15 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᖏᑦᑐᖅ ᐱᓇᓱᑏᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐃᓚᐅᒍᑎᖃᖕᖏᑐᑦ

2021-002 ᐸᕐᓀᓂᕐᓄᑦ ᐱᔭᑦᓴᓕᕆᓂᕐᓄᓗ ᐱᓇᓱᑦᑎ, ᐋᓐᓂᐊᓯᐅᕆᒍᑦᑎᓭᑦ ᑎᒥᒃᑯᓗ ᖃᓄᐃᖕᖏᓯᐊᕐᑐᓴᐅᓂᕐᓅᓕᖓᔪᑦ, ᐆᑦᑐᕋᕐᑕᐅᓂᖏᓐᓂᒃ ᖃᕆᑕᐅᔭᒃᑯᑦ ᐋᓐᓂᐊᓯᐅᕈᒍᑎᑎᒍᑦ ᐱᒍᑦᔨᐅᑎᐅᒍᓐᓇᒪᖔᑕ

ᓄᓇᓕᓕᒫᓂ ᐃᓗᓯᓕᕆᓂᖅ, ᖃᓪᓗᓈᑦ ᓄᓇᖓᓄᑦ
27-01-2021

ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᒥᒃ ᐋᓐᓂᐊᓯᐅᕐᓂᓅᓕᖓᔪᓂᒃ ᑎᒥᒃᑯᓗ ᖃᓄᐃᖕᖏᓯᐊᕐᑐᓴᐅᓂᕐᓅᓕᖓᔪᓂᒃ ᐱᓇᓱᖃᑎᖃᕐᒥᓗᓂ ᓄᓇᕕᒻᒥ ᐱᓇᓱᖃᑎᒌᑦᑐᓂᒃ, RUIS-ᑎᒍᑦ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᓄᑦ ᐊᑕᐅᑦᓯᑰᕐᑎᓯᕕᒻᒥᒃ ᑯᐯᒃᒥᓗ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑐᕐᖃᑕᕐᕕᑯᑎᒍᑦ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᓄᑦ ᐊᑕᐅᑦᓯᑰᕐᑎᓯᕕᒻᒥᒃ, ᐱᓇᓱᑦᑎ ᐱᓇᓱᐊᕋᔭᕐᑐᖅ ᐊᑕᐅᑦᓯᑰᕐᑎᑕᐅᓯᒪᒋᐊᓕᓐᓂᒃ ᐋᓐᓂᐊᓯᐅᕐᓂᓅᓕᖓᔪᓂᒃ ᑎᒥᒃᑯᓗ ᖃᓄᐃᖕᖏᓯᐊᕐᑐᓴᐅᓂᕐᓅᓕᖓᔪᓂᒃ ᐱᒍᑦᔨᐅᑎᓂᒃ ᐃᑉᐱᒋᔭᖃᕐᓗᓂᓗ ᐊᑐᐃᓐᓇᐅᑎᑕᐅᑦᓯᐊᒪᖔᑕ ᐊᖑᒪᔭᐅᑦᓯᐊᒪᖔᑕᓗ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᑎᒍᑦ ᓄᓇᕕᒻᒥ.   

 

ᐱᓇᓱᑦᑎ ᐱᓇᓱᐊᖃᑦᑕᓗᓂ ᓇᓗᓀᕐᓯᒍᑎᑦᓴᓂᒃ ᖃᐅᔨᓴᐅᑎᑦᓴᓂᓪᓗ ᓄᓇᓕᓕᒫᓂ ᐱᓇᓱᒍᑎᑦᓴᓂᒃ ᑭᖕᖒᒪᓇᕐᑐᓂᓪᓗ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᓅᓕᖓᔪᓂᒃ. ᓄᐃᑦᓯᖃᑦᑕᓗᓂ ᒪᓂᔨᖃᑦᑕᓗᓂᓗ ᐸᕐᓀᕈᑎᑦᓴᓕᐊᒥᓂᒃ ᐸᕐᓀᑕᐅᓯᒪᑦᓯᐊᕆᐊᖃᕐᓂᖏᓐᓄᑦ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑏᑦ ᓄᓇᕕᒻᒥ. ᐃᒫᙰᕆᐊᖃᑦᑕᓗᓂ ᑲᔪᓯᑎᑕᐅᓂᕆᒋᐊᓕᖓᓄᑦ ᐱᐅᓯᒋᐊᕐᑕᐅᒋᐊᖃᕐᓂᖏᑦᑕᓗ ᐱᒍᑦᔨᐅᑏᑦ ᐅᓪᓗᒥ.   

 

ᐱᓇᓱᑦᑎ ᐊᑕᐅᑦᓯᑰᕐᑎᓯᖃᑦᑕᓛᕐᑐᖅ ᑲᔪᓯᑎᑕᐅᓂᕆᒋᐊᓕᖏᓐᓂᒃ ᐱᒍᑦᔨᐅᑏᑦ (ᓄᓇᓕᑎᒍᑦ, ᓄᓇᓕᓕᒫᑎᒍᑦ ᐃᓕᓐᓂᐊᕕᕐᔪᐊᑎᒍᓪᓗ) ᐱᕙᓪᓕᐊᔭᐅᓂᕆᒋᐊᓕᖏᓐᓂᓗ ᐱᒍᑦᔨᓂᐊᕐᓂᒧᑦ ᐊᖏᖃᑎᒌᒍᑏᑦ ᑐᓴᕐᑎᓯᖃᑦᑕᓗᓂᓗ ᑲᔪᓯᑎᑕᐅᓂᖏᓐᓂᒃ ᐱᒍᑦᔨᐅᑏᑦ ᓄᓇᕕᒻᒥᐅᓂᒃ.

 

ᐱᓇᓱᑦᑎ ᐱᓇᓱᐊᖃᑦᑕᓛᕐᑐᖅ ᑎᓕᔭᐅᒍᑎᒥᓂᒃ ᐃᑲᔪᕐᐸᓗᓂᓗ ᐱᓇᓱᐊᕐᑐᓂᒃ ᓄᓇᕕᒻᒥ ᐋᓐᓂᐊᕖᓐᓂ ᓄᓇᓕᓕᒫᓪᓗ ᑲᑎᒪᔨᒃᑯᖏᓐᓂ, ᐱᐅᓯᑎᑕᐅᒋᐊᕈᑎᑦᓴᖏᓐᓂᒃ ᑲᔪᓯᔭᐅᓂᕆᒋᐊᓕᖓᑕ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᑦᓴᖃᕐᓂᐅᑉ. 

 

ᐱᓇᓱᐊᕆᐊᓕᖏᑦ

ᓄᓇᓕᓕᒫᓅᓕᖓᑎᓪᓗᒍ, ᑲᔪᓯᑎᑦᓯᓗᓂ ᐃᑉᐱᒋᔭᖃᕐᓗᓂᓗ ᑲᑎᒪᔨᓕᐊᒍᓯᒪᔪᑦ ᑲᔪᓯᑦᓯᐊᒪᖔᑕ ᐱᓇᓱᖃᑎᒌᒍᑎᓖᓪᓗ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᑦᓴᓅᓕᖓᔪᓂᒃ. 

ᑲᑎᒪᖃᑕᐅᖃᑦᑕᓗᓂ RUIS-ᑎᒍᑦ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᓅᓕᖓᔪᓂᒃ ᐊᑕᐅᑦᓯᑰᕐᑎᓯᕕᒻᒥ ᑯᐯᒃᒥᓗ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑐᕐᖃᑕᕐᕕᑯᑎᒍᑦ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᓅᓕᖓᔪᓂᒃ ᐊᑕᐅᑦᓯᑰᕐᑎᓯᕕᒻᒥ ᑲᑎᒪᐅᑎᖃᓕᕐᐸᑕ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᓅᓕᖓᔪᓂᒃ. 

ᑐᓴᐅᒪᑎᑦᓯᒍᑕᐅᒋᐊᓖᑦ ᑐᓴᐅᒪᑎᑦᓯᒍᑕᐅᑦᓯᐊᒪᖔᑕ ᐃᑉᐱᒍᓱᓐᓂᐊᓗᓂ, ᐊᓪᓚᖁᑏᓪᓗ ᐊᑐᐃᓐᓇᕈᕐᑎᑕᐅᑦᓯᐊᒪᖔᑕ (ᑲᑎᒪᐅᑎᑦᓭᑦ, ᑲᑎᒪᐅᑎᕕᓃᑦ, ᐱᓇᓱᐊᕐᑕᐅᒋᐊᓖᑦ, ᐊᓯᖏᓪᓗ), ᑐᓴᐅᒪᑎᑦᓯᒍᑎᑦᓭᑦ ᐊᑦᔨᒌᖕᖏᑐᓂᒃ ᐱᓇᓱᕝᕕᓂᒃ ᐊᑕᐅᑦᓯᑰᕐᑎᑕᐅᑦᓯᐊᓂᕐᓴᐅᖁᑦᓱᒋᑦ ᐱᓇᓱᐊᕐᑕᖏᑦ.

