1 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᑐᖅ ᐱᓇᓱᑦᑏᑦ ᐱᓇᓱᖃᑎᒌᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐱᓇᓱᑦᑏᑦ ᐃᓚᐅᒍᑎᖃᖕᖏᑐᖅ

ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂ ᐊᓪᓚᓯᒪᔪᓕᕆᔨᒃ

ᐃᓅᓕᑦᓯᕕᒃᐋᓐᓂᐊᕕᒃ, S[3ig6
07-12-2018

ᐃᓅᓕᑦᓯᕕᒃ ᐋᓐᓂᐊᕕᖓ, ᐱᓇᓱᑦᑎᓕᒃ 900 ᐅᖓᑖᓂᑦᑐᓂᑦ, ᐃᓚᐅᑦᓱᓂ ᑯᐯᒃᒥ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᕕᖓᓄᑦ ᓄᓇᕕᐅᑉ ᓄᓇᖁᑎᖓᓂ. ᐱᒍᑦᔨᔪᖅ ᓯᕗᓪᓕᖏᓐᓂᑦ ᑐᑭᓕᕇᑦᑐᓂ ᐃᓗᓯᓕᕆᕐᒥ ᐃᓄᓕᕆᓂᕐᒥᓗ ᐱᒍᑦᔨᒍᑎᓂᑦ ᐃᓄᖁᑎᖏᓐᓂᑦ ᑕᓯᐅᔭᕐᔪᐊᒥᐅᓂᑦ. ᐃᓄᐃᑦ ᐃᓄᖁᑎᖏᑦ ᓄᓇᓕᓐᓂ ᓯᑕᒪᐅᔪᖕᖏᒐᕐᑐᓂᑦᑐᑦ ᑕᓯᐅᔭᕐᔪᐊᑉ ᓯᓈᖓᓂ ᑰᑦᔪᐊᕌᐱᒻᒥᑦ ᓴᓪᓗᓄᑦ.

ᐊᖓᔪᕐᖄᖃᕐᓗᓂ DPHSᒥᑦ, ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕆᔨᒃ ᑲᒪᒋᔭᑦᓴᖃᓂᐊᕐᑐᖅ ᐊᓪᓚᑕᐅᒪᒍᑎᖏᓐᓂᑦ, ᑭᓯᑦᓯᒍᑎᖏᓐᓂᑦ ᐊᓪᓚᑕᐅᒪᔪᑦ, ᖃᓄᕐᓗᐊᑎᒋᒃ ᖃᓄᐃᓗᕈᑎᐅᔪᓂᓗ ᐊᓪᓚᑕᐅᒪᔪᓂᑦ ᕿᒥᕐᕈᔨᐅᓗᓂ, ᑲᔪᓯᓕᕐᑎᓯᓗᓂ ᐱᖁᔭᓂᑦᑐᓂᑦ ᐅᖃᔭᐅᑎᖃᕆᐊᖃᖕᖏᓂᕐᒧᑦ ᐊᓪᓚᑕᐅᒪᔪᑦ ᐃᓗᓕᖏᓐᓂᑦᑐᓂᑦ. ᑖᓐᓇ ᓄᐃᑦᓯᖃᑦᑕᓂᐊᕐᒥᔪᖅ, ᑲᓱᕐᑐᐃᓗᓂ, ᕿᒥᕐᕈᓗᓂ ᑐᑭᓯᓇᕐᑎᓯᓗᓂᓗ ᑭᓯᑕᐅᒪᒍᑎᓂᑦ. ᑖᓐᓇ ᐱᓇᓱᖃᑎᖃᕐᓂᐊᑐᖅ ᐱᓇᓱᑦᑎᒪᕆᓂᑦ ᐱᓇᓱᖃᑎᒌᑦᑐᓂᑦ ᐃᓕᓐᓂᐊᑎᑦᓯᖃᑦᑕᓂᐊᕐᓱᓂ ᕿᒥᕐᕈᒋᐊᓪᓛᓗᓂᓗ ᑐᕌᒐᐅᔪᓂᑦ ᒪᓕᑦᑕᐅᒋᐊᓕᓐᓂᑦ ᐊᓪᓚᓯᒪᔪᖕᖑᑎᑕᐅᒪᒧᓂᑦ.

ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕆᔨᒃ ᓄᐃᑕᑎᑦᓯᓯᐊᕆᐊᓕᒃ ᐅᓇᒻᒥᒋᔭᖃᕐᓂᒥᓂᒃ ᐋᓐᓂᐊᓯᐅᕆᓂᕐᒧᑦ ᐃᓅᖃᑎᒌᓄᓕᖓᔪᓂᓗ ᓱᑯᐃᔦᓂᕐᓄᓕᖓᔪᓂᑦ, ᖃᐅᔨᒪᓪᓚᕆᓗᓂ ᖃᕆᑕᐅᔭᑎᒍᑦ ᐃᑲᔪᕐᓯᒍᑎᓂᑦ, ᓄᑖᓂᑦ ᖃᕆᑕᐅᔭᓄᓕᖓᔪᓂᑦ ᐊᑐᓯᒍᓐᓇᓗᓂ, ᐋᕐᕿᒋᐊᕈᓐᓇᓗᓂ ᐱᓇᓱᕝᕕᒥᓂ ᐃᓂᓪᓚᖓᒍᓯᖓᓄᑦ, ᐊᐅᓚᑦᓯᓯᐊᖁᓐᓇᓗᓂ ᐱᒻᒪᕆᖁᑎᒋᔭᐅᔪᓂᑦ, ᐅᖄᒍᓐᓇᓯᐊᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᑐᑭᓯᒪᖃᑎᒌᓐᓂᓄᑦ, ᐅᖃᔭᑦᑎᐅᒍᓐᓀᓗᓂ (ᓲᓱᑦᓴᓯᓗᓂ ᐅᖃᔭᐅᑎᐅᒋᐊᖃᖕᖏᑐᓂᑦ), ᐃᓱᒪᒐᓱᐊᑦᓯᐊᓱᖑᓗᓂ, ᐱᓇᓱᖃᑎᒥᓂᑦ ᐱᓇᓱᖃᑎᖃᑦᓯᐊᕈᓐᓇᓗᓂ, ᕿᒥᕐᕈᒍᓐᓇᓯᐊᕐᓗᓂ ᑲᓱᕐᑐᐃᒍᓐᓇᓯᐊᕐᓗᓂᓗ, ᐃᒻᒥᓂᕿᒍᓐᓇᓗᓂ, ᐃᑉᐱᒋᔭᖃᑦᓯᐊᓗᓂ ᐃᓗᓕᖏᓐᓂᑦ, ᐊᒻᒪᓗ ᐱᓇᓱᑦᑕᒥᓂᒃ ᓵᖕᖓᓯᑦᓯᐊᕈᓐᓇᓗᓂ ᐊᒻᒪᓗ ᐃᑉᐱᒍᓱᒍᓐᓇᓯᐊᕐᓗᓂ.

ᐱᒍᓐᓇᕆᐊᓕᖏᑦ

ᐃᓕᓐᓂᐊᕕᒻᒪᕆᒥ ᐃᓕᑕᕆᔭᐅᒍᑎᑖᕐᓯᒪᓗᓂ ᐋᓐᓂᐊᓯᐅᕆᓂᕐᓄᑦ ᐊᓪᓚᓯᒪᓕᕆᓂᕐᒥᒃ, ᐱᔭᕆᕈᑎᕐᓯᒪᓗᓂ ᐋᓐᓂᐊᓯᐅᕆᒍᑎᓂᑦ ᐊᓪᓚᓯᒪᔪᓕᕆᓂᕐᒥᒃ ᐃᓕᓐᓂᐊᕕᒻᒥ ᐃᓕᑕᕆᔭᐅᔪᒥ ᑐᕐᖃᑕᕐᕕᖓᓄᑦ ᐃᓕᓐᓂᐊᓂᓕᕆᓂᕐᒥ ᐅᕝᕙᓗᓐᓃᑦ ᐱᔭᕆᕈᑎᑖᕐᓯᒪᓗᓂ ᐃᓕᑕᕆᔭᐅᔪᒥᒃ ᑯᐯᒃᒥ ᐋᓐᓂᐊᓯᐅᕆᒍᑏᑦ ᐊᓪᓚᓯᒪᔪᓕᕆᓂᕐᒥ ᐅᕝᕙᓗᓐᓃᑦ ᑲᓇᑕᒥ ᐃᓕᓐᓂᐊᕕᒻᒪᕆᖓ ᐃᓗᓯᓕᕆᓂᕐᒥ ᐊᓪᓚᑕᐅᒪᒍᑏᑦ ᐊᐅᓚᑦᓯᕕᖏᓐᓂᑦ. ᒪᕐᕉᓂᒃ ᐅᖃᐅᓰᓐᓂᒃ ᐅᖄᒍᓐᓇᕈᓂ ᐱᐅᔪᒐᔭᕐᑐᖅ

