15 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᑐᖅ ᐱᓇᓱᑦᑏᑦ ᐱᓇᓱᖃᑎᒌᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐱᓇᓱᑦᑏᑦ ᐃᓚᐅᒍᑎᖃᖕᖏᑐᖅ

ᐃᓄᓕᕆᓂᕐᑎᒍᑦ ᐱᓇᓱᐊᕐᓂᓂᒃ ᑲᒪᔨ - ᓴᕿᔪᖅ 1000-666

ᐋᓐᓂᐊᕕᐊᕈᖓ, ᑲᖏ3ᓱᖅ
29-06-2021

ᐊᑕᔪᖅ  (35  ᑲᐃᕙᓪᓗᒍᓰᑦ/ᐱᓇᓱᐊᕈᓯᑕᒫᑦ) 
ᐊᖓᔪᖄᖓ  ᑐᑦᑕᕕᒋᓗᒍ:   ᑐᑭᒧᐊᑦᑎᓯᔨ  ᐃᓄᓕᕆᔨᓂ
ᐱᒋᐊᕐᕕᓴᖓ:    ᐱᒋᐊᑲᐱᕝᕕᒋᒍᓐᓇᑕᓕᒫᖓᓂ

ᐱᓇᓱᒐᖏᑦ:    

ᐱᓇᓱᐊᕋᔭᕐᑐᖅ  ᐊᑖᓃᓪᓗᓂ  ᓄᓇᓕᓐᓂᒃ  ᐱᒍᑦᔨᓃᑦ  ᑐᑭᒧᐊᑦᑎᑕᐅᕕᖓᑕ,  ᐱᓇᓱᐊᖃᑕᐅᖃᑦᑕᓗᓂ  ᑲᑎᕕᐅᑉ  ᐳᓖᓯᖏᓐᓂᒃ  ᐊᕐᕕᑕᕐᑎᐅᓗᑎᒃ.  ᑖᑯᐊ  ᐊᕐᕕᑕᕐᑏᑦ  ᐱᓇᓱᐊᖃᑎᖃᖃᑦᑕᓗᑎᒃ  ᓄᓇᓕᒻᒥᐅᓂᒃ  ᐱᓗᐊᕐᑐᒥ  ᐃᓄᓕᕆᔨᓂᒃ,  ᐋᓐᓂᐊᕕᒻᒥ ᐱᓇᓱᑦᑎᓂᒃ,  ᐳᓖᓯᓂᒃ  ᐊᒻᒪᓗ  ᑐᓚᑦᑕᕕᐅᑉ  ᐱᒍᑦᔨᔨᖏᓐᓂᒃ.  ᑖᓐᓇ  ᐱᓇᓱᑦᑎ  ᖃᓄᐃᑦᓴᖃᔭᖏᑑᒋᐊᓕᒃ  ᐱᓇᓱᐊᖃᑕᐅᒋᐊᒥᒃ,  ᐃᓂᕐᓗᓯᒪᔪᖃᓕᕐᐸᑦ,  ᐃᒻᒥᓂᐊᕐᓂᒧᑦ,  ᖁᓄᔪᕐᓂᐊᑕᐅᓂᕐᒧᑦ,  ᐃᓚᒌᑦᑐᓂ  ᐱᒋᐊᖃᑦᑕᓂᖃᓕᕐᐸᑦ,  ᐊᐃᕙᐅᑎᓂᖃᓕᕐᐸᑦ,  ᐅᐃᕆᒪᓇᕐᑑᒪᓂᕐᒧᑦᓗ  ᐃᓱᒪᒥᒍᓪᓗ  ᑕᐃᒪᐃᑦᓯᐊᖏᑐᖃᓕᕐᐸᑦ.

ᖃᓄᐃᓘᖃᑎᖃᕆᐊᖃᓕᕈᑎᒃ  ᐱᓇᐃᓗᑦᓯᓯᒪᔪᓂᒃ  ᐃᓚᒌᑦᑐᑦ  ᐱᒋᐊᖃᑦᑕᐅᑎᓂᖏᑎᒍᑦ,  ᐅᐃᕆᒪᓇᕐᑐᓯᒪᓂᒃᑯᑦ,  ᐃᒻᒥᓂᐊᕐᓂᑯᑦ;

ᐃᓄᓕᕆᔨᐅᓂᒃᑯᑦ  ᐃᑲᔪᕐᓯᒪᔨᐅᓗᓂ  ᐃᓅᓱᑦᑐᓂᒃ  ᐃᓄᒻᒪᕆᓐᓂᓗ (ᐃᓄᑑᓈᕐᑎᑐᓂᒃ  ᐊᐃᑉᐸᕇᑦᑐᓂᒃ0  ᐃᑲᔪᕐᑕᐅᒋᐊᓕᓐᓂᒃ;

ᐊᑯᓐᓂᒥᐅᑕᐅᖃᑦᑕᓗᓂ  ᐊᑕᐅᓯᐅᖏᑐᑦ  ᐱᓇᓱᐊᖃᑎᒌᓕᕐᐸᑕ  ᐱᑦᔪᑎᖃᕐᓱᑎᒃ  ᐃᓅᓱᑦᑐᓂᒃ  ᐃᓄᒻᒪᕆᓐᓂᓗ  ᐊᑦᔨᒌᖏᑐᑦ  ᐱᑦᔪᑕᐅᑎᓪᓗᒋᑦ  ᐅᐃᕆᒪᓇᕐᑑᒪᓃᓪᓗ;

ᓄᐃᑦᓯᖃᑕᐅᖃᑦᑕᓗᓂ  ᐱᓇᓱᐊᕐᓂᓴᓂᒃ  ᐱᕙᓪᓕᐊᑎᑦᓯᒍᑕᐅᓂᐊᕐᑐᑦ  ᐊᐱᕐᓱᑲᑦᑕᓂᒃᑯᑦ,  ᐊᓂᕐᕋᐅᔪᓄᑦ  ᐳᓛᕆᐊᖃᑦᑕᓂᒃᑯᑦ,  ᖃᓄᐃᓕᖓᓕᕐᓂᐅᔪᓂᒃ  ᐅᖄᖃᑎᒌᒍᑎᖃᖃᑦᑕᓂᒃᑯᑦ,  ᐱᓇᓱᐊᖃᑎᒌᑦᑐᓗ ᑲᑎᖓᖃᑦᑕᓂᖏᑎᒍᑦ,  ᐊᓯᖏᑎᒍᓪᓗ..;

ᑐᕋᐃᓐᓇᕕᖃᕐᓗᓂ  ᐃᓇᓕᕆᔭᐅᒋᐊᓕᓐᓂᒃ  ᑲᒪᖃᑦᑕᓗᓂ  ᖁᔭᐅᓕᕈᓂ  ᐹᕐᓯᖓᐅᑎᒍᑕᐅᓕᕐᐸᑕᓘᓐᓃᑦ;

ᐱᓇᓱᐊᖃᑎᖃᖃᑦᑕᓗᓂ  ᑐᓚᑦᑕᕕᒻᒥᐅᓂᒃ,  ᓄᓇᓕᒻᒥᐅᓂᒃ,  ᓄᓇᓕᐅᑉ  ᑲᑎᖓᔨᖏᓐᓂᓗ,  ᑐᑦᓯᐊᓂᓕᕆᔨᓂᒃ,  ᑲᑎᕕᐅᓪᓗ  ᐳᓖᓯᖏᓐᓂᒃ,  ᐊᓯᖏᓐᓂᓗ..;

ᐱᓇᓱᐊᖃᑎᒋᓗᒋᑦ  ᐳᓖᓰᑦ  ᐋᖀᖃᑦᑕᓗᓂ  ᐱᓇᓱᐊᕈᓯᓕᒫᒨᓕᖓᔪᑦᓴᓂᒃ  ᐱᓇᓱᐊᕐᓂᐅᒋᐊᓕᓐᓂᒃ,  ᖃᖓᑐᐃᓐᓇᖅ  ᐊᑐᐃᓐᓇᐅᓂᐅᒋᐊᓕᓐᓂᒃ,  ᐊᓯᖏᓐᓂᓗ..;  ᐊᒻᒪᓗ

ᖃᐅᔨᒪᑎᑦᓯᔨᐅᓗᓂ  ᑐᑭᖏᓐᓂᒃ  ᐱᖁᔭᐃᑦ  ᐃᓕᖓᔪᓂᒃ  ᒪᑯᓄᖓ (LPJ, LSSS, P38,  ᐊᓯᖏᓐᓄᓗ);

ᐊᓪᓚᓯᒪᔪᖑᐃᖃᑦᑕᕈᓐᓇᓗᓂ  ᐃᑲᔪᕐᑕᐅᔪᑦ  ᑲᒪᒋᔭᐅᒍᑎᖏᑦᑕ  ᐊᓪᓚᑕᐅᒪᐅᑎᖏᓐᓂᒃ  ᐊᒻᒪᓗ  ᐱᓇᓱᐊᕈᓯᑕᒫᑦ  ᖃᐅᔨᒪᐅᑎᑦᓴᐅᓗᑎᒃ  ᑐᓴᕐᑕᐅᑎᑦᓯᒍᑎᑦᓴᓂᒃ;

ᑐᓴᕐᑎᓯᒍᑎᑦᓴᓕᐅᖃᑦᑕᓗᓂ  ᓴᕿᔫᑉ  ᐊᑕᐅᑦᓯᑰᕐᑎᓯᔨᖓᓂᒃ;

ᐃᓄᓐᓄᑦ  ᑐᓴᐅᒪᔭᐅᑎᑦᓯᒍᑎᑦᓴᓕᐅᖃᑦᑕᓗᓂ  ᐱᓪᓗᒍ  ᐱᓇᓱᐊᕐᓂᖓ  ᓴᕿᔫᑉ;

ᐱᒋᐅᕐᓴᑎᑦᓯᖃᑕᐅᖃᑦᑕᓗᓂ  ᓴᐳᒻᒥᔨᐅᓗᓂᓗ  ᐱᒋᐅᕐᓴᑎᑕᐅᓂᖏᓐᓂᒃ  ᓄᑖᑦ  ᐱᓇᓱᑦᑎᓴᐃᑦ;

ᐊᓯᖏᓐᓂᓗ  ᐊᖓᔪᖄᒥᓄᑦ  ᐱᓇᓱᐊᕐᑕᐅᖁᔭᐅᔪᓂᒃ  ᐱᓇᓱᐊᖃᑦᑕᓗᓂ.

ᐱᒍᓐᓇᕆᐊᓕᖏᑦ

ᐃᓕᓐᓂᐊᓯᒪᒋᐊᓕᒃ  ᐃᓕᓐᓂᐊᕕᕐᔪᐊᒥ  ᐃᓄᓕᕆᓂᕐᒨᓕᖓᔪᓂᒃ:  ᐃᓄᓕᕆᓂᕐᓂᒃ,  ᐱᖁᔭᓂᒃ  ᓯᖁᒥᑦᓯᓂᕐᒧᑦ  ᐸᓯᔭᑦᓴᐅᒍᑎᓅᓕᖓᔪᓂᒃ,  ᐃᓱᒪᓕᕆᓂᕐᓄᑦ,  ᐃᓱᒪᒨᓕᖓᔪᓂᓪᓗ  ᐃᓱᐊᕐᓴᐃᔨᐅᓂᓄᑦ  ᐃᓕᓐᓂᐊᑎᑦᓯᔨᐅᓂᕐᓄᑦ;

ᐃᓚᐅᒍᑎᖃᑦᓯᐊᕆᐊᓕᒃ  ᐱᓇᓱᒐᖃᑎᒥᑕ  ᑲᑐᑦᔨᖃᑎᒌᕝᕕᖓᓄᑦ (ᒪᓕᓪᓗᒍ  ᐱᖁᔭᖅ  24).

ᐱᓇᓱᐊᕐᓯᒪᓂᖃᕐᓗᓂ  2-ᓂᒃ  ᐊᕐᕌᒎᓐᓂᒃ  ᐱᒍᑦᔨᔨᐅᓂᕐᒥᒃ  ᐊᑦᔨᒌᖏᑐᓂᒃ  ᐃᑲᔪᕐᑕᐅᒋᐊᓕᓐᓂᒃ

ᐃᒻᒥᓂᐊᕐᑕᐃᓕᒪᑎᑦᓯᓂᒃᒧᑦ  ᐱᒋᐅᕐᓴᓯᒪᒍᓂ  ᐃᑲᔪᕐᓯᒐᔭᕐᑐᖅ.

ᐃᑲᔪᕐᑕᐅᒋᐊᖃᕐᑐᖃᓕᕐᐸᑦ  ᖃᓄᐃᓘᕆᐊᖃᕐᓂᒥᒃ  ᐱᒋᐅᕐᓴᓯᒪᒍᓂ  ᐃᑲᔪᕐᓯᒐᔭᕐᑐᖅ .

ᐱᖁᔭᓂᒃ;

ᐱᓇᓱᐊᕐᓯᒪᓗᓂ  ᐱᐊᕋᐃᑦ  ᑲᒪᒋᔭᐅᓂᖏᓐᓄᑦ  ᐃᓕᖓᔪᓂᒃ;

ᐅᖄᒍᓐᓇᓯᐊᕐᓗᓂ  ᖃᓪᓗᓈᑎᑐᑦ,  ᒍᐃᒍᐃᑎᑐᑦ  ᐊᒻᒪᓗ  ᐃᓄᑦᑎᑑᕈᓐᓇᕈᓂ  ᐃᑲᔪᕐᓯᒐᔭᕐᒥᔪᖅ;

ᐊᓯᒥᓂᒃ  ᐱᓇᓱᐊᖃᑎᖃᕈᓐᓇᓗᓂ  ᖃᐅᔨᒪᔭᒥᓂᒃ  ᐃᑲᔪᕐᓯᒐᔭᕐᑐᓂᒃ  ᐊᓯᒥᓄᑦ  ᖃᐅᔨᔭᐅᑎᑦᓯᒍᓐᓇᓗᓂ; 

ᐱᔭᕆᐊᓕᓐᓂᒃ  ᐋᕿᓯᒪᑎᑦᓯᒍᓐᓇᓯᐊᕐᓗᓂ,  ᑲᔪᓯᐅᑦᔨᒍᓐᓇᓯᐊᕐᓗᓂ  ᐊᒻᒪᓗ  ᐃᒻᒥᓂᕿᓗᓂ  ᐱᓇᓱᐊᕈᓐᓇᓗᓂ  ;

ᐊᖁᒍᓐᓇᐅᑎᖃᕐᓗᓂᐊᐅᓚᒍᓐᓇᓗᓂ. 

ᖃᓄᐃᓕᖓᓂᖏᑦ ᐊᒻᒪᓗ ᐃᑲᔪᕐᓯᒍᑎᖏᑦ

ᑮᓇᐅᑦᔭᓵᖏᑦ:  ᐱᒋᐊᕐᓱᑎᒃ  $883.75-ᓂᒃ  $1,582.70-ᓄᑦ  ᑎᑭᑦᑐᑦ  35-ᓂᒃ  ᑲᐃᕙᓪᓚᒍᓯᓂᒃ
ᐅᖓᓯᑦᑐᒥᐅᖑᓂᕐᒧᑦ:  $226.39   ᐅᕝᕙᓘᓃᑦ  $399.10 / ᐱᓇᓱᐊᕈᓯᑕᒫᑦ ᐃᓚᖃᕐᓂᖓ  ᒪᓕᓪᓗᒍ
ᐅᓯᓄᑦ  ᐃᑲᔪᕐᑕᐅᒍᑏᑦ:  $94.65 /ᐱᓇᓱᐊᕈᓯᑕᒫᑦ  ᐅᓄᕐᓂᓴᓂᓪᓘᓃᑦ  ᐃᓚᖃᕐᓂᖓ  ᒪᓕᓪᓗᒍ
ᐱᓇᓱᒐᕐᒥ ᐊᑕᑯᑖᑦᑎᓯᒐᓱᐊᕈᑏᑦ: $134.15/ᐱᓇᓱᐊᕈᓯᑕᒫᑦ

 
 ᐱᓇᓱᑦᑎᑖᖑᔪᖅ  ᑯᐸᐃᒻᒥᐅᖑᒍᓂ  50-ᓂᒃ  ᑭᓛᒥᑕᓂᒃ  ᐅᖓᓯᓐᓂᖃᑎᓗᒍ  ᓄᓇᖓ ᐊᓂᕐᕋᑲᐃᓐᓇᖃᑦᑕᓂᕐᒧᑦ  ᖃᖓᑦᑕᐅᓯᕐᑕᐅᖃᑦᑕᕋᔭᕐᑐᖅ ᐃᓪᓗᖃᕐᑎᑕᐅᓗᓂᓗ,  (ᑐᔪᕐᒥᐅᕕᒻᒦᓗᓂᓘᓐᓃᑦ  ᐊᓂᕐᕋᒥᐅᖃᑎᖃᕐᓗᓂᓘᓐᓃᑦ  ᐊᓯᒥᓂᒃ  ᕆᐊᖃᕈᓂ)

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ

ᐱᓇᓱᒐᕐᑖᕈᒪᐅᑎᑎᑦ  ᐊᐅᓪᓚᑎᓪᓗᒋᑦ  ᐅᕗᖓᖃᕆᑕᐅᔭᒃᑯᑦ: emploi.cstu@ssss.gouv.qc.ca

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment