15 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᑐᖅ ᐱᓇᓱᑦᑏᑦ ᐱᓇᓱᖃᑎᒌᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐱᓇᓱᑦᑏᑦ ᐃᓚᐅᒍᑎᖃᖕᖏᑐᖅ

ᐃᓄᓐᓂᒃ-ᑲᒪᒋᐊᒥᒃ ᑲᔪᓯᒃᑫᔨ, ᑐᑭᒧᐊᑦᑎᓯᕕᖓᓐᓂ ᐅᕕᒐᕐᑐᐃᑦ ᓴᐳᒻᒥᔭᐅᕕᖓᑕ ᐊᑐᓕᕐᑎᓯᓂᖅ ᐊᐅᓚᑦᔭᕆᐊᕈᑎᓂᒃ ᖃᐅᔨᓴᕐᓂᖅ ᐊᒻᒪᓗ ᓱᖏᐅᑎᓭᓂᖅ

ᐱᐊᕃᑦ ᐃᓅᓱᑦᑐᐃᓗ ᓴᐳᒻᒥᔭᐅᓂᖓᓂ ᐱᒍᑦᔨᕕᖓ, ᓄᕗᒃ
03-09-2021

ᑖᓐᓇ ᐃᓅᓕᑦᓯᕕᒃ ᐋᓐᓂᐊᕕᒃ (IHC), 900ᑦ ᐅᖓᑖᓅᕐᓱᑎᒃ ᐅᓄᕐᓂᓕᓐᓂᒃ ᐱᓇᓱᒃᑎᓕᒃ, ᐃᓚᒋᔭᐅᑦᓱᓂ ᑯᐯᑉ ᐋᓐᓂᐊᓯᐅᕐᓂᓕᕆᓂᕐᒧᑦ ᐊᒻᒪᓗ ᐃᓄᓕᕆᓂᕐᒧᑦ ᐱᒍᔨᓂᖏᑦᑕ ᐱᑐᑦᓯᒪᐅᑎᕕᖓᓄᑦ ᑕᒫᓂ ᓄᓇᕕᐅᑉ ᓄᓇᖓᓂ.  ᐱᓇᓱᐊᕐᑕᖏᑦ ᑕᒐ ᐊᕐᐹᖄᕐᑎᓕᒃ ᐋᓐᓂᐊᓯᐅᕐᓂᒧᑦ ᐊᒻᒪᓗ ᐃᓄᓕᕆᓂᕐᒧᑦ ᐱᒍᑦᔨᓂᕐᓂ, ᐃᓚᖃᕐᒥᑎᓪᓗᒍ ᓯᕗᓕᐅᕆᒋᐊᕐᓯᒪᐅᑎᓂᒃ, ᖃᐅᔨᓴᕐᓂᓂᒃ, ᓇᓗᓀᕐᓯᓂᕐᓂᒃ ᖃᐅᔨᓴᕋᒥᐅᒃ ᐋᓐᓂᐊᕆᔭᐅᔪᓂᒃ ᐊᒻᒪᓗ ᐋᓐᓂᐊᕆᔭᐅᔪᓂᒃ ᒪᒥᓭᓂᕐᓂ, ᐃᕕᕐᑎᕕᓐᓂᒃ ᐊᒻᒪᓗ ᐃᑲᔪᕐᑕᐅᕕᓐᓂᒃ ᐱᒍᑦᔨᓂᕐᓄᑦ, ᑖᒃᑯᓄᖓ ᐃᓄᖏᓐᓄᑦ ᑕᒫᓂ ᑕᓯᐅᔭᕐᔪᐊᑉ ᓄᓇᖓᓂ, ᑕᒪᓐᓇᓗ ᐃᓗᓕᓕᒃ ᐃᒻᒪᖃᐅᑦᓵᓗᒋᑦ 7,000ᓂᒃ ᐃᓄᖃᕐᓱᓂ.  ᓱᓕᐅᒻᒥᔪᕐᓗ, ᐱᓇᓱᐊᕐᓂᖃᕐᒥᓱᓂ ᐅᕕᒐᕐᑐᐃᑦ ᓴᐳᑦᔭᐅᕕᖓᓐᓂᒃ ᐱᒍᑦᔨᕕᓐᓂᒃ ᐊᒻᒪᓗ ᐊᐅᓚᑕᐅᓂᖓᓂᒃ, ᓄᓇᕕᒻᒧᑦ ᐃᓕᖓᑎᓪᓗᒍ, ᐅᓇᓗ ᐅᓪᓕᕕᒃ, ᑐᐊᕚᓪ ᓄᓇᖓᓃᑦᑐᖅ.  ᑖᓐᓇ ᑭᒡᒐᑑᑎᖓ ᑖᑦᓱᒪ ᐃᒣᑉᐳᖅ ᑐᓐᖓᓱᒃᑎᑕᐅᓗᑎᒃ ᐃᓄᐃᑦ ᐋᓐᓂᐊᓯᐅᕐᑕᐅᒋᐊᓖᑦ ᐱᒍᑦᔭᐅᒍᑎᖏᓐᓂᒃ ᐱᓇᓱᐊᖃᑎᒋᓗᒋᑦ ᒪᓐᑐᔨᐊᓚᒦᑦᑐᑦ ᐋᓐᓂᐊᕕᖏᓐᓂᒃ.  ᑖᒃᑯᐊ ᐃᓄᐃᑦ ᑲᒪᒋᔦᑦ ᓯᐊᒻᒪᓯᒪᔪᑦ ᑕᒪᒃᑯᓇᓂ ᓯᑕᒪᐅᔪᓐᖏᒐᕐᑐᓂ ᓄᓇᓕᓐᓂ ᑕᒫᓂ ᑕᓯᐅᔭᕐᔪᐊᑉ ᓯᑦᔭᖓᓂ, ᐱᒋᐊᕐᓱᑎᒃ ᑰᑦᔪᐊᕌᐱᒻᒥᑦ ᑎᑭᑦᑐᓂᒃ ᓴᒡᓗᓄᑦ.

