15 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᑐᖅ ᐱᓇᓱᑦᑏᑦ ᐱᓇᓱᖃᑎᒌᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐱᓇᓱᑦᑏᑦ ᐃᓚᐅᒍᑎᖃᖕᖏᑐᖅ

ᓄᓇᓕᒻᒥ ᐅᐃᕆᓯᒪᓂᓕᕆᓂᕐᒥ ᐃᑲᔪᕐᑎᒃ

Isuarsivik Treatment Center, ᑲᖏ3ᓱᖅ
31-07-2021

I. ᐱᓇᓱᒐᐅᑉ ᖃᓄᐃᑦᑑᓂᖓ

ᑕᒪᑐᒨᓇ, ᑐᓴᐅᒪᖃᑎᒌᑦᑎᓯᔨᐅᑉ ᖃᓄᐃᓘᕐᑎᐅᓂᖓ ᐊᑑᑎᓂᖃᕖᖕᖓᓛᕐᑐᖅ ᐃᒫᒃ:

  • ᐃᓱᐊᕐᓯᕕᒻᒥᒃ ᖃᐅᔨᔭᐅᑎᑦᓯᒐᓱᐊᕐᓗᓂ ᐃᓕᕐᖁᓯᑎᒎᓕᖓᔪᓂᒃ ᐃᓱᐊᕐᓯᕕᐅᓂᖓᓂᒃ ᐱᓇᓲᑎᖃᕐᓱᓂ ᐊᑦᓕᐅᖏᒍᑎᓕᓐᓂᒃ ᐊᒻᒪᓗ ᐊᑑᑎᓕᓪᓗᑐᐊᐱᓐᓂᒃ ᑲᒪᒍᓯᕐᓂᒃ ᐊᑦᔨᒌᖕᖏᑐᓄᑦ ᐊᐃᕆᒪᐅᓯᓄᑦ ᐊᒻᒪᓗ ᖁᐊᕐᓵᓇᕐᑐᑰᕐᓯᒪᓃᑦ ᑭᖑᕚᓄᑦ ᓯᑦᓯᑐᕐᓯᒪᓕᕐᓂᖏᓐᓄᑦ;
  • ᐃᑲᔪᕐᓯᕙᓪᓗᓂ ᓄᓇᕕᒻᒥᐅᓂᒃ ᓇᔫᑎᔪᓂᒃ ᐃᓱᐊᕐᓯᒋᐊᖕᖏᓂᖏᓐᓂ, ᐃᓱᐊᕐᓯᒋᐊᕐᓯᒪᓂᖏᓐᓂᒃ ᐊᒻᒪᓗ ᐃᓱᐊᕐᓯᒋᐊᕐᓯᒪᓂᖓᑕ ᑭᖑᓂᐊᒍᑦ;
  • ᐃᑲᔪᕐᓯᒪᓂᖃᖃᑦᑕᓗᓂ ᐃᓱᐊᕐᓯᕕᒻᒥ ᓇᔫᑎᔪᓂᒃ ᖃᓄᐃᖕᖏᓯᐊᖁᓗᒋᑦ ᑎᒥᒃᑯᑦ ᐊᒻᒪᓗ ᐃᓱᒪᒃᑯᑦ ᐃᓱᐊᕐᓯᒋᐊᕐᓯᒪᓂᖓᑕ ᑭᖑᓂᐊᒍᑦ ᐊᒻᒪᓗ ᐃᑲᔪᕐᓯᒪᔭᐅᒍᑎᑦᓴᖏᓐᓂᒃ ᐊᑐᐃᓐᓇᐅᑎᑦᓯᕙᓪᓗᓂ ᐊᓂᕐᕋᒧᑦ ᐅᑎᕐᓯᒪᓕᑐᐊᕐᐸᑕ ᓄᓇᓕᒻᒥᓄᑦ (ᑲᒪᒋᔭᐅᒋᐊᓪᓛᓂᖅ; ᐱᒍᑦᔨᓃᑦ ᓱᓇᓪᓗᑐᐊᐱᓐᓅᓕᖓᔪᑦ, ᑌᒫᓚᑳᖅ).
 

