18 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᑫᕙᓪᓚᒍᓰᑦ ᓄᐊᓯᒪᔪᑦ

ᐃᑉᐱᒍᓱᑦᑎ

ᐱᒍᑦᔨᕕᖓ ᐋᓐᓂᐊᓯᐅᕐᑏᑦ, ᑰᑦᔪᐊᖅ
27-01-2020

I.  ᐱᓇᓱᒐᑦᓴᐅᑉ ᓱᓇᐅᓂᖓ

ᐃᑉᐱᒍᓱᑦᑎᓴᐅᑉ ᐱᓇᓱᒐᑦᓴᖏᑦ:

  • ᐃᑉᐱᒋᔭᖃᕐᓗᓂ ᒪᒥᓴᕆᐊᕐᑐᓯᒪᔪᑦ ᐊᑦᑕᓀᑦᑐᒦᑦᓯᐊᒪᖔᑕ ᐅᓐᓄᓴᒃᑯᑦ ᐱᓇᓱᐊᕈᓯᐅᓪᓗ ᓄᖕᖑᐊᓂ ᐱᓇᓱᑦᑏᑦ ᐊᓯᖏᑦ ᒪᒥᓴᕐᕕᒦᑦᑎᓇᒋᑦ;
  • ᒪᒥᓴᕆᐊᕐᑐᓯᒪᔪᓂᒃ ᐃᑲᔪᖃᑦᑕᓂᐊᕋᓂ ᐅᖄᕕᑦᓴᖃᕈᒪᔪᓂᒃ ᑭᓯᐊᓂ ᐃᑉᐱᒋᔭᖃᕐᓗᓂ ᑐᑭᓯᒪᔭᐅᒋᐊᓖᑦ ᑐᓴᐅᒪᒋᐊᓕᓐᓄᑦ ᐱᓇᓱᑦᑎᓄᑦ ᑐᓴᕐᑕᐅᓯᐊᖃᑦᑕᒪᖔᑕ.

II.  ᐱᓇᓱᒐᑦᓴᐅᑉ ᐱᑦᔪᑎᖓ

ᐊᖓᔪᕐᖄᖃᕐᓗᓂ ᒪᒥᓴᕐᓂᓕᕆᓂᕐᒥᒃ ᑲᒪᔨᒥᒃ, ᐃᑉᐱᒍᓱᑦᑎ ᑲᒪᒋᔭᑦᓴᖃᕐᐳᖅ ᒪᒥᓴᕐᕕᒥᒃ ᒪᒥᓴᕆᐊᕐᑐᓯᒪᔪᓂᓪᓗ ᐅᓐᓄᓴᒃᑯᑦ ᐱᓇᓱᐊᕈᓯᐅᓪᓗ ᓄᖕᖑᐊᓂ ᐱᓇᓱᐊᖃᑦᑕᓗᓂ.  

III. ᐱᓇᓱᐊᕋᑦᓴᖏᑦ ᑲᒪᒋᔭᑦᓴᖏᓪᓗ

1. ᒪᒥᓴᕆᐊᕐᑐᓯᒪᔪᑦ
  • ᑐᖕᖓᓱᑦᑎᓯᓗᓂ ᒪᒥᓴᕆᐊᕐᑐᓯᒪᔪᓂᒃ ᐃᑉᐱᒍᓱᑦᑎᐅᓂᕐᒥᒃ ᐱᓇᓱᑦᑏᑦ ᑐᖕᖓᓱᑦᑎᓯᓂᕐᒧᑦ ᖃᓄᐃᓘᕈᓯᖏᑎᒍᑦ;
  • ᐱᓇᓱᑦᑏᑦ ᐊᓯᖏᑦ ᐱᓇᓱᓯᑐᐊᕈᑎᒃ ᑐᓴᕐᑎᓯᒍᑎᓕᐊᕆᓲᖏᓐᓂᒃ ᓱᖏᐅᑎᓴᕐᓗᓂ ᓄᑕᐅᓯᓕᕐᑎᓯᐊᖃᑦᑕᓗᒋᑦ ᐱᓇᓱᑦᑏᑦ ᑕᒫᑦ ᐊᓯᖏᑦ ᐱᓇᓱᓯᑐᐊᕐᒥᐸᑕ;
  • ᓈᓚᖃᑦᑕᓗᓂ ᒪᒥᓴᕆᐊᕐᑐᓯᒪᔪᓂᒃ ᒪᒥᓴᕐᕕᒨᕐᐸᓕᐊᓂᕐᒥᓂᒃ ᓱᖏᐅᑎᓴᕐᑐᓂᒃ ᒋᐊᖃᕐᐸᓗ ᐅᖄᕕᑦᓴᕆᓲᖏᑦ ᒪᒥᓴᕆᐊᕐᑐᓯᒪᔪᑦ ᑐᓴᕐᑎᓯᐊᖃᑦᑕᓗᒋᑦ ᖃᓄᐃᑦᑐᒦᓐᓂᖏᓐᓂᒃ;
  • ᖃᐅᔨᒋᐊᕐᕕᖃᖃᑦᑕᓗᓂ ᐅᖄᕕᑦᓴᕆᔭᐅᓲᑦ ᓇᓪᓕᐊᓂᒃ ᐅᖄᓚᕕᒋᔭᐅᒋᐊᖃᕐᑐᓄᑦ ᐊᑐᐃᓐᓇᐅᔪᒥᒃ ᐅᐃᒪᓇᕐᓯᔪᖃᕐᓂᐸᑦ;
  • ᒪᒥᓴᕆᐊᕐᑐᓯᒪᔪᓂᒃ ᐄᕐᖃᒐᕐᑐᑎᑦᓯᖃᑦᑕᓗᓂ ᒪᓕᓪᓗᒋᑦ ᐄᕐᖃᒐᕐᑐᕆᐊᖃᕐᓂᒧᑦ ᖃᓄᐃᓘᕈᓰᑦ.
2.  ᒪᒥᓴᕐᕕᒥ
  • ᓇᓗᓀᕐᓯᓗᓂ ᒪᒥᓴᕆᐊᕐᑐᓯᒪᔪᑦ ᐱᔭᑦᓴᓕᒫᒥᓂᒃ ᐱᔭᕇᑦᓯᐊᖃᑦᑕᒪᖔᑕ;
  • Eᐃᑉᐱᒋᔭᖃᕐᓗᓂ ᒪᒥᓴᕆᐊᕐᑐᓯᒪᔪᑦ ᒪᓕᑦᓯᐊᒪᖔᑕ ᓇᔪᕐᑕᒥᑕ ᒪᓕᒐᖏᓐᓂᒃ ᐱᓇᓱᒍᑎᐅᔪᓂᓪᓗ ᐃᑲᔪᕐᑕᐅᓂᕐᒧᑦ;
  • ᑭᐅᖃᑦᑕᓗᓂ ᐅᖄᓚᐅᑎᒥᒃ ᐅᖄᓚᕕᐅᒍᒪᔪᒥᒃ ᖃᐅᔨᑎᑦᓯᖃᑦᑕᓗᓂ ᒋᐊᖃᕐᓂᐸᑦ;
  • ᐱᓇᓱᑦᑎᓕᒫᑦ ᑲᑎᒪᓂᖏᓐᓄᑦ ᐁᖃᑦᑕᓗᓂ;
  • ᒪᒥᓴᕆᐊᕐᑐᓯᒪᔪᓂᒃ ᒪᓕᖃᑦᑕᓗᓂ ᒪᒥᓴᕐᕕᐅᑉ ᐊᓯᐊᓄᑦ ᐁᓕᕐᐸᑕ;
  • ᒪᒥᓴᕐᕕᒃ ᐊᑦᑕᓀᑦᑐᓯᐊᒍᒻᒪᖔᑦ ᐃᑉᐱᒋᔭᖃᑦᓯᐊᓗᓂ (ᐸᓓᕈᑏᑦ (ᐊᑦᓱᖏᕈᑏᑦ), ᐅᒃᑯᐊᑦ, ᐃᒐᓛᑦ, ᐊᓪᓚᕖᑦ ᐊᓯᖏᓪᓗ);
  • ᐃᑉᐱᒋᔭᖃᑦᓯᐊᓗᓂ ᒪᒥᓴᕆᐊᕐᑐᓯᒪᔪᑦ ᐃᒐᓕᖓ ᐊᑦᑕᓀᑦᑐᓯᐊᒍᒻᒪᖔᑦ (ᑭᐊᑦᓴᐅᑎᒃ, ᓴᕖᑦ ᐊᓯᖏᓪᓗ);  
  • ᐃᑉᐱᒋᔭᖃᕐᓗᓂ ᐳᓛᕐᑐᖃᕆᐊᖃᖕᖏᒪᑦ ᒪᒥᓴᕐᕕᒧᑦ ᐳᓚᕋᕐᓇᐅᑎᓐᓇᒍ. ᐳᓛᕆᐊᕐᑐᑦ ᐳᓚᕋᕐᓇᐅᒍᓐᓀᓕᕐᑎᓗᒍ ᐊᖏᕐᑕᐅᖄᕐᓯᒪᒋᐊᓖᑦ ᒪᒥᓴᕐᓂᓕᕆᓂᕐᒥᒃ ᑲᒪᔨᒧᑦ; 
  • ᐊᓯᖏᓐᓂᒃ ᐱᓇᓱᐊᖃᑦᑕᓗᓂ ᑎᓕᔭᐅᒍᑎᒥᓂᒃ ᒪᒥᓴᕐᓂᓕᕆᓂᕐᒥᒃ ᑲᒪᔨᒧᑦ.
IV.  ᐱᒍᓐᓇᕆᐊᓕᖏᑦ

ᐃᓕᓴᕐᓯᒪᓂᖓ:
  • ᐳᕐᑐᓂᓴᒥᒃ ᐱᔭᕇᕈᑎᑖᕐᓯᒪᓗᓂ
ᐱᓇᓱᑦᓯᒪᔭᖏᑦ
  • ᐊᕐᕌᒍᓕᒫᒥ ᐊᕐᕌᒎᓐᓂᓘᓐᓃᑦ ᒪᕐᕉᓂᒃ ᐱᓇᓱᑦᓯᒪᓗᓂ  ᐱᓇᓱᒐᐅᑉ ᑖᑦᓱᒪ ᐊᑦᔨᑲᓵᖓᓂᒃ
ᐅᖃᐅᓯᖓ:
  • ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂᓗ ᐅᖄᒍᓐᓇᓗᓂᓗ ᐃᓄᒃᑎᑐᑦ ᖃᓪᓗᓈᑎᑐᓪᓗ.
ᖃᐅᔨᒪᒋᐊᓕᖏᑦ ᐱᒍᓐᓇᕆᐊᓕᖏᓪᓗ:
  • ᐃᓕᕐᖁᓯᖃᑎᒌᖏᑐᓂᒃ ᐱᓇᓱᖃᑎᖃᓕᓂᐅᓗᓂ ᐃᓅᖃᑎᖃᓕᓂᐅᓗᓂᓗ;
  • ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓗᓂ ᐱᓇᓱᖃᑎᖃᕐᓗᓂᓘᓐᓃᑦ ᐱᓇᓱᒍᓐᓇᓯᐊᕐᓗᓂ;
  • ᐱᓇᓱᒍᓐᓇᓗᓂ ᐱᓇᓱᓐᓂᒧᑦ ᐃᑲᐅᕐᓃᑦ ᓯᓚᑖᒍᑦ
  • ᖃᐅᔨᒪᓗᓂ ᖃᕆᑕᐅᔭᓕᕆᐅᑎᓂᒃ Microsoft Office suite of programs -ᓚᔭᐅᔪᓂᒃ ᖃᕆᑕᐅᔭᓕᕆᒍᓐᓇᓗᓂ; 
  • ᐱᓇᓱᒐᕐᑖᕋᓱᐊᕈᒪᔪᖅ ᐃᕐᖃᑐᕐᑕᐅᓚᐅᕐᓯᒪᓂᕐᒧᑦ ᐊᓪᓚᖁᑎᖃᕐᒪᖔᑦ ᖃᐅᔨᓴᕐᑕᐅᒍᒪᓂᕐᒥᒃ ᐊᖏᕈᑎᖃᕆᐊᓕᒃ.
VII. ᐱᓇᓱᕝᕕᒃ
  • ᐃᓱᐊᕐᓯᕕᒃ ᐱᕙᓪᓕᐊᔭᐅᓪᓚᕆᓐᓂᒦᑉᐳᖅ ᓴᖑᑎᕆᒍᓐᓇᕈᑕᐅᒋᐊᖃᕐᓱᓂ, ᕿᓄᐃᓵᕈᑕᐅᒋᐊᖃᕐᓱᓂ, ᓄᐃᑦᓯᓯᑎᐅᒍᑕᐅᒋᖃᕐᓱᓂ ᓱᖏᐅᑎᓴᖃᑦᑕᕈᑕᐅᒋᐊᖃᕐᓱᓂᓗ;
  • ᐱᓇᓱᑦᑎᐅᓚᖓᔪᖅ ᐊᑦᔨᒌᖕᖏᑐᓂᒃ ᐱᓇᓱᐊᖃᑦᑕᕆᐊᓕᒃ ᐅᐃᒪᓇᕐᑐᓂᓪᓗ ᑭᐅᒍᑎᖃᖃᑦᑕᓗᓂ ᒪᒥᓴᕆᐊᕐᑐᓯᒪᔪᓂᑦ, ᐱᓇᓱᑦᑎᓂᑦ ᐱᓇᓱᖃᑎᐅᔪᓂᓪᓗ;
  • ᐊᑐᐃᓐᓇᐅᒍᑎᖃᕆᐊᓕᒃ ᓇᒻᒥᓂᒃᑯᑦ ᐱᒐᓱᐊᒻᒪᕆᓐᓇᑑᖃᑦᑕᓚᖓᔪᓂᒃ ᐱᓇᓱᓐᓂᑯᓪᓗ ᑕᕐᕋᒥᐅᒍᓕᕈᓂ, ᐅᖓᓯᒋᔭᐅᔪᒦᓪᓗᓂ ᓄᓇᓕᒻᒥ ᐃᑲᔪᕐᑕᐅᕕᑦᓴᖃᑦᓯᐊᖏᑦᑐᒥ.
ᑮᓇᐅᑦᔭᓵᖏᑦ/ᐱᕙᓪᓕᖁᑎᑖᕐᕈᑎᖏᑦ
  • ᐱᓇᓱᓐᓂᒧᑦ ᒪᓕᖓᒋᑦ ᑐᖕᖓᕕᓖᑦ ᓄᓇᕕᒻᒥ ᐃᓗᓯᓕᕆᓂᕐᒥᒃ ᐱᒍᑦᔨᐅᑎᓂᒃ ᐱᓇᓱᖃᑎᒌᕝᕕᐅᔪᑦ ᒪᓕᒐᖏᓐᓂᒃ;
  • ᑮᓇᐅᑦᔭᓵᖏᑦ ᐋᕐᕿᓱᕐᑕᐅᓯᒪᓗᑎᒃ ᐱᒍᓐᓇᐅᑎᖏᑦ ᒪᓕᓪᓗᒋᑦ ᐱᓇᓱᑦᓯᒪᔭᖏᓪᓗ;
  • ᐃᓅᒐᓱᐊᕈᑎᑦᓴᓂᒃ ᐃᓚᖃᕐᒥᑎᓪᓗᒋᑦ ᐃᓱᐊᕐᓯᕕᒻᒥ ᐱᓇᓱᑦᑏᑦ ᐱᕙᓪᓕᖁᑎᑖᕐᑕᕆᓲᖏᓐᓂᒃ.
ᐱᒋᐊᕐᕕᓴᖓᑕ ᐅᓪᓗᖓ: ᑕᒪᓐᓇ ᐅᖃᐅᓯᐅᒋᐊᓕᒃ

ᐱᓇᓱᒐᐅᑉ ᓂᕕᖕᖓᑕᐅᓯᒪᓂᖓᑕ ᐃᓱᓕᕝᕕᓴᖓᑕ ᐅᓪᓗᖓ: ᓈᔪᐃᑦᑐᒃ

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ

ᐱᓇᓱᒐᕐᑖᕈᒪᐅᑏᑦ ᖃᕆᑕᐅᔭᒃᑯᑦ ᐊᐅᓪᓚᑎᓗᒍ ᓱᑲᑦᑐᑰᕐᑎᓯᒍᑎᒃᑯᓘᓐᓃᑦ ᑐᕌᕐᑎᓗᒍ ᐆᒧᖓ:

Abiola Boldon
Human Resources Manager
Isuarsivik Treatment Centre
P.O. Box 749
Kuujjuaq, QC.
J0M 1C0
 
Email: recruitment@isuarsivik.ca

ᖃᐅᔨᒪᒋᑦᓯ ᐊᐱᕐᓱᑕᐅᔪᑦᓭᑦ ᖃᐅᔨᑎᑕᑑᓛᕐᒪᑕ ᐊᐱᕐᓱᑕᐅᓂᕆᒋᐊᓕᒥᓂᒃ. ᓇᑯᕐᒦᕋᓗᐊᕐᑕᕗᑦ ᐅᓇᒻᒥᓱᑦᓯᒪᔪᑦ ᐱᓇᓱᒐᕐᒥᒃ.

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

ᐊᓪᓚᕕᐅᓗᓂ ᑐᓴᕐᑎᓯAti5

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ www.krg.ca/iu/careers