ᐃᕐᓂᓱᑦᑎᓯᔨ
ᐱᓇᓱᒐᐅᑉ ᖃᓄᐃᑦᑑᙱᖓ : ᐱᓇᓱᒐᖅ ᐊᑕᔪᖅ - (36.25 ᑲᐃᕙᓪᓚᒍᓰᑦ/ᐱᓇᓱᐊᕈᓯᑕᒫᑦ)
ᐊᖓᔪᖄᖓ ᑐᑦᑕᕕᒋᓗᒍ : ᑐᑭᒧᐊᑦᑎᓯᔨ ᓄᓇᓕᒻᒥ ᐱᒍᑦᔨᓂᕐᓂᒃ
ᐱᒋᐊᕐᕕᓴᖓ : As soon as possible
ᐃᕐᓂᓱᑦᑎᓯᔩᑦ ᐱᒍᓐᓇᐅᑎᖃᑦᓯᐊᓱᑎᒃ ᐱᓇᓱᐊᖃᑎᒌᓲᑦ ᐅᖓᓯᑦᑐᒥᐅᓂᒃ ᐱᒍᑦᔨᓱᑎᒃ. ᐊᑦᔨᒌᖏᑐᓂᒃ ᐋᓐᓂᐊᓯᐅᕐᑎᓂᒃ ᐱᒍᓐᓇᐅᑎᓕᓐᓂᒃ ᐱᓇᓱᐊᖃᑎᖃᓲᖑᔪᒍᑦ, ᐋᓐᓂᐊᓯᐅᕐᑎᒪᕆᓐᓂᒃ, ᐃᓄᓕᕆᔨᓂᓪᓗ ᐃᑲᔪᕐᓯᒪᑦᓱᑕ ᐊᕐᓇᓂᖅ ᐱᐊᕋᑦᑕᖃᕐᓱᑎᒃ ᐊᑦᑕᓇᕐᑐᒦᑦᓯᓇᐅᔪᓂᒃ. ᐊᐃᒪᓇᕐᑐᓕᕆᔨᓄᑦ ᐃᓚᐅᔪᒍᑦ ᐱᐊᕋᕐᑖᕕᑦᓴᖏᑦ ᓈᒻᒪᓯᓚᐅᕐᑎᓗᒋᑦ ᐃᓅᓕᕐᑐᖃᓯᐊᕿᒻᒪᑦ ᐊᑐᐃᓐᓇᐅᓲᖑᔪᒍᑦ ᐊᓯᖏᓐᓂᓘᓐᓂᒃ ᐅᐃᒪᓇᕐᑐᖃᓕᕐᒪᑦ ᐱᐊᕋᕐᑖᕋᓱᐊᕐᓂᓄᑦ.
ᑖᓐᓇ ᐱᕕᑦᓴᓯᐊᕌᓗᒃ ᐃᕐᓂᓱᑦᑎᓯᔨᓄᑦ ᐱᓇᓱᐊᕈᒪᔪᓄᑦ ᐊᔪᐃᓐᓇᓇᕐᑐᒥ ᐅᖓᓯᑦᑐᒥ ᑕᕐᕋᒥ. ᐱᒋᐅᕐᓴᑎᑦᓯᓂᕐᒥᒃ ᐃᓕᓐᓂᐊᑐᓂᒃ ᓯᕗᓪᓕᐸᐅᑦᔨᓲᖑᔪᒍᑦ. ᐃᕐᓂᓱᑦᑎᓯᔩᑦ ᐱᓇᓱᐊᕆᐊᓕᖏᓐᓄᑦ ᐃᓚᒋᔭᐅᓪᓚᕆᑦᑐᖅ ᑕᒪᓐᓇ ᐱᒋᐅᕐᓴᑎᑦᓯᓂᖅ. ᐊᐅᓚᒍᑎᖃᕐᑎᓯᓲᖑᔪᒍᑦ, ᐊᓂᕐᕋᖃᑎᓯᑦᓱᑕ, ᑮᓇᐅᑦᔭᓵᖏᓐᓄᓗ ᐃᓚᐅᑐᑦᓯᓱᑕ ᐅᖓᓯᑦᑐᒥᐅᖑᓂᕐᒧᑦ ᐊᑭᓕᕐᑑᑎᓂᒃ, ᐃᓅᓇᓱᐊᕐᓂᒧᑦ ᐊᑭᑐᔫᓂᕐᓄᑦ ᐊᑭᓕᕐᑑᑎᓂᒃ ᐊᒻᒪᓗ ᐱᓇᓱᒐᕐᒧᑦ ᐊᑕᑯᑖᑦᑎᓯᒐᓱᐊᕈᑎᓂᒃ. ᐱᓇᓱᐊᖃᑎᑎᓄᑦ ᓴᐳᒻᒥᔭᐅᑦᓯᐊᕋᔭᕐᑐᑎᑦ ᐱᓗᐊᕐᑐᒥ ᑕᕐᕋᒧᑦ ᐱᓇᓱᒋᐊᕐᑐᕆᐅᕈᕕᑦ.
ᐱᔭᕆᐊᓕᖏᑦ :
ᐱᐊᕋᑦᓴᓖᑦ ᖃᓄᐃᒻᒪᖔᑕ ᑲᒪᒋᖏᓐᓇᖃᑦᑕᓗᒋᑦ, ᐃᓅᓕᕐᑐᓂᒃ ᐊᒻᒪᓗ ᐃᓅᓕᕐᓯᒪᓕᕐᐸᑕ ᑲᒪᒋᖃᑦᑕᓗᒋᑦ ᐊᓈᓇᖏᑦ ᐱᐊᕋᕐᑖᕕᓂᖏᓪᓗ
ᐱᐊᕋᕐᑖᕋᓱᐊᕐᓂᖏᓐᓂᒃ, ᐱᐊᕋᑦᓴᖃᕐᓂᖏᓐᓂ ᐱᐊᕋᕐᑖᓯᒪᓕᕐᑎᓗᒋᓪᓗ ᑲᒪᒋᖃᑦᑕᓗᒋᑦ
ᐋᓐᓂᐊᓯᐅᕐᑎᓂᒃ ᐱᓇᓱᐊᖃᑎᖃᖃᑦᑕᓗᓂ ᑲᒪᒋᓗᒋᑦ ᐊᕐᓇᐃᑦ
ᖃᐅᔨᒋᐊᕕᒋᖃᑦᑕᓗᒋᑦ ᐋᓐᓂᐊᓯᐅᕐᑎᒪᕇᑦ ᒪᓕᑦᑕᐅᒋᐊᓖᑦ ᒪᓕᓪᓗᒋᑦ
ᐋᓐᓂᐊᓯᐅᑎᑖᕐᑎᓯᖃᑦᑕᓗᑎᒃ ᐋᓐᓂᐊᓯᐅᕐᑎᒪᕇᑦ ᐱᔭᐅᖁᔭᖏᑦ ᒪᓕᓪᓗᒋᑦ
ᐋᓐᓂᐊᑖᕇᒃᑯᑎᓄᑦ ᑲᐴᑎᓄᑦ ᑲᐳᖃᑦᑕᓗᒋᑦ ᒪᓕᑦᑕᐅᒋᐊᓖᑦ ᒪᓕᓪᓗᒋᑦ’
ᐱᓇᓱᐊᖃᑎᒋᖃᑦᑕᓗᒋᑦ ᓄᓇᓕᒻᒥ ᐋᓐᓂᐊᓯᐅᕐᑏᑦ ᐃᕐᓂᓱᑦᑎᓯᔩᓪᓗ
ᐱᒋᐅᕐᓴᑎᑦᓯᖃᑕᐅᖃᑦᑕᓗᓂ ᐃᕐᓂᓱᕐᑎᓯᔨᐅᓂᕐᒥᒃ ᐃᓕᓐᓂᐊᑐᓂᒃ
ᐃᓚᐅᒍᑎᖃᕆᐊᓕᒃ ᐊᑎᖓ ᐊᓪᓚᑕᐅᒪᓗᓂ ᑯᐸᐃᒃᒥ ᐋᓐᓂᐊᓯᐅᕐᑏᑦ ᑲᑐᑦᔨᖃᑎᒌᓐᓂᖏᓐᓂ ᐱᓇᓱᒋᐊᓯᓚᐅᕋᓂ
ᐱᓇᓱᐊᕐᓯᒪᓂᖃᕐᓗᓂ ᐱᐊᕋᑦᓴᓖᑦ ᐱᒍᑦᔭᐅᓂᖏᓐᓂᒃ
ᐃᓅᓕᖃᒥᓐᓂᒃ ᐊᓂᕐᓂᑖᕐᑎᓯᒍᓐᓇᓂᕐᒥᒃ ᐱᒍᓐᓇᐅᑎᑖᕐᓯᒪᓗᓂ ᓄᑕᐅᓯᓕᕐᑕᐅᒪᔪᒥᒃ; ᐅᐃᒪᓇᕐᑐᓕᕆᒍᓐᓇᐅᑎᒥᒃ