II. ᐱᓇᓱᒐᐅᑉ ᐱᑦᔪᑎᖓ

ᐊᖓᔪᕐᖄᖃᕐᓗᓂ ᑲᒪᔨᒥᒃ - ᑲᔪᓯᔪᒥᒃ ᐱᒍᑦᔨᓂᕐᓂ ᓄᓇᓕᒻᒥ ᐅᐃᕆᓯᒪᓂᕐᓄᓕᖓᔪᓂᒃ ᐃᑲᔪᕐᑎᒥᒃ ᑲᒪᒋᔭᑦᓴᔭᓕᒃ ᓄᓇᓕᒻᒥ ᐱᓪᓗᑯᒋᐊᓕᑎᒍᑦ ᐅᐃᕆᓯᒪᓂᕐᓄᑦ ᐱᒍᑦᔨᓂᕐᓂᑦ ᓄᓇᕕᒻᒥᐅᑦ ᒪᒥᓴᕐᓂᒥᓂ. ᓄᓇᓕᒻᒥ ᐅᐃᕆᓯᒪᓂᕐᓄᑦ ᐃᑲᔪᕐᑎᒃ ᐱᓇᓱᖃᑎᖃᕐᓂᐊᑐᖅ ᐱᒍᑦᔭᐅᔪᓂᑦ ᐃᓄᑦᑕᖓᓄᓕᖓᔪᓂᒃ ᐃᑲᔪᕐᓯᒍᑎᑦᓴᓕᐅᕐᓗᑎᑦ ᑲᒪᒍᑎᐅᓂᐊᕐᑐᓂᑦ ᐅᐃᕆᓯᒪᓂᕐᓂᑦ ᐊᓯᖏᓐᓂᓗ ᐱᓀᓗᑕᓂᑦ.

 

III. ᐱᔭᑦᓴᓗᑐᖏᑦ ᐊᒻᒪᓗ ᑲᒪᒋᔭᑦᓴᔭᖏᑦ

  • ᕿᒥᕐᕈᒋᐊᓪᓛᓗᓂ, ᓴᐳᑦᔨᓗᓂ ᐃᑲᔪᕐᓯᓗᓂᓗ ᐱᒍᑦᔭᐅᔪᓂᑦ ᓄᓇᕕᒻᒥ ᖃᓄᐃᖕᖏᓯᐊᕐᓂᒧᑦ ᐃᕐᖃᑐᐃᕕᖓᓂᑦᑐᓄᑦ (ᐱᖁᔭᑎᒍᑦ ᒪᒥᓴᕐᓂᖅ) ᐆᑦᑐᕋᐅᑎᐅᔪᖅ ᑲᑐᑦᔨᖃᑎᖃᕐᓱᑎᑦ ᓴᕿᔪᖅ ᓄᓇᓕᒻᒥ ᐱᓇᓱᑦᑎᖏᓐᓂᑦ;
  • ᑭᖑᓂᐊᒍᑦ ᐱᒍᑦᔨᓗᑎᑦ ᐃᑉᐱᒋᔭᖃᕐᓗᑎᓗ ᐃᑲᔪᕐᓯᓂᕐᒧᑦ ᐱᒍᑦᔭᐅᔪᓂᑦ ᒪᒥᓴᕐᕕᓕᐊᕐᑐᕕᓂᕐᓂᑦ ᓈᒻᒪᓈᕐᑐᓂᑦ ᖃᓄᐃᓗᕈᓯᖃᕐᓗᑎᑦ ᖃᓄᐃᓗᕐᓗᑎᓗ;
  • ᐃᑲᔪᕐᓯᓗᑎᑦ ᐃᓕᒃᑯᓈᕐᑎᑐᓂᑦ ᐃᓚᖏᓐᓂᓗ ᓱᕐᕋᑕᐅᔪᓂᑦ ᓇᓪᓕᒋᔭᖏᑦᑕ ᐅᐃᕆᓯᒪᓂᕐᒧᑦ ᐱᓀᓗᑕᖏᓐᓄᑦ; 
  • ᑲᑐᑦᔨᖃᑎᖃᕐᓗᑎᑦ ᐊᓯᖏᓐᓂ ᓄᓇᓕᒻᒥ ᓄᓇᓕᓕᒫᓂᓗ ᐃᑲᔪᕐᓯᔨᓂᑦ (ᐃᓅᓱᑦᑐᐃᑦ ᐃᓚᒌᓗ ᐱᓇᓱᑦᑎᖏᑦ, ᓄᓇᓕᒻᒥ ᖃᓄᐃᖕᖏᓯᐊᕆᐊᖃᕐᓂᒧᑦ ᐱᓇᓱᑦᑎᖏᑦ, ᐃᓱᒪᒃᑯᑦ ᐃᓗᓯᕐᓱᓯᐊᕆᐊᖃᕐᓂᒧᑦ ᐃᓅᓯᕐᒥᓗ ᑭᐱᓯᑎᑦᓯᑌᓕᓂᕐᒧᑦ ᐱᓇᓱᑦᖏᑦ, ᒪᒥᓴᕐᕕᒥ, ᐋᓐᓂᐊᕖᓐᓂ ᐃᑲᔪᕐᓯᑎᖏᑦ ᐅᐃᕆᓯᒪᓂᕐᓄᓕᖓᔪᓂᑦ) ᖃᐅᔨᓴᕐᓗᑎᑦ ᐱᒍᑦᔭᐅᔪᑦ ᐱᒍᑦᔭᐅᒍᓐᓇᓯᑎᓗᒋᑦ; ᐅᑦᑑᑎᒋᓗᒋᑦ, ᐃᑲᔪᕐᓯᓗᑎᑦ ᐅᐃᕆᓯᒪᔭᖓ ᓄᖑᕙᓪᓕᐊᓂᖓᓂ ᑎᒥᖓᓂ, ᒪᒥᓴᕐᓂᖅ ᐱᓪᓗᑯᒋᐊᓕᑎᒍᓪᓗ ᐅᐃᕆᓯᒪᓂᕐᓄᓕᖓᔪᓂᑦ ᐱᒍᑦᔨᒍᑎᓂᑦ;
  • ᑲᑐᑦᔨᖃᑎᖃᕐᓗᑎᑦ ᓄᓇᓕᓕᒫᓂ ᓄᓇᓕᓐᓂᓗ ᑐᑭᓯᒪᔭᐅᑎᑦᓯᓂᕐᒧᑦ ᐅᐃᕆᓯᒪᓂᕐᓄᓕᖓᔪᓂᓗ ᓯᕗᕐᖏᒐᓱᓐᓂᓂ ᐱᒋᐊᕐᑎᓯᓗᑎᑦ;
  • ᓄᐃᑦᓯᖃᑎᐅᓗᑎᑦ ᑲᔪᓯᑎᑦᓯᓗᑎᓗ ᐃᒻᒥᓂᒃ ᐃᑲᔪᕐᓯᒍᑎᑦᓴᓂᑦ/ᒪᒥᓴᕐᓂᖅ ᐊᒥᓱᐃᖑᓗᑎᑦ ᓲᓱᒋᓗᒍ ᓄᓇᓕᐅᑉ ᐱᕙᓪᓕᐊᑎᒐᓱᑦᑕᖏᑦᑕ ᖃᓄᐃᓗᕈᓯᖏᓐᓂᑦ.
 

IV. ᐱᔪᓐᓇᕈᑎᖏᑦ

ᐃᓕᓐᓂᐊᓯᒪᓗᓂ

  • ᐳᕐᑐᓂᕐᓴᒋᐊᓪᓚᒥ ᐱᔭᕇᕐᓂᐅᑎᖃᕐᓗᓂ ᐃᓄᓕᕆᓂᐅᑉ ᐊᑯᓐᓂᖁᓯᕐᑎᐅᓂᕐᒥ;

ᐱᓇᓱᓕᓂᖏᑦ
  • ᐊᕐᕌᒎᓐᓂ ᒪᕐᕉᓂ ᐃᓄᓕᕆᓂᐅᑉ ᐊᑯᓐᓂᖁᓯᕐᑎᐅᓂᕐᒥ ᐊᒻᒪᓘᓐᓃᑦ ᐊᓄᐊᕐᓯᔨᐅᓂᕐᒥ;
  • ᐱᓇᓱᓕᓂᐅᓗᓂ ᐃᓄᓕᕆᓂᐅᑉ ᐊᑯᓐᓂᖁᓯᕐᑎᐅᓂᕐᒥ, ᐅᐃᕆᒪᔪᓕᕆᓂᕐᒥ, ᐅᕝᕙᓘᓐᓃᑦ ᖃᓄᐃᖕᖏᓯᐊᕐᑐᓕᕆᓂᕐᒥ

ᖃᐅᔨᒪᔭᖏᑦ ᐊᒻᒪᓗ ᐱᒍᓐᓇᑕᖏᑦ
  • ᐃᒻᒥᓄᑦ ᐊᒻᒪᓗ ᐱᓇᓱᕝᕕᒥ ᐊᑑᑎᓯᒪᓗᓂ ᐃᓕᕐᖁᓯᖃᖃᑎᒌᖕᖏᓂᕐᒥ;
  • ᑐᓴᕐᑎᓯᐅᑎᑦᓴᓕᐅᕈᓐᓇᓗᓂ, ᐊᓪᓚᖁᑎᓕᐅᕈᓐᓇᓗᓂ ᐊᒻᒪᓗ ᐱᓇᓲᑎᑦᓴᓕᐅᕈᓐᓇᓗᓂ ᖃᕆᑕᐅᔭᕐᒥᒃ ᐊᑐᕐᓗᓂ;
  • ᐃᓄᑑᓗᓂ ᐊᒻᒪᓘᓐᓃᑦ ᐱᓇᓱᐊᖃᑎᒌᓐᓂᒥ  ᐱᓇᓱᐊᕈᓐᓇᓯᐊᕐᓗᓂ;
  • ᐱᓇᓱᐊᕈᓐᓇᓗᓂ ᐃᑲᕈᓐᓂᕆᔭᐅᓲᑐᙯᑦ ᓯᓚᑖᒍᑦ;
  • ᖃᐅᔨᒪᓗᓂ ᖃᕆᑕᐅᔭᐅᑉ Microsoft Office Suite-ᕈᑎᖓᓂᒃ ᐃᓚᐅᑎᓪᓗᒋᑦ  Word, Excel ᐊᒻᒪᓗ Outlook;
  • ᐃᓕᒐᓱᐊᕐᑐᖅ ᑐᓂᓯᒍᓐᓇᕆᐊᓕᒃ ᐱᓂᕐᓗᓯᒪᓂᐅᑉ ᐊᓪᓚᑕᐅᒪᒍᑎᖓᓂᒃ ᑐᑦᓯᕋᐅᑎᒥᒃ.
  • ᐅᖄᒍᓐᓇᓗᓂ
  • ᐱᒍᓐᓇᓚᕆᒋᐊᓕ ᐊᑐᐊᕐᓯᒍᓐᓇᓂᕐᒥᒃ, ᐊᓪᓚᒍᓐᓇᓂᕐᒥᒃ ᐊᒻᒪᓗ ᐅᖄᒍᓐᓇᓂᕐᒥᒃ ᖃᓪᓗᓈᑎᑐᑦ ᐊᒻᒪᓗ ᐃᓄᑦᑎᑐᑦ. 
 

V. ᐱᓇᓱᕝᕕᖓᑕ ᐊᕙᑎᖓ

  • ᐃᓱᐊᕐᓯᕕᒃ ᐱᕙᓪᓕᐊᓂᒃᑰᑐᒻᒪᕆᒃ ᒫᓐᓇ ᖃᓄᐃᑦᑐᑰᕐᓂᒥ ᕿᓄᐃᓵᕐᕕᐅᒋᐊᓕᒃ, ᖃᓄᕐᑑᕈᓐᓇᕕᐅᒋᐊᓕᒃ ᐊᒻᒪᓗ ᓱᖏᐅᓯᓴᕐᑕᐅᒋᐊᓕᒃ;
  • ᐃᓕᔪᖅ ᐊᑕᐅᑦᓯᑰᓕᔪᓂᒃ ᐃᓱᐊᕐᓯᒋᐊᕐᑐᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᖃᑕᐅᔪᓄᑦ ᑐᑦᓯᕋᐅᑎᓂᒃ ᐊᒻᒪᓗ ᐅᐃᒪᓇᕐᑐᓂᒃ ᐱᒐᓱᐊᕆᐊᓕᒃ;
  • ᐊᑐᐃᓐᓇᐅᒋᐊᓕᒃ ᐃᒻᒥᓄᑦ ᐊᒻᒪᓗ ᐱᓇᓱᒐᕐᒧᑦ ᐅᖁᒣᓪᓘᕈᑎᓂᒃ ᐅᑭᐅᕐᑕᑐᒦᓐᓂᒧᑦ, ᓄᓇᓕᒻᒥ ᐅᐸᑐᐅᓐᓇᖃᔭᖕᖏᑐᒦᓐᓂᒧᑦ ᐱᕕᑦᓴᖃᓪᓗᐊᖏᑦᑐᒥ.
 

VI.  ᑮᓇᐅᑦᔭᓵ/ᐱᕙᓪᓕᖁᑏᑦ

  • ᐱᓇᓱᑦᑎᐅᑉ ᖃᓄᐃᓕᖓᐅᑎᑦᓴᖏᑦ ᑐᖕᖓᕕᓖᑦ ᓄᓇᕕᐅᑉ ᐃᓗᓯᓕᕆᓂᕐᒧᑦ ᐃᓅᓯᓕᕆᓂᕐᒧᓗ ᐱᑦᔪᔨᕕᖓᑕ ᐱᑐᑦᓯᒪᖃᑎᒌᓐᓂᖓᓂᒃ.
  • ᑮᓇᐅᑦᔭᓵᖏᑦ ᓇᓗᓀᕐᑕᐅᒐᔭᕐᑐᑦ ᒪᓕᓪᓗᒋᑦ ᐱᔪᓐᓇᓂᖓ ᐊᒻᒪᓗ ᐱᓇᓱᐊᓕᓂᖏᑦ.
  • ᐱᓇᓱᒋᐊᖕᖓᓂᕐᒥ ᓇᐅᑦᓯᑐᕐᑕᐅᓂᖃᕋᔭᕐᑐᖅ
     

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ


ᐱᓇᓱᒍᒪᓂᕋᐅᑏᑦ ᑐᓂᓗᒍ ᖃᕆᑕᐅᔭᑎᒍᑦ ᐊᓪᓚᕕᒃᑯᑦ ᐅᕝᕙᓘᓐᓃᑦ ᓱᑲᑦᑐᑰᕈᑎᒃᑯᑦ ᐅᕗᖓ:

 ᐋᐱᐆᓚ ᐴᓪᑕᓐ
ᐱᓇᓱᑦᑐᓴᓕᕆᓂᕐᒥ ᑲᒪᔨ
ᐃᓱᐊᕐᓯᕕᒃ
P.O. Box 749
ᑰᑦᔪᐊᖅ,ᑯᐯᒃ (ᑲᓇᑕ) J0M 1C0

 ᖃᕆᑕᐅᔭᑎᒍᑦ ᐊᓪᓚᕕᒃ: recruitment@isuarsivik.ca
ᓱᑲᑦᑐᑰᕈᑎᒃ: 819-964-2041

 
ᖃᐅᔨᒪᒋᑦ ᐃᓕᒐᓱᐊᕐᑐᐃᑦ ᐊᐱᕐᓲᔭᕐᑕᐅᓂᕐᒧᑦ ᓇᓪᓕᑳᕐᑕᐅᔪᑦ ᑭᓯᐊᓂ  ᐅᖃᖃᑎᒌᕝᕕᐅᓛᕐᑐᑦ. ᑌᒣᒐᓗᐊᕐᑎᓗᒍ, ᐃᓘᓐᓇᓯᐊᑎᒃ ᓇᑯᕐᒦᑕᕗᑦ ᐅᓇᒻᒥᓱᒋᐊᖏᑦ.

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment