12 ᐱᓇᓱᒉᑦ ᐊᑐᐃᓐᓀᑦ

ᑕᑯᓗᒋᑦ ᐱᓇᓱᒐᐃᑦ ᐊᑐᐃᓐᓇᐅᔪᑦ
ᐅᑎᕈᑎᒃ

ᐱᓇᓱᒐᖅ ᐊᑌᓐᓇᖏᑦᑐᖅ ᐱᓇᓱᑏᑦ ᐃᓚᐅᒍᑎᓖᑦ ᐅᕝᕙᓗᓐᓃᑦ ᐃᓚᐅᒍᑎᖃᖕᖏᑐᑦ

ᐃᓪᓗᓕᕆᓂᕐᒥᒃ ᐱᓇᓱᐊᕐᑎ 2000-315

ᐅᖓᕙᒥᑐᓚᑦᑕᕕᒃᐋᓐᓂᐊᕕᒃ, ᑰᑦᔪᐊᖅ
07-10-2022

ᒫᓐᓇᓯᐅᑎᐅᑦᓱᓂ  ᐊᑕᔪᖅ ᐱᓇᓱᒐᖅ  (35 ᑲᐃᕙᓪᓚᒍᓰᑦ / ᐱᓇᓱᐊᕈᓯᕐᒥ)       
ᐊᖓᔪᖄᖓ  ᑐᑦᑕᕕᒋᓗᒍ:  ᑐᑭᒧᐊᑦᑎᓯᔨ  ᐃᓪᓗᓕᕆᓂᕐᓂᒃ  ᐱᒍᔨᓂᕐᓂᒃ 
ᐱᒋᐊᕐᕕᓴᖓ:   ᓇᓗᓇᐃᕐᑕᐅᒋᐊᓕᒃ


ᐱᓇᓱᒐᖏᑦ:   ᐱᓇᓱᐊᕋᔭᕐᑐᖅ  ᐊᖓᔪᖄᖃᕐᓗᓂ  ᐊᑕᐅᑦᓯᑰᕐᑎᓯᔨᒥᒃ  ᐃᓪᓗᓕᕆᓂᕐᓂᒃ  ᐱᒍᔨᕕᒻᒥ,  ᐊᑐᐃᓐᓇᕈᕐᑎᕆᔨᐅᓗᓂ  ᐸᕐᓇᐃᑕᐅᒪᐅᑎᑦᓴᓂᒃ  ᓴᓇᒪᓂᐅᒋᐊᓕᓐᓂᓗ  ᐊᒻᒪᓗ  ᐊᓯᖏᓐᓂᒃ  ᐊᓪᓚᓯᒪᐅᑎᐅᒋᐊᓕᓐᓂᒃ  ᐃᓕᖓᓗᑎᒃ  ᓱᓪᓗᓕᕆᓂᕐᓄᑦ,  ᐅᖂᓯᓴᐅᑎᓄᑦ  ᐊᓄᕆᑖᕈᑎᓕᕆᓂᕐᓂᒃ,   ᓂᓪᓚᑖᕈᑎᓄᑦ,  ᓂᓪᓕᓇᕐᑐᑯᕕᓐᓄᑦ  ᐊᒻᒪᓗ  ᐃᓪᓗᐃᑦ  ᓴᓇᒻᒪᓂᖏᓄᑦ.  ᓇᓗᓇᐃᕐᓯᔨᐅᖃᑦᑕᓗᓂ  ᓇᓗᓇᐃᕐᑕᐅᒋᐊᓕᓐᓂᒃ,  ᖃᓄᐃᓕᖓᓂᑦᓴᐅᔪᓂᓪᓗ,  ᐊᓪᓚᖑᐊᕐᓯᒪᔪᑎᒍᑦ  ᒪᓕᑦᑕᐅᒋᐊᓕᓐᓂᒃ  ᐃᓕᐅᖃᑕᐅᒋᐊᓕᓐᓂᓗ.  ᐊᑐᐃᓐᓇᕈᕐᑎᕆᔨᐅᓗᓂ  ᐱᓇᓱᐊᕐᑕᐅᒋᐊᓖᑦ  ᖃᓄᐃᓕᖓᓂᑦᓴᖏᓐᓂᒃ   ᐊᑭᒋᒋᐊᓕᖏᓐᓄᓗ  ᒥᑦᓴᐅᓵᕈᑎᓂᒃ.  ᐱᓇᓱᐊᕐᑕᐅᔪᓂᒃ  ᑲᒪᔨᐅᖃᑦᑕᕆᐊᓕᒃ.

 
ᐱᓇᓱᒐᐅᑉ  ᖃᓄᐃᑦᑑᓂᖓ:

ᐃᑲᔪᕐᑎᐅᓗᓂ  ᐱᓇᓱᐊᑕᐅᔪᓂᒃ  ᑲᒪᔨᒧᑦ  ᐱᓇᓱᐊᕐᑕᐅᓂᓕᒫᖏᓐᓂ  5  ᐱᓇᓱᐊᕐᓂᑯᑦ  ᐊᑑᑎᔭᐅᒋᐊᓖᑦ;

ᐱᓇᓱᐊᕐᑕᐅᔪᓂᒃ  ᕿᒥᕐᕈᑎᐅᖃᑦᑕᓗᓂ  ᑎᓕᔭᐅᒍᓂ  ᐱᓇᓱᐊᕐᑕᐅᔪᒥᒃ  ᑲᒪᔨᒧᑦ  ᑐᑭᒧᐊᑦᑎᓯᔨᒧᓪᓘᓃᒃ  ᐱᒍᑦᔨᓂᕐᓂᒃ;

ᒪᓕᖃᑦᑕᓗᓂ  ᐱᓪᓗᑯᒋᐊᓕᓕᕆᑏᓂᒃ  ᕿᒥᕐᕈᕆᐊᕐᑐᓯᒪᓕᕐᐸᑕ  ᐱᓇᓱᐊᕐᑕᐅᔪᓂᒃ;

ᐸᕐᓇᐃᑎᐅᓗᓂ,  ᐃᑉᐱᒍᓱᑦᑎᐅᓗᓂ,  ᐊᑕᐅᑦᓯᑰᕐᑎᓯᔨᐅᓗᓂ  ᐊᒻᒪᓗ  ᑲᒪᔨᐅᓗᓂ  ᐱᓇᓱᐊᕐᑕᐅᖁᔭᐅᓯᒪᔪᓂᒃ  ᐱᓇᓱᐊᕐᑕᐅᔪᒥᒃ  ᐊᐅᓚᑦᓯᔨᒧᑦ;

ᑲᒪᖃᑕᐅᖃᑦᑕᓗᓂ  ᐃᓪᓗᖁᑏᑦ  ᓅᑕᐅᓕᕐᐸᑕ  ᑐᓚᖑᑦᑕᕕᒻᒧᑦ  ᓄᓇᕕᒻᒥ  ᐃᓗᓯᓕᕆᔨᓂᑦ;

ᐊᓪᓚᖁᑎᓂᒃ  ᐱᓇᓱᐊᕐᑕᐅᔪᑦᓴᓅᓕᖓᔪᓂᒃ  ᐊᑐᓕᕐᑎᓯᔨᐅᖃᑦᑕᓗᓂ,  ᐊᓪᓚᖑᐊᕐᓯᒪᔪᓂᓪᓗ,  ᖃᑦᓯᕌᕐᓂᓴᕐᓅᓕᖓᔪᓂᒃ,  ᐊᑭᑦᓴᖏᑦᑕ  ᒥᑦᓴᐅᓵᕐᑕᐅᒪᐅᑎᖏᓐᓂᒃ  ᐱᔭᕆᕐᕕᐅᒋᐊᓕᓐᓄᓗ  ᐅᓪᓗᖁᑎᓅᓕᖓᔪᓂᒃ;

ᐱᑦᔪᔨᔪᑦᓴᓂᒃ  ᐱᓇᓱᑦᑎᓯᒍᑎᑦᓴᓄᑦ  ᐊᓪᓚᖁᑎᓂᒃ  ᐊᑐᐃᓐᓇᕈᕐᑎᕆᖃᑦᑕᓗᓂ,  ᐊᑭᑭᓐᓂᐹᕐᓯᐅᕈᑎᓅᓕᖓᔪᓂᒃ  ᕿᒥᕐᕈᑕᐅᓂᖏᓐᓄᓗ  ᐊᓪᓚᖁᑏᑦ;