ᖃᓪᓗᓈᑎᑑᕈᓐᓇᓯᐊᕐᓗᓂ, ᐃᓄᑦᑎᑑᕈᓐᓇᕈᓂ ᐃᑲᔪᕐᓯᒐᔭᕐᑐᖅ
ᐊᓯᒥᓂᒃ ᐱᓇᓱᖃᑎᖃᕈᓐᓇᓯᐊᕐᓗᓂ
ᐊᑐᐃᓐᓇᐅᒍᓐᓇᓗᓂ ᖃᖓᑐᐃᓐᓇᓗ ᐱᓇᓱᒍᓐᓇᓗᓂ
ᐅᖄᑦᓯᐊᕈᓐᓇᓗᓂ ᐊᒻᒪᓗ ᐱᒋᐅᕐᓴᑎᑦᓯᒍᓐᓇᓯᐊᕐᓗᓂ
ᐊᖁᒍᓪᓇᐅᑎᖃᕐᓗᓂ
ᑮᓇᐅᑦᔭᓵᖏᑦ : ᐱᒋᐊᕐᓱᑎᒃ $1,146.23-ᓂᒃ $1,945.18-ᓄᑦ ᑎᑭᑦᑐᑦ ᐱᓇᓱᐊᕈᓯᑕᒫᑦ
ᐅᖓᓯᑦᑐᒥᐅᖑᓂᕐᒧᑦ : $203.66 / ᐱᓇᓱᐊᕈᓯᑕᒫᑦ ᐃᓚᖃᕐᓂᖓᓄᑦ ᐋᕿᑕᐅᑎᓪᓗᒋᑦ
ᐃᓅᓇᓱᐊᕐᓂᒧᑦ ᐊᑭᑐᔫᓂᒃᓄᑦ : $61.16 /ᐱᓇᓱᐊᕈᓯᑕᒫᑦ ᐃᓚᖃᕐᓂᖓᓄᑦ ᐋᕿᑕᐅᑎᓪᓗᒋᑦ
ᐱᓇᓱᒐᕐᒥ ᐊᑕᑯᑖᑦᑎᓯᒐᓱᐊᕈᑏᑦ : 383.29 /ᐱᓇᓱᐊᕈᓯᑕᒫᑦ
ᐱᓇᓱᑦᑎᑖᖑᔪᖅ ᑯᐸᐃᒻᒥᐅᖑᒍᓂ 50-ᓂᒃ ᑭᓛᒥᑕᓂᒃ ᐅᖓᓯᓐᓂᖃᑎᓗᒍ ᓄᓇᖓ ᐊᓂᕐᕋᑲᐃᓐᓇᖃᑦᑕᓂᕐᒧᑦ ᖃᖓᑦᑕᐅᓯᕐᑕᐅᖃᑦᑕᕋᔭᕐᑐᖅ ᐃᓪᓗᖃᕐᑎᑕᐅᓗᓂᓗ, ᑐᔪᕐᒥᐅᕕᒻᒦᓗᓂᓘᓐᓃᑦ ᐊᓂᕐᕋᒥᐅᖃᑎᖃᕐᓗᓂᓘᓐᓃᑦ ᐊᓯᒥᓂᒃ ᕆᐊᖃᕈᓂ.
ᐱᓇᓱᒐᕐᑖᕈᒪᐅᑎᑎᑦ ᒍᐃᒍᐃᑎᑑᕐᑐᑦ ᖃᓪᓗᓈᑎᑐᓪᓘᓃᑦ ᐊᐅᓪᓚᑎᓪᓗᒋᑦ ᐅᕗᖓ ᖃᕆᑕᐅᔭᒃᑯᑦ: emploi.cstu@ssss.gouv.qc.ca
