15 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᑐᖅ ᐱᓇᓱᑦᑏᑦ ᐱᓇᓱᖃᑎᒌᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐱᓇᓱᑦᑏᑦ ᐃᓚᐅᒍᑎᖃᖕᖏᑐᖅ

ᑐᓴᐅᒪᖃᑎᒌᑦᑎᓯᔨ

ᐱᒍᑦᔨᕕᖓ ᐋᓐᓂᐊᓯᐅᕐᑏᑦ, ᑰᑦᔪᐊᖅ
31-07-2021

I. ᐱᓇᓱᒐᐅᑉ ᖃᓄᐃᑦᑑᓂᖓ


ᐃᓱᐊᕐᓯᕕᒃ ᐊᑐᓕᕐᑎᓯᓚᐅᔪᖅ ᐱᕙᓪᓕᐊᒍᑎᑦᓴᐅᑉ ᐸᕐᓇᒍᑎᖓᓂᒃ ᐱᒍᑦᔨᒍᑎᓂᒃ ᐊᒻᒪᓗ ᐱᓇᓱᑦᑎᒥᓂᒃ ᐅᓄᕐᓰᒋᐊᕐᓂᒥᒃ ᐊᒻᒪᑕᐅᖅ ᐃᓪᓗᖁᑎᑦᓴᑖᕐᓂᒥᒃ ᓄᑖᒥᒃ. ᐃᓱᐊᕐᓯᕕᑦᓴᖅ ᓄᑖᖅ ᐅᑯᓂᖓ ᐊᑑᑎᓛᕐᓂᐊᑐᖅ:

  • ᐃᓄᑑᓈᕐᑎᑐᑦ ᓇᔫᑎᔪᑦ ᐊᒥᓱᖕᖑᕆᐊᕐᓗᑎᒃ;
  • ᑐᖕᖓᓱᑦᑎᓯᓂᖅ ᐃᓄᒻᒪᕆᓐᓂᒃ ᓇᔫᑎᔪᓂᒃ ᑕᒪᖏᓐᓂᓄᑦ ᐊᕐᓇᓄᑦ ᐊᖑᑎᓄᓪᓗ ᐊᑕᐅᑦᓯᑰᕐᑎᓯᓂᖅ;
  • ᐃᓚᒌᓄᑦ ᐃᑲᔪᕐᑕᐅᕕᖃᕐᓗᓂ.


ᑕᒪᑐᒨᓇ, ᑐᓴᐅᒪᖃᑎᒌᑦᑎᓯᔨᐅᑉ ᖃᓄᐃᓘᕐᑎᐅᓂᖓ ᐊᑑᑎᓂᖃᕖᖕᖓᓛᕐᑐᖅ ᐃᒫᒃ:

  • ᐃᓱᐊᕐᓯᕕᒻᒥᒃ ᖃᐅᔨᔭᐅᑎᑦᓯᒐᓱᐊᕐᓗᓂ ᐃᓕᕐᖁᓯᑎᒎᓕᖓᔪᓂᒃ ᐃᓱᐊᕐᓯᕕᐅᓂᖓᓂᒃ ᐱᓇᓲᑎᖃᕐᓱᓂ ᐊᑦᓕᐅᖏᒍᑎᓕᓐᓂᒃ ᐊᒻᒪᓗ ᐊᑑᑎᓕᓪᓗᑐᐊᐱᓐᓂᒃ ᑲᒪᒍᓯᕐᓂᒃ ᐊᑦᔨᒌᖕᖏᑐᓄᑦ ᐊᐃᕆᒪᐅᓯᓄᑦ ᐊᒻᒪᓗ ᖁᐊᕐᓵᓇᕐᑐᑰᕐᓯᒪᓃᑦ ᑭᖑᕚᓄᑦ ᓯᑦᓯᑐᕐᓯᒪᓕᕐᓂᖏᓐᓄᑦ;
  • ᐃᑲᔪᕐᓯᕙᓪᓗᓂ ᓄᓇᕕᒻᒥᐅᓂᒃ ᓇᔫᑎᔪᓂᒃ ᐃᓱᐊᕐᓯᒋᐊᖕᖏᓂᖏᓐᓂ, ᐃᓱᐊᕐᓯᒋᐊᕐᓯᒪᓂᖏᓐᓂᒃ ᐊᒻᒪᓗ ᐃᓱᐊᕐᓯᒋᐊᕐᓯᒪᓂᖓᑕ ᑭᖑᓂᐊᒍᑦ;
  • ᐃᑲᔪᕐᓯᒪᓂᖃᖃᑦᑕᓗᓂ ᐃᓱᐊᕐᓯᕕᒻᒥ ᓇᔫᑎᔪᓂᒃ ᖃᓄᐃᖕᖏᓯᐊᖁᓗᒋᑦ ᑎᒥᒃᑯᑦ ᐊᒻᒪᓗ ᐃᓱᒪᒃᑯᑦ ᐃᓱᐊᕐᓯᒋᐊᕐᓯᒪᓂᖓᑕ ᑭᖑᓂᐊᒍᑦ ᐊᒻᒪᓗ ᐃᑲᔪᕐᓯᒪᔭᐅᒍᑎᑦᓴᖏᓐᓂᒃ ᐊᑐᐃᓐᓇᐅᑎᑦᓯᕙᓪᓗᓂ ᐊᓂᕐᕋᒧᑦ ᐅᑎᕐᓯᒪᓕᑐᐊᕐᐸᑕ ᓄᓇᓕᒻᒥᓄᑦ (ᑲᒪᒋᔭᐅᒋᐊᓪᓛᓂᖅ; ᐱᒍᑦᔨᓃᑦ ᓱᓇᓪᓗᑐᐊᐱᓐᓅᓕᖓᔪᑦ, ᑌᒫᓚᑳᖅ).

 

II. ᐱᓇᓱᒐᐅᑉ ᐱᑦᔪᑎᖓ


ᑲᒪᒋᔭᐅᒋᐊᓪᓛᕕᐅᑉ ᐱᓇᓱᐊᕐᕕᖓᑕ ᑐᑭᒧᐊᕐᑎᓯᔨᖓᓂᒃ ᐊᖓᔪᕐᖄᖃᕐᓗᓂ, ᑐᓴᐅᒪᖃᑎᒌᑦᑎᓯᔨ ᑲᒪᒋᔭᖃᖃᑦᑕᕆᐊᓕᒃ ᐊᑐᐃᓐᓇᕈᕐᑎᕆᖃᑕᐅᓂᕐᒥ ᐃᓱᐊᕐᓯᒋᐊᖕᖑᓱᑦᑐᓂᒃ, ᐃᓱᐊᕐᓯᒋᐊᕐᓯᒪᔪᐃᑦ ᐊᑐᐃᓐᓇᐅᓯᐊᕐᒪᖔᑕ ᓄᓇᓕᒻᒥᓄᑦ /ᐃᓚᒥᓄᓐᓘᓃᑦ ᐅᑎᕐᓯᒪᓕᑐᐊᕈᑎᒃ ᐃᑉᐱᒋᓗᒋᑦ ᐊᒻᒪᓗ ᐊᑐᐃᓐᓇᐅᕕᒋᓗᒋᑦ ᐃᓱᐊᕐᓯᒋᐊᕐᓯᒪᓂᖏᑦᑕ ᑭᖑᓂᐊᒍᑦ ᐃᑲᔪᕐᓯᒪᓂᓗᒋᑦ.
 

III. ᐱᔭᑦᓴᓗᑐᖏᑦ ᐊᒻᒪᓗ ᑲᒪᒋᔭᑦᓴᔭᖏᑦ


ᓇᐅᑦᓯᑐᕆᐊᖕᖓᓂᖅ/ ᐃᑎᓚᐅᕐᑎᓇᒋᑦ

  • ᓇᐅᑦᓯᑐᕆᐊᖕᖓᓗᓂ ᐊᒻᒪᓗ ᕿᒥᕐᕈᒋᐊᖕᖓᓗᓂ ᐃᓱᐊᕐᓯᕕᒻᒨᕈᒪᒋᐊᖕᖓᑐᓂᒃ
  • ᑐᓴᐅᒪᖃᑎᒌᓐᓂᖃᕐᐸᓗᓂ ᓄᓇᓖᑦ ᐊᓯᖏᑦᑕ ᐱᑦᔪᔨᕕᖏᓐᓂᒃ/ᐱᓇᓱᑦᑎᓂᓗ ᓄᐃᑦᓯᖃᑎᒌᓐᓂᒥ ᑐᑭᓯᒋᐊᕐᑎᓯᕕᓕᓐᓂ ᐊᒻᒪᓗ ᓄᐃᑕᐅᓯᒪᔪᖅ ᐊᑑᑎᑎᑕᐅᓂᖓᓂ
  • ᐃᓱᐊᕐᓯᒋᐊᕐᑐᐃᑦ ᓱᖏᐅᓯᓴᑎᓯᐊᕐᐸᓗᒋᑦ


ᐃᓱᐊᕐᓭᓂᐅᑉ ᐊᑑᑎᓂᖓᓂ

  • ᐊᐅᓚᑦᓯᖃᑦᑕᓗᓂ ᐱᓇᓱᐊᕐᑕᐅᔫᑉ ᐊᓪᓚᓯᒪᔪᖁᑎᖏᓐᓂ ᐃᓱᐊᕐᓭᓂᒃᑰᓂᖏᓐᓂ
  • ᐃᑲᔪᕐᐸᓗᓂ ᐃᓱᐊᕐᓯᕕᒻᒦᑐᐃᑦ ᐅᑎᕐᓯᒪᓕᕈᑎᒃ ᐊᑐᐃᓐᓇᐅᒋᐊᖃᕐᓂᖏᓐᓂ ᐊᒻᒪᓗ ᐃᑲᔪᕐᑕᐅᒋᐊᖃᕐᓂᖏᓐᓂ ᐸᕐᓇᓯᒪᓂᕐᒥᒃ


ᐃᓱᐊᕐᓭᓂᐅᑉ ᑭᖑᓂᐊᒍᑦ

  • ᑐᓴᐅᒪᖃᑎᒌᑦᑎᓯᕙᓪᓗᓂ ᑲᒪᔭᐅᕕᓪᓗᑐᐊᐱᓐᓂᒃ, ᑎᒥᐅᔪᓂᒃ ᐊᒻᒪᓗ ᓄᓇᓕᓐᓂ ᐊᑯᓐᓂᖁᓯᓲᓂᒃ ᖃᐅᔨᑎᑦᓯᕙᓪᓗᓂ ᐃᓱᐊᕐᓯᒋᐊᕐᓯᒪᔪᐃᑦ ᐃᑲᔪᕐᑕᐅᓯᐊᖁᓗᒋᑦ ᐃᓱᐊᕐᓯᕕᒻᒦᒌᕐᓯᒪᓕᕐᑎᓗᒋᑦ
  • ᐃᓱᐊᕐᓭᕙᓪᓗᓂ ᑕᒃᑯᒧᑦ, ᖃᕆᑕᐅᔭᑎᒍᑦ ᐱᑐᑦᓯᒪᐅᑎᑎᒍᑦ ᐊᒻᒪᓗ ᐅᖄᓚᐅᑎᒃᑯᑦ


ᐊᓯᖏᑦ ᐱᔭᕐᓭᑦ ᐊᒻᒪᓗ ᑲᒪᒋᒋᐊᓖᑦ

  • ᑲᒪᒋᔭᐅᒋᐊᓪᓛᕕᒻᒧᑦ ᑐᑭᑐᐊᕐᑎᓯᔨᒧᑦ ᐊᐅᓚᑕᐅᓗᓂ, ᑐᓴᐅᒪᖃᑎᒌᑦᑎᓯᔨ ᐃᑲᔪᖃᑦᑕᓗᓂ ᐃᓱᐊᕐᓭᔩᑦ ᐱᓇᓱᑦᑎᖏᓐᓂᒃ ᐊᒻᒪᓗ ᐱᓇᓱᐊᕐᐸᓗᓂ ᐊᓯᖏᓐᓂᒃ ᑕᒪᑐᒧᖓᓕᖓᔪᓂᒃ ᑎᓕᔭᐅᑐᐊᕈᓂ.

 

IV. ᐱᔪᓐᓇᕈᑎᖏᑦ


ᐃᓕᓐᓂᐊᓯᒪᓗᓂ

  • ᐳᕐᑐᓂᕐᓴᒋᐊᓪᓚᒥ ᐱᔭᕇᕐᓂᐅᑎᖃᕐᓗᓂ ᐃᓄᓕᕆᓂᐅᑉ ᐊᑯᓐᓂᖁᓯᕐᑎᐅᓂᕐᒥ;


ᐱᓇᓱᓕᓂᖏᑦ

  • ᐊᕐᕌᒎᓐᓂ ᒪᕐᕉᓂ ᐃᓄᓕᕆᓂᐅᑉ ᐊᑯᓐᓂᖁᓯᕐᑎᐅᓂᕐᒥ ᐊᒻᒪᓘᓐᓃᑦ ᐊᓄᐊᕐᓯᔨᐅᓂᕐᒥ;
  • ᐱᓇᓱᓕᓂᐅᓗᓂ ᐃᓄᓕᕆᓂᐅᑉ ᐊᑯᓐᓂᖁᓯᕐᑎᐅᓂᕐᒥ, ᐅᐃᕆᒪᔪᓕᕆᓂᕐᒥ, ᐅᕝᕙᓘᓐᓃᑦ ᖃᓄᐃᖕᖏᓯᐊᕐᑐᓕᕆᓂᕐᒥ


ᖃᐅᔨᒪᔭᖏᑦ ᐊᒻᒪᓗ ᐱᒍᓐᓇᑕᖏᑦ

  • ᐃᒻᒥᓄᑦ ᐊᒻᒪᓗ ᐱᓇᓱᕝᕕᒥ ᐊᑑᑎᓯᒪᓗᓂ ᐃᓕᕐᖁᓯᖃᖃᑎᒌᖕᖏᓂᕐᒥ;
  • ᑐᓴᕐᑎᓯᐅᑎᑦᓴᓕᐅᕈᓐᓇᓗᓂ, ᐊᓪᓚᖁᑎᓕᐅᕈᓐᓇᓗᓂ ᐊᒻᒪᓗ ᐱᓇᓲᑎᑦᓴᓕᐅᕈᓐᓇᓗᓂ ᖃᕆᑕᐅᔭᕐᒥᒃ ᐊᑐᕐᓗᓂ;
  • ᐃᓄᑑᓗᓂ ᐊᒻᒪᓘᓐᓃᑦ ᐱᓇᓱᐊᖃᑎᒌᓐᓂᒥ  ᐱᓇᓱᐊᕈᓐᓇᓯᐊᕐᓗᓂ;
  • ᐱᓇᓱᐊᕈᓐᓇᓗᓂ ᐃᑲᕈᓐᓂᕆᔭᐅᓲᑐᙯᑦ ᓯᓚᑖᒍᑦ;
  • ᖃᐅᔨᒪᓗᓂ ᖃᕆᑕᐅᔭᐅᑉ Microsoft Office Suite-ᕈᑎᖓᓂᒃ ᐃᓚᐅᑎᓪᓗᒋᑦ  Word, Excel ᐊᒻᒪᓗ Outlook;
  • ᐃᓕᒐᓱᐊᕐᑐᖅ ᑐᓂᓯᒍᓐᓇᕆᐊᓕᒃ ᐱᓂᕐᓗᓯᒪᓂᐅᑉ ᐊᓪᓚᑕᐅᒪᒍᑎᖓᓂᒃ ᑐᑦᓯᕋᐅᑎᒥᒃ.


ᐅᖄᒍᓐᓇᓗᓂ
 

  • ᐱᒍᓐᓇᓚᕆᒋᐊᓕ ᐊᑐᐊᕐᓯᒍᓐᓇᓂᕐᒥᒃ, ᐊᓪᓚᒍᓐᓇᓂᕐᒥᒃ ᐊᒻᒪᓗ ᐅᖄᒍᓐᓇᓂᕐᒥᒃ ᖃᓪᓗᓈᑎᑐᑦ ᐊᒻᒪᓗ ᐃᓄᑦᑎᑐᑦ.

 

V. ᐱᓇᓱᕝᕕᖓᑕ ᐊᕙᑎᖓ

  • ᐃᓱᐊᕐᓯᕕᒃ ᐱᕙᓪᓕᐊᓂᒃᑰᑐᒻᒪᕆᒃ ᒫᓐᓇ ᖃᓄᐃᑦᑐᑰᕐᓂᒥ ᕿᓄᐃᓵᕐᕕᐅᒋᐊᓕᒃ, ᖃᓄᕐᑑᕈᓐᓇᕕᐅᒋᐊᓕᒃ ᐊᒻᒪᓗ ᓱᖏᐅᓯᓴᕐᑕᐅᒋᐊᓕᒃ;
  • ᐃᓕᔪᖅ ᐊᑕᐅᑦᓯᑰᓕᔪᓂᒃ ᐃᓱᐊᕐᓯᒋᐊᕐᑐᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᖃᑕᐅᔪᓄᑦ ᑐᑦᓯᕋᐅᑎᓂᒃ ᐊᒻᒪᓗ ᐅᐃᒪᓇᕐᑐᓂᒃ ᐱᒐᓱᐊᕆᐊᓕᒃ;
  • ᐊᑐᐃᓐᓇᐅᒋᐊᓕᒃ ᐃᒻᒥᓄᑦ ᐊᒻᒪᓗ ᐱᓇᓱᒐᕐᒧᑦ ᐅᖁᒣᓪᓘᕈᑎᓂᒃ ᐅᑭᐅᕐᑕᑐᒦᓐᓂᒧᑦ, ᓄᓇᓕᒻᒥ ᐅᐸᑐᐅᓐᓇᖃᔭᖕᖏᑐᒦᓐᓂᒧᑦ ᐱᕕᑦᓴᖃᓪᓗᐊᖏᑦᑐᒥ.



VI. ᑮᓇᐅᑦᔭᓵ/ᐱᕙᓪᓕᖁᑏᑦ

  • ᐱᓇᓱᑦᑎᐅᑉ ᖃᓄᐃᓕᖓᐅᑎᑦᓴᖏᑦ ᑐᖕᖓᕕᓖᑦ ᓄᓇᕕᐅᑉ ᐃᓗᓯᓕᕆᓂᕐᒧᑦ ᐃᓅᓯᓕᕆᓂᕐᒧᓗ ᐱᑦᔪᔨᕕᖓᑕ ᐱᑐᑦᓯᒪᖃᑎᒌᓐᓂᖓᓂᒃ.
  • ᑮᓇᐅᑦᔭᓵᖏᑦ ᓇᓗᓀᕐᑕᐅᒐᔭᕐᑐᑦ ᒪᓕᓪᓗᒋᑦ ᐱᔪᓐᓇᓂᖓ ᐊᒻᒪᓗ ᐱᓇᓱᐊᓕᓂᖏᑦ.ᐱᓇᓱᒋᐊᖕᖓᓂᕐᒥ ᓇᐅᑦᓯᑐᕐᑕᐅᓂᖃᕋᔭᕐᑐ
     

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ

ᐱᓇᓱᒍᒪᓂᕋᐅᑏᑦ ᑐᓂᓗᒍ ᖃᕆᑕᐅᔭᑎᒍᑦ ᐊᓪᓚᕕᒃᑯᑦ ᐅᕝᕙᓘᓐᓃᑦ ᓱᑲᑦᑐᑰᕈᑎᒃᑯᑦ ᐅᕗᖓ:


ᐋᐱᐆᓚ ᐴᓪᑕᓐ
ᐱᓇᓱᑦᑐᓴᓕᕆᓂᕐᒥ ᑲᒪᔨ
ᐃᓱᐊᕐᓯᕕᒃ
P.O. Box 749
ᑰᑦᔪᐊᖅ,ᑯᐯᒃ (ᑲᓇᑕ) J0M 1C0

 
ᖃᕆᑕᐅᔭᑎᒍᑦ ᐊᓪᓚᕕᒃ: recruitment@isuarsivik.ca
ᓱᑲᑦᑐᑰᕈᑎᒃ: 819-964-2041


 
ᖃᐅᔨᒪᒋᑦ ᐃᓕᒐᓱᐊᕐᑐᐃᑦ ᐊᐱᕐᓲᔭᕐᑕᐅᓂᕐᒧᑦ ᓇᓪᓕᑳᕐᑕᐅᔪᑦ ᑭᓯᐊᓂ  ᐅᖃᖃᑎᒌᕝᕕᐅᓛᕐᑐᑦ. ᑌᒣᒐᓗᐊᕐᑎᓗᒍ, ᐃᓘᓐᓇᓯᐊᑎᒃ ᓇᑯᕐᒦᑕᕗᑦ ᐅᓇᒻᒥᓱᒋᐊᖏᑦ.

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment