24 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᖏᑦᑐᖅ ᐱᓇᓱᑏᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐃᓚᐅᒍᑎᖃᖕᖏᑐᑦ

ᐃᓄᓕᕆᓂᕐᑎᒍᑦ ᐱᓇᓱᐊᕐᓂᓂᒃ ᑲᒪᔨ - ᐃᓅᓱᑦᑐᐃᑦ ᓴᐳᒻᒥᔭᐅᕕᖓ

ᐅᖓᕙᒥᑐᓚᑦᑕᕕᒃᐋᓐᓂᐊᕕᒃ, ᑰᑦᔪᐊᖅ
30-09-2021

ᐅᖓᕙᒥ  ᑐᓚᑦᑕᕕᒃ  ᖃᓄᐃᖕᖏᓯᐊᕐᓂᒧᑦ  ᑰᑦᔪᐊᒦᑦᑐᖅ  ᐱᒍᑦᔨᒍᑎᖃᕐᓱᓂ  ᖃᓄᐃᖏᓯᐊᕐᓂᓕᕆᓂᕐᒥᒃ  ᐃᓄᓕᕆᓂᕐᓂᓗ  ᐅᖓᕙᒥ  ᓄᓇᕕᒻᒥ.  ᓯᑕᒪᐅᔪᖏᒐᕐᑐᓂᒃ  ᐃᓄᐃᑦ  ᓄᓇᓕᖏᓐᓂ  ᐱᒍᑦᔨᔪᖅ  ᐊᑐᓂ  ᐋᓐᓂᐊᕕᐊᐱᖃᕐᑐᓂᒃ,  ᐃᓄᑐᖃᕐᓄᑦ  ᐊᓂᕐᕋᖃᕐᓱᑎᒃ  ᐊᒻᒪᓗ  ᐋᓐᓂᐊᕕᖃᕐᓱᓂ  ᑰᑦᔪᐊᒥ,  ᐱᓇᓱᑦᑎᓕᒃ  1,000 ᒥᑦᓵᓂ;  ᐊᐅᓚᑦᓯᔨᓂᒃ,  ᐱᔪᓐᓇᐅᑎᒻᒪᕆᓕᓐᓂᒃ,  ᐋᓐᓂᐊᓯᐅᕐᑎᒪᕆᓐᓂᒃ,  ᑭᒍᑎᓕᕆᔨᓂᒃ.  ᐃᓱᒪᓕᕆᔨᓂᒃ,  ᐋᓐᓂᐊᓯᐅᕐᑎᑐᐃᓐᓇᓂᒃ,  ᐃᓄᓕᕆᔨᓂᒃ,  ᐱᓇᓱᕝᕕᓂᓪᓗ  ᐃᑲᔪᕐᑎᓂᒃ,  ᐊᓯᖏᓪᓗ.

 ᓄᓇᕕᒻᒥ ᓄᓇᓖᑦ  55-ᐃᑳᖓᔫᑉ  ᑕᕐᕋᖓᓃᑦ  ᐅᑭᐅᕐᑕᑑᑦᓱᓂ  ᓇᐹᕐᑐᓕᐅᑉ  ᑭᓪᓕᐊᐱᐊᓂ.  ᓄᓇᖓ  ᖁᐊᕐᑕᑑᒻᒪᑦ  ᓂᕆᔭᑦᓴᓂᒃ  ᐱᕈᕐᓰᕕᐅᖃᔭᕋᓂ.  ᓄᓇᕕᒃ   ᐊᖏᓂᕐᐸᐅᔪᑦ  ᑯᐸᐃᒃᒥ ᐊᕕᑦᑐᓯᒪᔪᓂ 1/3-ᒥᒃ  ᐊᖏᓂᖃᕐᓱᓂ  ᑯᐸᐃᒃᓕᒫᒥ.  ᓄᓇᓖᑦ  ᐊᕐᖁᑎᑎᒍᑦ  ᐱᑐᑦᑎᓯᒪᖏᑐᑦ  ᐊᒻᒪᓗ  ᖃᓪᓗᓈᑦ  ᓄᓇᖓᓅᕐᑐᓂᒃ  ᑯᐸᐃᑉ  ᑕᕐᕋᖓᓄᑦ  ᐊᕐᖁᑎᖃᕋᓂ.  ᖃᖓᑦᑕᔫᑎᒍᑦ  ᑭᓯᐊᓂ  ᐊᐅᓚᒍᓐᓇᓲᑦ  ᐅᒥᐊᒃᑯᓗ.

 ᖃᓄᐃᖏᓯᐊᕐᓂᓕᕆᕕᒃ  ᐱᓇᓱᑦᑎᓴᕐᓯᐅᑐᖅ  ᐊᑕᔪᒥᒃ  ᐱᓇᓱᒍᒪᔪᓂᒃ  ᐃᓇᖐᒪᔪᑦᓴᓂᓪᓘᓃᑦ  ᐱᓇᓱᒐᐃᑦ  ᐃᓄᐃᕈᕐᐸᑕ  ᐱᓇᓱᐊᕈᓯᕐᓂ  ᖃᐃᔪᓂ  ᑕᕿᓂᓪᓘᓃᑦ  ᖃᐅᔪᓂ  ᑰᑦᔪᐊᒥ  ᐊᓯᖏᓐᓂᓘᓐᓃᑦ  ᐱᖓᓲᔪᕐᑐᓂ  ᓄᓇᓕᓐᓂ  ᐅᖓᕙᒥ.

 
ᐱᓇᓱᒐᐃᑦ  ᐊᑐᐃᓐᓇᐅᔪᑦ:  ᐊᑐᓕᕐᑎᑕᐅᒋᐊᓕᓐᓂᒃ  ᐊᑐᓕᕐᑎᓯᔨ  ᐅᕝᕙᓘᓐᓃᑦ  ᓇᓪᓕᐊᓂ  ᑲᒪᒋᔭᐅᓗᓂ ᐃᑲᔪᕐᑕᐅᔪᑦᓴᐅᒪᖔᑦ  ᓇᓗᓇᐃᕐᓯᔨ

 

ᐱᓇᓱᒐᖏᑦ:    

ᐱᓇᓱᐊᕋᔭᕐᑐᖅ  ᐊᑖᓃᓪᓗᓂ  ᐃᓅᓱᑦᑐᐃᑦ  ᓴᐳᒻᒥᔭᐅᕕᖓᑕ  ᑐᑭᒧᐊᑦᑎᓯᔨᖓᑕ  ᐃᑲᔪᕐᑎᖏᑦᑕᓗ, ᐱᓇᓱᐊᖃᑦᑕᓗᓂ  ᖃᐅᔨᓴᕐᓗᓂ,  ᑐᑭᖏᓐᓂᒃ  ᐊᒻᒪᓗ  ᓇᐅᑦᓯᑐᐃᖃᑦᑕᓗᓂ  ᑐᓴᕐᑎᓯᒍᑎᓕᐊᖑᒪᔪᓂᒃ  ᐊᒻᒪᓗ  ᖃᓄᖅ  ᐃᑲᔪᕈᑕᐅᔪᑦᓴᐃᑦ  ᐸᕐᓇᐃᑕᐅᒪᐅᑎᖏᓐᓂᒃ  ᐃᓱᐃᑦᑐᒦᖁᓇᒋᑦ  ᐃᓚᐅᔪᐃᑦ.  ᐱᓇᓱᑦᑎ  ᑲᔪᓯᑎᑦᓯᖃᑦᑕᕆᐊᖃᕐᒥᔪᖅ  ᒪᓕᑦᑕᐅᒋᐊᓕᓐᓂᒃ  ᐋᕿᑕᐅᒪᑦᓱᑎᒃ  ᐃᖃᑐᐃᕕᑎᒍᑦ  ᐊᖏᖃᑎᒌᒍᑕᐅᑦᓱᑎᓪᓘᓃᑦ  ᐊᑖᒍᑦ  ᐃᓅᓱᑦᑐᐃᑦ  ᓴᐳᒻᒥᔭᐅᕕᖓᑕ..  ᐱᓇᓱᐊᖁᔭᐅᓕᕈᓂ  ᐃᓄᓕᕆᖃᑕᐅᖃᑦᑕᕆᐊᓕᒃ.  ᐱᓇᓱᒋᐊᕐᑐᖁᔭᐅᓕᐅᒥᔮᖃᑦᑕᕋᔭᕐᒥᔪᖅ  ᓇᓪᓕᖏᓐᓄᑦ  7-ᓄᑦ  ᓄᓇᓕᓐᓄᑦ  ᐅᖓᕙᒥ.  ᐱᓇᓱᑦᑎᑖᖑᔪᖅ  ᓄᓇᓕᓐᓄᑦ  ᐱᖓᓲᔪᕐᑐᓄᑦ  ᓇᓪᓕᖏᓐᓄᑦ  ᐱᓇᓱᒋᐊᕐᑐᕆᐊᖃᖃᑦᑕᕋᔭᕐᑐᖅ  ᑭᖒᒪᓇᓕᕐᐸᑦ.

 

ᐱᒍᓐᓇᕆᐊᓕᖏᑦ

ᐃᓕᓐᓂᐊᓯᒪᒋᐊᓕᒃ  ᐃᓕᓐᓂᐊᕕᕐᔪᐊᒥ  ᐃᓄᓕᕆᓂᕐᒨᓕᖓᔪᓂᒃ:  ᐃᓄᓕᕆᓂᕐᓂᒃ,  ᐱᖁᔭᓂᒃ  ᓯᖁᒥᑦᓯᓂᕐᒧᑦ  ᐸᓯᔭᑦᓴᐅᒍᑎᓅᓕᖓᔪᓂᒃ,  ᐃᓱᒪᓕᕆᓂᕐᓄᑦ,  ᐃᓱᒪᒨᓕᖓᔪᓂᓪᓗ  ᐃᓱᐊᕐᓴᐃᔨᐅᓂᓄᑦ  ᐃᓕᓐᓂᐊᑎᑦᓯᔨᐅᓂᕐᓄᑦ;

ᐱᓇᓱᒐᕐᑖᕋᓱᐊᕐᑐᖅ  ᐱᔪᓐᓇᐅᑎᐅᒋᐊᓕᓕᒫᓂᒃ  ᐱᔪᓐᓇᐅᑎᖃᖏᐸᑦ,  ᐱᓇᓱᒐᕐᑖᕋᓱᐊᕐᑐᖅ ᑎᒍᔭᐅᑐᐃᓐᓇᕆᐊᓕᒃ  ᐱᓇᓱᐊᕐᓯᒪᒍᓂ  (ᐃᓄᓕᕆᔨᐅᓂᕐᒥᒃ,  ᐱᓇᐃᓗᑕᓕᓐᓂᒃ  ᐃᓕᓐᓂᐊᑎᑦᓯᔨᐅᓂᕐᒥᒃ,  ᐃᓅᓱᑦᑐᓂᒃ  ᐱᓂᕐᓗᖃᑦᑕᓯᒪᔪᓂᒃ  ᑲᒪᔨᐅᖃᑦᑕᓯᒪᒍᓂ).  ᐱᓪᓗᑯᒋᐊᓕᓕᕆᔨᐅᒍᓂ  ᑮᓇᐅᑦᑕᓵᖏᑦ  ᐋᕿᑕᐅᒐᔭᕐᑐᑦ  ᒪᓕᓪᓗᒋᑦ  ᐱᓪᓗᑯᒋᐊᓕᓕᕆᔩᑦ  ᑮᓇᐅᑦᔭᓵᑦᓴᖏᓐᓂᒃ  ᐋᖀᓯᒪᐅᑏᑦ/ᐃᓕᓐᓂᐊᓯᒪᓂᖏᓐᓄᓗ;

ᖃᐅᔨᒪᓗᓂ  ᐊᓪᓚᓯᒪᔪᑎᒍᑦ  ᐱᓇᓱᐊᕐᓂᑯᓪᓗ  ᐅᕕᒃᑲᐃᑦ  ᓴᐳᒻᒥᔭᐅᓂᖓᓄᑦ  ᐱᖁᔭᓂᒃ;

ᐱᓇᓱᐊᕐᓯᒪᓗᓂ  ᐱᐊᕋᐃᑦ  ᑲᒪᒋᔭᐅᓂᖏᓐᓄᑦ  ᐃᓕᖓᔪᓂᒃ;

ᐅᖄᒍᓐᓇᓯᐊᕐᓗᓂ  ᖃᓪᓗᓈᑎᑐᑦ,  ᒍᐃᒍᐃᑎᑐᑦ  ᐊᒻᒪᓗ  ᐃᓄᑦᑎᑑᕈᓐᓇᕈᓂ  ᐃᑲᔪᕐᓯᒐᔭᕐᒥᔪᖅ;

ᓱᖏᐅᑎᒍᓐᓇᓗᓂ  ᐃᓗᖁᓯᑦᓴᔭᕆᖏᑕᒥᓄᑦ  ᐃᓅᓯᐅᔪᒧᓪᓗ;

ᐱᓇᓱᐊᕆᐊᓕᓐᓂᒃ  ᓇᐅᑦᓯᑐᐃᒍᓐᓇᓗᓂ  ᑐᑭᓕᐅᕆᒍᓐᓇᓗᓂᓗ;

ᐱᓇᓱᐊᑦᓯᐊᕈᓐᓇᓗᓂ  ᐅᐃᒪᓇᕐᑐᖃᓕᕐᐸᑦ,  ᑯᑦᓴᓇᕐᑐᒦᑦᑐᖃᓕᕐᐸᑦ  ᐊᑦᓱᕈᕐᓇᑐᖃᓕᕐᐸᓗ;

ᐊᓯᒥᓂᒃ  ᐱᓇᓱᐊᖃᑎᖃᕈᓐᓇᓗᓂ;

ᐊᓯᓄᑦ  ᖃᐅᔨᔭᐅᒋᐊᖃᖏᑐᓂᒃ  ᖃᐅᔨᔭᐅᑎᑦᓯᑕᐃᓕᒍᓐᓇᓗᓂ,  ᐃᒻᒥᓂᕿᒍᓐᓇᓗᓂ, ᐊᓯᒥᓂᒃ  ᑐᑭᓯᒪᒐᓱᐊᑦᓯᐊᕈᓐᓇᓗᓂ,  ᐊᓯᒥᓂᒃ  ᓲᓱᑦᓴᓯᐊᕈᓐᓇᓗᓂ,  ᐱᔭᕆᐊᓕᓐᓂᒃ  ᑲᔪᓯᐅᑦᔨᒍᓐᓇᓯᐊᕐᓗᓂ,  ᓈᓗᒍᓐᓇᓯᐊᕐᓗᓂᓗ,  ᑲᑦᓱᖓᐃᑦᑑᓗᓂ  ᑲᔪᓯᑎᑦᓯᒍᓇᓗᓂ  ᑲᔪᓯᑎᒋᐊᓕᓐᓂᒃ  ᐃᓱᒪᑦᓴᓯᐅᕈᑎᒋᑦᓯᐊᓯᒪᓗᒋᑦ;

ᐱᒍᑦᔭᒥᓂᒃ  ᐃᖃᓱᑦᓯᐊᕈᓐᓇᓗᓂ; ᐊᖓᔪᖃᐅᔪᓂᒃ  ᓈᓗᒍᓐᓇᓯᐊᕐᓗᓂ;

ᐊᖁᒍᓐᓇᐅᑎᖃᕐᓗᓂ 

ᖃᓄᐃᓕᖓᓂᖏᑦ ᐊᒻᒪᓗ ᐃᑲᔪᕐᓯᒍᑎᖏᑦ

ᑮᓇᐅᑦᔭᓵᖏᑦ: ᐱᒋᐊᕐᓱᑎᒃ  $883.75-ᓂᒃ /35-ᓂ ᑲᐃᕙᓪᓚᒍᓯᓂᒃ  $1,582.70-ᓄᑦ /35-ᓂ ᑲᐃᕙᓪᓚᒍᓯᓂᒃ  
ᐅᖓᓯᑦᑐᒥᐅᖑᓂᕐᒧᑦ:   $191.92 / ᐱᓇᓱᐊᕈᓯᑕᒫᑦ. ᐅᕝᕙᓘᓃᑦ  ᐊᒥᓲᓂᕐᓴᓂᒃ,  ᐃᓚᖃᕐᓂᖓ  ᒪᓕᓪᓗᒍ  ᓄᓇᓕᖓᓗ
ᐃᓅᓇᓱᐊᕐᓂᒧᑦ  ᐊᑭᑐᔫᓂᒃᓄᑦ:  $59.14 /ᐱᓇᓱᐊᕈᓯᑕᒫᑦ, ᐅᕝᕙᓘᓐᓃᑦ  ᐊᒥᓲᓂᕐᓴᓂᒃ  ᐃᓚᖃᕐᓂᖓ  ᒪᓕᓪᓗᒍ  ᓄᓇᓕᖓᓗᐱᓇᓱᒐᕐᒥ ᐊᑕᑯᑖᑦᑎᓯᒐᓱᐊᕈᑏᑦ:            $114.99 //ᐱᓇᓱᐊᕈᓯᑕᒫᑦ, ᐅᕝᕙᓘᓐᓃᑦ  ᐊᒥᓲᓂᕐᓴᓂᒃ  ᓇᓪᓕᐊᓂ  ᓄᓇᓕᒻᒦᓂᖓ  ᒪᓕᓪᓗᒍ  (ᒫᓐᓇᓯᐅᑎᒃ)

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ

Please send your application by Email: emploi.cstu@ssss.gouv.qc.ca

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

ᐊᓪᓚᕕᐅᓗᓂ ᑐᓴᕐᑎᓯAti5

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ www.krg.ca/iu/careers