ᓴᓇᕐᕈᑎᑦᓴᓕᐅᖃᑕᐅᓗᓂ ᓄᑕᐅᓯᓕᕐᑐᐃᒍᑎᑦᓴᓂᒃ ᑐᑭᒧᐊᒍᑎᑦᓴᓂᒃ, ᐊᑐᐃᓐᓇᕈᕐᑎᕆᖃᑦᑕᓗᓂ ᐊᓪᓚᑕᐅᓯᒪᐅᑎᖏᓐᓂᒃ ᐱᓇᓱᐊᕐᑕᐅᒌᕐᓯᒪᔪᑦ ᕿᒥᕐᕈᖃᑕᐅᖃᑦᑕᓗᓂᓗ ᖃᐅᔨᔭᐅᓯᒪᓕᕐᑐᑦ ᖃᐅᔨᓴᕐᑐᓄᑦ ᕿᒥᕐᕈᔭᐅᖃᑦᑕᕆᐊᖃᕐᓂᖏᓐᓂᒃ.

ᕿᒥᕐᕈᖃᑦᑕᓗᓂ ᑭᖑᓂᖓᒍᑦ ᖃᓄᐃᓕᖓᔪᖃᓕᕐᒪᖔᑦ ᖃᐅᔨᓴᕈᑎᕕᓂᕐᓂᒃ ᕿᓄᕕᐅᒍᑎᒥᓂᒃ ᑯᐯᒃᒥ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑐᕐᖃᑕᕐᕕᑯᓐᓄᑦ ᓄᓇᓕᓕᒫᓂᓪᓗ ᑲᑎᒪᔩᑦ ᐊᓪᓚᕕᖁᑎᖏᓐᓄᑦ.

ᐱᓇᓱᖃᑎᖃᖃᑦᑕᓗᓂ ᐱᓇᓱᖃᑎᒋᔭᐅᒋᐊᓕᓐᓂᒃ ᐊᓯᖏᓐᓂᓗ ᓄᓇᓕᓕᒫᓂ ᑲᑎᒪᔩᑦ ᐊᓪᓚᕕᖁᑎᖏᓐᓃᑐᓂᒃ.

ᐊᓯᖏᓐᓂᓗ ᑎᓕᔭᐅᒍᑎᒥᓂᒃ ᐃᑉᐱᒍᓱᑦᑎᒥᓄᖅ ᐱᓇᓱᐊᖃᑦᑕᓗᓂ.

 

ᐱᒍᓐᓇᕆᐊᓕᖏᑦ

ᐊᓪᓕᒋᐊᓪᓚᒥᒃ (Bachelor’s degree) ᐱᒍᓐᓇᐅᑎᑖᕐᓯᒪᓗᓂ ᐅᑯᐊ ᐃᓕᓴᕋᑦᓭᑦ ᓇᓪᓕᐊᓂᑦ (humanities or health sciences); ᑭᓯᐊᓂ, ᑕᒪᑐᒧᖓᐅᓕᖓᔪᒥᒃ ᐱᓇᓱᑦᑎᐅᓯᒪᓂᖓ ᐃᓱᒪᑦᓴᓯᐅᕈᑕᐅᒍᓐᓇᒥᔪᖅ ᐱᒋᐅᕐᓴᑎᑕᐅᓂᖃᕐᓯᒪᓂᖓᓗ

ᐱᓇᓱᐊᓕᓂᐅᓗᓂ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐅᑎᓄᑦ ᐱᓇᓱᖃᑎᒌᕝᕕᓂ, ᐋᓐᓂᐊᓯᐅᕐᓂᓅᓕᖓᔪᓂᒃ ᐱᓗᐊᕐᑐᖅ ᑎᒥᒃᑯᑦ ᖃᓄᐃᓯᐊᕐᑐᓴᐅᓂᕐᓅᓕᖓᔪᓂᒃ ᖃᕆᑕᐅᔭᒃᑯᑦ ᐋᓐᓂᐊᓯᐅᕆᒍᑎᑎᒍᑦ

ᓄᑖᓂᒃ ᐃᓱᕐᕉᑎᓂᒃ ᐱᓇᓲᑎᖃᕈᒪᑦᓯᐊᓗᓂ

ᑐᑭᓯᒪᑦᓯᐊᓗᓂ ᐱᒍᑦᔨᐅᑎᓅᓕᖓᔪᓂᒃ ᐃᓂᓪᓚᖓᐅᓯᐅᒋᐊᓕᓂᓪᓗ

ᐱᓇᓱᖃᑎᒋᔭᐅᑦᓯᐊᕈᓐᓇᓗᓂ, ᐊᑦᔨᒌᖕᖏᑐᓄᓪᓗ ᑲᒪᒋᐊᖃᓲᓄᑦ ᑲᑐᑦᔨᖃᑕᐅᑦᓯᐊᕈᓐᓇᓗᓂ

ᐱᓇᓱᑦᓯᑎᐅᓗᓂ, ᐃᒻᒥᓂᕿᒍᓐᓇᓯᐊᕐᓗᓂ ᑲᒪᒋᔭᑦᓴᒥᓂᓪᓗ ᑲᒪᓯᑎᐅᓗᓂ

ᑐᑭᑖᕋᓱᐊᕈᓐᓇᓯᐊᕐᓗᓂ ᐃᓂᓪᓚᖓᑎᑦᓯᒍᓐᓇᓯᐊᕐᓗᓂ ᐸᕐᓀᓯᑎᐅᓗᓂᓗ

ᕿᒥᕐᕈᕈᓐᓇᓯᐊᕐᓗᓂ, ᐃᓱᒪᑦᓴᓯᐅᕈᓐᓇᓯᐊᕐᓗᓂ ᐊᖏᖃᑎᒌᒐᓱᐊᖃᑕᐅᒍᓐᓇᓯᐊᕐᓗᓂᓗ

ᐊᐅᓚᑦᓯᔨᑦᓯᐊᒍᓗᓂ, ᐊᑕᐅᑦᓯᑰᕐᑎᓯᔨᑦᓯᐊᒍᓗᓂ ᐊᒥᓲᓈᕐᑎᑐᓂᓪᓗ-ᑲᔪᓯᑎᑦᓯᑫᓕᓂᐅᓗᓂ

ᑐᓴᐅᒪᑎᑦᓯᒍᓐᓇᓯᐊᕐᓗᓂ ᐅᖃᐅᓯᒃᑯᑦ ᐊᓪᓚᓯᒪᔪᑎᒍᓪᓘᓃᑦ

ᓄᓇᕕᒻᒥ ᐅᖃᐅᓰᑦ ᐱᖓᓱᐃᒍᒻᒪᑕ ᓇᓪᓕᖏᓐᓂᒃ ᒪᕐᕈᐃᓂᒃ ᐅᖃᐅᓯᖃᕐᓗᓂ ᐊᓪᓚᒍᓐᓇᓗᒋᓪᓗ

 

ᖃᕆᑕᐅᔭᓕᕆᓕᓂᐅᓗᓂ ᖃᕆᑕᐅᔭᓕᕆᐅᑎᓂᒃ  MS Office suite (Word, PowerPoint and Excel) ᖃᕆᑕᐅᔭᒃᑯᓗ ᐱᓇᓱᑦᑏᑦ ᐊᓪᓚᖃᑦᑕᐅᑎᕕᖓᓂᒃ ᐱᑐᑦᓯᒪᖃᑕᐅᒍᑎᓂᓪᓗ ᖃᕆᑕᐅᔭᒃᑯᑦ

 

 

ᐱᓇᓱᒐᕐᑖᕋᓱᐊᕐᑐᑦ ᐃᓚᐅᒍᑎᓖᑦ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ ᓯᕗᓪᓕᐅᔭᐅᓛᕐᑐᑦ.

ᖃᓄᐃᓕᖓᓂᖏᑦ ᐊᒻᒪᓗ ᐃᑲᔪᕐᓯᒍᑎᖏᑦ

ᐊᑕᖕᖏᑐᖅ, ᐃᑲᐅᕐᓂᖏᑦ ᐃᓗᐃᑦᑑᖏᑦᑐᑦ, (21/ᐃᑲᐅᕐᓃᑦ/ᐱᓇᓱᐊᕈᓯᑕᒫᑦ) ᐊᕐᕌᒍᓕᒫᒧᑦ ᓯᕕᑦᑐᕆᐊᕐᑕᐅᑐᐃᓐᓇᕆᐊᓕᒃ

ᐊᓇᕐᕋᓯᒪᓗᓂ ᐱᓇᓱᓪᓗᓂ

ᑮᓇᐅᑦᔭᓴᕐᓗᓂ ᑯᐯᒃᒥ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑐᕐᖃᑕᕐᕕᑯᑦ ᑮᓇᐅᑦᔭᓴᐅᑎᓄᑦ ᒪᓕᒐᖏᑦ ᒪᓕᓪᓗᒋᑦ ᐱᓇᓱᓕᓂᖏᓪᓗ ᒪᓕᓪᓗᒋᑦ ($25.25/h to $45.22/h)

 

 

ᐊᕐᕕᑕᓕᕈᓂ, ᐅᓪᓗᑕᒫᑦ ᐊᑭᓕᕐᑕᐅᒍᑎᒋᒋᐊᓕᖏᑦ ᒪᓕᑦᑎᑕᐅᒐᔭᕐᑐᑦ ᐱᓇᓱᓐᓂᒧᑦ ᒪᓕᒐᕐᓃᑐᓂᒃ ᐃᓂᑦᓴᖃᕐᑎᑕᐅᓗᓂᓗ 50 ᑭᓗᒦᑕᓄᑦ ᐅᖓᓯᓐᓂᖃᕐᐸᑦ ᐱᓇᓱᕝᕕᒥᓂᑦ ᐊᕐᕕᑕᕐᕕᒋᒋᐊᓕᖓ.

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment