1 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᑫᕙᓪᓚᒍᓰᑦ ᓄᐊᓯᒪᔪᑦ

ᐋᓐᓂᐊᓯᐅᕐᓂᓄᐊᖓᔪᓂᒃ ᐃᑉᐱᒍᓱᑦᑎ

Isuarsivik Treatment Center, ᑰᑦᔪᐊᖅ
30-09-2022

ᐱᓇᓱᒐᐅᑉ ᖃᓄᐃᑦᑑᓂᖓ


ᐋᓐᓂᐊᓯᐅᕐᓂᓄᐊᖓᔪᓂᒃ ᐃᑉᐱᒍᓱᑦᑎ ᐱᓇᓱᐊᕐᓗᒋᑦ ᑭᓯᐊᓂᐅᔪᓂᒃ ᐃᒣᑦᑐᓂᒃ ᑲᒪᒋᐊᖃᕐᐳᖅ:

  • ᐃᑲᔪᕐᓯᒪᔨᐅᓗᓂ ᐱᐅᓯᕙᓪᓕᐊᓂᖏᓐᓂᒃ ᐋᓐᓂᐊᓯᐅᕐᓂᓄᐊᖓᔪᓂᒃ ᑭᒡᒐᑐᕈᑏᑦ ᒪᓂᔨᓯᒪᖏᑦᑕ ᐃᓱᐊᕐᓯᕕᐅᑉ.
  • ᐃᑲᔪᕐᓯᒪᔨᐅᓗᓂ ᐱᓇᓱᑦᑎᒪᕇᑦ ᐱᕙᓪᓕᐊᓂᖏᓐᓂᒃ ᐅᑯᓂᖓ ᐱᑦᔪᑎᓕᓐᓂᒃ ᐱᓇᓱᑦᑎᓂᒃ ᒪᒥᑉᐸᓕᐊᓂᖅ, ᐃᓄᐃᑦ ᐱᐅᓯᖏᑦ ᐊᒻᒪᓗ ᑲᔪᓯᔪᓂᒃ ᑲᒪᒋᔭᖃᕐᓂᓄᑦ ᑭᒡᒐᑐᕈᑏᑦ.

 

ᐱᓇᓱᒐᐅᑉ ᐱᑦᔪᑎᖓ 


ᐊᖓᔪᕐᖄᖃᕐᓗᓂ ᐱᓇᓱᐊᕈᑦᔨᐅᑏᑦ ᑲᒪᔨᒻᒪᕆᖓᓂᒃ, ᐋᓐᓂᐊᓯᐅᕐᓂᓄᐊᖓᔪᓂᒃ ᐃᑉᐱᒍᓱᑦᑎ ᑲᒪᒋᔭᖃᕆᐊᓕᒃ ᐃᑲᔪᕐᓯᒪᓂᕐᒥᒃ ᐱᐅᓯᐅᒥᕙᓪᓕᐊᓂᖏᓐᓂᒃ ᐋᓐᓂᐊᓯᐅᕐᓂᓄᐊᖓᔪᓂᒃ ᑭᒡᒐᑐᕈᑎᓂᒃ ᒪᓂᓯᒪᔭᖏᓐᓂᒃ ᐃᓱᐊᕐᓯ'ᕕᐅᑉ ᐊᒻᒪᓗ ᐃᑲᔪᕐᓯᒪᓂᕐᓄᑦ ᐱᓇᓱᐊᕈᑦᔨᐅᑎᒥᒃ ᑭᒡᒐᑐᕐᑏᑦ ᐱᓇᓱᐊᖃᑎᒌᑦ.
 

ᐱᓇᓱᐊᕆᐊᓕᖏᑦ ᐊᒻᒪᓗ ᑲᒪᒋᒋᐊᓕᖏᑦ


ᐊᐅᓚᑦᓯᓂᖅ (ᒪᒥᑉᐸᓕᐊᓂᕐᓂᒃ, ᑲᔪᓯᔪᓂᒃ ᑲᒪᒋᔭᖃᕐᓂᓂᒃ ᐊᒻᒪᓗ ᐃᓄᐃᑦ ᐱᐅᓯᖏᓐᓄᐊᓕᖓᔪᓂᒃ ᐱᓇᓱᕝᕖᑦ ᐃᓕᒃᑰᑎᕐᑐᑦ)

ᐅᖄᒍᑎᒃᑯᑦ ᑲᑎᒪᓂᑎᒍᑦ ᐊᒻᒪᓗ ᐱᓇᓱᕝᕕᓕᐊᓕᐅᒥᔮᕐᐸᓗᓂ, ᓯᕗᓪᓕᐹᒥ ᑎᓕᔭᐅᒪᒍᑎᓕᒃ ᐋᓐᓂᐊᓯᐅᕐᓂᓕᕆᓂᑎᒍᑦ ᐃᑉᐱᒍᓱᑦᑎ ᒪᑯᓂᖓ:

  • ᒪᓂᔨᓯᒪᔨᐅᓗᓂ ᐋᓐᓂᐊᓯᐅᕐᓂᓕᕆᓂᑎᒍᑦ ᑕᓯᐅᕐᓯᓯᒪᓂᕐᒥᒃ/ᐃᑲᔪᕐᓯᒪᓂᕐᒥᒃ ᐋᓐᓂᐊᓯᐅᑎᓄᑦ ᐱᓇᓱᑦᑎᓄᑦ.
  • ᐃᑲᔪᕐᓯᒪᔨᐅᓗᓂ ᑕᓯᐅᕐᓯᓯᒪᔨᓂᒃ ᐋᕐᕿᓱᐃᑎᓗᒋᑦ ᑲᒪᒋᔭᖃᓚᖓᓂᕐᒧᑦ ᐸᕐᓀᒍᑎᓂᒃ.
  • ᐃᑉᐱᒍᓱᑦᑎᐅᓗᓂ ᖃᐅᔨᓴᕐᑕᐅᓂᖏᓐᓂᒃ ᐊᒻᒪᓗ ᖃᓄᐃᓕᒋᐊᕈᑎᑦᓴᓂᒃ ᑐᖕᖓᕕᐅᑎᓗᒋᑦ ᐱᕙᓪᓖᒍᓐᓇᓂᕐᐸᐅᑎᓗᒋᑦ ᐊᑐᕐᑕᐅᓲᓂᒃ.
  • ᐃᑲᔪᕐᓯᒪᔨᐅᓗᓂ ᐱᓇᓱᑦᑎᒪᕆᖕᖑᐸᓪᓕᐊᓂᕐᒧᑦ ᐱᕙᓪᓕᐊᒍᑎᖏᓐᓂᒃ ᐋᓐᓂᐊᓯᐅᑏᑦ ᐱᓇᓱᑦᑏᑦ.
  • ᕿᒥᕐᕈᐸᓪᓗᓂ ᑭᒡᒐᑐᕈᑎᖏᓐᓂᒃ ᒪᓂᔭᐅᓯᒪᔪᓂᒃ ᐃᓕᒃᑰᑎᕐᑐᓄᑦ ᐱᓇᓱᕝᕕᓄᑦ ᐊᒻᒪᓗ ᐃᑲᔪᕐᐸᓗᓂ ᐃᖏᕐᕋᓯᑎᑕᐅᓂᖏᓐᓂᒃ ᐊᓯᑦᔨᑐᕆᐊᓖᑦ ᐃᑉᐱᒋᓗᒋᑦ ᐃᓱᐊᕐᓴᕕᒻᒦᑐᑦ ᑭᖕᖒᒪᔭᖏᑦ.

 

ᐱᔪᓐᓇᕆᐊᓕᖏᑦ 


ᐃᓕᓴᕐᓯᒪᓂᖓ

  • ᐃᓕᓴᕐᕕᔪᐊᒥ ᐱᔭᕇᕈᑎᑖᕐᓯᒪᓗᓂ ᐱᓇᓱᐊᕈᓐᓇᐅᑎᒥᒃ ᐃᓅᖃᑎᓂᒃ ᐃᑲᔪᕐᑎᐅᒍᓐᓇᓂᕐᒧᑦ. ᐃᓕᖓᓪᓚᕆᑦᑐᓂᒃ ᐅᐃᕆᓯᒪᓂᕐᓄᑦ ᐊᒻᒪᓗ/ᐅᕝᕙᓘᓐᓃᑦ ᐋᓐᓂᐊᓯᐅᕐᓂᓄᐊᖓᔪᓂᒃ ᐃᑉᐱᒍᓱᑦᑎᐅᓂᕐᒧᑦ ᐃᓕᓐᓂᐊᕈᑎᖃᕐᓯᒪᒍᓂ ᐃᓱᒪᒋᔭᐅᒐᔭᕐᑐᖅ ᐱᓪᓗᖁᑎᖃᕆᐊᖓ.


ᐱᓇᓱᐊᓕᓂᖏᑦ

  • ᐊᕐᕌᒍᓂ 5-ᓂ ᐋᓐᓂᐊᓯᐅᕐᓂᓄᐊᖓᔪᓂᒃ ᐃᑉᐱᒍᓱᑦᑎᐅᓯᒪᓗᓂ.
  • ᐊᕐᕌᒍᓂ 10-ᓂ ᐋᓐᓂᐊᓯᐅᕐᓂᓄᐊᖓᔪᓂᒃ ᐱᓇᓱᐊᕐᓯᒪᓗᓂ.
  • ᓱᖏᐅᓐᓂᖃᕈᓂ ᐊᐅᓚᑦᓯᔨᐅᓂᕐᒥᒃ ᐃᓱᒪᒋᔭᐅᒐᔭᕐᑐᖅ ᐱᓪᓗᖁᑎᖃᕆᐊᖓ.
  • ᓱᖏᐅᓐᓂᖃᕐᓗᓂ ᑲᑎᒪᔪᑦ ᒪᒥᓴᕐᕕᖓᓂ ᐱᓇᓱᕐᓯᒪᓗᓂ.
  • ᓱᖏᐅᓐᓂᖃᕈᓂ ᓯᕗᓕᕐᑎᐅᒍᓐᓇᓂᕐᒥᒃ ᑎᒥᒥ ᐊᖏᓕᕙᓪᓕᐊᓯᒪᒻᒪᕆᑦᑐᒥ ᐅᕝᕙᓘᓐᓃᑦ ᐊᓯᑦᔨᓯᐊᕐᐸᓕᐊᓯᒪᓪᓚᕆᑦᑐᒥ ᐱᓪᓗᖁᑎᐅᒐᔭᕐᑐᖅ.
  • ᓄᓇᕕᒻᒥ ᐱᓇᓱᐊᓕᓂᐅᒍᓂ ᐊᑯᓂ ᐅᕝᕙᓘᓐᓃᑦ ᐊᓯᐊᓂ ᓄᓇᖃᕐᖄᑐᕕᓂᕐᓂ ᐃᓱᒪᒋᔭᐅᒐᔭᕐᑐᖅ ᐱᓪᓗᖁᑎᖃᕆᐊᖓ.


ᖃᐅᔨᒪᓂᖏᑦ ᐊᒻᒪᓗ ᐱᒃᑭᓂᐅᒍᑎᖏᑦ

  • ᑐᑭᓯᒪᓗᓂ ᐃᓱᐊᕐᓯᕕᐅᑉ ᓯᕗᓂᕐᒥ ᐱᒐᓱᐊᓚᖓᔭᖏᓐᓂᒃ ᐊᒻᒪᓗ ᑎᓕᔭᐅᒍᑎᖓᓂᒃ.
  • ᐱᓇᓱᐊᖃᑎᒌᓂᒃ ᓯᓚᑦᑐᓭᔨᐅᒍᓐᓇᓗᓂ ᐊᒻᒪᓗ ᐊᐅᓚᑦᓯᔨᓂᒃ ᐃᓗᒡᒍᓯᓕᓐᓂ ᐊᑦᔨᒌᖕᖏᑐᓂᒃ.
  • ᐱᓇᓱᑦᑎᒪᕆᐅᓂᕐᒥᓄᑦ ᐅᖄᖃᑎᖃᑦᓯᐊᕈᓐᓇᓗᓂ ᑲᑎᒪᔨᓂᒃ, ᐱᓇᓱᑦᑎᓂᒃ, ᐃᑲᔪᕐᑎᓂᒃ, ᐊᒻᒪᓗ ᐃᓄᑐᐃᓐᓇᓂᒃ.
  • ᐸᕐᓀᓂᓯᑎᐅᓗᓂ ᐊᒻᒪᓗ ᑎᒥᒧᐊᖓᔪᓂᒃ ᐱᔪᓐᓇᑕᖃᑦᓯᐊᓗᓂ.
  • ᐃᓅᖃᑎᒥᓃᑦᓯᐊᕈᓐᓇᓗᓂ ᐃᓚᐅᑎᓗᒍ ᐊᑐᕈᓐᓇᓯᐊᕐᓂᖅ ᐃᓱᒪᑕᐅᒍᑎᓂᒃ ᐊᒻᒪᓗ ᑐᑭᑖᕆᖃᑎᖃᑦᓯᐊᕈᓐᓇᓗᓂ ᐊᒻᒪᓗ ᐊᕐᓱᕈᓐᓇᑐᒃᑰᕋᓗᐊᕈᓂ ᐱᓇᓱᐊᕐᓯᑎᐅᓗᓂ.
  • ᐊᑐᕈᓐᓇᓗᓂ ᐊᓪᓚᕕᓐᓂ ᐊᑐᕐᑕᐅᓲᓂᒃ ᐱᓇᓱᐊᕈᑎᓂᒃ ᐃᓚᐅᑎᓗᒋᑦ ᖃᕆᑕᐅᔦᑦ, ᐊᑭᓐᓇᒥ ᑕᑯᓐᓇᑎᑦᓯᐅᑏᑦ ᐊᒻᒪᓗ Microsoft Office suite-ᒥᒃ.
  • ᐃᒻᒥᓂᕐᓱᓗᓂ ᐱᓇᓱᐊᕈᓐᓇᓯᐊᕐᓗᓂ ᐊᒻᒪᓗ ᐱᓇᓱᐊᖃᑎᒥᓄᑦ ᐃᓚᐅᓗᓂ
  • ᐱᕙᓪᓖᑎᑦᓯᒋᐊᓲᒍᓗᓂ ᐊᒻᒪᓗ ᐃᓗᓯᕐᓱᓯᐊᕐᓇᑐᒥᒃ ᐃᓅᓯᖃᕆᐊᒥᒃ ᑕᑯᑦᓴᐅᑎᑦᓯᖏᓐᓇᓗᓂ ᓄᓇᓕᓐᓂ.
  • ᐱᒻᒪᕆᖁᑎᙯᓐᓇᓗᓂ ᓇᐅᑐᐃᓐᓇᓐᓄᑦ ᑐᓴᕐᑕᐅᑎᑕᐅᒋᐊᖃᖕᖏᑐᓂᒃ ᐊᒻᒪᓗ ᐱᓇᓱᑦᑎᒪᕆᐅᓂᕐᒥᓂᒃ.


ᐅᖃᐅᓯᖅ

  • ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ, ᐊᒻᒪᓗ ᐅᖃᕈᓐᓇᓗᓂ ᐃᓄᑦᑎᑐ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᕆᐊᓕᒃ).
  • ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).

 

ᐊᕙᑎᖓ
 

  • ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
  • ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
  • ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.

 

ᑮᓇᐅᑦᔭᓵᖏᑦ/ᐱᕙᓪᓕᖁᑎᑦᓴᑖᕐᑕᕈᑎᖏᑦ
 

  • ᐱᓇᓱᐊᕐᓗᓂ ᐃᓱᕐᕆᐅᑏᑦ ᑐᖕᖓᕕᓖᑦ ᓄᓇᕕᒻᒥ ᐃᓗᓯᓕᕆᓂᕐᓄᑦ ᐊᒻᒪᓗ ᐃᓅᓯᓕᕆᓂᕐᓄᑦ ᑭᒡᒐᑐᕐᓂᓄᑦ ᐋᕐᕿᓱᕐᑕᐅᓯᒪᔪᓂᒃ.
  • ᑮᓇᐅᑦᔭᓵᖏᑦ ᐋᕐᕿᑕᐅᓛᕐᑐᑦ ᐃᑉᐱᒋᓗᒋᑦ ᐱᔪᓐᓇᑕᖏᑦ ᐊᒻᒪᓗ ᐊᑑᑎᓕᓂᖏᑦ.
  • ᐱᔪᓐᓇᓯᐊᓚᖓᒻᒪᖔᑦ ᐃᑉᐱᒋᔭᐅᕕᒃ.
  • ᓯᓚᑦᑐᓴᕐᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑦᓯᓂᕐᒧᑦ ᐱᓇᓱᒐᖅ ᐊᑐᐃᓐᓇᐅᕗᖅ (ᐱᔪᓐᓇᕆᐊᓕᖏᑦᑕ ᐃᓚᖏᑦ ᓄᐃᑕᖕᖏᐸᑕ).

     

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ


ᐊᐱᕐᓱᕈᒪᒍᕕᑦ ᐅᕝᕙᓘᓐᓃᑦ ᐃᓕᒐᓱᐊᕈᑎᓐᓃᕕᑦ ᐊᐅᓪᓚᑎᑦᓯᒍᒪᒍᕕᑦ ᐊᓪᓚᕕᒋᓗᒍ ᐱᓇᓱᑦᑎᓕᕆᓂᕐᒥᒃ ᑲᒪᔨᒻᒪᕆ, ᐊᐱᐅᓚ ᐳᓪᑐᓐ, ᖃᕆᑕᐅᔭᒃᑯᑦ ᐊᓪᓚᒍᑎᑎᒍᑦ ᐅᕗᖓ recruitment@isuarsivik.ca.


ᖃᐅᔨᒪᔭᐅᓕ ᐃᓕᒐᓱᐊᕐᑐᓂᑦ ᓇᓪᓕᑳᕐᑕᐅᔪᑦ ᐊᐱᕐᓲᔭᕐᑕᐅᔪᑦᓴᐅᑎᓗᒋᑦ ᑭᓯᐊᓂ ᑐᓴᕐᑎᑕᐅᓛᕐᑐᑦ. ᐃᓕᒐᓱᐊᕈᒪᔪᓂᒃ ᐃᓘᓐᓀᓂᒃ ᓇᑯᕐᒦᒐᓗᐊᕐᑐᒍᑦ.

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment