ᒪᑐᐃᖔᓯᐊᕆᐊᖃᕐᓇᑐᖅ ᐅᑦᑐᕋᕐᑕᐅᓇᕐᓱᓂᓗ ᐱᔪᓐᓇᓂᕗᓐᓂᒃ ᐃᓚᐅᖃᑕᐅᕙᓪᓕᐊᓂᕐᒧᑦ. ᑕᒪᓐᓇ ᐱᓇᓱᐊᕐᑕᕋ ᐊᐅᓚᑕᐅᓂᖃᕋᓗᐊᕐᑎᓗᒍ ᐅᕕᒃᑲᓂᒃ ᓴᐳᑦᔨᓂᕐᒧᑦ ᐱᖁᔭᖏᓐᓄᑦ, ᑖᒃᑯᐊ ᐊᐅᓚᑦᓯᒍᑎᐅᒻᒪᑕ ᑯᐯᒃ ᓄᓇᓕᒫᖓᓂ, ᑕᒪᑦᓱᒪᐅᑉ ᐱᓇᓱᐊᕐᑕᐅᓂᖓᓂᒃ ᐊᑐᓕᕐᑎᓯᒋᐊᖃᕐᑐᒍᑦ ᐃᓗᕐᕈᓯᑎᒍᑦ ᖃᓄᐃᓕᖓᐅᑎᒋᔭᐅᔪᕐᓄᑦ. ᐅᖃᕈᒪᕗᖓ ᑖᑦᓱᒪ ᐊᑦᔨᒋᔭᐅᖏᑐᒧᑦ ᐃᒻᒥᓂᕿᔪᒧᓪᓗ ᐃᓗᕐᕈᓯᐅᑉ ᐃᓗᐊᓂ, ᑖᒃᑯᐊ ᓀᑦᑐᐃᑦ ᒪᓕᒐᓕᐊᖑᓯᒪᔪᑦ ᐅᕕᒃᑲᓂᒃ ᓴᐳᑦᔨᔨᒃᑯᓄᑦ ᐱᖁᔭᖏᓐᓂ ᐊᑦᔨᒋᔭᐅᖏᑐᒧᑦ ᐃᓕᖓᓂᖃᕐᑎᑕᐅᔪᑦ.

ᑕᕐᕋᒥ ᐱᓇᓱᒋᐊᒥᒃ ᑐᑭᖃᕐᐳᖅ ᐅᒃᑯᐃᖔᕆᐊᒥᒃ ᓇᒻᒥᓂᖅ ᐊᐱᕆᐅᑎᖃᕆᐊᒥᒃ, ᓵᖕᖓᔭᐅᑦᓱᓂ ᓇᒻᒥᓂ ᑲᖐᓱᖕᖏᓂᕐᓄᑦ ᓄᐃᑕᔪᖃᕐᑎᓇᒍ ᓇᒻᒥᓂ ᐱᓇᓱᒐᕐᑎᒍᓪᓗ ᑐᖕᖓᕕᑦᓯᐊᖑᔪᓂᒃ, ᓇᒻᒥᓂᖅ ᒪᑐᐃᖕᖔᓱᓂ ᖃᐅᔨᒪᓇᖕᖏᑐᒧᑦ... ᐅᖓᑖᓄᕐᓱᓂ ᖃᐅᔨᒪᒌᕐᐱᑦ, ᑖᒃᑯᐊ "ᖃᓪᓗᓈᓂᒥᐅᑦ ᐃᔨᖏᑦ" , ᑕᑯᓐᓈᖑᐊᕇᕐᑕᓂᒃ ᐃᓱᒪᖃᕐᓃᑦ, ᐊᒻᒪᓗ ᖃᐅᔨᕙᓪᓕᐊᓱᓂ ᓲᓱᑦᓴᕙᓪᓕᐊᓱᓂᓗ ᐃᓄᐃᑦ ᐃᓗᕐᕈᓯᖓᓂᒃ. ᑕᒪᒃᑯᑎᒎᓇ, ᐱᓇᓱᐊᖃᑎᖃᕆᐊᒥᒃ ᐃᓄᓐᓂᒃ ᖃᓄᐃᓕᐅᖃᑎᖃᑦᓯᐊᓇᕐᑐᖅ ᑭᓇᓕᒫᒃᑯᓂᒃ ᐃᓕᑦᓯᕙᓪᓕᐊᖃᑦᑕᓱᓂ. ᓱᓕ, ᐱᓇᓱᐊᖃᑎᖃᕆᐊᖅ ᓄᓇᓖᑦ ᐃᓚᐅᔪᖁᑎᖏᓐᓂᒃ ᐱᕕᑦᓴᖁᑎᖏᓐᓂᓗ ᐊᒻᒪᓗ ᐃᓄᑐᙯᑦ ᐃᓚᐅᑎᑕᐅᑎᓪᓗᒋᑦ ᓄᐃᑕᑎᑦᓯᓚᕿᖃᑦᑕᒪᑕ ᓄᓇᓕᓐᓂ ᓄᑭᒋᔭᐅᔪᐃᑦ ᐊᓂᕐᓂᖏᓐᓂᒃ. ᑕᕐᕋᒥ ᐱᓇᓱᑦᑐᖃᓕᕋᒥ ᒥᑭᓪᓕᑎᕐᓯᒪᓇᕆᐊᓕᒃ ᐱᓇᓱᐊᖃᑎᖃᑐᐃᓐᓇᕈᓐᓀᓗ ᑭᓯᐊᓂᓗ ᐱᐅᓯᕆᔭᐅᔪᑦ ᑕᑯᑦᓴᐅᑎᑕᐅᒻᒪᑦ ᑕᒪᒃᑯᓄᖓ ᖃᐅᑕᒫᑦ ᐃᓅᓯᖃᕐᑐᓄᑦ, ᑌᒣᓕᐅᒍᓗᑐᐃᓐᓇᑑᔭᕐᐸᑎᓪᓗᑕ ᖃᓪᓗᓈᓂ. ᐊᑏ... ᐃᒥᕐᑕᐅᒍᓐᓇᑐᒥᒃ ᐃᒪᖃᑦᓯᐊᓚᐅᕐᓕ ᐃᒥᕐᑕᕕᒻᒦᑐᒥᒃ (ᓄᓇᒃᑯᔫᕐᑕᐅᓲᒥᒃ, ᐃᒥᕐᑕᑎᓄᑦ ᐃᒪᕐᓗᑲᓕᕆᔨᓄᓪᓗ); ᐊᑏ... ᐊᒥᐊᒃᑯᕆᔭᐅᔪᓂᒃ ᓂᐅᕕᕐᓂᐊᕕᐅᑉ ᖁᓕᕈᐊᖏᓐᓂ ᐊᑑᑎᓚᐅᕆᑦᓯ; ᐊᑏ... ᐊᑑᑎᓚᐅᕆᑦᓯ ᓯᓚᑎᒍᕐᓗᓯ ᐃᑦᔨᓕᕈᓐᓇᑐᒃᑰᓗᓯᓗ ᐃᓚᖓᓂ ᑭᖑᕙᕆᐊᕐᑎᓯᒍᑕᐅᓲᒥᒃ ᓄᕐᙯᓇᕐᑎᓯᒍᑎᐅᓲᒥᓪᓘᓃᑦ ᖃᖓᑦᑕᔫᓂᒃ. ᖃᐅᔨᒪᒋᐊᖃᕐᐳᓯ ᑕᒪᓐᓇ ᓄᓇᕕᒃ ᐱᑐᑦᓯᒪᖃᑕᐅᖏᒪᑦ ᑯᐯᒃ ᐊᓯᓕᒫᖓᓄᑦ ᓄᓇᑎᒍᑦ; ᑕᒪᐅᖕᖓᕈᒪᔪᐃᑦ ᖃᖓᑦᑕᔫᒃᑰᓗᑎᒃ ᑭᓯᐊᓂᐅᒻᒪᑕ ᓄᓇᓖᑦ ᐊᓯᖏᓐᓅᕈᒪᔪᖃᑐᐊᕈᓂ. ᐊᑏ ᐃᓱᒪᖕᖑᐊᓚᐅᕆᑦ ᐅᐃᒻᒪᖓᓂᕆᓚᐅᔪᔭᕋᓂᒃ ᓯᕗᓪᓕᐹᑦᓯᐊᒥ ᖃᖓᑦᑕᔪᒃᑰᓯᑐᐊᕋᒪ ᐊᓯᐊᓄᑦ ᓄᓇᓕᓕᐊᕐᓱᖓ ᐱᓇᓱᐊᕆᐊᕐᑐᓱᖓ: ᐊᓱᒎᖅ ᐊᔪᒉᑦᑐᒪᕆᐅᓚᐅᔪᕗᖅ.

ᑕᕐᕋᒥᐅᓄᑦ ᐃᓕᓐᓂᐊᑎᑕᐅᓲᖑᕗᒍᑦ ᐃᒻᒥᓂᒃ ᐊᒥᓱᒻᒪᕆᓐᓂᓗ ᐃᓅᓯᕐᒧᑦ ᐃᓕᑦᓯᕙᓪᓕᐊᓇᕐᓱᓂ. ᐱᓇᓱᐊᓕᑐᐊᕋᒪ, ᓵᖕᖓᔭᐅᓲᖑᕗᖓ ᐃᑲᔪᕈᓐᓇᓂᕐᒪ ᐱᕕᑭᑦᑑᓂᖓᓄᑦ, ᐱᕕᑦᓴᖃᑦᓯᐊᖏᓐᓂᖓᓄᓪᓗ, ᐃᓗᕐᕈᓯᕐᑎᒍᑦ ᖁᐊᕐᓵᓂᕐᒥᓗ, ᐃᓪᓕᕆᔭᒃᑲᓗ ᐊᐴᒪᐅᑎᓂᖏᓐᓄᑦ, ᐅᖃᐅᓯᖃᖃᑕᐅᖏᓂᕐᒧᓗ (ᐃᓄᐃᑦ ᐅᖃᐅᓯᖃᕐᒪᑕ ᐃᓄᑦᑎᑑᒥᒃ, ᐊᒥᓱᐊᓗᐃᓪᓗ ᖃᓪᓗᓈᑎᑑᕈᓐᓇᓱᑎᒃ ᐅᐃᒍᐃᑎᑑᕈᓐᓇᓱᑎᓪᓗ), ᑭᓯᐊᓂ ᑕᒪᒃᑯᓄᖓᓕᒫᖅ ᐃᓗᓐᓈᒍᑦ ᐊᑑᑎᔭᒃᑲ ᖁᕝᕙᑎᑕᐅᒻᒪᕆᓲᑦ. ᑕᒪᒃᑯᐊ ᐱᕕᑦᓴᑭᑦᑑᒍᑏᑦ ᑲᒪᒋᓕᑐᐊᕋᒃᑭᑦ ᑲᔪᖏᕐᓴᑕᐅᓲᖑᕗᖓ ᐃᓄᐃᑦ ᐃᓄᖁᑎᖏᑦᑕ ᓲᖑᔫᓂᖏᓐᓄᑦ ᐃᒻᒥᓂᕿᐅᒐᕐᓂᖏᓐᓄᓗ, ᑖᒃᑯᐊ ᐃᓄᐃᑦ ᐃᓕᒪᖃᑕᐅᒋᐊᖃᕐᓯᒪᑦᓱᑎᒃ ᐊᓐᓇᐅᒪᕕᖃᕐᓗᑎᓪᓗ ᓯᓚᒥᒃ ᑕᐸᓇᖕᖏᑑᒍᓐᓇᑐᒥᒃ ᐊᒻᒪᓗ ᐅᓪᓗᒥᐊᓪᓛᑦ ᐃᓚᐅᖃᑕᐅᒋᐊᖃᓲᖑᓕᕐᓱᑎᒃ ᐊᓯᑦᔨᕙᓪᓕᐊᓂᕐᒧᑦ ᐊᒻᒪᓗ ᐊᓯᐅᔨᓂᕐᒧᑦ ᐃᓗᕐᕈᓯᕐᑎᒍᑦ ᑐᖕᖓᕕᒋᔭᐅᓪᓚᕆᓯᒪᔪᓂᒃ. ᐊᒻᒪᓗ ᓱᓕ, ᐃᓄᐃᑦ ᓂᕈᒥᑦᑑᖏᓐᓇᓲᖑᕗᑦ ᑐᖕᖓᓇᑦᓯᐊᓱᑎᓪᓗ, ᐱᔪᕆᐅᑎᖃᓲᖑᑦᓱᑎᒃ ᐃᓗᕐᕈᓯᒥᓂᒃ, ᐃᔪᕿᑕᑦᓴᐅᑎᒋᒍᓐᓇᓱᑎᒃ ᐊᓕᐊᓱᐊᒋᐊᒥᓪᓗ ᐊᓕᐊᑦᑐᒪᕆᐅᑦᓱᑎᒃ. ᐃᓄᖁᑎᖏᑦ ᐅᕕᒐᕐᑑᓂᕐᓴᐅᕗᑦ (60% ᐳᓴᓐᑎᖏᑦ ᐅᑭᐅᖃᕐᒪᑕ 25 ᐊᑖᓂᑦᑐᓂᒃ), ᓄᐃᑕᑎᑦᓯᔪᒥᒃ ᓵᖕᖓᒐᓱᐊᕆᐊᓕᒻᒥᒃ ᑭᓯᐊᓂᓗ ᓂᕆᐅᓐᓇᓂᖃᑦᓯᐊᒪᕆᐊᓗᑦᓱᓂ.

ᑕᕐᕋᒥᐅᖑᒋᐊᒥᒃ ᐅᖓᑖᓂᓐᓂᖃᕐᐳᖅ ᐱᓇᓱᒐᖃᑐᐃᓐᓇᓂᕐᒥᑦ... ᐱᓇᓱᕝᕕᑐᐃᓐᓇᐅᖏᑦᓱᓂ ᐊᑦᔨᒋᔭᐅᖏᑐᒥᒃ ᐃᓅᓯᖃᕐᕕᐅᓲᖑᑦᓱᓂ. ᐊᕙᑎᓕᒫᒥᓪᓗ ᐱᐅᔪᑐᖃᐅᑦᓱᓂ, ᐊᓂᕐᓂᖃᑦᓯᐊᓚᕆᑦᓱᓂᓗ, ᖃᓂᑦᓴᓱᓂᓗ ᐃᑲᔪᖃᑎᒌᒍᓐᓇᑐᓂᒃ ᓄᐃᑕᑎᑦᓯᔪᒥᒃ ᐊᑦᔨᒋᔭᐅᓂᖃᖏᑐᒥᒃ ᐃᓅᓯᕐᒥᒃ. ᑕᕐᕋᒥᐅᓄᑦ ᐅᑎᖁᔭᐅᕗᒍᑦ ᐊᑐᓪᓚᕆᑦᑐᒧᑦ, ᐊᒥᓱᐃᓪᖓᓂᖃᖕᖏᑐᒧᑦ ᐊᓂᕐᑎᕆᔪᐃᓪᓗ ᑲᑎᒪᐅᑎᑦᓯᐊᓂᖏᓐᓄᑦ. ᐊᐅᓚᑦᔭᑕᐅᓇᕐᑐᖅ ᐊᑑᑎᑦᓱᒍ, ᐱᕈᕐᐸᓕᐊᕐᓇᓱᓂᓗ, ᓇᒻᒥᓂᕐᑎᒍᑦ ᐱᓇᓱᒐᕐᑎᒍᓪᓗ.

ᒥᖕᖏᑐᐃᓐᓇᕆᐊᖃᓕᕐᐲᑦ?
ᐊᕐᖁᑎᒋᓯᒪᔦᑦ ᕿᒪᓪᓗᒍ
ᑎᖏᕐᕋᐅᑕᑎᑦ ᐃᓯᕕᓪᓗᒋᑦ
ᕿᓂᕆᐊᕐᓗᑎᑦ
ᓯᓐᓇᑑᒪᓗᑎᑦ
ᑕᑯᒋᐅᕐᓗᑎᑦ

ᔨᐊᓯᑲ ᐳᑦᑐᕉ, ᐃᓅᓯᓕᕆᔨ, ᐅᕕᒃᑲᓂᒃ ᓴᐳᑦᔨᔨᒃᑯᓂ, ᐃᓅᓕᑦᓯᕕᒃ ᐊᓐᓂᐊᕕᖓᓂ