ᐱᒍᑦᔨᒍᑏᑦ ᓇᐅᓕᒫᓂᒃ

  1. ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕆᔨᒃ ᑲᒪᒍᓐᓇᓯᐊᕆᐊᓕᒃ ᐊᓪᓚᓯᒪᔪᓕᐊᕕᓂᕐᓂᑦ ᑲᑐᑦᔨᖃᑎᒌᑦᑐᑦ ᐊᐅᓚᑕᐅᓂᖏᓐᓂᑦ ᑐᑭᓯᒪᒍᑎᐅᔪᑦ ᐃᓗᓯᓕᕆᓂᕐᒥᒧᓕᖓᔪᓂᑦ ᑯᐯᒃᒥ (Association des gestionnaires de l'informaiton sur la sante du Quebec), ᐱᓗᐊᕐᑐᒥᒃ ᑐᑭᓯᒋᐊᕐᕕᐅᒍᓐᓇᑐᑦ ᐊᒻᒪᓗ ᑐᑭᓯᒪᔭᐅᑎᑦᓯᓂᕐᒧᑦ ᖃᐅᔨᒪᔭᐅᒋᐊᓕᓐᓂᑦ.
  2. ᑖᓐᓇ ᖃᐅᔨᒪᑦᓯᐊᕆᓕᒃ ᖃᓄᐃᑦᑐᓂᖏᓐᓂᑦ, ᒪᓕᒐᕐᓂᑦ ᐱᖁᔭᓂᓗ ᐊᐅᓚᑦᓯᒍᓯᐅᔪᓂᑦ ᑐᑭᓯᒋᐊᕐᕕᐅᒍᓐᓇᑐᓂᑦ ᑐᑭᓯᒪᔭᐅᑎᑦᓯᓂᕐᓄᓗ ᖃᐅᔨᒪᔭᐅᒋᐊᓕᓐᓂᑦ ᑲᔪᓯᓕᕐᑎᓯᓗᓂᓗ.
  3. ᑖᓐᓇ ᑐᑭᓯᑎᑦᓯᒍᓐᓇᓯᐊᕆᐊᓕᒃ ᓇᐅᓕᒫᓂᑦ ᐱᒍᓐᓇᐅᑎᖏᓐᓂᑦ ᓴᐳᒻᒥᔭᐅᒋᐊᖃᕐᓂᒧᓕᖓᔪᓂᑦ ᐃᓄᑦᑕᖓᓄᓕᖓᔪᓂᑦ ᑐᑭᓯᒪᒍᑎᐅᔪᓂᑦ ᐊᒻᒪᓗ ᑎᒥᒧᓕᖓᔪᓂᑦ-ᐃᓱᒪᒧᓕᖓᔪᓂᑦ-ᐃᓅᖃᑎᒌᓄᓕᖓᔪᓂᓗ ᑐᑭᓯᒪᒍᑎᐅᔪᓂᑦ.
  4. ᑖᓐᓇ ᐃᑲᔪᕐᓯᒍᓐᓇᕆᐊᓕᒃ ᓇᐅᓕᒫᓂᒃ ᑐᑭᓯᓇᑦᓯᐊᑐᓂᑦ ᑐᑦᓯᕋᕈᑎᓕᐅᕐᓂᖏᓐᓂᑦ ᓈᒻᒪᓈᑦᓯᐊᑐᑎᓗᒋᓗ.
  5. ᑖᓐᓇ ᐅᖄᒍᑦᔨᒍᓐᓇᕆᐊᓕᒃ ᐃᓚᐅᔪᐃᑦ ᐃᓗᓯᓕᕆᔭᐅᓂᕐᒥ ᐊᓪᓚᑕᐅᒪᒍᑎᖏᓐᓂᑦ ᐃᕐᖃᑐᐃᕕᐅᑉ ᓵᖓᓂ ᐱᒍᑦᔨᓗᓂ ᐋᓐᓂᐊᕕᒻᒥᒃ.
  6. ᑖᓐᓇ ᑲᒪᒋᔭᖃᑦᓯᐊᕈᓐᓇᕆᐊᓕᒃ ᕿᓄᕕᐅᒍᓂᑦ.
ᐊᐅᓚᑕᐅᓂᖏᑦ ᐋᓐᓂᐊᓯᐅᕆᓂᕐᒥ ᐊᓪᓚᑕᐅᒪᒍᑎᖏᑦ
  1. ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕆᔨᒃ ᐃᑲᔪᕐᓯᓂᐊᕐᑐᖅ ᓄᐃᑦᓯᓗᑎᑦ ᑕᑕᕐᓴᒐᕐᓂᑦ ᑐᑦᓯᕋᒍᑎᓂᑦ ᐃᓚᐅᔪᑦ ᐃᓗᓯᓕᕆᔭᐅᒍᑎᖏᓐᓂᑦ ᐊᓪᓚᑕᐅᒪᒍᑎᖏᓐᓂᑦ ᐃᑉᐱᒋᔭᖃᕐᓗᑎᑦ ᓱᓇᓂ ᐱᒐᓱᓐᓂᖏᓐᓂᑦ ᐊᑐᓂ ᐱᒍᑦᔨᔨᐅᔪᑦ ᐊᓪᓚᑕᐅᒪᒍᑎᓂᑦ ᐱᒐᓱᑦᑐᑦ.
  2. ᑖᓐᓇ ᖃᐅᔨᒪᑦᓯᐊᕆᐊᓕᒃ ᒪᓕᒐᖏᓐᓂᑦ ᓄᐃᑕᐅᓂᖏᓐᓄᑦ ᐊᑎᕐᑕᓕᓐᓂᑦ ᐊᓪᓚᓯᒪᔪᑦ.
  3. ᑖᓐᓇ ᐱᖁᔭᓕᐅᖃᑕᐅᓂᐊᕐᑐᖅ ᖃᓄᐃᓗᕈᓯᓕᐅᖃᑕᐅᓗᓂᓗ ᓴᓇᔭᐅᓂᖏᓐᓂᑦ ᐃᓗᓯᓕᕆᓂᕐᒥ ᐊᓪᓚᑕᐅᒪᒍᑎᓂᑦ.
  4. ᑖᓐᓇ ᖃᐅᔨᒪᒋᐊᓕᒃ ᖃᓄᐃᓗᕈᑎᐅᓲᓂᑦ ᐊᑦᔨᒌᖕᖏᑐᓂᑦ ᐊᓪᓚᓯᒪᔪᑦ ᐃᓂᒋᒋᐊᓕᖏᓐᓄᔦᓂᕐᒥᒃ ᐋᕐᕿᒋᐊᕈᓐᓇᓗᓂᓗ ᑭᖕᖑᒪᒋᔭᐅᔪᑦ ᒪᓕᓪᓗᒋᑦ.
  5. ᑖᓐᓇ ᓲᓱᑦᓴᓯᐊᕈᓐᓇᕆᐊᓕᒃ ᖃᖓᓪᓗᐊᑎᒋᒃ ᐱᐅᓕᐊᕐᑕᐅᒍᓐᓇᓂᖏᓐᓂᑦ ᐊᓪᓚᑕᐅᒪᒍᑏᑦ ᒪᓕᓪᓗᑎᑦ ᐱᖁᔭᑎᒍᑦ ᐊᐅᓚᑦᓯᓂᑎᒍᓪᓗ ᑭᖕᖑᒪᒋᔭᐅᔪᓂᑦ ᒪᓕᓪᓗᓂᓗ ᐱᐅᓕᐊᕐᑕᐅᒋᐊᓖᑦ ᐃᓱᓕᕝᕕᓴᖏᓐᓂᑦ.
ᑐᑭᓯᒪᔭᐅᒋᐊᓕᓐᓂᑦ ᑲᒪᒋᔭᖃᕐᓂᖅ
  1. ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕿᔨᒃ ᖃᐅᔨᒪᒋᐊᓕᒃ ᐊᑦᔨᒋᖕᖏᑐᓂᑦ ᖃᐅᔨᓴᕐᓂᒧᑦ ᓄᐊᑕᐅᒪᔪᓂᑦ ᐊᒻᒪᓗ ᑲᒪᒋᓗᒋᑦ.
  2. ᑖᓐᓇ ᕿᒥᕐᕈᒍᓐᓇᕆᐊᓕᒃ ᐃᓚᐅᔪᑦ ᐃᓗᓯᓕᕆᔭᐅᓂᕐᒧᑦ ᐊᓪᓚᑕᐅᒪᒍᑎᖏᓐᓂᑦ ᒪᓕᑦᑕᐅᓯᐊᕋᓗᐊᕐᒪᖔᑕ ᒪᓕᒐᖏᑦ ᑲᑐᑦᔨᖃᑎᒌᑦᑐᑦ ᐱᓇᓱᑦᑎᒪᕇᑦ ᐋᓐᓂᐊᓯᐅᕐᑏᑦ ᑯᐯᒃᒥ, ᐃᓕᑕᕆᔭᐅᒍᑎᖏᑦ ᑲᓇᑕᒥ, ᐊᑦᔨᒌᖕᖏᑐᑦ ᖃᓄᐃᓕᖓᒍᓯᐅᔪᑦ ᒪᓕᒉᓪᓗ, ᐊᒻᒪᓗ ᐱᒍᑦᔨᕕᐅᑉ ᐃᓗᐊᓂ ᐱᖁᔭᖏᓐᓂᑦ.
  3. ᑖᓐᓇ ᖃᐅᔨᒪᑦᓯᐊᒪᕆᒋᐊᓕᒃ ᑐᑭᖏᓐᓂᑦ ᐅᖃᐅᓰᑦ ᐊᑐᕐᑕᐅᔪᑦ.
  4. ᑖᓐᓇ ᓇᓗᓀᕐᓯᒍᓐᓇᕆᐊᓕᒃ ᑭᓯᑦᓯᒍᑎᓕᐅᕐᓗᓂᓗ ᓄᐊᑕᐅᒪᔪᓂᑦ ᐸᕐᓀᓂᕐᒧᑦ, ᕿᒥᕐᕈᒋᐊᓪᓛᓂᕐᒧᑦ, ᐃᓕᓐᓂᐊᑎᑦᓯᓂᕐᒧᑦ ᖃᐅᔨᓴᕐᓂᒧᓗ.
  5. ᑖᓐᓇ ᖃᐅᔨᒪᒋᐊᓕᒃ ᐊᑦᔨᒌᖕᖏᑐᓂᑦ ᑲᒪᒍᓯᕐᓂᑦ ᐊᑐᕈᓐᓇᓯᐊᕐᓗᓂ ᓇᓗᓀᕐᓯᒍᑎᓂᑦ ᐋᓐᓂᐊᓂᑦ, ᐱᓚᑦᑐᐃᓂᕐᓂᑦ, ᐊᒻᒪᓗ ᖃᐅᔨᒍᑎᓂᑦ ᓱᓇᓂᒃ ᖃᓄᐃᒍᑎᐅᔪᓂᑦ ᐊᒻᒪᓗ ᐋᓐᓂᐊᓯᐅᕆᒍᑎᓂᑦ.
  6. ᑖᓐᓇ ᑐᑭᓯᒪᒋᐊᓕᒃ ᖃᐅᔨᒪᓗᓂᓗ ᑲᒪᒋᔭᖃᕈᓐᓇᓗᓂ ᐋᓐᓂᐊᓯᐅᕆᓂᕐᓄᓕᖓᔪᓂᑦ-ᐊᐅᓚᑕᐅᒍᓯᖏᓐᓂᑦ ᐊᓪᓚᑕᐅᒪᒍᑎᓂᑦ ᐱᒍᑦᔨᕕᒻᒥ ᐊᐅᓚᑦᓯᒍᓯᖏᓐᓂᑦ ᐋᓐᓂᐊᕕᒻᒥ ᐊᒻᒪᓗ ᓯᓚᑖᓂ ᑎᒥᐅᔪᐃᑦ.