ᑲᒪᔨᒋᓗᒍ ᐊᖓᔪᖅᖄᖃᕐᓗᓂ ᑖᑦᓱᒥᖓ ᑐᑭᒧᐊᑦᑎᓯᔨᖓᓐᓂᒃ ᐅᕕᒐᕐᑐᐃᑦ ᓴᐳᒻᒥᔭᐅᕕᖓᑕ ᑐᑭᒧᐊᑦᑎᓯᕕᐅᑉ, ᑖᓐᓇ ᐃᓄᓐᓄᑦ-ᐃᓕᖓᔪᓕᕆᔪᒥᒃ ᑲᔪᓯᒃᑫᔨ ᑲᒪᓗᓂ ᐱᓇᓱᐊᕐᑕᐅᓂᖏᓐᓂᒃ ᑕᒪᒃᑯᐊ ᖃᐅᔨᓴᕐᓃᑦ ᐊᒻᒪᓗ ᕿᒥᕐᕈᔭᐅᓂᖏᑦᑕ ᑐᓴᕐᑎᓯᐅᑎᓕᐊᑦ ᓱᓕᓗ ᒪᑯᐊ ᑕᒐ ᑐᑭᓕᐅᕆᓗᓂ ᐊᒻᒪᓗ ᐊᑐᓕᕐᑎᓗᒋᑦ ᐃᑲᔪᕈᑎᑦᓴᐅᓗᑎᒃ ᐸᕐᓇᑕᐅᔪᓂᒃ ᐊᐅᓚᑦᔭᕆᐊᕈᑎᐅᑦᓱᑎᒃ ᑕᒪᒃᑯᓄᖓ ᐊᑑᑎᔭᐅᔪᓄᑦ ᐃᑲᔪᕐᑕᐅᒍᑕᐅᒋᐊᖃᕐᓱᑎᒃ ᑕᒪᒃᑯᐊ ᐃᒻᒧᐊᓂ ᐃᓄᓕᕆᔭᐅᔪᑦ ᑲᒪᒋᔭᐅᑦᓱᑎᒃ.  ᑖᓐᓇ ᐊᖑᑕᐅᒍᓂ ᐊᕐᓇᐅᒍᓂᓗ ᓇᓪᓕᐊ ᓱᓕ ᐋᖅᖀᓗᓂ ᐊᐅᓚᑦᔭᕆᐊᕈᑎᓂᒃ ᑎᓕᐅᕆᒍᑕᐅᔪᓂᒃ ᑖᒃᑯᓄᖓ ᐃᖅᖃᑐᐃᔨᓄᑦ ᐊᒻᒪᓘᓐᓃᑦ ᐊᖏᖃᑎᒌᒍᑎᑎᒍᑦ ᐱᔪᓂᒃ ᐱᔪᑦᓴᐅᔮᕐᓂᒧᑦ ᐊᐅᓚᑦᔭᕈᑕᐅᔪᓂᒃ.  ᐅᓇ ᑲᔪᓯᒃᑫᔨ ᐱᖁᔭᐅᒍᑎᖃᕋᔭᕐᓗᓂ ᑲᒪᖁᔭᐅᓗᓂ ᓇᓪᓕᐅᑐᓂᒃ ᐱᓇᓱᓐᓇᐅᓱᑎᒃ ᐃᑲᐅᕐᓂᖏᓐᓂᒃ ᑐᕌᕐᑐᓂᒃ ᐃᓄᓕᕆᓂᕐᓄᐊᖓᔪᓂᒃ ᐱᔭᕆᐊᓐᓂᒃ.  ᑖᓐᓇ ᐊᖑᑕᐅᒍᓂ ᐊᕐᓇᐅᒍᓂ ᓇᓪᓕᐊ ᑎᓕᔭᐅᒪᒍᑎᖃᕈᓐᓇᒥᑦᓱᓂ ᐱᓇᓱᖁᓗᒍ ᑌᑲᓂ ᐊᓪᓚᕕᖓᓂ ᑌᒃᑯᐊ ᐊᑐᓕᕐᑎᑕᐅᒋᐊᓖᑦ ᐊᐅᓚᑦᔭᕆᐊᕈᑕᐅᓗᑎᒃ ᐊᒻᒪᓘᓐᓃᑦ ᕿᒥᕐᕈᔭᐅᒪᒐᒥᒃ-ᐅᓐᓂᑑᑎᓕᐊᑦ, ᐊᒻᒪᓗ ᓱᓕ ᑲᒪᒻᒥᓗᓂ ᓇᓪᓕᖏᓐᓂᒃ ᐊᒃᑐᐊᓱᑎᒃ ᐱᔭᑦᓴᐅᒥᔪᓂᒃ ᑕᒪᑐᒥᖓᓕᕆᔪᓂᒃ ᑎᓕᔭᐅᑐᐊᕈᓂ ᐊᖓᔪᖅᖄᒥᓄᑦ ᑲᒪᔪᒧᑦ.