ᐊᐅᓚᑦᓯᔨᐅᓗᓂ  ᐱᓇᓱᑦᑎᓯᒍᑎᓂᒃ  ᐱᒍᑦᔨᔨᓂᒃ,  ᓂᐅᕕᕐᕕᓂᓪᓗ  ᐱᓪᓗᑯᒋᐊᓕᓕᕆᔨᓐᓄᓗ;

ᐱᓪᓗᑯᒋᐊᓕᓕᕆᓂᒃᑯᑦ  ᐊᑭᑭᓐᓂᐸᐅᒐᔭᕐᑐᓯᐅᕐᓂᑯᓪᓗ  ᐱᐅᓂᕐᐸᐅᒐᔭᕐᑐᓂᒃ  ᖃᐅᔨᓴᖃᑦᑕᓗᓂ;

ᐃᓚᐅᖃᑦᑕᓗᓂ  ᐊᑐᐃᓐᓇᕈᕐᑎᓯᓂᖃᓕᕐᐸᑦ  ᑮᓇᐅᔭᓄᑦ  ᑐᕌᒐᑦᓴᓂᒃ  ᑐᑦᓯᕋᐅᑎᐅᔪᓂᒃ,  ᐱᖓᓱᕕᓪᓗᓂᓗ  ᐊᕐᕌᒍᕐᒥ  ᕿᒥᕐᕈᓂᖃᖃᑦᑕᓗᓂ  ᑮᓇᐅᔭᕐᑑᑎᐅᔪᓂᒃ;

ᐱᒍᓐᓇᕆᐊᓕᖏᑦ

ᐃᓕᓐᓂᐊᕕᒻᒪᕆᒻᒥ  ᐃᓕᓐᓂᐊᓯᒪᓗᓂ  ᐃᓪᓗᓕᕆᔨᐅᓂᕐᒥᒃ,  ᐃᓪᓗᐃᑦ  ᓴᓇᒻᒪᐅᓯᑦᓴᖏᓐᓂᒃ  ᐊᓪᓚᖑᐊᕐᑎᐅᓂᕐᒥᒃ  ᐃᓪᓗᐃᓗ  ᐊᐅᓚᐅᑎᑦᓴᖏᓐᓅᓕᖓᔪᓂᒃ,  ᐱᔭᕇᕈᓯᕐᑕᐅᓯᒪᓗᓂ  ᐃᓕᓐᓂᐊᕕᒻᒥ  ᐃᖖᑕᕆᔭᐅᓂᖃᕐᑐᒥ  ᑯᐸᐃᑉ  ᑲᕙᒪᖓᑕ  ᐃᓕᓐᓂᐊᓂᓕᕆᕕᖓᓄᑦ;

ᒪᕐᕉᓂᒃ (2)  ᐊᕐᕌᒎᓐᓂᒃ  ᐱᓇᓱᐊᕐᓯᒪᓗᓂ  ᐊᕐᕌᒍᐃᑦ  5  ᐃᓗᐊᓂ  ᐱᓇᓱᐊᕐᓯᒪᓂᖃᕐᓗᓂ  ᑕᒪᒃᑯᓄᖓ  ᐱᔪᓐᓇᐅᑎᐅᒋᐊᓕᓐᓄᑦ  ᐃᓕᖓᔪᓂᒃ;

ᐊᓪᓚᓂᐊᕈᓐᓇᕆᐊᓕᒃ  ᐸᕐᓇᐃᑕᐅᒪᐅᑎᓂᒃ,  ᖃᑦᓯᕌᕐᓂᓴᕐᓅᓕᖓᔪᓂᒃ  ᐊᒻᒪᓗ  ᖃᐅᔨᒪᓗᓂ  ᐊᑦᔨᒌᖏᑐᓂᒃ  ᓴᓇᓂᕐᓅᓕᖓᔪᓂᒃ

 

ᖃᓄᐃᓕᖓᓂᖏᑦ ᐊᒻᒪᓗ ᐃᑲᔪᕐᓯᒍᑎᖏᑦ

ᑮᓇᐅᑦᔭᓵᖏᑦ: $852.60 -ᓂᒃ / ᐱᓇᓱᐊᕈᓯᑕᒫᑦ  ᐱᒋᐊᕐᓱᑎᒃ  $1,188.25 -ᓄᑦ ᐱᓇᓱᐊᕈᓯᑕᒫᑦ  ᑎᑭᑦᑐᑦ
ᐅᖓᓯᑦᑐᒥᐅᖑᓂᕐᒧᑦ:   $203.66 ᐱᓇᓱᐊᕈᓯᑕᒫᑦ  ᐃᓚᒋᑦᑐᑦ  ᖃᑦᓯᐅᓂᖏᑦ  ᒪᓕᓪᓗᒋᑦ
ᐃᓅᓇᓱᐊᕐᓂᒧᑦ  ᐊᑭᑐᔫᓂᒃᓄᑦ:   $61.16 /ᐱᓇᓱᐊᕈᓯᑕᒫᑦ ᐃᓚᒌᑦᑐᑦ  ᖃᑦᓯᐅᓂᖏᑦ  ᒪᓕᓪᓗᒋᑦ
ᐱᓇᓱᒐᕐᒥ  ᐊᑕᑯᑖᑦᑎᓯᒐᓱᐊᕈᑏᒃ:   $114.99 /ᐱᓇᓱᐊᕈᓯᑕᒫᑦ  (ᒫᓐᓇᓯᐅᑎᐅᑎᓪᓗᒍ)


*ᐱᓇᓱᑦᑎᑖᖑᔪᖅ  ᑯᐸᐃᒻᒥᐅᖑᒍᓂ  50-ᓂᒃ  ᑭᓛᒥᑕᓂᒃ  ᐅᖓᓯᓐᓂᖃᑎᓗᒍ ᓄᓇᖓ ᐊᕐᕌᒍᑕᒫᑦ ᐊᓂᕐᕋᑲᐃᓐᓇᖃᑦᑕᓂᕐᒧᑦ  ᖃᖓᑦᑕᐃᓯᕐᑕᐅᖃᑦᑕᕋᔭᕐᑐᖅ  ᐊᓂᕐᕋᖃᕐᑎᑕᐅᓗᓂᓗ  ᐱᓇᓱᕝᕕᒥᓄᑦ  ᐊᓂᕐᕋᖓᑕ  ᖃᓄᐃᓪᓗᐊᓂᕆᒋᐊᓕᖓ  ᓱᖁᐃᑕᐅᒐᔭᕐᑎᓗᒍ  ᐃᓚᖃᕐᓂᖓ  ᒪᓕᓪᓗᒍ.

ᐊᐅᓪᓚᑎᑦᓯᒋᑦ ᐱᓇᓱᒍᒪᐅᑎᓐᓂᑦ

ᐱᓇᓱᒐᕐᑖᕈᒪᐅᑎᑎᑦ  ᒍᐃᒍᐃᑎᑑᕐᑎᓗᒋᑦ  ᖃᓪᓗᓈᑎᑐᓪᓗ  ᐊᐅᓪᓚᑎᓪᓗᒋᑦ  ᐅᕗᖓ:  emploi.cstu@ssss.gouv.qc.ca

ᐊᑦᔨᓕᐅᕆᓂᖅ ᐊᒥᓲᓕᕐᑎᕆᒍᑎᑎᒍᑦ ᐊᐅᓪᓚᑎᑦᓯᒋᑦ ᐱᓇᓱᒐᕐᑖᕈᒪᐅᑎᓐᓂᒃ

Physicians:
Jobs and Internships

View our leaflet

ᐊᓯᖏᑦ ᐱᓇᓱᒉᑦ

ᖃᐅᔨᒋᐊᕆᑦ ᐊᓪᓚᑕᐅᓯᒪᔪᓂᑦ ᐱᓇᓱᒐᕐᓂᑦ ᐊᑐᐃᓐᓇᐅᔪᓂᑦ ᐋᓐᓂᐊᓂᓕᕆᓂᕐᒧᑦ ᐃᓄᓕ3ᓂᕐᒨᖓᖕᖏᑐᓂᑦ
krg.ca/en-CA/employment