ᐃᓚᐅᓗᓂ ᑲᑎᖕᖓᔨᓄᑦ ᖃᐅᔨᓴᕐᓂᓂᓗ
  1. ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕆᔨᒃ ᓇᓗᓀᕐᓯᒍᓐᓇᕆᐊᓕᒃ ᑲᒪᒋᔭᖃᕐᓗᓂᓗ ᑐᑭᓯᒪᔭᐅᒋᐊᓕᓐᓂᑦ ᑲᑎᖕᖓᔨᓄᑦ ᖃᐅᔨᓴᕐᑎᓄᓗ.
  2. ᑖᓐᓇ ᖃᐅᔨᒪᒋᐊᓕᒃ ᓇᓂ ᖃᓄᕐᓗ ᕿᓂᕈᓐᓇᒪᖔᕐᒥ ᐊᑐᐃᓐᓇᐅᔪᓂᑦ ᑐᑭᓯᒪᔭᐅᒋᐊᓕᓐᓂᑦ ᑲᒪᒍᑎᐅᒐᔭᕐᑐᓂᑦ ᑭᖕᖑᒪᒋᔭᐅᔪᓂᑦ.
  3. ᑖᓐᓇ ᑐᑭᓯᑦᓯᐊᕆᐊᓕᒃ ᐊᑦᔨᒌᖕᖏᑐᓂᑦ ᖃᐅᔨᓴᕐᓂᒥ ᑐᖕᖓᕕᖏᓐᓂᑦ.
  4. ᑖᓐᓇ ᐃᓚᐅᖃᑦᑕᓂᐊᕐᑐᖅ ᐋᓐᓂᐊᓯᐅᕆᓂᕐᒧᑦ ᖃᐅᔨᓴᕐᓂᓂᑦ ᑐᖕᖓᕕᖃᕐᓗᓂ ᒪᓕᑦᑕᐅᒋᐊᓕᓐᓂᑦ, ᐱᓇᓱᑦᑕᐅᔪᒥ ᖃᐅᔨᓴᕆᐊᓪᓛᓂᕐᒥ ᐱᒍᑦᔨᒍᑏᑦ ᐱᑦᓯᐊᕋᓗᐊᕐᒪᖔᑕ ᐊᒻᒪᓗ ᖃᓄᐃᓕᖓᓂᖏᓐᓂᑦ ᕿᒥᕐᕈᒍᓯᕐᓂᑦ ᐋᓐᓂᐊᕕᒻᒥᓂᐅᓲᓂᑦ.
  5. ᑖᓐᓇ ᖃᐅᔨᒪᑦᓯᐊᒪᕆᒋᐊᓕᒃ ᐃᓗᓕᖏᓐᓂᑦ ᖃᓄᐃᓗᕈᓯᕐᓂᑦ ᖃᓄᐃᓕᖓᓂᖏᓐᓂᓗ.
  6. ᑖᓐᓇ ᖃᐅᔨᓴᕐᓂᒥᒃ ᐱᒋᐊᕈᓐᓇᕆᐊᓕᒃ ᐊᑐᕐᓗᓂ ᐊᑦᔨᒌᖕᖏᑐᓂᑦ ᐱᓇᓱᓐᓂᒥ ᐃᑲᔪᕐᓯᒍᑎᓂᑦ ᐊᑐᐃᓐᓇᐅᔪᓂᑦ.

ᐱᓇᓱᑦᓯᒪᒋᐊᓕᒃ
  • ᐃᑭᓐᓂᐹᖃᕐᓗᓂ ᐊᕐᕌᒍᕐᓂ ᒪᕐᕈᓂᒃ ᐱᓇᓱᑦᓯᒪᓗᓂ ᐃᓄᐃᑦ ᐋᓐᓂᐊᓯᐅᕐᑕᐅᒍᑎᖏᓐᓂᑦ ᐊᓪᓚᓯᒪᔪᓕᕆᔨᐅᓂᕐᒥᒃ
  • ᐱᓇᓱᑦᑎᓯᒪᓪᓚᕆᓗᓂ ᑭᓯᑦᓯᒍᑎᑖᕐᑎᕆᓂᕐᒥ ᐱᐅᔪᒻᒪᕆᐅᒐᔭᕐᑐᖅ
ᖃᓄᐃᓕᖓᓂᖏᑦ ᐊᒻᒪᓗ ᐃᑲᔪᕐᓯᒍᑎᖏᑦ

  • ᒫᓐᓇᓯᐅᑎᒃ, ᐅᓪᓗᓕᒫᒥ ᐱᓇᓱᒐᖅ ᖃᓄᓪᓗᐊᑎᒋᒃ ᓯᕕᑐᓂᖃᓂᐊᕐᒪᖔᑦ ᓱᕐᖁᐃᑕᐅᖕᖏᑐᖅ
  • ᐃᑲᐅᕐᓂᑎᒍᑦ ᐋᕐᕿᓯᒪᔪᑦ ᒪᓕᑦᓱᑎᑦ ᐱᓇᓱᑦᑏᑦ ᐊᖏᖃᑎᒌᒍᑎᖓᓂᒃ, ᐊᑯᓐᓂᖏᓐᓂᒍᓐᓇᑐᑦ ᐅᑯᐊ $21.07ᓂᑦ $31.37ᓄᑦ
  • ᐅᓪᓗᑯᑦ ᐱᓇᓱᓪᓗᓂ (35 ᐃᑲᐅᕐᓃᑦ ᐱᓇᓱᐊᕈᓯᑕᒫᑦ)
  • ᓂᕿᓂᑦ ᑎᒻᒥᔪᒃᑯᑎᑦᓯᒍᑎᒃ $115.64 ᐱᓇᓱᐊᕈᓯᑕᒫᑦ
  • ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ $188.18 ᐱᓇᓱᐊᕈᓯᑕᒫᑦ
  • ᐱᓇᓱᑦᑎᐅᑯᑖᓐᓂᒧᑦ ᐃᑲᔪᕐᓯᒍᑏᑦ of $114.99 ᐱᓇᓱᐊᕈᓯᑕᒫᑦ
  •  ᐱᐅᒡᒍᑎᖃᕆᕐᑐᒥᒃ ᐃᓪᓗᖃᕐᑎᑕᐅᓗᓂ
  • ᑎᒻᒥᔪᒃᑯᕈᑎᖏᑦ ᐊᑭᓕᕐᑕᐅᔪᑦ ᐋᓐᓂᐊᕕᒻᒧᑦ
  • ᓅᒍᑎᖏᑦ ᐱᖁᑎᒥᓂᓗ ᐱᖁᑎᒃᑯᕕᒻᒥᑎᑦᓯᒍᑎᖏᑦ ᐊᑭᖏᑦ ᐅᑎᕐᑎᑕᐅᔪᑦ ᐋᓐᓂᐊᕕᒻᒧᑦ
*** ᐱᓇᓱᑦᑎᒪᕇᑦ ᐱᓇᓱᑦᑐᑦ ᐃᓗᓯᓕᕆᓂᕐᒥ ᐃᓗᓕᕆᓂᕐᒥᓗ ᐱᒍᑦᔨᕕᖓᓂ ᐱᓇᓱᒐᕐᒥᓂ ᑮᓇᐅᑦᔭᓴᖕᖏᓗᑎᑦ ᕿᑲᓚᐅᕐᑐᒍᒪᕈᓐᓇᖁᑦ ᐅᑭᐅᕐᑕᑐᒥ ᐱᓇᓱᓪᓗᑎᑦ (ᑕᕐᕿᓄᑦ 48ᓄᑦ) ᐱᓇᓱᓪᓗᑎᑦ ᓄᓇᕕᒻᒥ ***

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

ᐊᓪᓚᕕᐅᓗᓂ ᑐᓴᕐᑎᓯAti5

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ www.krg.ca/iu/careers