ᐱᒍᓐᓇᕆᐊᓕᖏᑦ
  • ᐃᓕᑕᕆᔭᐅᒍᑎᖃᕐᓗᓂ ᐃᓄᓐᓄᓕᖓᔪᓂᑦ, ᐅᑦᑑᑎᒋᓗᒍ ᐃᓄᓕᕆᓂᕐᒥᒃ ᐱᓇᓱᓐᓂᒥᒃ, ᐱᖁᔭᓕᕆᓂᕐᒥ, ᐃᓱᒪᓕᕆᓂᕐᒥᒃ, ᐃᓱᒪᓕᕆᓂᕐᒥ ᐃᓕᓐᓂᐊᓂᕐᒥᒃ
  • ᐃᓚᒋᔭᐅᓗᓂ OTSTCFQ ᐅᕝᕙᓗᓐᓃᑦ ᐱᓇᓱᒍᓐᓇᓗᓂ ᐱᓇᓱᒐᑦᔭᓴᖏᓐᓂᑦ
  • ᐃᓕᓐᓂᐊᓯᒪᓗᓂ ᖃᐅᔨᒪᓗᓂᓗ ᐃᓅᓱᑦᑐᐃᑦ ᓴᐳᒻᒥᔭᐅᓂᖓᑕ ᐱᖁᔭᖓᓂᒃ ᐊᒻᒪᓗ ᓴᐳᒻᒥᓂᐅᑉ ᑐᑭᖓᓂ
  • ᐱᐊᕋᕐᓂᑦ ᐱᓇᓱᖃᑎᖃᓕᓂᐅᓗᓂ
  • ᐅᖄᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᒍᐃᒍᐃᑎᑐᑦ ᖃᓪᓗᓈᑎᑐᓗ
  • ᐊᑐᕈᓐᓇᓯᐊᕐᑐᒥᒃ ᓄᓇᒃᑯᔪᕈᓐᓇᐅᑎᖃᕐᓗᓂ
  • ᓱᖏᐅᑎᒍᓐᓇᓯᐊᕐᓗᓂ ᐊᑦᔨᐅᖏᑦᑐᒧᑦ ᐃᓂᒧᑦ ᐃᓗᕐᕈᓯᒧᓗ
  • ᕿᒥᕐᕈᒍᓐᓇᓯᐊᕐᓗᓂ ᑐᑭᓕᐅᕆᒍᓐᓇᓯᐊᕐᓗᓂᓗ
  • ᐱᔭᑦᓴᓕᒻᒪᕆᐅᓗᓂ ᐱᓇᓱᒍᓐᓇᓯᐊᕐᓗᓂ, ᐅᐃᒪᓇᕐᓯᔪᓕᒻᒥ ᐅᖁᒣᑦᑐᑯᕐᓂᓂᓗ
ᖃᓄᐃᓕᖓᓂᖏᑦ ᐊᒻᒪᓗ ᐃᑲᔪᕐᓯᒍᑎᖏᑦ

• ᐃᑲᐅᕐᓂᒥ ᐊᑭᓕᕐᑕᐅᒍᑎᖓ ᐱᒋᐊᕐᓱᓂ $25.25 ᑎᑭᐅᑎᒍᓐᓇᑐᖅ $45.22
• ᓱᓇᒃᑯᑖᓕᒻᒥᒃ ᐃᓪᓗᖃᕐᑎᑕᐅᔪᖅ
• ᐱᖓᓱᓂᑦ ᓯᑕᒪᓄᑦ ᐱᔪᒥᒃ ᐊᕐᕌᒍᕐᒥ ᐊᐅᓪᓚᖃᑦᑕᑎᑕᐅᕕᓕᒃ ᐃᓱᒪᒋᔭᐅᑎᓪᓗᒍ ᖃᓄᐃᓕᖓᓂᖓ ᐱᓇᓱᓐᓂᖓᑕ
• ᑎᑭᑦᑐᓂᒃ ᑕᓪᓕᒪᐅᔪᕐᑐᓗ ᐱᖓᓱᓪᓗᓄᑦ ᐱᓇᓱᐊᕈᓯᕐᓂ ᕿᑲᕐᕕᓕᒃ ᐊᕐᕌᒍᕐᒥ
• ᓂᕿᓄᑦ ᐅᓯᓄᑦ ᐱᔭᖏᑦ ᐱᒋᐊᕐᑐᑦ ᐅᓄᕐᓂᖏᑦ $36.64 ᑎᑭᑦᑐᓂᒃ $146.29 ᐱᓇᓱᐊᕈᓯᕐᒥ ᑐᓐᖓᕕᐅᑎᓪᓗᒍ ᓇᓪᓕᐊᓃᓐᓂᖓ ᓄᓇᓕᒻᒥ
• ᐅᖓᓯᒃᑐᒦᓐᓂᒧᑦ ᐱᔭᖏᑦ ᐱᒋᐊᕐᓱᑎᒃ ᐅᓄᕐᓂᖏᑦ $191.93 ᑎᑭᑦᑐᓄᑦ $399.10  ᐱᓇᓱᐊᕈᓯᕐᒥ ᑐᓐᖓᕕᐅᑎᓪᓗᒍ ᓇᓪᓕᐊᓂ ᓄᓇᓕᒻᒦᓂᖓ ᐊᒻᒪᓗ ᐱᓇᓱᓐᓂᖓᑕ ᖃᓄᐃᓕᖓᓂᖓ
• ᐊᑕᑦᑐᐊᖁᔭᐅᒐᒥ ᐱᔭᖏᑦ ᐱᒋᐊᕐᑐᑦ ᐅᓄᕐᓂᖏᑦ $114.99 ᑎᑭᑦᑐᓄᑦ $225.18 ᐱᓇᓱᐊᕈᓯᕐᒥ ᑐᓐᖓᕕᐅᑎᓪᓗᒍ ᒪᓐᓇ ᐅᑭᐅᓂᒃ ᖃᑦᓯᓂ ᐱᓇᓱᐊᕐᓯᒪᓂᖓ ᑕᕐᕋᒦᑦᓱᓂ
• ᐊᐅᓪᓛᕈᓂ ᑮᓇᐅᔭᕐᑐᕈᑎᖏᑦ ᑲᒪᒋᔭᐅᒐᔭᕐᑐᑦ ᑖᑦᓱᒧᖓ ᐱᓇᓱᒃᕕᒧᑦ
• ᐱᐅᓕᓂᐊᒐᑯᓯᒪᕕᒻᒧᑦ ᑮᓇᐅᔭᕐᑐᕈᑎᖏᑦ, ᐊᖏᕐᑕᐅᓯᒪᑐᐊᕐᐸᑦ, ᑲᒪᒋᔭᐅᒐᔭᕐᓱᑎᒃ ᑖᑦᓱᒧᖓ ᐱᓇᓱᒃᕕᒧᑦ

** ᐱᔪᑦᓴᐅᔮᕐᑐᑦ ᑕᒐᑕᒐ ᐱᓇᓱᐊᕐᓱᑎᒃ ᑕᒪᒃᑯᓇᓂ ᐋᓐᓂᐊᓂᓕᕆᓂᕐᓂ ᐊᒻᒪᓗ ᐃᓄᓕᕆᓂᕐᓂ ᐱᒍᑦᔨᓂᕐᓄᑦ ᐊᒃᑐᐊᔪᓂᒃ ᐃᓕᒐᓱᐊᕈᓐᓇᐳᑦ ᑕᕐᕋᒧᑦ ᐊᐅᓪᓚᓯᒪᓂᐊᕈᑎᒥᒃ ᑐᑭᓕᒻᒥᒃ ᐊᑭᓕᕐᑐᑕᐅᓇᓂ (ᑎᑭᐅᑎᒍᓐᓇᑐᖅ ᑕᖅᕿᓄᑦ ᐊᕙᑎᑦ ᒪᕐᕈᒃ ᓯᑕᒪᐅᔪᕐᑐᓗ)** 


ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ

ᐃᓕᒐᓱᐊᕈᒪᔪᖃᑐᐊᕈᓂ ᑐᔪᐃᓗᓯ ᐱᓇᓱᑦᓯᒪᐅᑎᑦᓯ ᐊᓪᓚᖏᓐᓂᒃ ᐊᒻᒪᓗ  ᐊᓪᓚᓯᒪᔪᓂᒃ christiane.alary.csi@ssss.gouv.qc.ca

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment